Bank Jobs 2024: ਇਸ ਬੈਂਕ ਵਿੱਚ ਅਫਸਰ ਰੈਂਕ ਲਈ ਨਿਕਲੀਆਂ ਅਸਾਮੀਆਂ ,1.5 ਲੱਖ ਤੋਂ ਵੱਧ ਹੈ ਮਹੀਨੇ ਦੀ ਸੈਲਰੀ

IDBI Bank Recruitment 2024: IDBI ਬੈਂਕ ਨੇ ਸਪੈਸ਼ਲਿਸਟ ਅਫਸਰ ਦੀਆਂ ਅਸਾਮੀਆਂ ਲਈ ਅਰਜ਼ੀਆਂ ਮੰਗੀਆਂ ਹਨ। ਇਨ੍ਹਾਂ ਅਸਾਮੀਆਂ ਲਈ ਅਰਜ਼ੀਆਂ ਅੱਜ ਯਾਨੀ 1 ਜੁਲਾਈ ਤੋਂ ਸ਼ੁਰੂ ਹੋਣਗੀਆਂ।

ਜਿਹੜੇ ਉਮੀਦਵਾਰ ਬੈਂਕ ਦੀ ਨੌਕਰੀ ਚਾਹੁੰਦੇ ਹਨ ਉਹ IDBI ਬੈਂਕ ਵਿੱਚ ਖਾਲੀ ਅਸਾਮੀਆਂ ਲਈ ਅਰਜ਼ੀ ਦੇ ਸਕਦੇ ਹਨ। ਇੱਥੇ SO ਪਦ ਦੀਆਂ ਅਸਾਮੀਆਂ ਲਈ ਯੋਗ ਉਮੀਦਵਾਰਾਂ ਤੋਂ ਅਰਜ਼ੀਆਂ ਮੰਗੀਆਂ ਗਈਆਂ ਹਨ।

ਇਨ੍ਹਾਂ ਅਸਾਮੀਆਂ ਲਈ ਸਿਰਫ਼ ਔਨਲਾਈਨ ਹੀ ਅਪਲਾਈ ਕੀਤਾ ਜਾ ਸਕਦਾ ਹੈ। ਅਜਿਹਾ ਕਰਨ ਲਈ ਤੁਹਾਨੂੰ ਬੈਂਕ ਦੀ ਅਧਿਕਾਰਤ ਵੈੱਬਸਾਈਟ idbibank.in 'ਤੇ ਜਾਣਾ ਹੋਵੇਗਾ।

ਇੱਥੋਂ ਤੁਸੀਂ ਨਾ ਸਿਰਫ਼ ਅਪਲਾਈ ਕਰ ਸਕਦੇ ਹੋ ਬਲਕਿ ਇਨ੍ਹਾਂ ਅਸਾਮੀਆਂ ਦੇ ਵੇਰਵੇ ਵੀ ਜਾਣ ਸਕਦੇ ਹੋ। ਇਸ ਭਰਤੀ ਮੁਹਿੰਮ ਰਾਹੀਂ ਕੁੱਲ 31 ਅਸਾਮੀਆਂ ਭਰੀਆਂ ਜਾਣਗੀਆਂ।

ਅਪਲਾਈ ਕਰਨ ਲਈ ਯੋਗਤਾ ਅਤੇ ਉਮਰ ਸੀਮਾ ਪੋਸਟ ਦੇ ਅਨੁਸਾਰ ਅਲੱਗ-ਅਲੱਗ ਹੈ। ਇਸ ਦੇ ਵੇਰਵੇ ਜਾਣਨ ਲਈ, ਤੁਸੀਂ ਅਧਿਕਾਰਤ ਵੈੱਬਸਾਈਟ 'ਤੇ ਦਿੱਤੇ ਨੋਟਿਸ ਨੂੰ ਚੈੱਕ ਕਰ ਸਕਦੇ ਹੋ।

ਫਰਾਡ ਰਿਸਕ ਮੈਨੇਜਮੈਂਟ ਪੋਸਟਾਂ ਲਈ B.Tech ਅਤੇ ਮੈਥਸ ਵਿੱਚ MSc ਵਾਲੇ ਉਮੀਦਵਾਰ ਅਪਲਾਈ ਕਰ ਸਕਦੇ ਹਨ। ਨਾਲ ਹੀ, ਚਾਰ ਸਾਲ ਦਾ ਤਜ਼ਰਬਾ ਹੋਣਾ ਜ਼ਰੂਰੀ ਹੈ। ਇਸੇ ਤਰ੍ਹਾਂ, ਸਿਕਓਰਟੀ ਦੇ ਅਹੁਦੇ ਲਈ ਗ੍ਰੈਜੂਏਟ ਅਪਲਾਈ ਕਰ ਸਕਦੇ ਹਨ।

ਇਸੇ ਤਰ੍ਹਾਂ, ਪੋਸਟ ਦੇ ਅਨੁਸਾਰ, ਉਮੀਦਵਾਰ ਜਿਨ੍ਹਾਂ ਨੇ BE, B.Tech, MCA, MSc, MBA, CA ਆਦਿ ਕੀਤੇ ਹਨ, ਅਪਲਾਈ ਕਰ ਸਕਦੇ ਹਨ। ਹਰ ਪੋਸਟ ਲਈ ਕੁਝ - ਨਾ ਕੁਝ ਤਜਰਬਾ ਜ਼ਰੂਰੀ ਹੈ।ਸਿਲੈਕਸ਼ਨ ਇੰਟਰਵਿਊ ਜੀ.ਡੀ. ਨਾਲ ਹੋਵੇਗਾ।

ਸਿਲੈਕਸ਼ਨ ਤੋਂ ਬਾਅਦ, ਡਿਪਟੀ ਜਨਰਲ ਮੈਨੇਜਰ ਗ੍ਰੇਡ ਏ ਦੇ ਅਹੁਦੇ ਲਈ ਤਨਖਾਹ 1 ਲੱਖ 20 ਹਜ਼ਾਰ ਰੁਪਏ ਤੱਕ ਹੈ ਅਤੇ ਮੈਟਰੋ ਸਿਟੀ ਵਿੱਚ ਇਹ 1 ਲੱਖ 90 ਹਜ਼ਾਰ ਰੁਪਏ ਤੱਕ ਹੈ। ਅਸਿਸਟੈਂਟ ਜਨਰਲ ਮੈਨੇਜਰ ਗ੍ਰੇਡ ਸੀ ਦੀ ਤਨਖਾਹ 1 ਲੱਖ 57 ਹਜ਼ਾਰ ਰੁਪਏ ਅਤੇ ਮੈਟਰੋ ਸਿਟੀ ਵਿੱਚ 1 ਲੱਖ 90 ਹਜ਼ਾਰ ਰੁਪਏ ਤੱਕ ਹੈ।