Farmers Protest: ਮਨਪ੍ਰੀਤ ਬਾਦਲ ਦਾ ਵਿਰੋਧ ਕਰਨ ਆਏ ਕਿਸਾਨਾਂ ਦੇ ਅੜਿੱਕੇ ਆਇਆ ਸ਼ਹਿਰੀ ਪ੍ਰਧਾਨ, ਥਾਣੇ 'ਚ ਵੜ ਬਚਾਈ ਜੇਲ੍ਹ

Farmers_Protest_against_Manpreet_Badal

ਵਿੱਤ ਮੰਤਰੀ ਮਨਪ੍ਰੀਤ ਬਾਦਲ ਦਾ ਪ੍ਰੋਗਰਾਮ ਰੱਦ ਹੋਣ ਮਗਰੋਂ ਸ਼ਹਿਰੀ ਪ੍ਰਧਾਨ ਦਾ ਘਿਰਾਉ ਕੀਤਾ ਗਿਆ। ਸ਼ਹਿਰੀ ਪ੍ਰਧਾਨ ਵੱਲੋਂ ਥਾਣੇ ਵਿੱਚ ਵੜ ਆਪਣਾ ਖਹਿੜਾ ਛੁਡਾਇਆ ਗਿਆ।

ਬਠਿੰਡਾ ਵਿੱਚ ਪਿਛਲੇ ਤਿੰਨ ਦਿਨਾਂ ਤੋਂ ਲਗਾਤਾਰ ਧਰਨੇ 'ਤੇ ਬੈਠੇ ਕਿਸਾਨ ਨਰਮੇ ਦੀ ਖ਼ਰਾਬ ਫ਼ਸਲ ਦਾ ਮੁਆਵਜ਼ਾ ਮੰਗ ਰਹੇ ਹਨ। ਅੱਜ ਵੱਡੀ ਗਿਣਤੀ ਵਿੱਚ ਕਿਸਾਨਾਂ ਵੱਲੋਂ ਬਠਿੰਡਾ ਦੇ ਸ਼ਹਿਰੀ ਪ੍ਰਧਾਨ ਦਾ ਘਿਰਾਓ ਕੀਤਾ ਗਿਆ।

ਕਿਸਾਨਾਂ ਨੇ ਦੱਸਿਆ ਕਿ ਪਿਛਲੇ ਲੰਮੇ ਸਮੇਂ ਤੋਂ ਆਪਣੀਆਂ ਮੰਗਾਂ ਨੂੰ ਲੈ ਕੇ ਅਸੀਂ ਮਿੰਨੀ ਸੈਕਟਰੀਏਟ ਦਾ ਘਿਰਾਉ ਕੀਤਾ ਪਰ ਹਾਲੇ ਤਕ ਸਾਡੀਆਂ ਮੰਗਾਂ ਬਾਰੇ ਕੋਈ ਗੱਲਬਾਤ ਨਹੀਂ ਹੋਈ।

ਇਸ ਨੂੰ ਲੈ ਕੇ ਅੱਜ ਸਮਾਗਮ ਵਿੱਚ ਵਿੱਤ ਮੰਤਰੀ ਦੇ ਆਉਣ ਦੀ ਸੂਚਨਾ ਮਿਲੀ ਸੀ ਪਰ ਉਨ੍ਹਾਂ ਦੀ ਪਤਨੀ ਵੀਨੂੰ ਬਾਦਲ ਪੁੱਜੀ ਜੋ ਕਿਸਾਨਾਂ ਦੇ ਵਿਰੋਧ ਕਾਰਨ ਜਲਦੀ ਚੱਲੀ ਗਈ।

ਇਸ ਮਗਰੋਂ ਸ਼ਹਿਰੀ ਪ੍ਰਧਾਨ ਅੜਿੱਕੇ ਚੜ੍ਹ ਗਿਆ ਜਿਸ ਨੇ ਨਾਲ ਲੱਗਦੇ ਥਾਣਾ ਕੈਨਾਲ ਵਿੱਚ ਵੜ ਜਾਨ ਬਚਾਈ। ਕਿਸਾਨਾਂ ਨੇ ਕਿਹਾ ਕਿ ਇਨ੍ਹਾਂ ਦਾ ਸਾਰੇ ਪਾਸੇ ਘਿਰਾਓ ਜਾਰੀ ਰਹੇਗਾ ਜਿੱਥੇ ਕਿਤੇ ਆਉਣਗੇ।