(Source: ECI/ABP News)
IPL 2022: ਕੁਇੰਟਨ ਡੀ ਕਾਕ ਨੇ ਦਿੱਲੀ ਖਿਲਾਫ ਰਚਿਆ ਇਤਿਹਾਸ, ਤੋੜਿਆ ਸਚਿਨ ਤੇਂਦੁਲਕਰ ਦਾ ਇਹ ਰਿਕਾਰਡ
IPL 15 ਵਿੱਚ ਲਖਨਊ ਸੁਪਰ ਜਾਇੰਟਸ ਦਾ ਸਾਹਮਣਾ ਦਿੱਲੀ ਕੈਪੀਟਲਸ ਨਾਲ ਹੋਇਆ। ਇਸ ਮੈਚ ਵਿੱਚ ਲਖਨਊ ਦੇ ਸਲਾਮੀ ਬੱਲੇਬਾਜ਼ ਕਵਿੰਟਨ ਡੀ ਕਾਕ ਨੇ ਇਤਿਹਾਸ ਰਚ ਦਿੱਤਾ ਹੈ।
DD vs LSG Quinton de Kock becomes the batsman to score more runs than Sachin Tendulkar in IPL
IPL 2022: IPL 15 ਵਿੱਚ ਲਖਨਊ ਸੁਪਰ ਜਾਇੰਟਸ ਦਾ ਸਾਹਮਣਾ ਦਿੱਲੀ ਕੈਪੀਟਲਜ਼ ਨਾਲ ਹੋਇਆ। ਇਸ ਮੈਚ ਵਿੱਚ ਲਖਨਊ ਦੇ ਸਲਾਮੀ ਬੱਲੇਬਾਜ਼ ਕਵਿੰਟਨ ਡੀ ਕਾਕ ਨੇ ਇਤਿਹਾਸ ਰਚ ਦਿੱਤਾ ਹੈ। ਉਸ ਨੇ IPL 'ਚ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਦਾ ਵੱਡਾ ਰਿਕਾਰਡ ਤੋੜ ਦਿੱਤਾ ਹੈ।
ਕਵਿੰਟਨ ਡੀ ਕਾਕ ਨੇ ਇਹ ਰਿਕਾਰਡ ਤੋੜਿਆ
ਕਵਿੰਟਨ ਡੀ ਕਾਕ ਹੁਣ ਆਈਪੀਐਲ ਵਿੱਚ ਸਚਿਨ ਤੋਂ ਵੱਧ ਦੌੜਾਂ ਬਣਾਉਣ ਵਾਲਾ ਬੱਲੇਬਾਜ਼ ਬਣ ਗਿਆ ਹੈ। ਸਚਿਨ ਨੇ ਆਪਣੇ ਆਈਪੀਐਲ ਕਰੀਅਰ ਵਿੱਚ 78 ਮੈਚਾਂ ਵਿੱਚ 2,334 ਦੌੜਾਂ ਬਣਾਈਆਂ। ਇਸ ਮੈਚ ਤੋਂ ਪਹਿਲਾਂ ਕਵਿੰਟਨ ਡੀ ਕਾਕ ਨੇ 2,325 ਦੌੜਾਂ ਬਣਾਈਆਂ। ਉਸ ਨੇ ਇਸ ਮੈਚ 'ਚ 9 ਦੌੜਾਂ ਬਣਾ ਕੇ ਸਚਿਨ ਨੂੰ ਪਛਾੜ ਦਿੱਤਾ ਹੈ। ਇਸ ਮੈਚ ਵਿੱਚ ਫਿਫਟੀ ਵੀ ਬਣ ਚੁੱਕੀ ਹੈ। IPL 'ਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਦਾ ਰਿਕਾਰਡ ਵਿਰਾਟ ਕੋਹਲੀ ਦੇ ਨਾਂ ਹੈ।
