ਤੇਜ਼ੀ ਨਾਲ ਵੱਧ ਰਿਹਾ ਸਦੀ ਦਾ ਸਭ ਤੋਂ ਵੱਡਾ ਤੂਫਾਨ, ਮਚੇਗੀ ਤਬਾਹੀ, 50 ਲੱਖ ਲੋਕਾਂ ਨੂੰ ਸਰਕਾਰ ਨੇ ਕੀਤੀ ਆਹ ਅਪੀਲ
Hurricane Milton: ਇਹ ਤੂਫ਼ਾਨ ਅਮਰੀਕਾ ਦੇ ਫਲੋਰੀਡਾ ਵਿੱਚ ਆਇਆ ਹੈ। ਉਥੇ ਐਮਰਜੈਂਸੀ ਮੈਨੇਜਮੈਂਟ ਡਿਵੀਜ਼ਨ ਨੇ ਚੇਤਾਵਨੀ ਦਿੱਤੀ ਹੈ ਕਿ ਤੂਫ਼ਾਨ ਕਾਰਨ ਤੇਜ਼ ਹਵਾਵਾਂ ਅਤੇ ਤੂਫ਼ਾਨੀ ਲਹਿਰਾਂ ਸਮੱਸਿਆਵਾਂ ਪੈਦਾ ਕਰ ਸਕਦੀਆਂ ਹਨ।
Hurricane Milton: ਫਲੋਰੀਡਾ ਦੇ ਕਈ ਇਲਾਕਿਆਂ ਵਿਚ ਤੂਫਾਨ ਮਿਲਟਨ ਨੇ ਤਬਾਹੀ ਮਚਾਈ ਹੋਈ ਹੈ। ਇੱਥੇ ਤਿੰਨ ਮਿੰਟਾਂ ਵਿੱਚ 16 ਇੰਚ ਮੀਂਹ ਪਿਆ। ਹਰੀਕੇਨ ਮਿਲਟਨ ਨਾਮ ਦਾ ਇਹ ਤੂਫਾਨ ਵੀਰਵਾਰ ਸਵੇਰੇ ਅਮਰੀਕੀ ਸੂਬੇ ਫਲੋਰਿਡਾ ਦੇ ਸੀਏਸਟਾ ਦੇ ਸ਼ਹਿਰ ਦੇ ਤਟ ਨਾਲ ਟਕਰਾਇਆ। ਇਸ ਸਬੰਧ ਵਿੱਚ, ਅਮਰੀਕੀ ਰਾਸ਼ਟਰਪਤੀ ਜੋ ਬਿਡੇਨ ਨੇ ਸੋਮਵਾਰ (7 ਅਕਤੂਬਰ 2024) ਨੂੰ ਫਲੋਰੀਡਾ ਵਿੱਚ ਐਮਰਜੈਂਸੀ ਦੀ ਘੋਸ਼ਣਾ ਨੂੰ ਮਨਜ਼ੂਰੀ ਦੇ ਦਿੱਤੀ ਸੀ, ਜੋ ਕਿ ਅਜੇ ਵੀ ਤੂਫਾਨ ਹੈਲੇਨ ਦੇ ਪ੍ਰਭਾਵਾਂ ਤੋਂ ਉਭਰ ਰਿਹਾ ਹੈ।
ਰਾਸ਼ਟਰਪਤੀ ਜੋ ਬਿਡੇਨ ਨੇ ਜਰਮਨੀ ਅਤੇ ਅੰਗੋਲਾ ਦੀ ਯੋਜਨਾਬੱਧ ਯਾਤਰਾ ਨੂੰ ਮੁਲਤਵੀ ਕੀਤਾ ਅਤੇ ਇਸ ਦੀ ਬਜਾਏ ਫਲੋਰੀਡਾ ਵਿੱਚ ਹਰੀਕੇਨ ਮਿਲਟਨ ਦੀਆਂ ਤਿਆਰੀਆਂ 'ਤੇ ਧਿਆਨ ਕੇਂਦਰਿਤ ਕਰਨ ਦਾ ਫੈਸਲਾ ਕੀਤਾ ਹੈ। ਫਲੋਰੀਡਾ ਦੇ ਪੱਛਮੀ ਤੱਟ 'ਤੇ 5 ਮਿਲੀਅਨ ਤੋਂ ਵੱਧ ਨਿਵਾਸੀਆਂ ਨੂੰ ਸੰਘਣੀ ਆਬਾਦੀ ਵਾਲੇ ਤੱਟਵਰਤੀ ਖੇਤਰ ਨੂੰ ਛੱਡਣ ਦੀ ਅਪੀਲ ਕੀਤੀ ਗਈ। ਇਸ ਦੌਰਾਨ ਮਿਲਟਨ ਮੁੜ ਤੇਜ਼ ਹੋ ਗਿਆ ਅਤੇ ਕੇਂਦਰ ਵਿੱਚ ਲਗਭਗ 270 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਲਗਾਤਾਰ ਹਵਾਵਾਂ ਦੇ ਨਾਲ, ਸ਼੍ਰੇਣੀ 5, ਸਭ ਤੋਂ ਉੱਚੇ ਦਰਜੇ 'ਤੇ ਪਹੁੰਚ ਗਿਆ।
ਇਹ ਵੀ ਪੜ੍ਹੋ: ਮੋਦੀ ਸਰਕਾਰ ਨੇ ਇੰਨੇ ਸਮੇਂ ਲਈ ਵਧਾਈ ਫ੍ਰੀ ਰਾਸ਼ਨ ਵਾਲੀ ਸਕੀਮ, ਜਾਣੋ ਕਦੋਂ ਅਤੇ ਕਿਵੇਂ ਮਿਲਦਾ ਇਸ ਦਾ ਫਾਇਦਾ
