ਅਮਰੀਕਾ ‘ਚ ਪੰਜਾਬੀ ਮਹਿਲਾ ਗ੍ਰਿਫ਼ਤਾਰ; 30 ਸਾਲ ਪਹਿਲਾਂ ਗਈ ਸੀ US, ਗ੍ਰੀਨ ਕਾਰਡ ਇੰਟਰਵਿਊ ਦੌਰਾਨ ਹੋਈ ਗ੍ਰਿਫ਼ਤਾਰੀ
ਅਮਰੀਕਾ ਤੋਂ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਜਿੱਥੇ ਭਾਰਤੀ ਮੂਲ ਦੀ 60 ਸਾਲਾ ਮਹਿਲਾ ਨੂੰ ਗ੍ਰੀਨ ਕਾਰਡ ਇੰਟਰਵਿਊ ਦੇ ਆਖ਼ਰੀ ਪੜਾਅ ਦੌਰਾਨ ਹਿਰਾਸਤ ਵਿੱਚ ਲਿਆ ਗਿਆ ਹੈ। ਗ੍ਰਿਫ਼ਤਾਰ ਕੀਤੀ ਗਈ ਮਹਿਲਾ ਪੰਜਾਬ ਦੀ ਰਹਿਣ ਵਾਲੀ...
ਅਮਰੀਕਾ ਵਿੱਚ ਭਾਰਤੀ ਮੂਲ ਦੀ 60 ਸਾਲਾ ਮਹਿਲਾ ਨੂੰ ਗ੍ਰੀਨ ਕਾਰਡ ਇੰਟਰਵਿਊ ਦੇ ਆਖ਼ਰੀ ਪੜਾਅ ਦੌਰਾਨ ਹਿਰਾਸਤ ਵਿੱਚ ਲਿਆ ਗਿਆ ਹੈ। ਗ੍ਰਿਫ਼ਤਾਰ ਕੀਤੀ ਗਈ ਮਹਿਲਾ ਪੰਜਾਬ ਦੀ ਰਹਿਣ ਵਾਲੀ ਹੈ ਅਤੇ ਪਿਛਲੇ 30 ਸਾਲਾਂ ਤੋਂ ਅਮਰੀਕਾ ਵਿੱਚ ਰਹਿ ਰਹੀ ਸੀ। ਇਹ ਕਾਰਵਾਈ ਅਮਰੀਕੀ ਇਮੀਗ੍ਰੇਸ਼ਨ ਅਧਿਕਾਰੀਆਂ ਵੱਲੋਂ ਕੀਤੀ ਗਈ ਹੈ।
ਪੰਜਾਬੀ ਭਾਈਚਾਰੇ ਵਿੱਚ ਰੋਸ
ਬਬਲਜੀਤ ਕੌਰ ਉਰਫ਼ ਬਬਲੀ ਸਾਲ 1994 ਤੋਂ ਅਮਰੀਕਾ ਵਿੱਚ ਰਹਿ ਰਹੀ ਸੀ। ਉਸਦੇ ਲੰਬਿਤ ਗ੍ਰੀਨ ਕਾਰਡ ਅਰਜ਼ੀ ਨਾਲ ਸੰਬੰਧਿਤ ਬਾਇਓਮੈਟ੍ਰਿਕ ਸਕੈਨ ਅਪਾਇੰਟਮੈਂਟ ਦੌਰਾਨ ਫੈਡਰਲ ਏਜੰਟਾਂ ਨੇ ਉਸਨੂੰ ਗ੍ਰਿਫ਼ਤਾਰ ਕਰ ਲਿਆ। ਇਸ ਘਟਨਾ ਤੋਂ ਬਾਅਦ ਪੰਜਾਬੀ ਭਾਈਚਾਰੇ ਵਿੱਚ ਕਾਫ਼ੀ ਰੋਸ ਹੈ।
ਬਬਲੀ ਦੀ ਧੀ ਜੋਤੀ ਨੇ ਦੱਸਿਆ ਕਿ 1 ਦਸੰਬਰ ਨੂੰ ਉਸਦੀ ਮਾਂ ਅਮਰੀਕੀ ਇਮੀਗ੍ਰੇਸ਼ਨ ਐਂਡ ਕਸਟਮਜ਼ ਐਨਫੋਰਸਮੈਂਟ (ICE) ਦੇ ਦਫ਼ਤਰ ਦੇ ਫਰੰਟ ਡੈਸਕ ‘ਤੇ ਮੌਜੂਦ ਸੀ। ਇਸ ਦੌਰਾਨ ਕਈ ਫੈਡਰਲ ਏਜੰਟ ਉੱਥੇ ਪਹੁੰਚ ਗਏ। ਫਿਰ ਜਿਹੜੇ ਕਮਰੇ ਵਿੱਚ ਫੈਡਰਲ ਏਜੰਟ ਗਏ, ਉਸੇ ਕਮਰੇ ਵਿੱਚ ਕੌਰ ਨੂੰ ਵੀ ਬੁਲਾਇਆ ਗਿਆ ਅਤੇ ਉਨ੍ਹਾਂ ਨੂੰ ਦੱਸਿਆ ਗਿਆ ਕਿ ਉਨ੍ਹਾਂ ਨੂੰ ਹਿਰਾਸਤ ਵਿੱਚ ਲਿਆ ਜਾ ਰਿਹਾ ਹੈ।
