Sunscreen : ਕੀ ਤੁਸੀਂ ਜਾਣਦੇ ਹੋ ਦਿਨ 'ਚ ਕਿੰਨੀ ਵਾਰ ਲਗਾਉਣੀ ਚਾਹੀਦੀ ਹੈ ਸਨਸਕ੍ਰੀਨ

Sunscreen : ਗਰਮੀਆਂ ਵਿੱਚ ਚਮੜੀ ਦਾ ਕਾਲਾਪਨ ਹੋਣਾ ਆਮ ਗੱਲ ਹੈ ਕਿਉਂਕਿ ਯੂਵੀਏ ਅਤੇ ਯੂਵੀਬੀ ਕਿਰਨਾਂ ਇਸ ਦਾ ਮੁੱਖ ਕਾਰਨ ਹਨ। ਲੰਬੇ ਸਮੇਂ ਤੱਕ ਧੁੱਪ 'ਚ ਰਹਿਣ ਕਾਰਨ ਕਾਲੀ ਹੋਈ ਚਮੜੀ ਦੁਬਾਰਾ ਆਮ ਨਹੀਂ ਹੁੰਦੀ।

Sunscreen

ਕੁਝ ਲੋਕਾਂ ਨੂੰ ਸਿਰਫ ਧੁੱਪ ਕਾਰਨ ਹੀ ਨਹੀਂ ਸਗੋਂ ਗਰਮੀ ਕਾਰਨ ਵੀ ਟੈਨਿੰਗ ਜਾਂ ਝੁਲਸਣ ਲੱਗ ਜਾਂਦੀ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਸ ਦਾ ਕਾਰਨ ਮੇਲਾਨਿਨ ਦਾ ਵਧਣਾ ਹੈ। ਦਰਅਸਲ, ਜਦੋਂ ਯੂਵੀਏ ਕਿਰਨਾਂ ਚਮੜੀ ਦੀ ਅੰਤਮ ਪਰਤ ਤੱਕ ਪਹੁੰਚਦੀਆਂ ਹਨ, ਤਾਂ ਮੇਲੇਨਿਨ ਦਾ ਉਤਪਾਦਨ ਵੱਧ ਜਾਂਦਾ ਹੈ। ਚਮੜੀ ਦੇ ਟੋਨ ਜਾਂ ਰੰਗ ਦੇ ਪਿੱਛੇ ਮੇਲੇਨਿਨ ਦੀ ਭੂਮਿਕਾ ਮਹੱਤਵਪੂਰਨ ਹੁੰਦੀ ਹੈ।

ਜੇਕਰ ਇਹ ਜ਼ਿਆਦਾ ਪੈਦਾ ਹੋਣ ਲੱਗੇ ਤਾਂ ਚਮੜੀ ਕਾਲੇ ਹੋਣ ਲੱਗਦੀ ਹੈ। ਕਿਹਾ ਜਾਂਦਾ ਹੈ ਕਿ ਯੂਵੀਬੀ ਕਿਰਨਾਂ ਸਨਬਰਨ ਦਾ ਕਾਰਨ ਬਣਦੀਆਂ ਹਨ ਪਰ ਇਹ ਉਨ੍ਹਾਂ ਲੋਕਾਂ 'ਤੇ ਅਸਰ ਨਹੀਂ ਪਾਉਂਦੀਆਂ ਜਿਨ੍ਹਾਂ ਦੀ ਚਮੜੀ ਪਹਿਲਾਂ ਹੀ ਕਾਲੀ ਹੈ। ਸਨਸਕ੍ਰੀਨ ਚਮੜੀ ਨੂੰ ਕਾਲੇ ਹੋਣ ਤੋਂ ਬਚਾਉਣ ਦਾ ਸਭ ਤੋਂ ਵਧੀਆ ਤਰੀਕਾ ਹੈ। ਪਿਛਲੇ ਸਾਲਾਂ ਵਿੱਚ ਭਾਰਤ ਵਿੱਚ ਇਸ ਦਾ ਰੁਝਾਨ ਬਹੁਤ ਵਧਿਆ ਹੈ। ਚਮੜੀ ਨੂੰ ਯੂਵੀ ਕਿਰਨਾਂ ਤੋਂ ਬਚਾਉਣ ਲਈ ਸਿਰਫ਼ ਔਰਤਾਂ ਹੀ ਨਹੀਂ ਬਲਕਿ ਮਰਦ ਵੀ ਹਰ ਮੌਸਮ ਵਿੱਚ ਸਨਸਕ੍ਰੀਨ ਲਗਾਉਂਦੇ ਹਨ।