ਦਿੱਲੀ ਨੇ ਬਣਾਇਆ ਮਜ਼ਬੂਤ ਸਕੋਰ
ਸ਼ਾਅ (61) ਅਤੇ ਕਪਤਾਨ ਰਿਸ਼ਭ ਪੰਤ (ਅਜੇਤੂ 39) ਦੀ ਸ਼ਾਨਦਾਰ ਬੱਲੇਬਾਜ਼ੀ ਦੀ ਬਦੌਲਤ ਦਿੱਲੀ ਕੈਪੀਟਲਜ਼ ਨੇ ਲਖਨਊ ਸੁਪਰ ਜਾਇੰਟਸ ਨੂੰ 150 ਦੌੜਾਂ ਦਾ ਟੀਚਾ ਦਿੱਤਾ। ਦਿੱਲੀ ਨੇ 20 ਓਵਰਾਂ 'ਚ ਤਿੰਨ ਵਿਕਟਾਂ ਦੇ ਨੁਕਸਾਨ 'ਤੇ 149 ਦੌੜਾਂ ਬਣਾਈਆਂ। ਟੀਮ ਲਈ ਕਪਤਾਨ ਪੰਤ ਅਤੇ ਸਰਫਰਾਜ਼ ਨੇ 57 ਗੇਂਦਾਂ 'ਚ ਨਾਬਾਦ 75 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਦਿੱਲੀ ਲਈ ਰਵੀ ਬਿਸ਼ਨੋਈ ਨੇ ਦੋ ਵਿਕਟਾਂ ਲਈਆਂ। ਇਸ ਦੇ ਨਾਲ ਹੀ ਕ੍ਰਿਸ਼ਨੱਪਾ ਗੌਤਮ ਨੇ ਇੱਕ ਵਿਕਟ ਲਈ।
ਇਸ ਤੋਂ ਪਹਿਲਾਂ, ਟਾਸ ਹਾਰ ਕੇ ਬੱਲੇਬਾਜ਼ੀ ਕਰਦੇ ਹੋਏ ਦਿੱਲੀ ਕੈਪੀਟਲਸ ਨੇ ਧਮਾਕੇਦਾਰ ਸ਼ੁਰੂਆਤ ਕੀਤੀ ਕਿਉਂਕਿ ਸਲਾਮੀ ਬੱਲੇਬਾਜ਼ ਪ੍ਰਿਥਵੀ ਸ਼ਾਅ ਅਤੇ ਡੇਵਿਡ ਵਾਰਨਰ ਨੇ ਪਾਵਰਪਲੇ ਵਿੱਚ ਬਗੈਰ ਕਿਸੇ ਵਿਕਟ ਦੇ ਨੁਕਸਾਨ ਦੇ 52 ਦੌੜਾਂ ਬਣਾਉਣ 'ਚ ਕਾਮਯਾਬ ਰਹੇ। ਇਸ ਦੇ ਨਾਲ ਹੀ ਪ੍ਰਿਥਵੀ ਨੇ 30 ਗੇਂਦਾਂ ਵਿੱਚ ਆਪਣਾ ਅਰਧ ਸੈਂਕੜਾ ਵੀ ਪੂਰਾ ਕੀਤਾ। ਪਰ 9 ਚੌਕਿਆਂ ਅਤੇ ਦੋ ਛੱਕਿਆਂ ਦੀ ਮਦਦ ਨਾਲ ਪ੍ਰਿਥਵੀ 34 ਗੇਂਦਾਂ 'ਚ 61 ਦੌੜਾਂ ਬਣਾ ਕੇ ਕ੍ਰਿਸ਼ਨੱਪਾ ਗੌਤਮ ਦੀ ਗੇਂਦ 'ਤੇ ਡੀ ਕਾਕ ਹੱਥੋਂ ਕੈਚ ਆਊਟ ਹੋ ਗਿਆ। ਦਿੱਲੀ ਨੂੰ ਪਹਿਲਾ ਝਟਕਾ 7.3 ਓਵਰਾਂ 'ਚ 67 ਦੌੜਾਂ 'ਤੇ ਲੱਗਾ।
