Health Tips : ਵਾਲਾਂ ਤੇ ਚਿਹਰੇ ਦੀ ਸੁੰਦਰਤਾ ਨੂੰ ਵਧਾਉਂਦੈ ਮੇਥੀਦਾਣੇ ਦਾ ਪਾਣੀ

Health Tips : ਇਹ ਪਾਣੀ ਸ਼ੂਗਰ ਤੇ ਦਿਲ ਸਬੰਧੀ ਸਮੱਸਿਆਵਾਂ ਤੋਂ ਸਰੀਰ ਨੂੰ ਰਾਹਤ ਦਿੰਦਾ ਹੈ ਤੇ ਨਾਲ ਹੀ ਚਮੜੀ ‘ਤੇ ਦਾਣੇ ਤੇ ਦਾਗ-ਧੱਬਿਆਂ ਦੀ ਸਮੱਸਿਆ ਹੋਵੇ ਤਾਂ ਇਸ ਪਾਣੀ ਦਾ ਰੈਗੂਲਰ ਇਸਤੇਮਾਲ ਚਮੜੀ ਨੂੰ ਸਾਫ....

Fenugreek water

ਮੇਥੀਦਾਣੀ ਨੂੰ ਵਾਲਾਂ ਦੀ ਦੇਖਭਾਲ ਲਈ ਪੁਰਾਣੇ ਸਮੇਂ ਤੋਂ ਇਸਤੇਮਾਲ ਕੀਤਾ ਜਾਂਦਾ ਹੈ। ਇਹ ਇਕ ਅਜਿਹਾ ਘਰੇਲੂ ਇਲਾਜ ਹੈ ਜੋ ਵਾਲਾਂ ਦੀਆਂ ਸਮੱਸਿਆਵਾਂ ਨੂੰ ਦੂਰ ਕਰਨ ਵਿਚ ਮਦਦ ਕਰਦਾ ਹੈ। ਮੇਥੀਦਾਣਾ ਆਯੁਰਵੇਦਾ ਦੀ ਨਜ਼ਰ ਤੋਂ ਬਹੁਤ ਫਾਇਦੇਮੰਦ ਹਨ। ਇਸ ਨੂੰ ਤਿਆਰ ਕਰਨ ਲਈ ਮੇਥੀਦਾਣੇ ਨੂੰ ਰਾਤ ਭਰ ਪਾਣੀ ਵਿਚ ਭਿਉਂ ਦਿੱਤਾ ਜਾਂਦਾ ਹੈ।

ਸਵੇਰੇ ਉਠ ਕੇ ਉਸ ਪਾਣੀ ਦਾ ਸੇਵਨ ਕੀਤਾ ਜਾਂਦਾ ਹੈ। ਇਹ ਪਾਣੀ ਸ਼ੂਗਰ ਤੇ ਦਿਲ ਸਬੰਧੀ ਸਮੱਸਿਆਵਾਂ ਤੋਂ ਸਰੀਰ ਨੂੰ ਰਾਹਤ ਦਿੰਦਾ ਹੈ ਤੇ ਨਾਲ ਹੀ ਚਮੜੀ ‘ਤੇ ਦਾਣੇ ਤੇ ਦਾਗ-ਧੱਬਿਆਂ ਦੀ ਸਮੱਸਿਆ ਹੋਵੇ ਤਾਂ ਇਸ ਪਾਣੀ ਦਾ ਰੈਗੂਲਰ ਇਸਤੇਮਾਲ ਚਮੜੀ ਨੂੰ ਸਾਫ ਤੇ ਸਿਹਤਮੰਦ ਬਣਾਏ ਰੱਖਣ ਵਿਚ ਸਹਾਇਕ ਹੈ ਤੇ ਮੇਥੀਦਾਣੇ ਦਾ ਪਾਣੀ ਸਿਹਤ ਤੇ ਸੁੰਦਰਤਾ ਦੋਵਾਂ ਲਈ ਬਹੁਤ ਫਾਇਦੇਮੰਦ ਹੁੰਦਾ ਹੈ।

ਮੇਥੀਦਾਣਾ ਦਾ ਪਾਣੀ ਵਾਲਾਂ ਨੂੰ ਸਿਹਤਮੰਦ ਤੇ ਉਨ੍ਹਾਂ ਦੇ ਵਾਧੇ ਲਈ ਮਹੱਤਵਪੂਰਨ ਹੁੰਦਾ ਹੈ। ਮੇਥੀ ਦਾਣੇ ਵਿਚੋਂ ਨਿਕਲਣ ਵਾਲੇ ਤੱਤ ਜਿਵੇਂ ਪ੍ਰੋਟੀਨ, ਨਿਕੋਟਿਨਿਕ ਐਸਿਡ ਤੇ ਲਿਸਿਨ, ਵਾਲਾਂ ਨੂੰ ਵਧਾਉਣ ਤੇ ਉਨ੍ਹਾਂ ਨੂੰ ਮਜ਼ਬੂਤੀ ਦੇਣ ਵਿਚ ਮਦਦ ਕਰਦੇ ਹਨ। ਇਹ ਪਾਣੀ ਵਾਲਾਂ ਵਿਚ ਪ੍ਰੋਟੀਨ ਦੀ ਕਮੀ ਨੂੰ ਪੂਰਾ ਕਰਕੇ ਉਨ੍ਹਾਂ ਨੂੰ ਝੜਨ ਤੋਂ ਰੋਕਦਾ ਹੈ ਤੇ ਉਨ੍ਹਾਂ ਦੇ ਟੁੱਟਣ ਦੀ ਸਮੱਸਿਆ ਨੂੰ ਘੱਟ ਕਰਦਾ ਹੈ। ਮੇਥੀ ਦਾਣੇ ਵਿਚ ਮੌਜੂਦ ਐਂਟੀ ਆਕਸੀਡੈਂਟ ਤੇ ਜਿੰਕ ਵਾਲਾਂ ਦੀਆਂ ਜੜ੍ਹਾਂ ਨੂੰ ਮਜ਼ਬੂਤੀ ਪ੍ਰਦਾਨ ਕਰਦੇ ਹਨ ਜਿਸ ਦੇ ਨਾਲ ਵਾਲ ਸਿਹਤਮੰਦ ਤੇ ਸੰਘਣੇ ਬਣੇ ਰਹਿੰਦੇ ਹਨ।