ਸਿਨਹੂਆ ਸਮਾਚਾਰ ਏਜੰਸੀ ਦੀ ਰਿਪੋਰਟ ਦੇ ਅਨੁਸਾਰ, ਰਾਜ ਦੀਆਂ 20 ਤੋਂ ਵੱਧ ਕਾਉਂਟੀਆਂ ਨੇ ਲਾਜ਼ਮੀ ਅਤੇ ਸਵੈਇੱਛਤ ਨਿਕਾਸੀ ਦੇ ਆਦੇਸ਼ ਜਾਰੀ ਕੀਤੇ ਹਨ। ਅਧਿਕਾਰੀਆਂ ਨੇ ਨਿਕਾਸੀ ਦੇ ਹੁਕਮਾਂ ਤਹਿਤ ਆਉਣ ਵਾਲੇ ਲੋਕਾਂ ਨੂੰ ਸਖ਼ਤ ਚੇਤਾਵਨੀ ਜਾਰੀ ਕੀਤੀ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਜਾਨਲੇਵਾ ਤੂਫਾਨ ਮੈਕਸੀਕੋ ਦੀ ਪੂਰਬੀ ਖਾੜੀ ਤੋਂ ਹੋ ਕੇ ਫਲੋਰੀਡਾ ਪਹੁੰਚੇਗਾ। ਅਮਰੀਕਾ ਦੇ ਰਾਸ਼ਟਰੀ ਮੌਸਮ ਸੇਵਾ ਦੇ ਰਾਸ਼ਟਰੀ ਤੂਫਾਨ ਕੇਂਦਰ ਨੇ ਫਲੋਰਿਡਾ ਨਿਵਾਸੀਆਂ ਨੂੰ ਆਪਣੀਆਂ ਤਿਆਰੀਆਂ ਪੂਰੀਆਂ ਕਰਨ ਦੀ ਅਪੀਲ ਕੀਤੀ ਹੈ, ਕਿਉਂਕਿ ਇਸਦੀ ਸਥਿਤੀ ਹੌਲੀ-ਹੌਲੀ ਵਿਗੜਦੀ ਜਾਵੇਗੀ।
ਫਲੋਰਿਡਾ ਦੇ ਗਵਰਨਰ ਰੋਨ ਡੇਸੇਂਟਿਸ ਨੇ ਟਵਿੱਟਰ 'ਤੇ ਲਿਖਿਆ, "ਹੁਣ ਸਮਾਂ ਆ ਗਿਆ ਹੈ ਤੁਸੀਂ ਆਪਣੇ ਪਲਾਨ 'ਤੇ ਕੰਮ ਕਰੋ ਅਤੇ ਆਪਣੇ ਸਥਾਨਕ ਅਧਿਕਾਰੀਆਂ ਤੋਂ ਪ੍ਰਾਪਤ ਹੋਏ ਨਿਕਾਸੀ ਆਦੇਸ਼ਾਂ ਦੀ ਪਾਲਣਾ ਕਰੋ। ਤੁਹਾਡਾ ਘਰ ਦੁਬਾਰਾ ਬਣਾਇਆ ਜਾ ਸਕਦਾ ਹੈ, ਪਰ ਅਸੀਂ ਤੂਫਾਨ ਵਿੱਚ ਗਈਆਂ ਜਾਨਾਂ ਦੀ ਭਰਪਾਈ ਨਹੀਂ ਕਰ ਸਕਦੇ।"
ਫਲੋਰੀਡਾ ਡਿਵੀਜ਼ਨ ਆਫ ਐਮਰਜੈਂਸੀ ਮੈਨੇਜਮੈਂਟ ਨੇ ਐਕਸ 'ਤੇ ਚੇਤਾਵਨੀ ਦਿੱਤੀ ਸੀ ਕਿ ਇਸ ਤੂਫਾਨ ਕਾਰਨ ਕਈ ਮੌਸਮੀ ਸਮੱਸਿਆਵਾਂ ਹੋਣ ਦਾ ਡਰ ਹੈ, ਜਿਵੇਂ ਕਿ ਤੇਜ਼ ਹਵਾਵਾਂ, ਘਾਤਕ ਤੂਫਾਨ ਅਤੇ ਭਾਰੀ ਬਾਰਿਸ਼। ਹੁਣ ਇਸ ਤੂਫਾਨ ਦੇ ਕਾਰਨ ਫਲੋਰੀਡਾ ਦੇ ਵੱਡੇ ਹਿੱਸੇ ਵਿੱਚ 32 ਲੱਖ ਤੋਂ ਵੱਧ ਘਰਾਂ ਦੀ ਬਿਜਲੀ ਸਪਲਾਈ ਠੱਪ ਹੋ ਗਈ।
ਇਹ ਵੀ ਪੜ੍ਹੋ: Covid ਹੋਣ ਤੋਂ ਤਿੰਨ ਸਾਲ ਬਾਅਦ ਵੀ ਆ ਸਕਦਾ ਹਾਰਟ ਅਟੈਕ! ਰਿਸਰਚ 'ਚ ਹੋਇਆ ਵੱਡਾ ਖੁਲਾਸਾ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
