ਇਹ ਸ਼ਾਨਦਾਰ ਟਰੇਨ ਤੁਹਾਨੂੰ ਦੇਵੇਗੀ ਮਹਿਲ ਵਾਲੀ ਫੀਲਿੰਗ, ਦਿੱਲੀ ਤੋਂ ਆਗਰਾ ਕਰੇਗੀ ਸਫ਼ਰ, ਟਿਕਟ ਦਾ ਰੇਟ ਸੁਣ ਉੱਡ ਜਾਣਗੇ ਹੋਸ਼

RTDC ਨੇ ਜਾਣਕਾਰੀ ਦਿੱਤੀ ਹੈ ਕਿ 'ਟਰੇਨ ਪੈਲੇਸ ਆਨ ਵ੍ਹੀਲਜ਼' 12 ਅਕਤੂਬਰ ਤੋਂ ਪਟੜੀਆਂ 'ਤੇ ਦੌੜਨਾ ਸ਼ੁਰੂ ਕਰ ਦੇਵੇਗੀ। ਇਹ ਦਿੱਲੀ ਤੋਂ ਚੱਲੇਗੀ ਅਤੇ ਜੈਪੁਰ, ਜੈਸਲਮੇਰ, ਜੋਧਪੁਰ, ਭਰਤਪੁਰ ਅਤੇ ਆਗਰਾ ਵਿਖੇ ਸੈਲਾਨੀਆਂ ਲਈ ਰੁਕੇਗੀ।

ਇਹ ਸ਼ਾਨਦਾਰ ਟਰੇਨ ਤੁਹਾਨੂੰ ਦੇਵੇਗੀ ਮਹਿਲ ਵਾਲੀ ਫੀਲਿੰਗ, ਦਿੱਲੀ ਤੋਂ ਆਗਰਾ ਕਰੇਗੀ ਸਫ਼ਰ, ਟਿਕਟ ਦਾ ਰੇਟ ਸੁਣ ਉੱਡ ਜਾਣਗੇ ਹੋਸ਼

RTDC ਨੇ ਜਾਣਕਾਰੀ ਦਿੱਤੀ ਹੈ ਕਿ 'ਟਰੇਨ ਪੈਲੇਸ ਆਨ ਵ੍ਹੀਲਜ਼' 12 ਅਕਤੂਬਰ ਤੋਂ ਪਟੜੀਆਂ 'ਤੇ ਦੌੜਨਾ ਸ਼ੁਰੂ ਕਰ ਦੇਵੇਗੀ। ਇਹ ਦਿੱਲੀ ਤੋਂ ਚੱਲੇਗੀ ਅਤੇ ਜੈਪੁਰ, ਜੈਸਲਮੇਰ, ਜੋਧਪੁਰ, ਭਰਤਪੁਰ ਅਤੇ ਆਗਰਾ ਵਿਖੇ ਸੈਲਾਨੀਆਂ ਲਈ ਰੁਕੇਗੀ।

ਰਾਜਸਥਾਨ ਦੇ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਸੂਬੇ ਵਿੱਚ ਸੈਰ ਸਪਾਟਾ ਖੇਤਰ ਨੂੰ ਉਤਸ਼ਾਹਿਤ ਕਰਨ ਲਈ ਲਗਾਤਾਰ ਕੰਮ ਕਰ ਰਹੇ ਹਨ। ਰਾਜਸਥਾਨ ਟੂਰਿਜ਼ਮ ਡਿਵੈਲਪਮੈਂਟ ਕਾਰਪੋਰੇਸ਼ਨ (ਆਰ.ਟੀ.ਡੀ.ਸੀ.) ਦੇ ਤਰਫੋਂ ਸੈਲਾਨੀਆਂ ਲਈ ਇਕ ਅਹਿਮ ਸੂਚਨਾ ਆਈ ਹੈ ਕਿ ਪਿਛਲੇ 2 ਸਾਲਾਂ ਤੋਂ ਪੈਲੇਸ ਆਨ ਵ੍ਹੀਲਜ਼ (ਸ਼ਾਹੀ ਰੇਲਗੱਡੀ) ਚਲਾਉਣ ਦੀ ਉਡੀਕ ਕਰ ਰਹੇ ਸੈਲਾਨੀਆਂ ਨੂੰ ਇੰਤਜ਼ਾਰ ਕਰਨਾ ਪਵੇਗਾ। RTDC ਤੋਂ ਜਾਣਕਾਰੀ ਸਾਹਮਣੇ ਆਈ ਹੈ ਕਿ ਇਹ ਟਰੇਨ ਆਪਣੀ ਯਾਤਰਾ 12 ਅਕਤੂਬਰ ਤੋਂ ਸ਼ੁਰੂ ਕਰੇਗੀ।

