ਫਰਾਹ ਖਾਨ ਦੀ ਪਾਰਟੀ 'ਚ ਵਿਆਹ ਤੋਂ ਪਹਿਲਾਂ ਹੀ ਸਿੰਦੂਰ ਲਾ ਕੇ ਕਿਉਂ ਪਹੁੰਚੀ ਸੀ ਐਸ਼ਵਰਿਆ ਰਾਏ? ਇਹ ਸੀ ਕਾਰਨ

ਫਰਾਹ ਖਾਨ

ਫਿਲਮ ਨਿਰਦੇਸ਼ਕ ਤੇ ਕੋਰੀਓਗ੍ਰਾਫਰ ਫਰਾਹ ਖਾਨ ਅਕਸਰ ਆਪਣੇ ਸੋਸ਼ਲ ਮੀਡੀਆ ਅਕਾਉਂਟ ਇੰਸਟਾਗ੍ਰਾਮ 'ਤੇ ਸਿਤਾਰਿਆਂ ਦੀਆਂ ਕੁਝ ਅਣਦੇਖੀਆਂ ਤੇ ਮਜ਼ਾਕੀਆ ਤਸਵੀਰਾਂ ਸ਼ੇਅਰ ਕਰਦੀ ਹੈ, ਜੋ ਆਮ ਤੌਰ 'ਤੇ ਫੈਨਜ਼ ਵੱਲੋਂ ਨਹੀਂ ਵੇਖੀਆਂ ਜਾਂਦੀਆਂ ਹਨ।

ਹੁਣ ਹਾਲ ਹੀ 'ਚ ਫਰਾਹ ਨੇ ਇੰਸਟਾ 'ਤੇ ਇੱਕ ਥ੍ਰੋਬੈਕ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ 'ਚ ਫਰਹਾਨ ਅਖਤਰ, ਕਰਨ ਜੌਹਰ, ਸਾਜਿਦ ਖਾਨ, ਰਾਣੀ ਮੁਖਰਜੀ ਤੇ ਐਸ਼ਵਰਿਆ ਰਾਏ ਨਜ਼ਰ ਆ ਰਹੇ ਹਨ। ਫੋਟੋ 'ਚ ਦੇਖਿਆ ਜਾ ਰਿਹਾ ਹੈ ਕਿ ਸਾਰੇ ਸਿਤਾਰੇ ਵੱਡੀ ਮੁਸਕਾਨ ਨਾਲ ਪੋਜ਼ ਦੇ ਰਹੇ ਹਨ।

ਫੋਟੋ 'ਚ ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਇੱਥੇ ਐਸ਼ਵਰਿਆ ਰਾਏ ਸਿਰ 'ਚ ਸਿੰਦੂਰ ਲਗਾਏ ਹੋਏ ਨਜ਼ਰ ਆ ਰਹੀ ਹੈ, ਹਾਲਾਂਕਿ ਉਸ ਸਮੇਂ ਉਨ੍ਹਾਂ ਦਾ ਵਿਆਹ ਵੀ ਨਹੀਂ ਹੋਇਆ ਸੀ। ਫਿਰ ਐਸ਼ ਨੇ ਕਿਉਂ ਸਿੰਦੂਰ ਲਗਾਇਆ, ਇਸ ਦਾ ਜਵਾਬ ਵੀ ਫਰਾਹ ਨੇ ਕੈਪਸ਼ਨ 'ਚ ਲਿਖਿਆ ਹੈ। ਕੋਰੀਓਗ੍ਰਾਫਰ ਨੇ ਲਿਖਿਆ, 'ਤਸਵੀਰ ਸਾਲ 2001 ਦੀ ਹੈ। ਜਦੋਂ ਮੈਂ ਪਹਿਲੀ ਵਾਰ ਆਪਣਾ ਘਰ ਖਰੀਦਿਆ ਸੀ। ਐਸ਼ਵਰਿਆ ਰਾਏ ਦੇਵਦਾਸ ਦੇ ਸ਼ੂਟ ਤੋਂ ਸਿੱਧਾ ਇੱਥੇ ਸਿੰਦੂਰ ਲਗਾ ਕੇ ਪਹੁੰਚੀ ਸੀ। ਕਰਨ ਜੌਹਰ ਦੀ ਇਹ ਬਹੁਤ ਹੀ ਰਿਅਰ ਤਸਵੀਰ ਹੈ ਜਦੋਂ ਉਹ ਪਹਿਲੀ ਵਾਰ ਗੈਰ-ਡਿਜ਼ਾਈਨਰ ਕੱਪੜਿਆਂ ਵਿੱਚ ਨਜ਼ਰ ਆਏ ਸਨ।

ਕੁਝ ਦਿਨ ਪਹਿਲਾਂ ਫਰਾਹ ਨੇ ਇਹ ਤਸਵੀਰ ਆਪਣੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਸੀ ਜਿਸ 'ਚ ਉਹ ਅਨਿਲ ਕਪੂਰ ਨਾਲ ਡਾਂਸ ਕਰਦੀ ਨਜ਼ਰ ਆ ਰਹੀ ਸੀ। ਇਸ ਤਸਵੀਰ 'ਚ ਕਰਨ ਜੌਹਰ, ਸ਼ਾਹਰੁਖ ਖਾਨ ਅਤੇ ਸਲਮਾਨ ਖਾਨ ਵੀ ਫੁੱਲ ਪਾਰਟੀ ਮੂਡ 'ਚ ਨਜ਼ਰ ਆ ਰਹੇ ਹਨ।

ਇਹ ਤਸਵੀਰ ਫਰਾਹ ਖਾਨ ਦੇ ਵਿਆਹ ਤੋਂ ਕੁਝ ਮਿੰਟ ਪਹਿਲਾਂ ਦੀ ਹੈ। ਫੋਟੋ 'ਚ ਫਰਾਹ ਤੇ ਸ਼ਿਰੀਸ਼ ਕੁੰਦਰ ਦੇ ਚਿਹਰਿਆਂ 'ਤੇ ਖੁਸ਼ੀ ਸਾਫ ਦਿਖਾਈ ਦੇ ਰਹੀ ਹੈ।