ਇਸ ਬਿਮਾਰੀ ਨਾਲ ਸਰੀਰ 'ਚ ਹੀ ਬਣਨ ਲੱਗਦਾ ਸ਼ਰਾਬ, ਬਿਨਾਂ ਪੀਤੇ ਹੀ ਰਹਿੰਦਾ ਨਸ਼ਾ

Auto-Brewery Syndrome: ਸ਼ਰਾਬ ਨੂੰ ਸਿਹਤ ਲਈ ਹਾਨੀਕਾਰਕ ਮੰਨਿਆ ਜਾਂਦਾ ਹੈ। ਇਸ ਕਾਰਨ ਮੈਟਾਬੋਲਿਜ਼ਮ ਤੋਂ ਲੈ ਕੇ ਕੈਂਸਰ ਤੱਕ ਦੀਆਂ ਗੰਭੀਰ ਬੀਮਾਰੀਆਂ ਦਾ ਖਤਰਾ ਬਣਿਆ ਰਹਿੰਦਾ ਹੈ।

Auto Brewery Syndrome

ਹਾਲ ਹੀ ਵਿੱਚ, ਬੈਲਜੀਅਮ ਵਿੱਚ ਇੱਕ ਅਜਿਹਾ ਹੀ ਮਾਮਲਾ ਸਾਹਮਣੇ ਆਇਆ ਹੈ ਜਿਸ ਵਿੱਚ ਇੱਕ ਵਿਅਕਤੀ ਨੂੰ ਦੁਰਲੱਭ ਆਟੋ ਬਰੂਅਰ ਸਿੰਡਰੋਮ (ਏਬੀਐਸ) ਦਾ ਪਤਾ ਲੱਗਿਆ। ਇਸ ਵਿਕਾਰ ਦੇ ਕਾਰਨ ਸਰੀਰ ਸ਼ੂਗਰ ਤੇ ਸਟਾਰਚ ਵਾਲੇ ਭੋਜਨ ਨੂੰ ਅਲਕੋਹਲ ਵਿੱਚ ਤਬਦੀਲ ਕਰਨਾ ਸ਼ੁਰੂ ਕਰ ਦਿੰਦਾ ਹੈ। ਇਸ ਨਾਲ ਅਜਿਹੇ ਲੱਛਣ ਪੈਦਾ ਹੋਣ ਲੱਗਦੇ ਹਨ ਜਿਵੇਂ ਤੁਸੀਂ ਸ਼ਰਾਬੀ ਹੋ, ਭਾਵੇਂ ਤੁਸੀਂ ਸ਼ਰਾਬ ਨਾ ਪੀਤੀ ਹੋਵੇ।

ਮੀਡੀਆ ਰਿਪੋਰਟਾਂ ਮੁਤਾਬਕ ਪੁਲਿਸ ਨੇ ਇਸ ਵਿਅਕਤੀ ਨੂੰ ਡਰਿੰਕ ਐਂਡ ਡਰਾਈਵ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤਾ। ਹਾਲਾਂਕਿ, ਵਕੀਲ ਨੇ ਅਦਾਲਤ ਨੂੰ ਦੱਸਿਆ ਕਿ ਉਹ ਏਬੀਐਸ ਦੀ ਸਮੱਸਿਆ ਤੋਂ ਪੀੜਤ ਹੈ, ਜਿਸ ਕਾਰਨ ਉਸ ਵਿੱਚ ਨਸ਼ੇ ਵਰਗੇ ਲੱਛਣ ਦਿਖਾਈ ਦੇ ਰਹੇ ਹਨ। ਇਹ ਮਾਮਲਾ ਸੋਸ਼ਲ ਮੀਡੀਆ 'ਤੇ ਉਜਾਗਰ ਹੋਇਆ ਹੈ। ਆਓ ਜਾਣਦੇ ਹਾਂ ਆਟੋ ਬਰੂਅਰ ਸਿੰਡਰੋਮ ਕੀ ਹੈ ਅਤੇ ਇਸਦੇ ਲਈ ਕੀ ਕਾਰਨ ਜਿੰਮੇਵਾਰ ਹਨ?

ਕੀ ਹੈ ਆਟੋ ਬਰੂਅਰ ਸਿੰਡਰੋਮ ?  ਮੈਡੀਕਲ ਰਿਪੋਰਟਾਂ ਸੁਝਾਅ ਦਿੰਦੀਆਂ ਹਨ ਕਿ ਆਟੋ-ਬ੍ਰਿਊਰੀ ਸਿੰਡਰੋਮ ਇੱਕ ਦੁਰਲੱਭ ਸਥਿਤੀ ਹੈ। ਇਸਨੂੰ ਕਈ ਵਾਰ 'ਸ਼ਰਾਬ ਦੀ ਬਿਮਾਰੀ' ਵਜੋਂ ਵੀ ਜਾਣਿਆ ਜਾਂਦਾ ਹੈ। ਇਹ ਦੁਰਲੱਭ ਸਥਿਤੀ ਤੁਹਾਨੂੰ ਸ਼ਰਾਬ ਪੀਣ ਤੋਂ ਬਿਨਾਂ ਸ਼ਰਾਬੀ ਬਣਾ ਦਿੰਦੀ ਹੈ। ਆਟੋ-ਬ੍ਰਿਊਰੀ ਸਿੰਡਰੋਮ ਦਾ ਨਿਦਾਨ ਕਰਨਾ ਅਕਸਰ ਮੁਸ਼ਕਲ ਹੋ ਸਕਦਾ ਹੈ। ਪਿਛਲੇ ਕਈ ਦਹਾਕਿਆਂ ਵਿੱਚ ਇਸ ਸਿੰਡਰੋਮ ਦੇ ਕੁਝ ਮਾਮਲੇ ਸਾਹਮਣੇ ਆਏ ਹਨ। ਜਿਨ੍ਹਾਂ ਲੋਕਾਂ ਨੂੰ ਪਹਿਲਾਂ ਹੀ ਇਹ ਸਮੱਸਿਆ ਹੈ ਅਤੇ ਥੋੜ੍ਹੀ ਜਿਹੀ ਸ਼ਰਾਬ ਵੀ ਪੀਂਦੇ ਹਨ, ਉਨ੍ਹਾਂ ਲਈ ਇਸ ਦੇ ਲੱਛਣ ਹੋਰ ਗੰਭੀਰ ਹੋ ਸਕਦੇ ਹਨ।