ਆਰਟੀਡੀਸੀ ਵਿਭਾਗ ਵੱਲੋਂ ਟਰੇਨ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਤੋਂ ਪਹਿਲਾਂ ਪੈਲੇਸ ਆਨ ਵ੍ਹੀਲਜ਼ ਟਰੇਨ ਨੂੰ ਟਰਾਇਲ ਵਜੋਂ 28 ਸਤੰਬਰ ਤੋਂ ਪਟੜੀਆਂ 'ਤੇ ਚਲਾਇਆ ਜਾਵੇਗਾ। ਤਾਂ ਜੋ ਟ੍ਰੇਨ ਦੀਆਂ ਸਾਰੀਆਂ ਸਹੂਲਤਾਂ ਅਤੇ ਸੁਰੱਖਿਆ ਵਿਸ਼ੇਸ਼ਤਾਵਾਂ ਦੀ ਜਾਂਚ ਕੀਤੀ ਜਾ ਸਕੇ। ਇਸ ਦੌਰਾਨ ਟਰਾਇਲ ਰਨ ਵਿੱਚ ਤਕਨੀਕੀ ਟੀਮ ਅਤੇ ਆਰਟੀਡੀਸੀ ਦੇ ਅਧਿਕਾਰੀ ਮੌਜੂਦ ਰਹਿਣਗੇ। ਇਸ ਦੇ ਨਾਲ ਹੀ ਫਿਲਮ ਨਿਰਮਾਤਾ ਨਿਰਦੇਸ਼ਕ ਵਿਸ਼ਾਲ ਭਾਰਦਵਾਜ ਇਸ ਟਰੇਨ 'ਚ ਸ਼ੂਟਿੰਗ ਦੀ ਤਿਆਰੀ ਕਰ ਰਹੇ ਹਨ।

ਇਸ ਟਰੇਨ 'ਚ ਇਕ ਯਾਤਰੀ ਲਈ ਇਕ ਰਾਤ ਦਾ ਕਿਰਾਇਆ 55 ਹਜ਼ਾਰ ਰੁਪਏ ਤੈਅ ਕੀਤਾ ਗਿਆ ਹੈ। ਆਫ ਸੀਜ਼ਨ 'ਚ ਇਸ 'ਚ ਛੋਟ ਮਿਲੇਗੀ। ਇਹ 43 ਹਜ਼ਾਰ ਰੁਪਏ 'ਚ ਵੀ ਮਿਲੇਗਾ। ਇਸ 'ਚ ਵੱਧ ਤੋਂ ਵੱਧ ਕਿਰਾਇਆ 1.54 ਲੱਖ ਰੁਪਏ (ਘੱਟੋ-ਘੱਟ ਤਿੰਨ ਦਿਨਾਂ ਦੀ ਬੁਕਿੰਗ) ਤੱਕ ਹੈ। ਇਸ ਕਿਰਾਏ ਵਿੱਚ ਰਿਹਾਇਸ਼ ਅਤੇ ਭੋਜਨ ਸ਼ਾਮਲ ਹੈ। ਪੀਣ ਵਾਲੇ ਪਦਾਰਥ (ਵਾਈਨ-ਬੀਅਰ), ਲਾਂਡਰੀ ਅਤੇ ਸਪਾ ਲਈ ਅਲੱਗ ਚਾਰਜ ਦੇਣੇ ਪੈਣਗੇ। 5 ਸਾਲ ਤੱਕ ਦੇ ਬੱਚਿਆਂ ਲਈ ਕੋਈ ਫੀਸ ਨਹੀਂ ਹੈ, ਜਦਕਿ 5 ਤੋਂ 10 ਸਾਲ ਦੀ ਉਮਰ ਦੇ ਬੱਚਿਆਂ ਲਈ ਅੱਧਾ ਕਿਰਾਇਆ ਵਸੂਲਿਆ ਜਾਂਦਾ ਹੈ।

ਇਸ ਟਰੇਨ ਦੇ ਸਟਾਪੇਜ ਨੂੰ ਵਧਾਉਣ ਦੀ ਵੀ ਯੋਜਨਾ ਹੈ। ਇਹ ਟਰੇਨ ਹਰ ਬੁੱਧਵਾਰ ਦਿੱਲੀ ਤੋਂ ਚੱਲੇਗੀ ਅਤੇ ਜੈਪੁਰ, ਸਵਾਈ ਮਾਧੋਪੁਰ, ਚਿਤੌੜਗੜ੍ਹ, ਉਦੈਪੁਰ, ਜੈਸਲਮੇਰ, ਜੋਧਪੁਰ, ਭਰਤਪੁਰ ਅਤੇ ਆਗਰਾ ਵਿਖੇ ਸੈਲਾਨੀਆਂ ਲਈ ਰੁਕੇਗੀ ਅਤੇ ਉੱਥੋਂ ਦੇ ਪ੍ਰਮੁੱਖ ਟੂਰਿਸਟ ਸਥਾਨਾਂ 'ਤੇ ਚੱਲੇਗੀ।

