ਟਰੰਪ ਦੇ ਹੋਟਲ 'ਚ 12 ਸਾਲ ਤੋਂ ਕੰਮ ਕਰ ਮਹਿਲਾ ਨੇ ਕਮਲਾ ਹੈਰਿਸ ਲਈ ਕੀਤਾ ਚੋਣ ਪ੍ਰਚਾਰ, ਹੁਣ ਮਿਲੇਗੀ ਕੀ ਸਜ਼ਾ?
American Presidential Election Result 2024: ਅਮਰੀਕਾ ਵਿੱਚ ਰਾਸ਼ਟਰਪਤੀ ਦੇ ਅਹੁਦੇ ਲਈ ਚੋਣਾਂ ਹੋਈਆਂ ਹਨ। ਦੋਵਾਂ ਉਮੀਦਵਾਰਾਂ ਨੇ ਇੱਕ ਦੂਜੇ ਨੂੰ ਸਖ਼ਤ ਟੱਕਰ ਦਿੱਤੀ। ਹੁਣ ਇਹ ਤੈਅ ਹੈ ਕਿ ਟਰੰਪ ਅਮਰੀਕਾ ਦੇ ਅਗਲੇ ਰਾਸ਼ਟਰਪਤੀ ਬਣ ਰਹੇ ਹਨ।
US Election 2024 : ਅਮਰੀਕਾ ਵਿੱਚ ਰਾਸ਼ਟਰਪਤੀ ਚੋਣ ਲਈ ਵੋਟਾਂ ਦੀ ਗਿਣਤੀ ਜਾਰੀ ਹੈ। ਹਾਲਾਂਕਿ ਹੁਣ ਤਸਵੀਰ ਸਾਫ਼ ਹੋ ਗਈ ਹੈ ਕਿ ਟਰੰਪ ਅਮਰੀਕਾ ਦੇ ਅਗਲੇ ਰਾਸ਼ਟਰਪਤੀ ਹੋਣਗੇ। ਇਸ ਦੌਰਾਨ ਇਕ ਔਰਤ ਦੀ ਕਹਾਣੀ ਕਾਫੀ ਵਾਇਰਲ ਹੋ ਰਹੀ ਹੈ। ਡੋਨਾਲਡ ਟਰੰਪ ਦੇ ਹੋਟਲ 'ਚ ਕੰਮ ਕਰਨ ਵਾਲੀ ਮਾਰੀਸੇਲਾ ਓਲਵੇਰਾ ਨੂੰ ਉੱਤਰੀ ਲਾਸ ਵੇਗਾਸ 'ਚ ਲੋਕਾਂ ਦੇ ਘਰਾਂ 'ਚ ਜਾ ਕੇ ਟਰੰਪ ਦੀ ਵਿਰੋਧੀ ਕਮਲਾ ਹੈਰਿਸ ਲਈ ਵੋਟ ਮੰਗਦੇ ਦੇਖਿਆ ਗਿਆ। ਹੁਣ ਟਰੰਪ ਦੀ ਜਿੱਤ ਹੋ ਗਈ ਹੈ ਅਤੇ ਸਵਾਲ ਉੱਠ ਰਿਹਾ ਹੈ ਕਿ ਉਸ ਔਰਤ ਦਾ ਕੀ ਹੋਵੇਗਾ। ਕੀ ਉਸ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਜਾਵੇਗਾ?
