Internet shut down: ਅਚਾਨਕ ਅੱਧੀ ਦੁਨੀਆਂ 'ਚ ਬੰਦ ਹੋਇਆ ਇੰਟਰਨੈੱਟ, ਚਾਰੇ ਪਾਸੇ ਮਚੀ ਤਰਥੱਲੀ
ਹਾਲਾਂਕਿ Fastly ਨੇ ਆਪਣੇ ਸਟੇਟਸ ਪੇਜ਼ 'ਤੇ ਕਿਹਾ ਹੈ ਕਿ ਕੁਝ ਵੈੱਬਸਾਈਟਾਂ ਹੌਲੀ-ਹੌਲੀ ਆਮ ਵਾਂਗ ਵਾਪਸ ਆ ਰਹੀਆਂ ਹਨ, ਕਿਉਂਕਿ ਸਮੱਸਿਆ ਦਾ ਹੱਲ ਕੀਤਾ ਜਾ ਰਿਹਾ ਹੈ। ਕਲਾਊਡ ਸਰਵਿਸ ਪ੍ਰੋਵਾਈਡਰ ਇਸ ਤਕਨੀਕੀ ਖਾਮੀ ਨੂੰ ਦੂਰ ਕਰਨ ਲਈ ਕੰਮ ਕਰ ਰਹੇ ਹਨ।
ਨਵੀਂ ਦਿੱਲੀ: ਦੁਨੀਆ ਭਰ 'ਚ ਵੱਡੇ ਪੱਧਰ 'ਤੇ ਇੰਨਟਰਨੈੱਟ ਠੱਪ ਹੋਣ ਕਾਰਨ ਤਰਥੱਲੀ ਮੱਚ ਗਈ ਹੈ। ਅਮਰੀਕਾ ਦੀ ਕਲਾਊਡ ਸਰਵਿਸ ਪ੍ਰੋਵਾਈਡਰ ਫਾਸਟਲੀ ਨੇ ਮੰਨਿਆ ਹੈ ਕਿ ਉਸ ਦੇ ਡੀਸੀਐਨ (Content Delivery Network) 'ਚ ਸਮੱਸਿਆ ਆਉਣ ਕਾਰਨ ਇੰਟਰਨੈੱਟ 'ਚ ਤਕਨੀਕੀ ਗੜਬੜੀ ਆਈ, ਜਿਸ ਦਾ ਖਮਿਆਜ਼ਾ ਅੱਧੀ ਦੁਨੀਆਂ ਦੇ ਯੂਜਰਾਂ ਨੂੰ ਭੁਗਤਣਾ ਪਿਆ।
ਖ਼ਬਰਾਂ ਮੁਤਾਬਕ ਬਹੁਤ ਸਾਰੀਆਂ ਪ੍ਰਸਿੱਧ ਵੈਬਸਾਈਟਾਂ ਐਮਾਜ਼ੋਨ, ਰੈਡਿਟ, ਸਪੋਟੀਫਾਈ, ਪੇਪਲ, ਸ਼ੌਪੀਫਾਈ ਠੱਪ ਹੋ ਗਈਆਂ ਸਨ। ਨਿਊਯਾਰਕ ਟਾਈਮਜ਼ (NYT), ਸੀਐਨਐਨ (CNN) ਸਮੇਤ ਵੱਡੀਆਂ ਕੌਮਾਂਤਰੀ ਨਿਊਜ਼ ਵੈੱਬਸਾਈਟ ਅਤੇ ਪੋਰਟਲ ਇਸ ਕਾਰਨ ਡਾਊਨ ਹੋ ਗਏ ਸਨ। ਗਾਰਡੀਅਨ, ਬੀਬੀਸੀ ਤੇ ਫ਼ਾਈਨੈਂਸ਼ਿਅਲ ਟਾਈਮਜ਼ ਵਰਗੀਆਂ ਸਾਈਟਾਂ ਨੂੰ ਵੀ ਇਸ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ। ਇੰਟਰਨੈੱਟ ਉੱਤੇ ਤਕਨੀਕੀ ਸਮੱਸਿਆਵਾਂ 'ਤੇ ਨਜ਼ਰ ਰੱਖਣ ਵਾਲੀ ਡਾਊਨਡਿਟੈਕਟਰ ਦਾ ਕਹਿਣਾ ਹੈ ਕਿ ਸੈਂਕੜੇ ਯੂਜਰਾਂ ਨੇ ਇਸ ਬਾਰੇ ਆਪਣੇ ਤਜ਼ਰਬੇ ਸਾਂਝੇ ਕੀਤੇ ਸਨ।