ਟਰੇਨ ਪੈਲੇਸ ਆਨ ਵ੍ਹੀਲਜ਼ ਨੂੰ ਬੂੰਦੀ ਅਤੇ ਅਜਮੇਰ ਸਟੇਸ਼ਨਾਂ 'ਤੇ ਕੁਝ ਸਮੇਂ ਲਈ ਰੋਕਣ ਦੀ ਕਵਾਇਦ ਚੱਲ ਰਹੀ ਹੈ। ਇਨ੍ਹਾਂ ਜ਼ਿਲ੍ਹਿਆਂ ਵਿੱਚ ਇਨ੍ਹਾਂ ਰੇਲ ਗੱਡੀਆਂ ਨੂੰ ਕੁਝ ਘੰਟਿਆਂ ਲਈ ਰੋਕ ਕੇ ਇੱਥੇ ਇੱਕ-ਦੋ ਟੂਰਿਸਟ ਸਥਾਨ ਵੀ ਦਿਖਾਏ ਜਾ ਸਕਦੇ ਹਨ।

ਟਰੇਨ ਦੇ ਡੱਬੇ ਕਿਸੇ 5 ਸਟਾਰ ਹੋਟਲ ਦੇ ਲਗਜ਼ਰੀ ਕਮਰੇ ਤੋਂ ਘੱਟ ਨਹੀਂ ਹਨ। ਜਿਹੜੀ ਸਹੂਲਤਾਂ 5 ਸਟਾਰ ਹੋਟਲ ਦੇ ਕਮਰਿਆਂ `ਚ ਹੁੰਦੀਆਂ ਹਨ। ਉਹ ਸਾਰੀਆਂ ਸਹੂਲਤਾਂ ਇਸ ਟਰੇਨ ਦੇ ਡੱਬਿਆਂ `ਚ ਮੌਜੂਦ ਹਨ। ਇਸ ਵਿੱਚ ਸਧਾਰਨ ਤੋਂ ਲੈ ਕੇ ਡੀਲਕਸ ਕਮਰਿਆਂ ਤੱਕ ਦਾ ਪ੍ਰਬੰਧ ਹੈ।

ਇਸ ਟਰੇਨ ਦੇ ਡੱਬੇ ਵੱਖ-ਵੱਖ ਜ਼ਿਲ੍ਹਿਆਂ ਦੀ ਵਿਸ਼ੇਸ਼ਤਾ ਨੂੰ ਦਰਸਾਉਂਦੇ ਹਨ। ਉਦਾਹਰਨ ਲਈ, ਜੋਧਪੁਰ ਡੱਬੇ ਵਿੱਚ ਜੋਧਪੁਰ ਸ਼ਹਿਰ ਦੇ ਪ੍ਰਮੁੱਖ ਸੈਰ-ਸਪਾਟਾ ਅਤੇ ਵਿਰਾਸਤੀ ਸਥਾਨਾਂ ਦੀਆਂ ਤਸਵੀਰਾਂ ਅਤੇ ਚਿੱਤਰ ਸ਼ਾਮਲ ਹਨ। ਕੋਚ 'ਚ ਸੈਲਾਨੀਆਂ ਨੂੰ ਸ਼ਾਹੀ ਪਰਿਵਾਰ ਦੇ ਮੈਂਬਰ ਵਾਂਗ ਸਹੂਲਤ ਦਿੱਤੀ ਜਾਂਦੀ ਹੈ।

ਭਾਰਤ ਵਿੱਚ ਪੈਲੇਸ ਆਨ ਵ੍ਹੀਲਜ਼ ਤੋਂ ਇਲਾਵਾ, ਹੋਰ ਰਾਜ ਵੀ ਅਜਿਹੀਆਂ ਲਗਜ਼ਰੀ ਟਰੇਨਾਂ ਚਲਾਉਂਦੇ ਹਨ। ਭਾਰਤੀ ਰੇਲਵੇ ਦੇ ਸਹਿਯੋਗ ਨਾਲ ਚੱਲਣ ਵਾਲੀਆਂ ਇਨ੍ਹਾਂ ਟਰੇਨਾਂ ਦਾ ਕਿਰਾਇਆ 15 ਲੱਖ ਰੁਪਏ ਤੱਕ ਹੈ। ਹਾਲਾਂਕਿ, ਕਿਰਾਇਆ, ਬੈਠਣ ਦੀ ਵਿਵਸਥਾ ਅਤੇ ਰੂਟ ਸਮੇਂ-ਸਮੇਂ 'ਤੇ ਬਦਲਦੇ ਰਹਿੰਦੇ ਹਨ।