ਸ਼ਾਹਰੁੱਖ ਖਾਨ ਸਣੇ ਕਈ ਸੁਪਰਸਟਾਰ ਅੰਬਾਨੀ ਦੀ ਧੀ ਦੇ ਵਿਆਹ 'ਚ ਖਾਣਾ ਵਰਤਾਉਂਦੇ ਆਏ ਸੀ ਨਜ਼ਰ, ਵੇਖੋ ਤਸਵੀਰਾਂ

Ambani1

ਮੁਕੇਸ਼ ਅੰਬਾਨੀ ਦੀ ਧੀ ਈਸ਼ਾ ਅੰਬਾਨੀ ਦਾ ਵਿਆਹ ਸਾਲ 2018 ਵਿੱਚ ਹੋਇਆ ਸੀ। ਇਸ ਵਿਆਹ ਵਿੱਚ ਦੇਸ਼ ਤੇ ਵਿਦੇਸ਼ ਦੀਆਂ ਕਈ ਮਸ਼ਹੂਰ ਹਸਤੀਆਂ ਸ਼ਾਮਲ ਹੋਈਆਂ ਸੀ। ਈਸ਼ਾ ਦੇ ਵਿਆਹ ਵਿੱਚ ਕਈ ਬਾਲੀਵੁੱਡ ਸਿਤਾਰੇ ਵੀ ਨਜ਼ਰ ਆਏ। ਇਨ੍ਹਾਂ ਸਿਤਾਰਿਆਂ ਦੀਆਂ ਖਾਣਾ ਵਰਤਾਉਂਦੇ ਹੋਏ ਤਸਵੀਰਾਂ ਵੀ ਵਾਇਰਲ ਹੋਈਆਂ ਸੀ।

ਐਕਟਰ ਅਭਿਸ਼ੇਕ ਬੱਚਨ ਨੇ ਵਾਇਰਲ ਹੋ ਰਹੀ ਇਨ੍ਹਾਂ ਤਸਵੀਰਾਂ ਬਾਰੇ ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਸਟਾਰ ਕਿਸੇ ਬਰਾਤੀ ਨੂੰ ਖਾਣਾ ਨਹੀਂ ਖਵਾ ਰਹੇ ਸੀ ਬਲਕਿ ਇੱਕ ਰੀਤੀ ਰਿਵਾਜ ਦਾ ਪਾਲਨ ਕਰ ਰਹੇ ਸੀ।

ਗੁਜਰਾਤੀਆਂ ਦੇ ਇਸ ਰਿਵਾਜ ਨੂੰ ਸੱਜਨ ਘੋਟ ਕਿਹਾ ਜਾਂਦਾ ਹੈ। ਇਸ ਰਿਵਾਜ ਵਿੱਚ ਬਰਾਤੀਆਂ ਦੇ ਸਨਮਾਨ ਵਿੱਚ ਲੜਕੀ ਵਾਲੇ ਲੜਕੇ ਪਰਿਵਾਰ ਨੂੰ ਖਾਣਾ ਖਵਾਉਂਦੇ ਹਨ।

ਮੁਕੇਸ਼ ਅੰਬਾਨੀ ਨੇ ਆਪਣੀ ਬੇਟੀ ਦੇ ਵਿਆਹ ਵਿੱਚ ਕੋਈ ਕਮੀ ਨਹੀਂ ਛੱਡੀ ਸੀ। ਪੂਰੇ ਘਰ ਨੂੰ ਬਿਲਕੁੱਲ ਵੱਖਰੇ ਤਰੀਕੇ ਨਾਲ ਸਜਾਇਆ ਗਿਆ ਸੀ।

ਈਸ਼ਾ ਅੰਬਾਨੀ ਕਾਰੋਬਾਰੀ ਮੁਕੇਸ਼ ਅੰਬਾਨੀ ਦੀ ਇਕਲੌਤੀ ਬੇਟੀ ਹੈ। ਐਸੇ ਵਿੱਚ ਮੁਕੇਸ਼ ਅੰਬਾਨੀ ਨੇ ਉਸ ਦਾ ਵਿਆਹ ਬੇਹੱਦ ਧੂਮਧਾਮ ਨਾਲ ਕੀਤਾ।

ਸੁਪਰਸਟਾਰ ਸ਼ਾਹਰੁੱਖ ਖਾਨ ਨੂੰ ਵੀ ਇਸ ਤਸਵੀਰ ਲਈ ਕਾਫ਼ੀ ਟ੍ਰੋਲ ਕੀਤਾ ਗਿਆ ਸੀ ਪਰ ਹੁਣ ਇਹ ਸਾਫ ਹੋ ਗਿਆ ਹੈ ਕਿ ਇਹ ਸਿਰਫ ਇੱਕ ਗੁਜਰਾਤੀ ਰੀਤੀ ਰਿਵਾਜ ਸੀ।

ਈਸ਼ਾ ਅੰਬਾਨੀ ਦਾ ਵਿਆਹ ਪੀਰਾਮਲ ਇੰਡਸਟਰੀ ਦੇ ਆਨੰਦ ਪੀਰਾਮਲ ਨਾਲ ਹੋਇਆ ਸੀ। ਈਸ਼ਾ ਅੰਬਾਨੀ ਦਾ ਵਿਆਹ ਅੰਬਾਨੀ ਪਰਿਵਾਰ ਦੇ ਘਰ ਅੰਟੀਲੀਆ ਵਿੱਚ ਹੋਇਆ ਸੀ।