ਸੀਡੀਐਨ ਮਤਲਬ ਕੰਟੈਂਟ ਡਿਲੀਵਰੀ ਨੈਟਵਰਕ ਨੂੰ ਇੰਟਰਨੈੱਟ ਢਾਂਚੇ ਦਾ ਬੁਨਿਆਦੀ ਹਿੱਸਾ ਮੰਨਿਆ ਜਾਂਦਾ ਹੈ। ਫਾਸਟਲੀ ਜਿਹੀ ਕੰਪਨੀਆਂ ਸਰਵਰ ਦੇ ਗਲੋਬਲ ਨੈਟਵਰਕਸ ਰਾਹੀਂ ਆਪਣੀਆਂ ਵੈੱਬ ਸੇਵਾਵਾਂ ਨੂੰ ਬਿਹਤਰ ਬਣਾਉਂਦੀਆਂ ਹਨ। ਉਦਾਹਰਣ ਲਈ ਮੀਡੀਆ ਕੰਟੈਂਟ ਨੂੰ ਤੁਹਾਡੇ ਸਥਾਨਕ ਸੀਡੀਐਨ ਸਰਵਰ ਰਾਹੀਂ ਇਕੱਤਰ ਕਰ ਲਿਆ ਜਾਂਦਾ ਹੈ ਤੇ ਤੁਹਾਨੂੰ ਹਰ ਵਾਰ ਵੈੱਬ ਪੇਜ਼ ਲੋਡ ਕਰਨ ਲਈ ਮੂਲ ਸਰਵਰ 'ਤੇ ਜਾਣ ਦੀ ਜ਼ਰੂਰਤ ਨਹੀਂ ਪੈਂਦੀ। ਇਹ ਵੈੱਬ ਪੇਜ਼ ਨੂੰ ਘੱਟ ਸਮੇਂ ਵਿੱਚ ਲੋਡ ਕਰਨ ਦੀ ਮਨਜ਼ੂਰੀ ਦਿੰਦਾ ਹੈ ਅਤੇ ਵੈੱਬਸਾਈਟ 'ਤੇ ਭਾਰੀ ਟ੍ਰੈਫਿਕ ਦੇ ਬਾਵਜੂਦ ਕ੍ਰੈਸ਼ ਹੋਣ ਦੇ ਜ਼ੋਖ਼ਮ ਨੂੰ ਘਟਾਉਂਦਾ ਹੈ।
BBC ਅਨੁਸਾਰ ਐਮਾਜ਼ੋਨ (Amazon) , ਰੈਡਿਟ (Reddit), Pinterest ਤੇ ਟਵਿੱਚ (Twitch), ਵਰਗੀਆਂ ਵੱਡੀਆਂ ਵੈੱਬਸਾਈਟਾਂ ਵੀ ਕੰਮ ਨਹੀਂ ਕਰ ਪਾ ਰਹੀਆਂ ਹਨ। ਬ੍ਰਿਟਿਸ਼ ਸਰਕਾਰ ਦੀ ਵੈੱਬਸਾਈਟ gov.uk ਵੀ ਠੱਪ ਹੈ। ਜਿਨ੍ਹਾਂ ਵੈੱਬਸਾਈਟਾਂ 'ਤੇ ਇਹ ਪ੍ਰੇਸ਼ਾਨੀ ਆ ਰਹੀ ਹੈ, ਉਨ੍ਹਾਂ 'ਚ 'Error 503 Service Unavailable' ਵਿਖਾਈ ਦੇ ਰਿਹਾ ਹੈ। ਫਾਸਟਲੀ ਦਾ ਕਹਿਣਾ ਹੈ ਕਿ ਉਹ ਗਲੋਬਲ ਕੰਟੈਂਟ ਡਿਲੀਵਰੀ ਨੈਟਵਰਕ 'ਚ ਆਈ ਪ੍ਰੇਸ਼ਾਨੀ ਨੂੰ ਦੂਰ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਹਾਲਾਂਕਿ ਇਹ ਸਮੱਸਿਆ ਕਿਉਂ ਆਈ ਹੈ, ਸ ਬਾਰੇ ਹਾਲੇ ਕੁਝ ਕਹਿਣਾ ਮੁਸ਼ਕਲ ਹੈ। ਕਿਸੇ ਸਾਈਬਰ ਹਮਲੇ ਜਾਂ ਹੋਰ ਬਾਹਰੀ ਦਖਲਅੰਦਾਜ਼ੀ ਬਾਰੇ ਅਜੇ ਕੁਝ ਨਹੀਂ ਕਿਹਾ ਗਿਆ ਹੈ।
ਹਾਲਾਂਕਿ Fastly ਨੇ ਆਪਣੇ ਸਟੇਟਸ ਪੇਜ਼ 'ਤੇ ਕਿਹਾ ਹੈ ਕਿ ਕੁਝ ਵੈੱਬਸਾਈਟਾਂ ਹੌਲੀ-ਹੌਲੀ ਆਮ ਵਾਂਗ ਵਾਪਸ ਆ ਰਹੀਆਂ ਹਨ, ਕਿਉਂਕਿ ਸਮੱਸਿਆ ਦਾ ਹੱਲ ਕੀਤਾ ਜਾ ਰਿਹਾ ਹੈ। ਕਲਾਊਡ ਸਰਵਿਸ ਪ੍ਰੋਵਾਈਡਰ ਇਸ ਤਕਨੀਕੀ ਖਾਮੀ ਨੂੰ ਦੂਰ ਕਰਨ ਲਈ ਕੰਮ ਕਰ ਰਹੇ ਹਨ। ਬੀਬੀਸੀ ਦੇ ਅਨੁਸਾਰ ਇਹ ਇੰਟਰਨੈਟ ਦੀ ਸਮੱਸਿਆ ਸਥਾਨਕ ਜਾਪਦੀ ਹੈ, ਜਿਸ ਕਾਰਨ ਇਸ ਦਾ ਪ੍ਰਭਾਵ ਸਿਰਫ਼ ਯੂਰਪ ਅਤੇ ਅਮਰੀਕਾ 'ਚ ਹੀ ਵੇਖਣ ਨੂੰ ਮਿਲਿਆ ਹੈ।
ਇਸ ਦਾ ਪ੍ਰਭਾਵ ਐਮਾਜ਼ੋਨ ਵੈੱਬ ਸਰਵਿਸਿਜ਼ 'ਤੇ ਵੀ ਵੇਖਿਆ ਗਿਆ ਹੈ। ਟਵਿੱਟਰ 'ਤੇ ਕੁਝ ਮਾਹਰਾਂ ਨੇ ਇੰਟਰਨੈੱਟ ਦੇ ਪੂਰੇ ਬੁਨਿਆਦੀ ਢਾਂਚੇ 'ਤੇ ਸਿਰਫ ਕੁਝ ਕੁ ਚੋਣ ਕੰਪਨੀਆਂ ਦੇ ਹੱਥ ਹੋਣ ਦਾ ਸਵਾਲ ਵੀ ਚੁੱਕਿਆ। ਉਹ ਕਹਿੰਦੇ ਹਨ ਕਿ ਕਿਸੇ ਵੀ ਸਮੇਂ ਇਕ ਛੋਟੀ ਜਿਹੀ ਸਮੱਸਿਆ ਗੰਭੀਰ ਰੂਪ ਧਾਰ ਲੈਂਦੀ ਹੈ।
ਇਹ ਵੀ ਪੜ੍ਹੋ: Trust Funds: ਚੰਦਾ ਲੈਣ 'ਚ ਭਾਜਪਾ ਨੇ ਸਭ ਨੂੰ ਪਛਾੜਿਆ, 276.45 ਕਰੋੜ ਰੁਪਏ ਮਿਲਿਆ ਦਾਨ, ਬਾਕੀ ਪਾਰਟੀਆਂ ਦਾ ਰਿਹਾ ਇਹ ਹਾਲ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
