ਭਾਰਤੀ ਮਹਿਲਾ ਪਹਿਲਵਾਨ ਵਿਨੇਸ਼ ਫੋਗਾਟ ਨੇ ਸੰਨਿਆਸ ਤੋਂ ਲਿਆ U-Turn, ਹੁਣ ਲਿਆ ਆਹ ਫੈਸਲਾ
Vinesh Phogat U-Turn From Retirement: ਭਾਰਤੀ ਮਹਿਲਾ ਪਹਿਲਵਾਨ ਵਿਨੇਸ਼ ਫੋਗਾਟ ਨੇ ਇੱਕ ਮਹੱਤਵਪੂਰਨ ਫੈਸਲਾ ਲੈਂਦੇ ਹੋਏ ਆਪਣੀ ਸੰਨਿਆਸ ਵਾਪਸ ਲੈਣ ਦਾ ਐਲਾਨ ਕੀਤਾ ਹੈ।
Vinesh Phogat U-Turn From Retirement: ਭਾਰਤੀ ਮਹਿਲਾ ਪਹਿਲਵਾਨ ਵਿਨੇਸ਼ ਫੋਗਾਟ ਨੇ ਇੱਕ ਮਹੱਤਵਪੂਰਨ ਫੈਸਲਾ ਲੈਂਦੇ ਹੋਏ ਆਪਣੀ ਸੰਨਿਆਸ ਵਾਪਸ ਲੈਣ ਦਾ ਐਲਾਨ ਕੀਤਾ ਹੈ।
ਇਸ ਸਾਲ ਅਗਸਤ ਵਿੱਚ, ਵਿਨੇਸ਼ ਨੇ ਕੁਸ਼ਤੀ ਤੋਂ ਆਪਣੇ ਆਪ ਨੂੰ ਦੂਰ ਕਰ ਲਿਆ ਸੀ ਅਤੇ ਰਾਜਨੀਤੀ ਵਿੱਚ ਆਉਣ ਦਾ ਐਲਾਨ ਕੀਤਾ ਸੀ, ਪਰ ਉਹ ਇੱਕ ਵਾਰ ਫਿਰ ਮੈਦਾਨ ਵਿੱਚ ਉਤਰਨ ਲਈ ਤਿਆਰ ਹੈ। ਵਿਨੇਸ਼ ਫੋਗਾਟ ਨੇ ਖੁਦ ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟ ਵਿੱਚ ਆਪਣੇ ਪ੍ਰਸ਼ੰਸਕਾਂ ਨਾਲ ਇਹ ਜਾਣਕਾਰੀ ਸਾਂਝੀ ਕੀਤੀ। ਵਿਨੇਸ਼ ਹੁਣ 2028 ਦੀਆਂ ਓਲੰਪਿਕ ਖੇਡਾਂ 'ਤੇ ਨਜ਼ਰਾਂ ਰੱਖਦੀ ਹੈ, ਜੋ ਲਾਸ ਏਂਜਲਸ ਵਿੱਚ ਹੋਣਗੀਆਂ।
ਵਿਨੇਸ਼ ਨੇ ਸੰਨਿਆਸ ਤੋਂ ਵਾਪਸੀ ਦਾ ਕੀਤਾ ਐਲਾਨ
ਵਿਨੇਸ਼ ਫੋਗਾਟ ਨੇ ਇੰਸਟਾਗ੍ਰਾਮ 'ਤੇ ਇੱਕ ਪੋਸਟ ਸਾਂਝੀ ਕਰਦੇ ਹੋਏ ਲਿਖਿਆ, "ਲੋਕ ਅਕਸਰ ਮੈਨੂੰ ਪੁੱਛਦੇ ਹਨ ਕਿ ਕੀ ਪੈਰਿਸ ਮੇਰੀ ਆਖਰੀ ਯਾਤਰਾ ਸੀ? ਮੈਨੂੰ ਇਸ ਸਵਾਲ ਦਾ ਜਵਾਬ ਬਹੁਤ ਸਮੇਂ ਤੋਂ ਨਹੀਂ ਮਿਲਿਆ। ਸਾਲਾਂ ਵਿੱਚ ਪਹਿਲੀ ਵਾਰ, ਮੈਂ ਰਾਹਤ ਦਾ ਸਾਹ ਲੈਣ ਦੇ ਯੋਗ ਹੋਈ ਹਾਂ। ਮੈਂ ਆਪਣੇ ਕੰਮ ਦੇ ਬੋਝ ਨੂੰ ਸਮਝਣ ਲਈ ਕੁਝ ਸਮਾਂ ਕੱਢਿਆ ਹੈ। ਜ਼ਿੰਦਗੀ ਦੇ ਉਤਰਾਅ-ਚੜ੍ਹਾਅ, ਕੁਰਬਾਨੀਆਂ, ਮੇਰੇ ਪੱਖ ਜੋ ਦੁਨੀਆ ਨੇ ਕਦੇ ਨਹੀਂ ਦੇਖੇ ਹਨ। ਮੈਨੂੰ ਅਜੇ ਵੀ ਖੇਡ ਪਸੰਦ ਹੈ। ਮੈਂ ਅਜੇ ਵੀ ਮੁਕਾਬਲਾ ਕਰਨਾ ਚਾਹੁੰਦੀ ਹਾਂ।"
— Vinesh Phogat (@Phogat_Vinesh) December 12, 2025
ਵਿਨੇਸ਼ ਨੇ ਪੋਸਟ ਵਿੱਚ ਅੱਗੇ ਲਿਖਿਆ, "ਚੁੱਪ ਵਿੱਚ ਮੈਨੂੰ ਕੁਝ ਅਜਿਹਾ ਮਿਲਿਆ, ਜਿਸ ਨੂੰ ਮੈਂ ਭੁੱਲ ਗਈ ਸੀ, 'ਅੱਗ ਕਦੇ ਨਹੀਂ ਬੁਝਦੀ ਹੈ।' ਇਹ ਸਿਰਫ ਥਕਾਵਟ ਅਤੇ ਸ਼ੋਰ ਦੇ ਹੇਠਾਂ ਦੱਬੀ ਹੋਈ ਸੀ। ਅਨੁਸ਼ਾਸਨ, ਰੁਟੀਨ, ਲੜਾਈ... ਇਹ ਮੇਰੇ ਸਿਸਟਮ ਵਿੱਚ ਹੈ। ਇਸ ਨਾਲ ਕੋਈ ਫਰਕ ਨਹੀਂ ਪੈਂਦਾ ਹੈ ਕਿ ਮੈਂ ਕਿੰਨੀ ਦੂਰ ਚਲੀ ਗਈ,ਮੇਰਾ ਇੱਕ ਹਿੱਸਾ ਮੈਟ ‘ਤੇ ਹੀ ਹੈ। ਤਾਂ ਮੈਂ ਇੱਥੇ ਹਾਂ, ਇੱਕ ਅਜਿਹੇ ਦਿਲ ਦੇ ਨਾਲ ਜੋ ਨਿਡਰ ਹੈ ਅਤੇ ਇੱਕ ਅਜਿਹੀ ਭਾਵਨਾ ਦੇ ਨਾਲ ਜੋ ਝੁਕਣ ਤੋਂ ਇਨਕਾਰ ਕਰਦਾ ਹੈ। LA28 ਵੱਲ ਵਾਪਸ ਕਦਮ ਵਧਾ ਰਹੀ ਹਾਂ। ਅਤੇ ਇਸ ਵਾਰ, ਮੈਂ ਇਕੱਲੀ ਨਹੀਂ ਚੱਲ ਰਹੀ; ਮੇਰਾ ਪੁੱਤਰ ਮੇਰੀ ਟੀਮ ਵਿੱਚ ਸ਼ਾਮਲ ਹੋ ਰਿਹਾ ਹੈ, ਮੇਰੀ ਸਭ ਤੋਂ ਵੱਡੀ ਪ੍ਰੇਰਨਾ, 2028 ਓਲੰਪਿਕ ਦੇ ਇਸ ਰਸਤੇ 'ਤੇ ਮੇਰਾ ਛੋਟਾ ਚੀਅਰਲੀਡਰ ਹੋਵੇਗਾ।"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