ਕੀ ਹੈ ਪੂਰਾ ਮਾਮਲਾ
ਲਾਸ ਏਂਜਲਸ ਟਾਈਮਜ਼ ਦੇ ਮੁਤਾਬਕ, ਕਿਊਲਿਨਰੀ ਵਰਕਰਜ਼ ਯੂਨੀਅਨ ਦੀ ਮੈਂਬਰ ਮਾਰੀਸੇਲਾ ਓਲਵੇਰਾ 12 ਸਾਲਾਂ ਤੋਂ ਅਮਰੀਕੀ ਚੋਣਾਂ ਵਿੱਚ ਰਿਪਬਲਿਕਨ ਪਾਰਟੀ ਦੇ ਉਮੀਦਵਾਰ ਅਤੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਹੋਟਲ ਵਿੱਚ ਕੰਮ ਕਰ ਰਹੀ ਹੈ। ਮਾਰੀਸੇਲਾ ਚੋਣਾਂ ਤੋਂ ਇੱਕ ਦਿਨ ਪਹਿਲਾਂ ਲੋਕਾਂ ਨਾਲ ਗੱਲਬਾਤ ਕਰ ਰਹੀ ਸੀ। ਹਾਲਾਂਕਿ, ਮਾਰੀਸੇਲਾ ਆਪਣੇ ਬੌਸ ਡੋਨਾਲਡ ਟਰੰਪ ਨੂੰ ਨਹੀਂ ਬਲਕਿ ਉਨ੍ਹਾਂ ਦੀ ਵਿਰੋਧੀ ਕਮਲਾ ਹੈਰਿਸ ਨੂੰ ਵੋਟ ਦੇਣ ਦੀ ਗੱਲ ਕਰ ਰਹੀ ਸੀ।
ਮਾਰੀਸੇਵਾ ਓਲਵੇਰਾ ਨੇ ਕਮਲਾ ਹੈਰਿਸ ਬਾਰੇ ਕੀ ਕਿਹਾ
52 ਸਾਲਾ ਓਲਵੇਰਾ ਨੇ ਲਾਸ ਏਂਜਲਸ ਟਾਈਮਜ਼ ਨੂੰ ਦੱਸਿਆ, 'ਕਮਲਾ ਹੈਰਿਸ ਜ਼ਮੀਨ ਤੋਂ ਉੱਠ ਕੇ ਇਸ ਮੁਕਾਮ 'ਤੇ ਪਹੁੰਚੀ ਹੈ। ਉਸਨੇ ਉਹ ਸਭ ਕੁਝ ਹਾਸਲ ਕੀਤਾ ਜੋ ਉਸਨੂੰ ਇੱਕ ਵਕੀਲ, ਇੱਕ ਉਪ ਰਾਸ਼ਟਰਪਤੀ ਬਣ ਕੇ ਕਰਨਾ ਚਾਹੀਦਾ ਸੀ ਅਤੇ ਹੁਣ ਉਹ ਭਵਿੱਖ ਦੀ ਰਾਸ਼ਟਰਪਤੀ ਵੀ ਹੋ ਸਕਦੀ ਹੈ, ਅਤੇ ਮੈਂ ਚਾਹੁੰਦੀ ਹਾਂ ਕਿ ਮੇਰੇ ਬੱਚੇ ਇਹ ਦੇਖਣ ਕਿ ਇਸ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਤੁਸੀਂ ਕਿੰਨੇ ਨਿਮਰ ਹੋ, ਤੁਸੀਂ ਕਿੱਥੋਂ ਆਏ ਹੋ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਤੁਸੀਂ ਸੰਯੁਕਤ ਰਾਜ ਅਮਰੀਕਾ ਵਰਗੇ ਵਿਸ਼ੇਸ਼ ਅਧਿਕਾਰ ਵਾਲੇ ਦੇਸ਼ ਵਿੱਚ ਪੈਦਾ ਹੋਏ ਹੋ।'
14 ਸਾਲ ਦੀ ਉਮਰ ਵਿੱਚ ਸੇਨੀਲਾਸ ਚਲੀ ਗਈ ਸੀ ਓਲਵੇਰਾ
14 ਸਾਲ ਦੀ ਉਮਰ ਵਿੱਚ ਮਾਰੀਸੇਲਾ ਓਲਵੇਰਾ ਆਪਣੇ ਮਾਤਾ-ਪਿਤਾ ਨਾਲ ਮੈਕਸੀਕਨ ਰਾਜ ਗੁਆਨਾਜੁਆਟੋ ਤੋਂ ਸੇਲੀਨਾਸ ਚਲੀ ਗਈ ਸੀ, ਜਿੱਥੇ ਉਸਦੇ ਪਿਤਾ ਇੱਕ ਬ੍ਰੇਸਰੋ ਸਨ। ਜਿਸ ਤੋਂ ਬਾਅਦ ਉਹ 2010 'ਚ ਆਪਣੇ ਦੋ ਪੁੱਤਰਾਂ ਨਾਲ ਲਾਸ ਵੇਗਾਸ ਚਲੀ ਗਈ ਅਤੇ ਉੱਥੇ ਦੋ ਸਾਲ ਬਾਅਦ ਉਸ ਨੂੰ ਟਰੰਪ ਦੇ ਹੋਟਲ 'ਚ ਨੌਕਰੀ 'ਤੇ ਰੱਖਿਆ ਗਿਆ।ਅਮਰੀਕੀ ਚੋਣਾਂ ਵਿੱਚ ਵੋਟ ਨਾ ਪਾਉਣ ਦੇ ਬਾਵਜੂਦ ਉਹ ਨੇਵਾਦਾ ਵਿੱਚ ਕਮਲਾ ਹੈਰਿਸ ਲਈ ਪ੍ਰਚਾਰ ਕਰ ਰਹੀ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
