Delhi Capitals: ਦਿੱਲੀ ਦੀ ਨਵੀਂ ਡੀਲ 'ਤੇ ਬਵਾਲ, ਪੰਤ ਤੋਂ ਵੀ ਮਹਿੰਗੇ ਇਸ ਬੰਗਲਾਦੇਸ਼ੀ ਖਿਡਾਰੀ ਨੂੰ ਕੀਤਾ ਗਿਆ ਸ਼ਾਮਿਲ
ਆਈਪੀਐਲ 2025 ਵਿੱਚ ਦਿੱਲੀ ਕੈਪੀਟਲਜ਼ ਨੇ ਬੰਗਲਾਦੇਸ਼ੀ ਤੇਜ਼ ਗੇਂਦਬਾਜ਼ ਮੁਸਤਫਿਜ਼ੁਰ ਰਹਮਾਨ ਨੂੰ ਆਪਣੀ ਟੀਮ ਵਿੱਚ ਸ਼ਾਮਿਲ ਕਰ ਲਿਆ ਹੈ, ਜਿਸ ਤੋਂ ਬਾਅਦ ਵਿਵਾਦ ਖੜਾ ਹੋ ਗਿਆ ਹੈ। ਇੱਕ ਪਾਸੇ ਜਿੱਥੇ ਉਨ੍ਹਾਂ ਦੇ ਖੇਡਣ ਨੂੰ ਲੈ ਕੇ ਸਸਪੈਂਸ....
IPL 2025 : ਆਈਪੀਐਲ 2025 ਵਿੱਚ ਦਿੱਲੀ ਕੈਪੀਟਲਜ਼ ਨੇ ਬੰਗਲਾਦੇਸ਼ੀ ਤੇਜ਼ ਗੇਂਦਬਾਜ਼ ਮੁਸਤਫਿਜ਼ੁਰ ਰਹਮਾਨ (Mustafizur Rahman) ਨੂੰ ਆਪਣੀ ਟੀਮ ਵਿੱਚ ਸ਼ਾਮਿਲ ਕਰ ਲਿਆ ਹੈ, ਜਿਸ ਤੋਂ ਬਾਅਦ ਵਿਵਾਦ ਖੜਾ ਹੋ ਗਿਆ ਹੈ। ਇੱਕ ਪਾਸੇ ਜਿੱਥੇ ਉਨ੍ਹਾਂ ਦੇ ਖੇਡਣ ਨੂੰ ਲੈ ਕੇ ਸਸਪੈਂਸ ਬਣਿਆ ਹੋਇਆ ਹੈ, ਦੂਜੇ ਪਾਸੇ ਜੇਕਰ ਉਹ ਲੀਗ ਵਿੱਚ ਖੇਡਦੇ ਹਨ ਤਾਂ ਉਨ੍ਹਾਂ ਨੂੰ ਹਰ ਮੈਚ ਦੇ ਮੁਕਾਬਲੇ ਰਿਸ਼ਭ ਪੰਤ ਨਾਲੋਂ ਵੱਧ ਤਨਖਾਹ ਮਿਲ ਸਕਦੀ ਹੈ।
ਮੁਸਤਫਿਜ਼ੁਰ ਦੀ ਪ੍ਰਤੀ ਮੈਚ ਫੀਸ ਨੇ ਵਧਾਈ ਚਰਚਾ
ਦਿੱਲੀ ਕੈਪੀਟਲਜ਼ ਨੇ ਜੈਕ ਫਰੇਜ਼ਰ ਦੀ ਥਾਂ ਮੁਸਤਫਿਜ਼ੁਰ ਰਹਮਾਨ ਨੂੰ ਰੀਪਲੇਸਮੈਂਟ ਵਜੋਂ ਟੀਮ ਵਿੱਚ ਸ਼ਾਮਿਲ ਕੀਤਾ ਹੈ। ਜੈਕ ਫਰੇਜ਼ਰ ਨੂੰ ਦਿੱਲੀ ਨੇ 9 ਕਰੋੜ ਰੁਪਏ ਵਿੱਚ ਖਰੀਦਿਆ ਸੀ, ਪਰ ਮੁਸਤਫਿਜ਼ੁਰ ਨੂੰ ਰੀਪਲੇਸਮੈਂਟ ਵਜੋਂ ਸਿਰਫ 6 ਕਰੋੜ ਰੁਪਏ ਵਿੱਚ ਸਾਈਨ ਕੀਤਾ ਗਿਆ ਹੈ। ਖਾਸ ਗੱਲ ਇਹ ਹੈ ਕਿ ਭਾਵੇਂ ਮੁਸਤਫਿਜ਼ੁਰ ਦੀ ਟੋਟਲ ਫੀਸ ਘੱਟ ਹੈ, ਪਰ ਉਹ ਪ੍ਰਤੀ ਮੈਚ ਰਿਸ਼ਭ ਪੰਤ ਨਾਲੋਂ ਮਹਿੰਗੇ ਪੈ ਰਹੇ ਹਨ। ਇਸੇ ਕਰਕੇ ਇਹ ਮਾਮਲਾ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ।
