Deepika Cannes 2022 Photos : ਕਾਨਸ ਤੋਂ ਸਾਹਮਣੇ ਆਈਆਂ ਦੀਪਿਕਾ ਦੀਆਂ ਪਹਿਲੀਆਂ ਤਸਵੀਰਾਂ, ਇਸ ਲੁੱਕ 'ਚ ਨਜ਼ਰ ਆਈ ਅਦਾਕਾਰਾ

Deepika Cannes 2022 Photos

ਬਾਲੀਵੁੱਡ ਅਭਿਨੇਤਰੀ ਦੀਪਿਕਾ ਪਾਦੁਕੋਣ 75ਵੇਂ ਕਾਨਸ ਫਿਲਮ ਫੈਸਟੀਵਲ ਵਿੱਚ ਜਿਊਰੀ ਦਾ ਹਿੱਸਾ ਬਣ ਕੇ ਜਾ ਰਹੀ ਹੈ। ਦੀਪਿਕਾ ਕਾਨਸ ਫਿਲਮ ਫੈਸਟੀਵਲ 'ਚ ਸ਼ਾਮਲ ਹੋਣ ਲਈ ਫ੍ਰੈਂਚ ਰਿਵੇਰਾ ਪਹੁੰਚੀ ਹੈ।

ਫ੍ਰੈਂਚ ਰਿਵੇਰਾ ਤੋਂ ਦੀਪਿਕਾ ਦੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਜਿਸ 'ਚ ਉਹ ਕਾਨਸ ਜਿਊਰੀ ਨਾਲ ਨਜ਼ਰ ਆ ਰਹੀ ਹੈ।

ਦੀਪਿਕਾ ਦੀਆਂ ਇਹ ਤਸਵੀਰਾਂ ਉਸ ਦੇ ਸਾਰੇ ਫੈਨ ਪੇਜ 'ਤੇ ਸ਼ੇਅਰ ਕੀਤੀਆਂ ਗਈਆਂ ਹਨ, ਜਿਸ 'ਚ ਅਭਿਨੇਤਰੀ ਦਾ ਅੰਦਾਜ਼ ਦੇਖਣ ਨੂੰ ਮਿਲ ਰਿਹਾ ਹੈ।

ਖਬਰਾਂ ਮੁਤਾਬਕ ਦੀਪਿਕਾ ਕਾਨਸ ਫੈਸਟੀਵਲ ਦੀ ਜਿਊਰੀ ਨਾਲ ਡਿਨਰ ਕਰਨ ਪਹੁੰਚੀ ਸੀ। ਇਸ ਦੌਰਾਨ ਅਭਿਨੇਤਰੀ ਨੇ ਵਾਈਟ ਬੇਸ 'ਚ ਮਲਟੀ ਕਲਰ ਵਰਕ ਵਾਲਾ ਲੌਂਗ ਟਾਪ ਪਾਇਆ ਹੋਇਆ ਹੈ। ਇਸ ਟਾਪ ਦੇ ਨਾਲ, ਅਭਿਨੇਤਰੀ ਨੇ ਭੂਰੇ ਰੰਗ ਦੇ ਲੰਬੇ ਬੂਟ ਪਾਏ ਹੋਏ ਹਨ ਜੋ ਉਸ ਦੀ ਦਿੱਖ ਨੂੰ ਹੋਰ ਸਮਾਰਟ ਬਣਾ ਰਹੇ ਹਨ।

ਤੁਹਾਨੂੰ ਦੱਸ ਦੇਈਏ ਕਿ ਕਾਨਸ ਫਿਲਮ ਫੈਸਟੀਵਲ 17 ਮਈ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ। ਇਸ ਸਾਲ ਵਿਨਸੈਂਟ ਲਿੰਡਨ ਨੂੰ ਜਿਊਰੀ ਦਾ ਪ੍ਰਧਾਨ ਬਣਾਇਆ ਗਿਆ ਹੈ।

ਇਸ ਸਾਲ ਇਸ ਸਮਾਰੋਹ 'ਚ ਦੀਪਿਕਾ ਤੋਂ ਇਲਾਵਾ ਬ੍ਰਿਟਿਸ਼ ਸਟਾਰ ਰੇਬੇਕਾ ਹਾਲ, ਨਾਰਵੇ ਦੇ ਫਿਲਮ ਨਿਰਮਾਤਾ ਜੋਆਚਿਮ ਟ੍ਰੀਅਰ, ਅਮਰੀਕੀ ਨਿਰਦੇਸ਼ਕ ਜੇਫ ਨਿਕੋਲਸ, ਸਵੀਡਿਸ਼ ਸਟਾਰ ਨੂਮੀ ਰੈਪਸ, ਈਰਾਨੀ ਨਿਰਦੇਸ਼ਕ ਅਸਗਰ ਫਰਹਾਦੀ, ਇਤਾਲਵੀ ਨਿਰਦੇਸ਼ਕ ਅਤੇ ਅਦਾਕਾਰਾ ਜੈਸਮੀਨ ਟ੍ਰਿੰਕਾ ਅਤੇ ਫਰਾਂਸੀਸੀ ਫਿਲਮ ਨਿਰਮਾਤਾ ਲੈਜੇਸ ਲੀ ( ਲਾਡਜ ਲਾਇ) ਨੂੰ ਜਿਊਰੀ ਮੈਂਬਰ ਬਣਾਇਆ ਗਿਆ ਹੈ।