Food: ਸਬਜ਼ੀਆਂ ਖਰੀਦਣ ਵੇਲੇ ਵਰਤੋਂ ਆਹ ਸਾਵਧਾਨੀਆਂ, ਨਹੀਂ ਤਾਂ ਹੋ ਜਾਓਗੇ ਕੈਂਸਰ ਦੇ ਸ਼ਿਕਾਰ!

ਸਬਜ਼ੀਆਂ ਤੇ ਫਲਾਂ ਨੂੰ ਚਮਕਾਉਣ ਲਈ ਕੁਝ ਕੈਮੀਕਲ ਕਲਰ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਜਿਸ ਨਾਲ ਉਹ ਤਾਜ਼ੇ ਲੱਗਦੇ ਹਨ। ਅਜਿਹੇ 'ਚ ਲੋਕ ਇਨ੍ਹਾਂ ਵੱਲ ਆਕਰਸ਼ਿਤ ਹੋ ਕੇ ਖਰੀਦ ਕੇ ਘਰ ਲੈ ਆਉਂਦੇ ਹਨ, ਜਿਸ ਨੂੰ ਖਾਣ 'ਤੇ ਲੀਵਰ ਕੈਂਸਰ ਹੋ ਸਕਦਾ ਹੈ।

vegetables

ਕੀ ਚਮਕਦਾਰ ਅਤੇ ਰੰਗੀਨ ਸਬਜ਼ੀਆਂ ਤੁਹਾਨੂੰ ਵੀ ਆਕਰਸ਼ਿਤ ਕਰਦੀਆਂ ਹਨ? ਕੀ ਤੁਸੀਂ ਵੀ ਇਨ੍ਹਾਂ ਦੀ ਚਮਕ ਦੇਖ ਕੇ ਸਬਜ਼ੀ ਖਰੀਦਦੇ ਹੋ? ਜੇਕਰ ਹਾਂ, ਤਾਂ ਸਾਵਧਾਨ ਹੋ ਜਾਓ, ਕਿਉਂਕਿ ਅਜਿਹੀਆਂ ਸਬਜ਼ੀਆਂ ਤੁਹਾਨੂੰ ਕੈਂਸਰ ਦਾ ਸ਼ਿਕਾਰ ਕਰ ਸਕਦੀਆਂ ਹਨ। ਦਰਅਸਲ, ਸਬਜ਼ੀਆਂ ਨੂੰ ਚਮਕਦਾਰ ਅਤੇ ਰੰਗੀਨ ਬਣਾਉਣ ਲਈ ਉਨ੍ਹਾਂ 'ਤੇ ਨਕਲੀ ਰੰਗ ਲਗਾਇਆ ਜਾਂਦਾ ਹੈ।

ਸਬਜ਼ੀਆਂ ਨੂੰ ਤਾਜ਼ਾ ਦਿੱਖ ਦੇਣ ਲਈ, ਇਨ੍ਹਾਂ ਨੂੰ ਸਿੰਥੈਟਿਕ ਰੰਗਾਂ ਦੀ ਵਰਤੋਂ ਕਰਕੇ ਵੇਚਿਆ ਜਾਂਦਾ ਹੈ। ਅਜਿਹੇ ਕਈ ਮਾਮਲੇ ਸਾਹਮਣੇ ਆਏ ਹਨ, ਜਿੱਥੇ ਫੂਡ ਸੇਫਟੀ ਵਿਭਾਗ ਨੇ ਅਜਿਹੀਆਂ ਸਬਜ਼ੀਆਂ ਵੇਚਣ ਵਾਲਿਆਂ ਖਿਲਾਫ ਕਾਰਵਾਈ ਕੀਤੀ ਹੈ। ਅਜਿਹੇ 'ਚ ਆਓ ਜਾਣਦੇ ਹਾਂ ਕਿ ਇਹ ਕਿੰਨਾ ਖ਼ਤਰਨਾਕ ਹੋ ਸਕਦਾ ਹੈ...

ਕੈਂਸਰ ਮਾਹਰਾਂ ਅਨੁਸਾਰ ਸਬਜ਼ੀਆਂ ਨੂੰ ਤਾਜ਼ੀ ਅਤੇ ਚਮਕਦਾਰ ਬਣਾਉਣ ਲਈ ਉਨ੍ਹਾਂ 'ਤੇ ਕੈਮੀਕਲ ਵਾਲੇ ਸਿੰਥੈਟਿਕ ਰੰਗ ਲਗਾਏ ਜਾਂਦੇ ਹਨ, ਜਿਸ ਵਿਚ ਕੈਂਸਰ ਪੈਦਾ ਕਰਨ ਵਾਲਾ ਰੋਡਾਮਾਇਨ ਬੀ ਕੈਮੀਕਲ ਹੁੰਦਾ ਹੈ। ਅੱਜ ਕੱਲ੍ਹ ਸਬਜ਼ੀਆਂ ਹੋਣ ਜਾਂ ਫਲ ਹਰ ਚੀਜ਼ ਵਿੱਚ ਇਸ ਕੈਮੀਕਲ ਰੰਗ ਦੀ ਵਰਤੋਂ ਵੱਧ ਗਈ ਹੈ।

ਲਾਲ ਅਤੇ ਹਰੇ ਰੰਗਾਂ ਵਿੱਚ ਸਭ ਤੋਂ ਵੱਧ ਮਿਲਾਵਟ ਕੀਤੀ ਜਾ ਰਹੀ ਹੈ। ਹਰੇ ਰੰਗ ਲਈ ਔਰਾਮਾਇਨ ਕੈਮੀਕਲ ਅਤੇ ਲਾਲ ਰੰਗ ਲਈ ਰੋਡਾਮਾਇਨ ਬੀ ਦੀ ਵੱਡੇ ਪੱਧਰ 'ਤੇ ਵਰਤੋਂ ਕੀਤੀ ਜਾ ਰਹੀ ਹੈ।

ਮਾਹਰਾਂ ਅਨੁਸਾਰ ਇਹ ਰਸਾਇਣ ਸਬਜ਼ੀਆਂ ਅਤੇ ਫਲਾਂ ਨੂੰ ਇਸ ਤਰ੍ਹਾਂ ਚਮਕਦਾਰ ਬਣਾਉਂਦੇ ਹਨ ਕਿ ਉਹ ਤਾਜ਼ੇ ਲੱਗਦੇ ਹਨ। ਅਜਿਹੇ 'ਚ ਲੋਕ ਉਨ੍ਹਾਂ ਤੋਂ ਆਕਰਸ਼ਿਤ ਹੋ ਕੇ ਉਨ੍ਹਾਂ ਨੂੰ ਖਰੀਦ ਕੇ ਘਰ ਲੈ ਆਉਂਦੇ ਹਨ। ਸਬਜ਼ੀਆਂ 'ਤੇ ਲਗਾਏ ਗਏ ਇਹ ਰੰਗ ਲੀਵਰ ਦੇ ਕੈਂਸਰ ਦਾ ਕਾਰਨ ਬਣ ਸਕਦੇ ਹਨ। ਇਹ ਇੰਨੇ ਖ਼ਤਰਨਾਕ ਹਨ ਕਿ ਇਹ ਦਿਮਾਗ ਦੇ ਸਟੈਮ ਨੂੰ ਵੀ ਨੁਕਸਾਨ ਪਹੁੰਚਾ ਸਕਦੇ ਹਨ ਜੋ ਮੇਨ ਬ੍ਰੇਨ ਅਤੇ ਰੀੜ੍ਹ ਦੀ ਹੱਡੀ ਨੂੰ ਜੋੜਦਾ ਹੈ।