Cello World: ਪ੍ਰਦੀਪ ਰਾਠੌਰ ਬਣੇ ਦੇਸ਼ ਦੇ ਨਵੇਂ ਅਰਬਪਤੀ, IPO ਨੇ ਮਚਾਈ ਧੂਮ

Newest billionaire: ਕੰਪਨੀ ਦੇ ਚੇਅਰਮੈਨ ਅਤੇ ਐਮਡੀ ਪ੍ਰਦੀਪ ਘਿਸੁਲਾਲ ਰਾਠੌਰ, ਸੇਲੋ ਵਰਲਡ ਦੇ ਆਈਪੀਓ ਦੀ ਸਫਲਤਾ ਹਾਸਲ ਕਰਕੇ ਅਰਬਪਤੀਆਂ ਦੇ ਕਲੱਬ ਵਿੱਚ ਸ਼ਾਮਲ ਹੋਣ ਵਾਲੇ ਸਭ ਤੋਂ ਨਵੇਂ ਭਾਰਤੀ ਬਣ ਗਏ ਹਨ।

Pradeep Rathore

Newest billionaire: ਸਟਾਕ ਮਾਰਕੀਟ 'ਤੇ Cello World ਦੇ IPO ਦੀ ਧਮਾਕੇਦਾਰ ਐਂਟਰੀ ਨੇ ਦੇਸ਼ ਨੂੰ ਇੱਕ ਨਵਾਂ ਅਰਬਪਤੀ ਦਿੱਤਾ ਹੈ। ਕੈਸਰੋਲ ਕਿੰਗ (Casserole King) ਵਜੋਂ ਜਾਣੇ ਜਾਂਦੇ ਪ੍ਰਦੀਪ ਰਾਠੌਰ ਅਰਬਪਤੀਆਂ ਦੀ ਸੂਚੀ ਵਿੱਚ ਸ਼ਾਮਲ ਹੋਣ ਵਾਲੇ ਸਭ ਤੋਂ ਨਵੇਂ ਕਾਰੋਬਾਰੀ ਬਣ ਗਏ ਹਨ। ਸ਼ੁੱਕਰਵਾਰ ਨੂੰ ਕੰਪਨੀ ਦੇ ਸ਼ੇਅਰ 788.40 ਰੁਪਏ 'ਤੇ ਬੰਦ ਹੋਏ। ਇਸ ਦੇ ਨਾਲ ਹੀ ਸੈਲੋ ਵਰਲਡ ਦੀ ਮਾਰਕਿਟ ਵੈਲਿਊ 16732.29 ਕਰੋੜ ਰੁਪਏ ਹੋ ਗਈ ਹੈ।

ਪ੍ਰਦੀਪ ਰਾਠੌਰ ਅਤੇ ਉਨ੍ਹਾਂ ਦੇ ਪਰਿਵਾਰ ਦੀ ਸੈਲੋ ਵਰਲਡ 'ਚ ਲਗਭਗ 78 ਫੀਸਦੀ ਹਿੱਸੇਦਾਰੀ ਹੈ। ਕੰਪਨੀ ਨੇ IPO ਨੂੰ 617 ਰੁਪਏ ਤੋਂ 648 ਰੁਪਏ ਦੀ ਕੀਮਤ 'ਤੇ ਲਾਂਚ ਕੀਤਾ ਸੀ। ਇਸ ਨੂੰ ਮਾਰਕੀਟ ਤੋਂ ਜ਼ਬਰਦਸਤ ਹੁੰਗਾਰਾ ਮਿਲਿਆ ਅਤੇ ਇਹ ਨੂੰ 39 ਗੁਣਾ ਸਬਸਕ੍ਰਾਈਬ ਹੋ ਗਿਆ। ਕੰਪਨੀ ਦਾ ਪ੍ਰੋਡਕਟ ਪੋਰਟਫੋਲੀਓ ਮਾਰਕੀਟ ਵਿੱਚ ਬਹੁਤ ਮਸ਼ਹੂਰ ਹੈ। ਕੰਪਨੀ ਘਰੇਲੂ ਸਾਮਾਨ, ਉਪਕਰਨ, ਪੈਨ-ਸਟੇਸ਼ਨਰੀ ਅਤੇ ਫਰਨੀਚਰ ਬਣਾਉਂਦੀ ਹੈ। ਕੰਪਨੀ ਦੇ ਸ਼ੇਅਰ ਸੋਮਵਾਰ ਨੂੰ ਸ਼ੇਅਰ ਬਾਜ਼ਾਰ 'ਚ ਆਏ ਸਨ। ਇਸ ਦੇ ਸ਼ੇਅਰਧਾਰਕ ਵੀ ਸਟਾਕ ਮਾਰਕੀਟ 'ਚ ਸੇਲੋ ਵਰਲਡ ਦੇ ਪ੍ਰਦਰਸ਼ਨ ਤੋਂ ਕਾਫੀ ਖੁਸ਼ ਹਨ।