ਲਖਨਊ ਸੁਪਰ ਜਾਇੰਟਸ ਵੱਲੋਂ ਰਿਸ਼ਭ ਪੰਤ ਨੂੰ 27 ਕਰੋੜ ਰੁਪਏ ਵਿੱਚ ਖਰੀਦਿਆ ਗਿਆ ਹੈ। ਜੇ ਇਸ ਅਧਾਰ 'ਤੇ ਦੇਖੀਏ ਤਾਂ ਉਨ੍ਹਾਂ ਨੂੰ 14 ਮੈਚਾਂ ਵਿੱਚੋਂ ਹਰ ਇੱਕ ਮੈਚ ਲਈ ਲਗਭਗ 1.9 ਕਰੋੜ ਰੁਪਏ ਮਿਲ ਰਹੇ ਹਨ। ਦਿੱਲੀ ਕੈਪੀਟਲਜ਼ ਕੋਲ ਹੁਣ ਸਿਰਫ ਤਿੰਨ ਗਰੁੱਪ ਮੈਚ ਬਚੇ ਹਨ, ਜਦਕਿ ਮੁਸਤਫਿਜ਼ੁਰ ਰਹਮਾਨ ਨੂੰ 6 ਕਰੋੜ ਰੁਪਏ ਸਿਰਫ ਕੁਝ ਮੈਚਾਂ ਲਈ ਮਿਲ ਰਹੇ ਹਨ। ਜੇਕਰ ਉਹ ਤਿੰਨੇ ਮੈਚ ਖੇਡਦੇ ਹਨ, ਤਾਂ ਉਨ੍ਹਾਂ ਦੀ ਪ੍ਰਤੀ ਮੈਚ ਕਮਾਈ 2 ਕਰੋੜ ਰੁਪਏ ਹੋ ਜਾਵੇਗੀ, ਜੋ ਕਿ ਰਿਸ਼ਭ ਪੰਤ ਦੀ ਪ੍ਰਤੀ ਮੈਚ ਕਮਾਈ ਤੋਂ ਵੱਧ ਹੈ।
ਕੀ ਮੁਸਤਫਿਜ਼ੁਰ ਰਹਮਾਨ ਖੇਡਣਗੇ IPL 2025? ਅਜੇ ਵੀ ਸਸਪੈਂਸ ਬਰਕਰਾਰਾ
ਹਾਲਾਂਕਿ, ਇਸ ਪੂਰੇ ਮਾਮਲੇ 'ਚ ਇਹ ਅਜੇ ਤੱਕ ਪੱਕਾ ਨਹੀਂ ਹੋਇਆ ਕਿ ਮੁਸਤਫਿਜ਼ੁਰ ਰਹਮਾਨ IPL 2025 'ਚ ਖੇਡਣਗੇ ਜਾਂ ਨਹੀਂ। ਉਨ੍ਹਾਂ ਦੀ ਉਪਲਬਧਤਾ ਨੂੰ ਲੈ ਕੇ ਅਜੇ ਵੀ ਸਸਪੈਂਸ ਹੈ। ਮੁਸਤਫਿਜ਼ੁਰ ਨੇ ਭਾਵੇਂ ਸੋਸ਼ਲ ਮੀਡੀਆ ਰਾਹੀਂ UAE ਰਵਾਨਾ ਹੋਣ ਦੀ ਜਾਣਕਾਰੀ ਦਿੱਤੀ ਸੀ, ਪਰ ਬੰਗਲਾਦੇਸ਼ ਕ੍ਰਿਕਟ ਬੋਰਡ (BCB) ਨੇ ਉਨ੍ਹਾਂ ਨੂੰ ਹਾਲੇ ਤੱਕ IPL ਖੇਡਣ ਲਈ NOC (ਅਨਾਪੱਤੀ ਪ੍ਰਮਾਣ ਪੱਤਰ) ਨਹੀਂ ਦਿੱਤਾ।
ਦਰਅਸਲ, ਬੰਗਲਾਦੇਸ਼ ਦੀ ਟੀਮ 17 ਅਤੇ 19 ਮਈ ਨੂੰ UAE ਖਿਲਾਫ਼ ਅਤੇ 25 ਮਈ ਨੂੰ ਪਾਕਿਸਤਾਨ ਖਿਲਾਫ਼ T20 ਸੀਰੀਜ਼ ਖੇਡਣੀ ਹੈ, ਜਿਸ ਕਾਰਨ ਮੁਸਤਫਿਜ਼ੁਰ ਦੀ IPL 'ਚ ਭਾਗੀਦਾਰੀ 'ਤੇ ਅਣਸ਼ਚਿਤਤਾ ਬਣੀ ਹੋਈ ਹੈ।
ਇਸ ਸਥਿਤੀ ਵਿੱਚ ਜੇਕਰ BCB (ਬੰਗਲਾਦੇਸ਼ ਕ੍ਰਿਕਟ ਬੋਰਡ) NOC ਨਹੀਂ ਦਿੰਦਾ, ਤਾਂ ਮੁਸਤਫਿਜ਼ੁਰ ਰਹਮਾਨ ਦਿੱਲੀ ਕੈਪਿਟਲਸ ਵੱਲੋਂ ਮੈਦਾਨ 'ਚ ਨਹੀਂ ਉਤਰ ਸਕਣਗੇ। ਇਸ ਹਾਲਤ ਵਿੱਚ ਉਨ੍ਹਾਂ ਦਾ IPL 'ਚ ਖੇਡਣਾ ਅਤੇ ਰਿਸ਼ਭ ਪੰਤ ਤੋਂ "ਮਹਿੰਗਾ" ਸਾਬਤ ਹੋਣਾ ਸਿਰਫ਼ ਇਕ ਸੰਭਾਵਿਤ ਗਣਿਤੀ ਹਿਸਾਬ ਬਣ ਕੇ ਰਹਿ ਜਾਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
