ਪੰਜਾਬੀ ਦੇਣ ਧਿਆਨ! ਇਮਾਰਤਾਂ ਤੇ ਘਰ ਬਣਾਉਣ ਦੇ ਬਦਲੇ ਨਿਯਮ...ਨੋਟੀਫਿਕੇਸ਼ਨ ਹੋ ਗਿਆ ਜਾਰੀ

ਪੰਜਾਬ ਸਰਕਾਰ ਨੇ ਰਾਜ ਵਿੱਚ ਏਕੀਕ੍ਰਿਤ ਇਮਾਰਤ ਉਪ-ਨਿਯਮ ਲਾਗੂ ਕਰ ਦਿੱਤੇ ਹਨ, ਜਿਸ ਨਾਲ ਰਿਹਾਇਸ਼ੀ ਤੇ ਵਪਾਰਕ ਇਮਾਰਤਾਂ ਦੀ ਉਸਾਰੀ ਵਿੱਚ ਵੱਡੇ ਬਦਲਾਅ ਆਉਣਗੇ। ਰਾਜਪਾਲ ਗੁਲਾਬ ਚੰਦ ਕਟਾਰੀਆ ਦੀ ਪ੍ਰਵਾਨਗੀ ਤੋਂ ਬਾਅਦ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ

( Image Source : Freepik )

ਨਵੇਂ ਨਿਯਮਾਂ ਤਹਿਤ 300 ਤੋਂ 500 ਵਰਗ ਮੀਟਰ ਦੇ ਰਿਹਾਇਸ਼ੀ ਪਲਾਟਾਂ ਵਿੱਚ ਹੁਣ 10 ਪ੍ਰਤੀਸ਼ਤ ਗਰਾਊਂਡ ਕਵਰੇਜ ਦੀ ਸੁਵਿਧਾ ਮਿਲੇਗੀ। ਨਕਸ਼ਿਆਂ ਨੂੰ ਸਵੈ-ਪ੍ਰਮਾਣੀਕਰਨ ਯੋਜਨਾ ਰਾਹੀਂ ਮਨਜ਼ੂਰੀ ਦਿੱਤੀ ਜਾਵੇਗੀ, ਜਿਸ ਨਾਲ ਉਸਾਰੀ ਵਿੱਚ ਦੇਰੀ ਖਤਮ ਹੋਵੇਗੀ। ਸਟਿਲਟ ਪਲੱਸ ਚਾਰ ਫਲੋਰ ਦੀ ਉਸਾਰੀ ਦੀ ਇਜਾਜ਼ਤ ਦਿੱਤੀ ਗਈ ਹੈ, ਜਿਸ ਨਾਲ ਵੱਡੇ ਪਰਿਵਾਰਾਂ ਨੂੰ ਫਾਇਦਾ ਹੋਵੇਗਾ।

ਵਾਲਡ ਸਿਟੀ ਕੋਰ ਏਰੀਆ ਵਿੱਚ 100 ਪ੍ਰਤੀਸ਼ਤ ਗਰਾਊਂਡ ਕਵਰੇਜ ਦੀ ਇਜਾਜ਼ਤ ਦਿੱਤੀ ਗਈ ਹੈ। ਇਹ ਗੈਰ-ਕਾਨੂੰਨੀ ਉਸਾਰੀ ਨੂੰ ਨਿਯਮਤ ਕਰੇਗਾ ਤੇ ਹੋਟਲਾਂ, ਰੈਸਟੋਰੈਂਟਾਂ, ਦੁਕਾਨਾਂ ਤੇ ਹੋਰ ਅਦਾਰਿਆਂ ਨੂੰ ਲਾਭ ਪਹੁੰਚਾਏਗਾ। ਵਪਾਰਕ ਇਮਾਰਤਾਂ ਵਿੱਚ ਪਹਿਲਾਂ ਪੰਜ ਮੀਟਰ ਵਿੱਚ ਪੌੜੀਆਂ ਬਣਾਉਣ ਦੀ ਸ਼ਰਤ ਨੂੰ ਹੁਣ ਘਟਾ ਕੇ 1-1.5 ਮੀਟਰ ਕਰ ਦਿੱਤਾ ਗਿਆ ਹੈ।