ਇਸ ਸਿੰਡਰੋਮ ਦਾ ਕਾਰਨ ਕੀ ਹੈ?  ਆਟੋ-ਬ੍ਰਿਊਰੀ ਸਿੰਡਰੋਮ ਵਿੱਚ, ਤੁਹਾਡਾ ਸਰੀਰ ਕਾਰਬੋਹਾਈਡਰੇਟ ਤੋਂ ਅਲਕੋਹਲ (ਈਥਾਨੌਲ) ਬਣਾਉਣਾ ਸ਼ੁਰੂ ਕਰਦਾ ਹੈ। ਇਹ ਅੰਤੜੀਆਂ ਦੇ ਅੰਦਰ ਹੁੰਦਾ ਹੈ। ਕੁਝ ਮਾਹਰਾਂ ਦਾ ਮੰਨਣਾ ਹੈ ਕਿ ਅੰਤੜੀ ਵਿੱਚ ਬਹੁਤ ਜ਼ਿਆਦਾ ਖਮੀਰ ਹੋਣ ਨਾਲ ਇਹ ਰੋਗ ਹੋ ਸਕਦਾ ਹੈ। ਸਿਹਤ ਮਾਹਿਰਾਂ ਨੇ ਕਿਹਾ ਕਿ ਭਾਵੇਂ ਬਾਲਗ ਹੋਵੇ ਜਾਂ ਬੱਚੇ, ਕਿਸੇ ਨੂੰ ਵੀ ਆਟੋ ਬਰੂਰੀ ਸਿੰਡਰੋਮ ਦੀ ਸਮੱਸਿਆ ਹੋ ਸਕਦੀ ਹੈ। ਕੁਝ ਅਧਿਐਨਾਂ ਵਿੱਚ ਪਾਇਆ ਗਿਆ ਹੈ ਕਿ ਕੁਝ ਲੋਕ ਜਮਾਂਦਰੂ ਹੀ ਇਸ ਸਮੱਸਿਆ ਨਾਲ ਪੈਦਾ ਹੁੰਦੇ ਹਨ । ਬਾਲਗ਼ਾਂ ਵਿੱਚ, ਅੰਤੜੀਆਂ ਵਿੱਚ ਬਹੁਤ ਜ਼ਿਆਦਾ ਜੀਸਟ ਦੇ ਕਾਰਨ ਕਰੋਹਨ ਦੀ ਬਿਮਾਰੀ ਹੋ ਸਕਦੀ ਹੈ, ਜਿਸ ਕਾਰਨ ਵੀ ਆਟੋ-ਬ੍ਰਿਊਰੀ ਸਿੰਡਰੋਮ ਦੀ ਸਮੱਸਿਆ ਰਹਿੰਦੀ ਹੈ।

ਇਸ ਸਮੱਸਿਆ ਦੀ ਪਛਾਣ ਕੀ ਹੈ? ਸਿਹਤ ਮਾਹਿਰਾਂ ਦਾ ਕਹਿਣਾ ਹੈ, ਆਟੋ-ਬ੍ਰਿਊਰੀ ਸਿੰਡਰੋਮ ਦਾ ਪਤਾ ਕੁਝ ਕਿਸਮ ਦੇ ਲੱਛਣਾਂ ਦੀ ਮਦਦ ਨਾਲ ਕੀਤਾ ਜਾ ਸਕਦਾ ਹੈ, ਹਾਲਾਂਕਿ, ਅਕਸਰ ਇਹ ਮਰੀਜ਼ ਮਹਿਸੂਸ ਕਰਦੇ ਹਨ ਜਿਵੇਂ ਉਨ੍ਹਾਂ ਨੇ ਸ਼ਰਾਬ ਪੀਤੀ ਹੈ, ਇਸ ਲਈ ਲੱਛਣਾਂ ਦੇ ਆਧਾਰ 'ਤੇ ਇਸਦਾ ਸਹੀ ਪਤਾ ਲਗਾਉਣਾ ਮੁਸ਼ਕਲ ਹੋ ਸਕਦਾ ਹੈ। ਆਮ ਤੌਰ 'ਤੇ, ਨਸ਼ੇ ਵਰਗੇ ਲੱਛਣਾਂ ਦੇ ਨਾਲ, ਚੱਕਰ ਆਉਣੇ, ਸਿਰ ਦਰਦ, ਉਲਟੀਆਂ, ਡੀਹਾਈਡਰੇਸ਼ਨ, ਥਕਾਵਟ, ਯਾਦਦਾਸ਼ਤ-ਇਕਾਗਰਤਾ ਦੀ ਕਮੀ ਅਤੇ ਮੂਡ ਵਿੱਚ ਬਦਲਾਅ ਮਹਿਸੂਸ ਕੀਤਾ ਜਾ ਸਕਦਾ ਹੈ। ਇਸ ਦਾ ਇਲਾਜ ਕੀ ਹੈ?