Red Grapes: ਲਾਲ ਅੰਗੂਰ 'ਚ ਛੁਪਿਆ ਹੈ ਸਿਹਤ ਦਾ ਖਜ਼ਾਨਾ, ਫਾਈਦੇ ਜਾਣ ਰਹਿ ਜਾਵੋਗੇ ਦੰਗ

Red Grapes Benefits: ਲਾਲ ਅੰਗੂਰਾਂ ਤੋਂ ਬਣੀ ਰੈੱਡ ਵਾਈਨ ਵਿਦੇਸ਼ਾਂ ਵਿੱਚ ਬਹੁਤ ਜ਼ਿਆਦਾ ਪਸੰਦ ਕੀਤੀ ਜਾਂਦੀ ਹੈ। ਜੇਕਰ ਤੁਸੀਂ ਆਪਣੀ ਡਾਈਟ 'ਚ ਲਾਲ ਅੰਗੂਰ ਸ਼ਾਮਲ ਕਰਨਾ ਚਾਹੁੰਦੇ ਹੋ ਤਾਂ ਪਹਿਲਾਂ ਜਾਣੋ ਲਵੋ ਇਸ ਦੇ ਫਾਈਦੇ।

ਤੁਸੀਂ ਬਹੁਤ ਸਾਰੇ ਅੰਗੂਰ ਖਾਧੇ ਹੋਣਗੇ। ਇਹ ਅੰਗੂਰ ਸੁਆਦ ਵਿਚ ਮਿੱਠੇ ਅਤੇ ਖੱਟੇ ਹੁੰਦੇ ਹਨ ਅਤੇ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦੇ ਹਨ। ਤੁਸੀਂ ਹਰੇ ਅਤੇ ਕਾਲੇ ਅੰਗੂਰ ਤਾਂ ਜ਼ਰੂਰ ਚੱਖੇ ਹੋਣਗੇ ਪਰ ਲਾਲ ਅੰਗੂਰ ਸ਼ਾਇਦ ਹੀ ਖਾਧੇ ਹੋਣ।

ਲਾਲ ਅੰਗੂਰ ਭਾਰਤ ਵਿੱਚ ਘੱਟ ਮਿਲਦਾ ਹੈ ਪਰ ਵਿਦੇਸ਼ਾਂ ਵਿੱਚ ਇਸ ਦੀ ਬਹੁਤ ਜ਼ਿਆਦਾ ਖਪਤ ਹੁੰਦੀ ਹੈ ਅਤੇ ਇਸ ਤੋਂ ਰੈੱਡ ਵਾਈਨ ਵੀ ਬਣਾਈ ਜਾਂਦੀ ਹੈ। ਅੰਗੂਰਾਂ ਦੀਆਂ ਕਿਸਮਾਂ ਅਤੇ ਰੰਗਾਂ ਦੀ ਗੱਲ ਕਰੀਏ ਤਾਂ ਸਾਰੇ ਅੰਗੂਰਾਂ ਵਿੱਚੋਂ ਲਾਲ ਅੰਗੂਰ ਸਿਹਤ ਲਈ ਵਧੇਰੇ ਫਾਇਦੇਮੰਦ ਹੁੰਦੇ ਹਨ ਕਿਉਂਕਿ ਇਸ ਵਿੱਚ ਬਹੁਤ ਸਾਰੇ ਐਂਟੀ-ਆਕਸੀਡੈਂਟ ਪਾਏ ਜਾਂਦੇ ਹਨ। ਆਓ ਜਾਣਦੇ ਹਾਂ ਲਾਲ ਅੰਗੂਰ ਖਾਣ ਨਾਲ ਸਿਹਤ ਨੂੰ ਕੀ-ਕੀ ਫਾਇਦੇ ਹੁੰਦੇ ਹਨ।

ਐਂਟੀ-ਆਕਸੀਡੈਂਟਸ ਨਾਲ ਭਰਪੂਰ ਹੋਣ ਕਾਰਨ ਲਾਲ ਅੰਗੂਰ ਸਿਹਤ ਲਈ ਬਹੁਤ ਫਾਇਦੇਮੰਦ ਦੱਸਿਆ ਜਾਂਦਾ ਹੈ। ਇਹ ਐਂਟੀ-ਆਕਸੀਡੈਂਟ ਸਰੀਰ ਵਿੱਚ ਫ੍ਰੀ ਰੈਡੀਕਲਸ ਨਾਲ ਲੜਦੇ ਹਨ, ਜਿਸ ਨਾਲ ਕਈ ਬਿਮਾਰੀਆਂ ਦਾ ਖ਼ਤਰਾ ਘੱਟ ਹੁੰਦਾ ਹੈ। ਇਸ ਦੇ ਨਾਲ ਹੀ ਲਾਲ ਅੰਗੂਰ ਵੀ ਵਿਟਾਮਿਨਾਂ ਦਾ ਖਜ਼ਾਨਾ ਹੈ, ਇਸ ਵਿੱਚ ਵਿਟਾਮਿਨ ਏ ਅਤੇ ਸੀ ਭਰਪੂਰ ਮਾਤਰਾ ਵਿੱਚ ਪਾਇਆ ਜਾਂਦਾ ਹੈ। ਪੌਸ਼ਟਿਕ ਤੱਤਾਂ ਦੀ ਗੱਲ ਕਰੀਏ ਤਾਂ ਲਾਲ ਅੰਗੂਰ ਵਿੱਚ ਬਹੁਤ ਸਾਰਾ ਆਇਰਨ ਅਤੇ ਕੈਲਸ਼ੀਅਮ ਵੀ ਮੌਜੂਦ ਹੁੰਦਾ ਹੈ।