Throat Infection: ਗਰਮੀਆਂ 'ਚ ਹੁੰਦੀ ਗਲੇ 'ਚ ਖਰਾਸ਼, ਤਾਂ ਇਨ੍ਹਾਂ ਗੱਲਾਂ ਦਾ ਰੱਖੋ ਖਾਸ ਧਿਆਨ

ਗਰਮੀਆਂ ਚ ਮੌਸਮ ਬਦਲਣ ਕਰਕੇ ਬੁਖਾਰ, ਪੇਟ, ਗਲੇ ਚ ਦਰਦ ਅਤੇ ਖਰਾਸ਼ ਵਰਗੀ ਸਮੱਸਿਆ ਹੁੰਦੀ ਹੈ। ਇਸ ਕਰਕੇ ਗਲੇ ਚ ਇਨਫੈਕਸ਼ ਵੀ ਹੁੰਦੀ ਹੈ। ਬੱਚੇ ਤੋਂ ਲੈਕੇ ਵੱਡੇ ਤੱਕ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਹੁੰਦੀਆਂ, ਇਦਾਂ ਰੱਖੋ ਆਪਣਾ ਖਿਆਲ

Throat infection

ਧੁੱਪ ਵਿਚੋਂ ਆਉਣ ਤੋਂ ਤੁਰੰਤ ਬਾਅਦ ਏਸੀ ਦੀ ਹਵਾ ਨਾ ਲਓ। ਸਿਰਫ਼ ਏਸੀ ਵਿੱਚ ਹੀ ਨਹੀਂ ਕੂਲਰ ਦੀ ਹਵਾ ਲੈਣ ਤੋਂ ਵੀ ਪਰਹੇਜ਼ ਕਰੋ। ਜਿਸ ਕਰਕੇ ਗਲੇ ਵਿੱਚ ਇਨਫੈਕਸ਼ਨ ਹੋਣੀ ਸ਼ੁਰੂ ਹੋ ਜਾਂਦੀ ਹੈ। ਜੇਕਰ ਤੁਸੀਂ AC ਵਿੱਚ ਜਾਂਦੇ ਹੋ ਤਾਂ ਵੀ ਤਾਪਮਾਨ 25 ਡਿਗਰੀ ਦੇ ਆਸ-ਪਾਸ ਰੱਖੋ।

ਕਈ ਵਾਰ ਲੋਕ ਧੁੱਪ 'ਚੋਂ ਆਉਂਦਿਆਂ ਹੀ ਤੁਰੰਤ ਨਹਾ ਲੈਂਦੇ ਹਨ, ਅਜਿਹਾ ਬਿਲਕੁਲ ਵੀ ਨਾ ਕਰੋ। ਇਸ ਨਾਲ ਜ਼ੁਕਾਮ ਅਤੇ ਗਲਾ ਦੁਖਣਾ ਸ਼ੁਰੂ ਹੋ ਜਾਂਦਾ ਹੈ। ਥੋੜ੍ਹੀ ਦੇਰ ਬੈਠਣ ਤੋਂ ਬਾਅਦ ਪਾਣੀ ਪੀਓ।

ਗਰਮੀਆਂ 'ਚ ਆਈਸਕ੍ਰੀਮ ਅਤੇ ਕੋਲਡ ਡਰਿੰਕ ਵਧੀਆ ਤਾਂ ਲੱਗਦੀ ਹੈ ਪਰ ਇਸ ਦੀ ਜ਼ਿਆਦਾ ਮਾਤਰਾ ਵਿੱਚ ਨਾ ਪੀਓ। ਇਸ ਨਾਲ ਗਲੇ ਵਿੱਚ ਜਲਣ ਹੋ ਸਕਦੀ ਹੈ। ਕੋਲਡ ਡਰਿੰਕ ਪੀਣ ਨਾਲ ਸਰੀਰ 'ਚ ਡੀਹਾਈਡ੍ਰੇਸ਼ਨ ਹੋ ਜਾਂਦੀ ਹੈ।

ਜੇਕਰ ਜ਼ਿਆਦਾ ਬਲਗਮ ਹੋ ਗਈ ਹੈ ਤਾਂ ਭਾਫ਼ ਲਓ। ਇਸ ਨਾਲ ਤੁਹਾਨੂੰ ਤੁਰੰਤ ਰਾਹਤ ਮਿਲੇਗੀ। 5-7 ਮਿੰਟ ਲਈ ਭਾਫ਼ ਜ਼ਰੂਰ ਲਓ।

ਗਰਮੀਆਂ ਵਿੱਚ ਕਾੜ੍ਹਾ ਤਿਆਰ ਕਰੋ। ਇਸ ਕਾੜ੍ਹੇ ਵਿਚ ਤੁਲਸੀ, ਕਾਲੀ ਮਿਰਚ, ਸੁੱਕਾ ਅਦਰਕ ਅਤੇ ਦਾਲਚੀਨੀ ਮਿਲਾ ਕੇ ਇਸ ਦਾ ਕਾੜ੍ਹਾ ਬਣਾ ਕੇ ਪੀਓ।