Share Market: ਅਡਾਨੀ, ਅੰਬਾਨੀ ਜਾਂ ਟਾਟਾ ਨੂੰ ਨਹੀਂ, ਸਗੋਂ ਇਨ੍ਹਾਂ ਕੰਪਨੀਆਂ ਨੂੰ ਹੋਇਆ ਸਭ ਤੋਂ ਜ਼ਿਆਦਾ ਫਾਇਦਾ

Group with Highest MCap Addition: ਮੌਜੂਦਾ ਵਿੱਤੀ ਸਾਲ ਦੌਰਾਨ, ਸੈਂਸੈਕਸ ਅਤੇ ਨਿਫਟੀ ਵਰਗੇ ਸੂਚਕਾਂਕ ਵਿੱਚ 30 ਪ੍ਰਤੀਸ਼ਤ ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਇਸ ਦੌਰਾਨ ਵੱਖ-ਵੱਖ ਕਾਰੋਬਾਰੀ ਘਰਾਣਿਆਂ ਨੂੰ ਵੀ ਕਾਫੀ ਫਾਇਦਾ ਹੋਇਆ ਹੈ।

Share Market

ਹੁਣ ਚਾਲੂ ਵਿੱਤੀ ਸਾਲ ਵਿੱਚ ਸਿਰਫ਼ ਇੱਕ ਹਫ਼ਤਾ ਬਾਕੀ ਹੈ। ਜਦੋਂ ਅਗਲੇ ਹਫਤੇ ਸੋਮਵਾਰ ਨੂੰ ਬਾਜ਼ਾਰ ਖੁੱਲ੍ਹਦਾ ਹੈ, ਤਾਂ ਕੈਲੰਡਰ 'ਤੇ ਮਿਤੀ 1 ਅਪ੍ਰੈਲ ਹੋਵੇਗੀ, ਜੋ ਕਿ ਨਵੇਂ ਵਿੱਤੀ ਸਾਲ 2024-25 ਦਾ ਪਹਿਲਾ ਦਿਨ ਹੋਵੇਗਾ।

ਅਗਲੇ ਹਫਤੇ ਸੋਮਵਾਰ ਨੂੰ ਹੋਲੀ ਦੀ ਛੁੱਟੀ ਹੈ, ਜਦੋਂ ਕਿ ਸ਼ੁੱਕਰਵਾਰ ਨੂੰ ਗੁੱਡ ਫਰਾਈਡੇ ਦੇ ਮੌਕੇ 'ਤੇ ਬਾਜ਼ਾਰ ਬੰਦ ਰਹਿਣਗੇ। ਇਸ ਤੋਂ ਬਾਅਦ ਵਿੱਤੀ ਸਾਲ ਦੇ ਆਖਰੀ ਦੋ ਦਿਨ ਸ਼ਨੀਵਾਰ ਅਤੇ ਐਤਵਾਰ ਨੂੰ ਬਾਜ਼ਾਰ ਬੰਦ ਰਹੇਗਾ।

ਮੌਜੂਦਾ ਵਿੱਤੀ ਸਾਲ 'ਚ ਪ੍ਰਮੁੱਖ ਕਾਰਪੋਰੇਟ ਸਮੂਹਾਂ ਦੇ ਮੁੱਲ 'ਚ ਕਾਫੀ ਵਾਧਾ ਹੋਇਆ ਹੈ। ਇਸ ਦੌਰਾਨ ਮੁਕੇਸ਼ ਅੰਬਾਨੀ ਦੀ ਰਿਲਾਇੰਸ ਗਰੁੱਪ ਦੀਆਂ ਕੰਪਨੀਆਂ ਦਾ ਮਾਰਕੀਟ ਕੈਪ 37 ਫੀਸਦੀ ਵਧਿਆ ਹੈ।

ਮੌਜੂਦਾ ਵਿੱਤੀ ਸਾਲ 'ਚ ਮਹਿੰਦਰਾ ਗਰੁੱਪ ਦਾ ਐੱਮਕੈਪ 38 ਫੀਸਦੀ ਵਧਿਆ ਹੈ, ਜਦਕਿ ਜਿੰਦਲ ਗਰੁੱਪ ਦਾ ਐੱਮਕੈਪ 47 ਫ਼ੀਸਦੀ ਵਧਿਆ ਹੈ। ਉਨ੍ਹਾਂ ਦਾ ਐਮਕੈਪ ਕ੍ਰਮਵਾਰ 4.06 ਲੱਖ ਕਰੋੜ ਰੁਪਏ ਅਤੇ 4.6 ਲੱਖ ਕਰੋੜ ਰੁਪਏ ਹੋ ਗਿਆ ਹੈ।

ਐਲ ਐਂਡ ਟੀ ਗਰੁੱਪ ਦਾ ਐਮਕੈਪ 47 ਫੀਸਦੀ ਵਧ ਕੇ 7.3 ਲੱਖ ਕਰੋੜ ਰੁਪਏ, ਟਾਟਾ ਗਰੁੱਪ ਦਾ ਐਮਕੈਪ 47 ਫੀਸਦੀ ਵਧ ਕੇ 30.2 ਲੱਖ ਕਰੋੜ ਰੁਪਏ ਅਤੇ ਅਡਾਨੀ ਗਰੁੱਪ ਦਾ ਐਮਕੈਪ 58 ਫੀਸਦੀ ਵਧ ਕੇ 13.3 ਲੱਖ ਕਰੋੜ ਰੁਪਏ ਹੋ ਗਿਆ ਹੈ।

ਆਰਪੀਜੀ ਗਰੁੱਪ ਦਾ ਐਮਕੈਪ 70 ਫੀਸਦੀ ਵਧ ਕੇ 42,683 ਕਰੋੜ ਰੁਪਏ ਹੋ ਗਿਆ ਹੈ। ਜਦੋਂ ਕਿ ਸੰਜੀਵ ਗੋਇਨਕਾ ਗਰੁੱਪ ਦਾ ਐਮਕੈਪ ਸਭ ਤੋਂ ਵੱਧ 71 ਫੀਸਦੀ ਵਧ ਕੇ 45,358 ਕਰੋੜ ਰੁਪਏ ਹੋ ਗਿਆ ਹੈ।