ਹਜ਼ਾਰਾਂ ਕਿੱਲੋਮੀਟਰ ਉਡਾਰੀ ਲਾ ਪੌਂਗ ਡੈਮ ਪਹੁੰਚੇ ਵਿਦੇਸ਼ੀ ਪਰਿੰਦੇ, 70 ਹਜ਼ਾਰ ਪੰਛੀਆਂ ਨੇ ਲਾਇਆ ਡੇਰਾ

ਪੌਂਗ ਡੈਮ ਝੀਲ

ਅਸ਼ਰਫ ਢੁੱਡੀ ਦੀ ਰਿਪੋਰਟ, ਚੰਡੀਗੜ੍ਹ: ਸਰਦੀਆਂ ਦੀ ਸ਼ੁਰੂਆਤ ਦੇ ਨਾਲ ਹੀ ਪੌਂਗ ਡੈਮ ਵਿੱਚ 70 ਹਜ਼ਾਰ ਪੰਛੀਆਂ ਨੇ ਡੇਰਾ ਜਮਾਂ ਲਿਆ ਹੈ। ਪੌਂਗ ਡੈਮ ਵਿੱਚ ਵੱਖ-ਵੱਖ ਦੇਸ਼ਾਂ ਦੇ 62 ਹਜ਼ਾਰ ਵਿਦੇਸ਼ੀ ਪਰਿੰਦੇ ਪੁੱਜੇ ਹਨ। ਇਨ੍ਹਾਂ ਵਿੱਚ ਸਭ ਤੋਂ ਜਿਆਦਾ ਗਿਣਤੀ 28 ਹਜਾਰ ਦੇ ਲਗਪਗ ਵਾਰ ਹੈਡਿਡ ਗੂਜ ਦੀ ਹੈ। ਉੱਥੇ ਹੀ ਕਾਮਨ ਕੂਟ ਦੀ ਗਿਣਤੀ 13 ਹਜਾਰ ਦੇ ਲਗਪਗ ਹੈ। ਇਸ ਤੋਂ ਇਲਾਵਾ 7 ਤੋਂ 8 ਹਜ਼ਾਰ ਪੰਛੀ ਸਥਾਨਕ ਹਨ।

ਪੌਂਗ ਡੈਮ ਦੇ ਸਰੋਵਰ ਵਿੱਚ ਪਰਿੰਦਿਆਂ ਦੀ ਭੀੜ ਲੱਗੀ ਹੋਈ ਹੈ। ਹਾਲਾਂਕਿ WILD LIFE CENTURY ਨੂੰ ਇਸ ਸਾਲ ਵਿਦੇਸ਼ੀ ਪਰਿੰਦਿਆਂ ਦੀ ਆਮਦ ਵਿੱਚ ਕਮੀ ਦਾ ਖਦਸ਼ਾ ਸੀ ਪਰ ਵਿਦੇਸ਼ੀ ਪਰਿੰਦਿਆਂ ਦਾ ਆਉਣਾ ਪਿਛਲੇ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਜਾਰੀ ਹੈ। ਠੰਢੇ ਬਰਫੀਲੇ ਖੇਤਰਾਂ ਵੱਲੋਂ ਸਰਦੀਆਂ ਵਿੱਚ ਵਿਦੇਸ਼ੀ ਪਰਿੰਦੇ ਪੌਂਗ ਡੈਮ ਦਾ ਰੁਖ਼ ਕਰਦੇ ਹਨ। ਹਜ਼ਾਰਾਂ ਕਿਲੋਮੀਟਰ ਦਾ ਸਫਰ ਤੈਅ ਕਰ ਇਹ ਵਿਦੇਸ਼ੀ ਪਰਿੰਦੇ ਭੋਜਨ ਦੀ ਤਲਾਸ਼ ਵਿੱਚ ਪੌਂਗ ਡੈਮ ਦੇ ਇਲਾਕੇ ਵਿੱਚ ਆਉਂਦੇ ਹਨ।