ਇਸ ਤੋਂ ਬਾਅਦ ਵਾਰਨਰ (4) ਵੀ ਤੇਜ਼ੀ ਨਾਲ ਬਿਸ਼ਨੋਈ ਦਾ ਸ਼ਿਕਾਰ ਹੋ ਗਏ। ਤੀਜੇ ਨੰਬਰ 'ਤੇ ਆਏ ਰੋਵਮੈਨ ਪਾਵੇਲ (3) ਨੂੰ ਵੀ ਬਿਸ਼ਨੋਈ ਨੇ ਰਨ ਆਊਟ ਕੀਤਾ, ਜਿਸ ਨਾਲ ਦਿੱਲੀ ਦਾ ਸਕੋਰ 10.3 ਓਵਰਾਂ ਤੋਂ ਬਾਅਦ ਤਿੰਨ ਵਿਕਟਾਂ ਦੇ ਨੁਕਸਾਨ 'ਤੇ 74 ਦੌੜਾਂ ਹੋ ਗਿਆ। ਚੌਥੇ ਅਤੇ ਪੰਜਵੇਂ ਨੰਬਰ 'ਤੇ ਆਏ ਰਿਸ਼ਭ ਪੰਤ ਅਤੇ ਸਰਫਰਾਜ਼ ਖ਼ਾਨ ਨੇ ਧਮਾਕੇਦਾਰ ਪਾਰੀ ਨੂੰ ਸੰਭਾਲਿਆ ਅਤੇ ਟੀਮ ਲਈ ਤੇਜ਼ ਦੌੜਾਂ ਬਣਾਈਆਂ।
ਦੋਵਾਂ ਬੱਲੇਬਾਜ਼ਾਂ ਨੇ ਮਿਲ ਕੇ 15 ਓਵਰਾਂ ਬਾਅਦ ਟੀਮ ਦਾ ਸਕੋਰ 100 ਤੋਂ ਪਾਰ ਕਰ ਦਿੱਤਾ। ਇਸ ਦੌਰਾਨ ਪੰਤ ਨੇ 16ਵੇਂ ਓਵਰ ਦੀ ਗੇਂਦਬਾਜ਼ੀ ਕਰਨ ਆਏ ਐਂਡਰਿਊ ਟਾਈ ਦੀ ਗੇਂਦ 'ਤੇ ਦੋ ਛੱਕੇ ਅਤੇ ਇੱਕ ਚੌਕਾ ਜੜ ਕੇ 18 ਦੌੜਾਂ ਬਣਾਈਆਂ। ਪੰਤ ਤੋਂ ਬਾਅਦ ਸਰਫਰਾਜ਼ ਨੇ ਵੀ ਹੱਥ ਖੋਲ੍ਹ ਕੇ ਸ਼ਾਟ ਮਾਰੇ, ਜਿਸ ਕਾਰਨ ਦਿੱਲੀ ਨੇ 17 ਓਵਰਾਂ 'ਚ ਤਿੰਨ ਵਿਕਟਾਂ ਦੇ ਨੁਕਸਾਨ 'ਤੇ 130 ਦੌੜਾਂ ਬਣਾਈਆਂ। ਆਖਰੀ ਤਿੰਨ ਓਵਰਾਂ 'ਚ ਲਖਨਊ ਨੇ ਜ਼ਬਰਦਸਤ ਗੇਂਦਬਾਜ਼ੀ ਕੀਤੀ ਅਤੇ ਸਿਰਫ 19 ਦੌੜਾਂ ਹੀ ਦਿੱਤੀਆਂ, ਜਿਸ ਕਾਰਨ ਦਿੱਲੀ ਦੀ ਟੀਮ 20 ਓਵਰਾਂ 'ਚ ਤਿੰਨ ਵਿਕਟਾਂ ਦੇ ਨੁਕਸਾਨ 'ਤੇ 149 ਦੌੜਾਂ ਹੀ ਬਣਾ ਸਕੀ।
ਇਹ ਵੀ ਪੜ੍ਹੋ: ਰਾਮ ਰਹੀਮ ਨੂੰ ਹਾਈਕੋਰਟ ਤੋਂ ਮਿਲੀ ਵੱਡੀ ਰਾਹਤ, ਫਰਲੋ ਅਤੇ ਪੈਰੋਲ 'ਤੇ ਅਦਾਲਤ ਨੇ ਨਹੀਂ ਕੀਤਾ ਇਤਰਾਜ਼
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
