Bangladesh Government Crisis: ਦੇਸ਼ ਛੱਡਣ ਤੋਂ ਬਾਅਦ ਕਿੱਥੇ ਰਹੇਗੀ ਸ਼ੇਖ ਹਸੀਨਾ? ਬੰਦਲਾਦੇਸ਼ ਸੰਗਠਨ ਨੇ ਕਰ'ਤਾ ਵੱਡਾ ਐਲਾਨ, ਕਿਹਾ- ਜਿੱਥੇ ਰੁਕੇ...

Bangladesh Government Crisis News: ਭਾਰਤ ਦੇ ਗੁਆਂਢੀ ਦੇਸ਼ ਬੰਗਲਾਦੇਸ਼ 'ਚ ਤਖਤਾਪਲਟ ਤੋਂ ਬਾਅਦ ਸ਼ੇਖ ਹਸੀਨਾ ਦੇ ਬੇਟੇ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਦੀ ਮਾਂ ਕਦੇ ਵੀ ਰਾਜਨੀਤੀ 'ਚ ਵਾਪਸ ਨਹੀਂ ਆਵੇਗੀ।

sheikh hasina

ਬੰਗਲਾਦੇਸ਼ 'ਚ ਵੱਡੇ ਹੰਗਾਮੇ ਅਤੇ ਬਗਾਵਤ ਤੋਂ ਬਾਅਦ ਸਾਬਕਾ ਪ੍ਰਧਾਨ ਮੰਤਰੀ ਅਤੇ ਅਵਾਮੀ ਲੀਗ ਦੀ ਨੇਤਾ ਸ਼ੇਖ ਹਸੀਨਾ (76) ਨੇ ਸੋਮਵਾਰ ਨੂੰ ਦੇਸ਼ ਛੱਡ ਦਿੱਤਾ। ਉਹ ਕਿਸ ਦੇਸ਼ ਵਿੱਚ ਜਾ ਕੇ ਰਹੇਗੀ? ਫਿਲਹਾਲ ਇਹ ਸਪੱਸ਼ਟ ਨਹੀਂ ਹੈ ਪਰ ਉਨ੍ਹਾਂ ਨੂੰ ਕਿਤੇ ਵੀ ਸਿਆਸੀ ਸ਼ਰਣ ਮਿਲਣਾ ਹੋਰ ਵੀ ਮੁਸ਼ਕਲ ਹੋ ਰਿਹਾ ਹੈ। ਆਓ ਜਾਣਦੇ ਹਾਂ ਕਿਉਂ ਅਤੇ ਕਿਵੇਂ: ਬੰਗਲਾਦੇਸ਼ 'ਚ ਤਖਤਾਪਲਟ ਤੋਂ ਬਾਅਦ ਅਵਾਮੀ ਲੀਗ ਦੀ ਨੇਤਾ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਦੀਆਂ ਮੁਸ਼ਕਿਲਾਂ ਘੱਟ ਨਹੀਂ ਹੋ ਰਹੀਆਂ ਹਨ।

ਜਦੋਂ ਤੋਂ ਉਨ੍ਹਾਂ ਨੇ 5 ਅਗਸਤ, 2024 ਨੂੰ ਪ੍ਰਧਾਨ ਮੰਤਰੀ ਦੇ ਅਹੁਦੇ ਨਾਲ ਬੰਗਲਾਦੇਸ਼ ਛੱਡਿਆ, ਉਦੋਂ ਤੋਂ ਇਹ ਚਰਚਾ ਸ਼ੁਰੂ ਹੋ ਗਈ ਕਿ ਉਹ ਕਿੱਥੇ ਜਾਣਗੇ।

ਰਾਜਧਾਨੀ ਢਾਕਾ ਤੋਂ ਸ਼ੇਖ ਹਸੀਨਾ (76) ਸੋਮਵਾਰ ਸ਼ਾਮ ਨਵੀਂ ਦਿੱਲੀ ਨਾਲ ਲੱਗਦੇ ਗਾਜ਼ੀਆਬਾਦ (ਉੱਤਰ ਪ੍ਰਦੇਸ਼) ਦੇ ਹਿੰਡਨ ਏਅਰਬੇਸ ਪਹੁੰਚੀ।

ਸਾਬਕਾ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਨੂੰ ਲੈ ਕੇ ਕਾਫੀ ਚਰਚਾ ਸੀ ਕਿ ਉਹ ਲੰਡਨ (ਯੂਨਾਈਟਡ ਕਿੰਗਡਮ) ਜਾ ਸਕਦੀ ਹੈ, ਜਿੱਥੇ ਉਨ੍ਹਾਂ ਦੀ ਭੈਣ ਰਹਿੰਦੀ ਹੈ।

ਹਾਲਾਂਕਿ, ਬ੍ਰਿਟਿਸ਼ ਮੀਡੀਆ ਦੀਆਂ ਰਿਪੋਰਟਾਂ ਦੇ ਅਨੁਸਾਰ, ਯੂਕੇ ਨੇ ਕਥਿਤ ਤੌਰ 'ਤੇ ਸਿਆਸੀ ਸ਼ਰਣ ਲਈ ਉਨ੍ਹਾਂ ਦੀ ਬੇਨਤੀ ਨੂੰ ਠੁਕਰਾ ਦਿੱਤਾ ਹੈ।

ਇਸ ਦੌਰਾਨ ਬੰਗਲਾਦੇਸ਼ 'ਚ ਜਮਾਤ-ਏ-ਇਸਲਾਮੀ ਨਾਂ ਦੇ ਸੰਗਠਨ ਨੇ ਵੱਡਾ ਐਲਾਨ ਕਰਦੇ ਹੋਏ ਕਿਹਾ ਕਿ ਸ਼ੇਖ ਹਸੀਨਾ ਜਿੱਥੇ ਵੀ ਰਹੇਗੀ ਉੱਥੇ ਪ੍ਰਦਰਸ਼ਨ ਕੀਤੇ ਜਾਣ।

ਜਮਾਤ-ਏ-ਇਸਲਾਮੀ ਦੀ ਤਰਫੋਂ ਕਿਹਾ ਗਿਆ ਕਿ ਸ਼ੇਖ ਹਸੀਨਾ ਜਿਸ ਵੀ ਦੇਸ਼ ਵਿੱਚ ਰਹੇ, ਢਾਕਾ ਵਿੱਚ ਮੌਜੂਦ ਲੋਕਾਂ ਨੂੰ ਉਨ੍ਹਾਂ ਦੇ ਦੂਤਾਵਾਸ ਦਾ ਘਿਰਾਓ ਕਰਨ।

ਅਜਿਹੇ 'ਚ ਸਵਾਲ ਉੱਠਦਾ ਹੈ ਕਿ ਕੀ ਇਸ ਸਥਿਤੀ 'ਚ ਕੋਈ ਦੇਸ਼ ਬੰਗਲਾਦੇਸ਼ ਦੀ ਸਾਬਕਾ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਨੂੰ ਸਿਆਸੀ ਸ਼ਰਣ ਦੇ ਸਕੇਗਾ।