ਮੀਂਹ ਦੇ ਪਾਣੀ ਨਾਲ ਹੋ ਜਾਓਗੇ ਬਿਮਾਰ, ਫਿੱਟ ਰਹਿਣ ਲਈ ਅਪਣਾਓ ਆਹ ਤਰੀਕੇ

ਜੇਕਰ ਤੁਸੀਂ ਮੀਂਹ ਵਿੱਚ ਗਿੱਲੇ ਹੋਣ ਵਾਲੀਆਂ ਬਿਮਾਰੀਆਂ ਤੋਂ ਬਚਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਸਿਹਤਮੰਦ ਰਹਿਣ ਦੇ ਕੁਝ ਤਰੀਕੇ ਦੱਸਦੇ ਹਾਂ, ਜਿਨ੍ਹਾਂ ਨਾਲ ਤੁਸੀਂ ਬਿਮਾਰ ਨਹੀਂ ਹੋਵੋਗੇ।

Monsoon

ਦੇਰ ਤੱਕ ਗਿੱਲੇ ਕੱਪੜੇ ਨਾ ਪਾ ਕੇ ਰੱਖੋ: ਜੇਕਰ ਮੀਂਹ ਵਿੱਚ ਭਿੱਜਣ ਤੋਂ ਬਾਅਦ ਗਿੱਲੇ ਕੱਪੜੇ ਲੰਬੇ ਸਮੇਂ ਤੱਕ ਪਾ ਕੇ ਰੱਖਦੇ ਹੋ, ਤਾਂ ਚਮੜੀ ਦੀ ਲਾਗ ਅਤੇ ਜ਼ੁਕਾਮ ਦੀ ਸੰਭਾਵਨਾ ਵੱਧ ਜਾਂਦੀ ਹੈ। ਗਿੱਲੇ ਹੋਣ ਤੋਂ ਤੁਰੰਤ ਬਾਅਦ ਕੱਪੜੇ ਬਦਲੋ ਅਤੇ ਸਰੀਰ ਨੂੰ ਗਰਮ ਰੱਖੋ।

ਉਬਾਲ ਕੇ ਪਾਣੀ ਪੀਓ: ਮਾਨਸੂਨ ਦੌਰਾਨ ਟਾਈਫਾਈਡ ਅਤੇ ਦਸਤ ਵਰਗੀਆਂ ਬਿਮਾਰੀਆਂ ਆਮ ਹੋ ਜਾਂਦੀਆਂ ਹਨ। ਇਸ ਲਈ, ਘਰ ਵਿੱਚ ਸਿਰਫ਼ ਉਬਾਲਿਆ ਹੋਇਆ ਜਾਂ ਫਿਲਟਰ ਵਾਲਾ ਪਾਣੀ ਹੀ ਪੀਓ।

ਮੌਸਮੀ ਫਲ ਅਤੇ ਸਬਜ਼ੀਆਂ ਖਾਓ: ਬਰਸਾਤ ਦੇ ਮੌਸਮ ਵਿੱਚ ਰੋਗ ਪ੍ਰਤੀਰੋਧਕ ਸ਼ਕਤੀ ਵਧਾਉਣ ਲਈ, ਅਮਰੂਦ, ਜਾਮਣ, ਤੋਰੀ ਅਤੇ ਲੌਕੀ ਖਾਓ।

ਗਿੱਲੇ ਪੈਰਾਂ ਨੂੰ ਤੁਰੰਤ ਸੁਕਾਓ: ਬਰਸਾਤ ਦੇ ਮੌਸਮ ਵਿੱਚ ਗਿੱਲੇ ਜੁੱਤੇ ਅਤੇ ਜ਼ੁਰਾਬਾਂ ਪਾਉਣ ਨਾਲ ਫੰਗਲ ਇਨਫੈਕਸ਼ਨ ਹੋ ਸਕਦੀ ਹੈ। ਆਪਣੇ ਪੈਰਾਂ ਨੂੰ ਸਾਫ਼ ਅਤੇ ਸੁੱਕਾ ਰੱਖੋ ਅਤੇ ਸਿਰਫ਼ ਸੂਤੀ ਜ਼ੁਰਾਬਾਂ ਹੀ ਪਾਓ।

ਮਸਾਲੇਦਾਰ ਚਾਹ ਜਾਂ ਕੜਾ ਪੀਓ: ਅਦਰਕ, ਤੁਲਸੀ ਅਤੇ ਲੌਂਗ ਵਾਲਾ ਕਾੜ੍ਹਾ ਜਾਂ ਚਾਹ ਪੀਣ ਨਾਲ ਗਲੇ ਦੀ ਖਰਾਸ਼ ਅਤੇ ਜ਼ੁਕਾਮ ਤੋਂ ਬਚਾਅ ਹੁੰਦਾ ਹੈ। ਇਸ ਤੋਂ ਇਲਾਵਾ, ਇਹ ਸਰੀਰ ਨੂੰ ਅੰਦਰੋਂ ਗਰਮ ਰੱਖਦਾ ਹੈ।

ਗਿੱਲੇ ਹੋਣ ਤੋਂ ਤੁਰੰਤ ਬਾਅਦ ਨਹਾਓ: ਮੀਂਹ ਵਿੱਚ ਗਿੱਲੇ ਹੋਣ ਤੋਂ ਬਾਅਦ, ਸਾਦੇ ਕੋਸੇ ਪਾਣੀ ਨਾਲ ਨਹਾਓਣਾ ਜ਼ਰੂਰੀ ਹੈ, ਤਾਂ ਜੋ ਸਰੀਰ 'ਤੇ ਜਮ੍ਹਾ ਹੋਏ ਬੈਕਟੀਰੀਆ ਦੂਰ ਹੋ ਜਾਣ ਅਤੇ ਤੁਸੀਂ ਜ਼ੁਕਾਮ ਅਤੇ ਖੰਘ ਤੋਂ ਬਚੇ ਰਹੋ।