ਮੇਥੀਦਾਣਾ ਐਂਟੀਫੰਗਲ ਗੁਣਵੱਤਾ ਵਾਲਾ ਹੁੰਦਾ ਹੈ ਜੋ ਡੈਂਡ੍ਰਫ ਤੇ ਸਿਰ ਦੀ ਚਮੜੀ ਦੀ ਸਮੱਸਿਆਵਾਂ ਨੂੰ ਦੂਰ ਕਰਨ ਵਿਚ ਮਦਦ ਕਰਦਾ ਹੈ। ਜੇ ਤੁਸੀਂ ਡੈਂਡ੍ਰਫ ਤੋਂ ਪ੍ਰੇਸ਼ਾਨ ਹੈ ਤਾਂ ਮੇਥੀ ਦੇ ਪਾਣੀ ਦਾ ਰੈਗੂਲਰ ਇਸਤੇਮਾਲ ਤੁਹਾਡੇ ਲਈ ਫਾਇਦੇਮੰਦ ਹੋ ਸਕਦਾ ਹੈ। ਮੇਥੀ ਦਾ ਪਾਣੀ ਡੈਂਡ੍ਰਫ ਦੂਰ ਕਰਦਾ ਹੈ ਕਿਉਂਕਿ ਮੇਥੀ ਦਾਣੇ ਐਂਟੀ ਫੰਗਲ ਤੇ ਜੀਵਾਣੂ ਨਾਸ਼ਕ ਗੁਣਾ ਦੇ ਹੁੰਦੇ ਹਨ ਜਿਸ ਨਾਲ ਡੈਂਡ੍ਰਫ ਤੇ ਹੋਰ ਸੰਕਰਮਣਾਂ ਤੋਂ ਛੁਟਕਾਰਾ ਮਿਲਦਾ ਹੈ।

ਮੇਥੀ ਦਾ ਪਾਣੀ ਵਾਲਾਂ ਨੂੰ ਮੁਲਾਇਮ ਤੇ ਚਮਕਦਾਰ ਬਣਾਉਣ ਵਿਚ ਮਦਦ ਕਰਦਾ ਹੈ। ਮੇਥੀ ਦਾਣਿਆਂ ਵਿਚ ਪ੍ਰੋਟੀਨ, ਲਿਪਿਡ ਤੇ ਹੋਰ ਪੋਸ਼ਕ ਤੱਤ ਹੁੰਦੇ ਹਨ ਜੋ ਵਾਲਾਂ ਦੀਆਂ ਜੜ੍ਹਾਂ ਨੂੰ ਪੌਸ਼ਿਤ ਕਰਦੇ ਹਨ ਤੇ ਉਨ੍ਹਾਂ ਨੂੰ ਸਿਹਤਮੰਦ ਬਣਾਏ ਰੱਖਦੇ ਹਨ। ਮੇਥੀ ਦੇ ਪਾਣੀ ਦਾ ਰੈਗੂਲਰ ਤੌਰ ‘ਤੇ ਇਸਤੇਮਾਲ ਕਰਨ ਨਾਲ ਵਾਲ ਨਾ ਸਿਰਫ ਮਜ਼ਬੂਤ ਹੁੰਦੇ ਹਨ ਸਗੋਂ ਉਹ ਜ਼ਿਆਦਾ ਚਮਕਦਾਰ ਤੇ ਸਿਲਕੀ ਵੀ ਬਣ ਜਾਂਦੇ ਹਨ। ਮੇਥੀ ਦਾ ਪਾਣੀ ਵਾਲਾਂ ਵਿਚ ਨਮੀ ਨੂੰ ਬਣਾਏ ਰੱਖਦਾ ਹੈ ਜਿਸ ਨਾਲ ਸੁੱਕਣ ਤੇ ਟੁੱਟਣ ਤੋਂ ਬਚਦੇ ਹਨ। ਇਸ ਦਾ ਸਿੱਧਾ ਇਸਤੇਮਾਲ ਵਾਲਾਂ ‘ਤੇ ਕਰਨ ਨਾਲ ਉਹ ਜ਼ਿਆਦਾ ਮੁਲਾਇਮ ਤੇ ਕੁਦਰਤੀ ਤੌਰ ‘ਤੇ ਚਮਕਦਾਰ ਬਣਦੇ ਹਨ।