ਕਈ ਘੰਟਿਆਂ ਤੱਕ ਕੌਰ ਦੇ ਪਰਿਵਾਰ ਨੂੰ ਇਹ ਵੀ ਨਹੀਂ ਦੱਸਿਆ ਗਿਆ ਕਿ ਉਨ੍ਹਾਂ ਨੂੰ ਕਿੱਥੇ ਲੈ ਜਾਇਆ ਗਿਆ ਹੈ। ਬਾਅਦ ਵਿੱਚ ਪਰਿਵਾਰ ਨੂੰ ਪਤਾ ਲੱਗਿਆ ਕਿ ਕੌਰ ਨੂੰ ਰਾਤੋਂ-ਰਾਤ ਐਡੇਲਾਂਟੋ ਤਬਦੀਲ ਕਰ ਦਿੱਤਾ ਗਿਆ, ਜੋ ਪਹਿਲਾਂ ਇੱਕ ਫੈਡਰਲ ਜੇਲ੍ਹ ਸੀ ਅਤੇ ਹੁਣ ਇਸਨੂੰ ICE ਡਿਟੇਂਸ਼ਨ ਸੈਂਟਰ ਵਜੋਂ ਵਰਤਿਆ ਜਾ ਰਿਹਾ ਹੈ। ਫਿਲਹਾਲ ਬਬਲਜੀਤ ਕੌਰ ਨੂੰ ਇੱਥੇ ਹੀ ਹਿਰਾਸਤ ਵਿੱਚ ਰੱਖਿਆ ਗਿਆ ਹੈ।
ਬਬਲਜੀਤ ਕੌਰ ਦਾ ਪਰਿਵਾਰ ਅਮਰੀਕਾ ਪਹੁੰਚਣ ਤੋਂ ਬਾਅਦ ਸਭ ਤੋਂ ਪਹਿਲਾਂ ਲਾਗੂਨਾ ਬੀਚ ਦੇ ਨੇੜੇ ਰਹਿੰਦਾ ਸੀ। ਬਾਅਦ ਵਿੱਚ ਰੋਜ਼ਗਾਰ ਦੇ ਸਿਲਸਿਲੇ ਕਾਰਨ ਉਹ ਬੈਲਮੋਂਟ ਸ਼ੋਰ ਇਲਾਕੇ ਦੇ ਨੇੜੇ ਲਾਂਗ ਬੀਚ ਵੱਸਣ ਲੱਗ ਪਏ। ਦੰਪਤੀ ਦੇ ਤਿੰਨ ਬੱਚੇ ਹਨ, ਜਿਨ੍ਹਾਂ ਵਿੱਚ 34 ਸਾਲਾ ਧੀ ਜੋਤੀ ਸ਼ਾਮਲ ਹੈ, ਜਿਸ ਕੋਲ GSVV ਤਹਿਤ ਕਾਨੂੰਨੀ ਦਰਜਾ ਹੈ, ਜਦਕਿ ਵੱਡਾ ਪੁੱਤਰ ਅਤੇ ਧੀ ਦੋਵੇਂ ਅਮਰੀਕੀ ਨਾਗਰਿਕ ਹਨ। ਪਿਛਲੇ ਦੋ ਦਹਾਕਿਆਂ ਤੋਂ ਵੱਧ ਸਮੇਂ ਤੋਂ ਕੌਰ ਆਪਣੇ ਪਤੀ ਨਾਲ ਮਿਲ ਕੇ ਬੈਲਮੋਂਟ ਸ਼ੋਰ ਦੀ ਸੈਕੰਡ ਸਟ੍ਰੀਟ ‘ਤੇ “ਨਟਰਾਜ ਕਿਊਜ਼ੀਨ ਆਫ਼ ਇੰਡੀਆ ਐਂਡ ਨੇਪਾਲ” ਨਾਮ ਦਾ ਰੈਸਟੋਰੈਂਟ ਚਲਾ ਰਹੀ ਹੈ।
Before You Go
ਪੰਜਾਬ ਬੰਦ ਦਾ ਵੱਡਾ ਅਸਰ! ਹੁਸ਼ਿਆਰਪੁਰ 'ਚ 9 ਤੋਂ 5 ਵਜੇ ਤੱਕ ਸਭ ਕੁਝ ਬੰਦ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
