Valentine’s Day 'ਤੇ ਰਹੋ Alert! Online Dating 'ਤੇ ਪੈ ਸਕਦਾ ਭਾਰੀ, ਚੱਲ ਰਹੇ ਕਈ Scam
ਜੇਕਰ ਤੁਸੀਂ Valentine’s Day ਦੇ ਮੌਕੇ 'ਤੇ ਆਨਲਾਈਨ ਡੇਟਿੰਗ ਕਰਨ ਜਾਂ ਸਾਥੀ ਲੱਭਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਤੁਹਾਨੂੰ ਸਾਵਧਾਨ ਰਹਿਣ ਦੀ ਲੋੜ ਹੈ। ਇਨ੍ਹੀਂ ਦਿਨੀਂ ਆਨਲਾਈਨ ਡੇਟਿੰਗ ਦੇ ਨਾਮ 'ਤੇ ਧੋਖਾਧੜੀ ਦੀਆਂ ਘਟਨਾਵਾਂ ਵੱਧ ਗਈਆਂ ਹਨ।
14 ਫਰਵਰੀ ਨੂੰ Valentine’s Day ਹੈ ਅਤੇ ਜੇਕਰ ਤੁਸੀਂ ਇਸ ਮੌਕੇ 'ਤੇ ਆਨਲਾਈਨ ਡੇਟਿੰਗ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਤੁਹਾਨੂੰ ਸਾਵਧਾਨ ਰਹਿਣ ਦੀ ਲੋੜ ਹੈ। ਦਰਅਸਲ, ਕੁਝ ਸਮੇਂ ਤੋਂ ਨਕਲੀ ਡੇਟਿੰਗ ਐਪਸ, ਡੀਪਫੇਕ ਵੀਡੀਓਜ਼ ਅਤੇ ਹੋਰ ਘੁਟਾਲਿਆਂ ਦਾ ਹੜ੍ਹ ਆਇਆ ਹੋਇਆ ਹੈ। ਇਸ ਕਰਕੇ ਲੋਕਾਂ ਲਈ ਇਹ ਪਛਾਣਨਾ ਮੁਸ਼ਕਲ ਹੋ ਗਿਆ ਹੈ ਕਿ ਜਿਸ ਵਿਅਕਤੀ ਨਾਲ ਉਹ ਗੱਲ ਕਰ ਰਹੇ ਹਨ ਉਹ ਬੰਦਾ ਹੈ ਜਾਂ AI ਤੋਂ ਚੱਲਣ ਵਾਲਾ ਕੋਈ ਚੈਟਬੋਟ।
ਚੈਟਬੋਟਸ ਨਾਲ ਹੋ ਰਹੀ ਡੇਟਿੰਗ!
McAfee ਦੀ ਇੱਕ ਰਿਪੋਰਟ ਵਿੱਚ ਖੁਲਾਸਾ ਹੋਇਆ ਹੈ ਕਿ 61 ਪ੍ਰਤੀਸ਼ਤ ਭਾਰਤੀ ਮੰਨਦੇ ਹਨ ਕਿ ਏਆਈ ਚੈਟਬੋਟ ਪ੍ਰਤੀ ਰੋਮਾਂਟਿਕ ਭਾਵਨਾਵਾਂ ਪੈਦਾ ਹੋਣਾ ਸੰਭਵ ਹੈ। ਇਸੇ ਤਰ੍ਹਾਂ 51 ਫੀਸਦੀ ਭਾਰਤੀਆਂ ਨੇ ਦੱਸਿਆ ਹੈ ਕਿ ਉਨ੍ਹਾਂ ਨੇ ਡੇਟਿੰਗ ਪਲੇਟਫਾਰਮਾਂ ਅਤੇ ਸੋਸ਼ਲ ਮੀਡੀਆ 'ਤੇ ਇਨਸਾਨਾਂ ਦੇ ਰੂਪ ਵਿੱਚ ਪੇਸ਼ ਹੋਣ ਵਾਲੇ AI ਚੈਟਬੋਟਸ ਦਾ ਸਾਹਮਣਾ ਕੀਤਾ ਹੈ। ਲਗਭਗ 38 ਲੋਕਾਂ ਨੇ ਇਹ ਡਰ ਜ਼ਾਹਰ ਕੀਤਾ ਹੈ ਕਿ AI ਚੈਟਬੋਟ ਨਾਲ ਭਾਵਨਾਤਮਕ ਬਾਂਡ ਤੋਂ ਸਕੈਮ ਵਿੱਚ ਫਸਣ ਦਾ ਖਤਰਾ ਰਹਿੰਦਾ ਹੈ।
ਹੁਣ ਸੋਸ਼ਲ ਮੀਡੀਆ 'ਤੇ ਪਿਆਰ ਲੱਭ ਰਹੇ ਭਾਰਤੀ
ਟਿੰਡਰ ਅਤੇ ਬੰਬਲ ਵਰਗੇ ਡੇਟਿੰਗ ਐਪਸ ਭਾਰਤ ਵਿੱਚ ਮਸ਼ਹੂਰ ਹਨ, ਪਰ ਹੁਣ ਲੋਕਾਂ ਨੂੰ ਸੋਸ਼ਲ ਮੀਡੀਆ 'ਤੇ ਵੀ ਪਿਆਰ ਲੱਭ ਰਹੇ ਹਨ। ਹੁਣ ਲੋਕ ਜ਼ਿਆਦਾਤਰ ਇੰਸਟਾਗ੍ਰਾਮ, ਵਟਸਐਪ, ਟੈਲੀਗ੍ਰਾਮ ਅਤੇ ਸਨੈਪਚੈਟ ਵਰਗੇ ਪਲੇਟਫਾਰਮਾਂ 'ਤੇ ਆਪਣੇ ਸਾਥੀ ਦੀ ਭਾਲ ਕਰ ਰਹੇ ਹਨ। ਘੁਟਾਲੇਬਾਜ਼ ਵੀ ਇਸ ਦਾ ਫਾਇਦਾ ਚੁੱਕ ਰਹੇ ਹਨ ਅਤੇ ਜਾਅਲੀ ਪ੍ਰੋਫਾਈਲ ਬਣਾ ਕੇ ਲੋਕਾਂ ਨੂੰ ਆਪਣੇ ਜਾਲ ਵਿੱਚ ਫਸਾ ਰਹੇ ਹਨ। ਰਿਪੋਰਟ ਦੇ ਅਨੁਸਾਰ 69 ਪ੍ਰਤੀਸ਼ਤ ਭਾਰਤੀਆਂ ਨੂੰ ਸੋਸ਼ਲ ਮੀਡੀਆ ਜਾਂ ਡੇਟਿੰਗ ਪਲੇਟਫਾਰਮਾਂ 'ਤੇ AI ਦੁਆਰਾ ਤਿਆਰ ਕੀਤੇ ਪ੍ਰੋਫਾਈਲਾਂ ਜਾਂ ਫੋਟੋਆਂ ਦਾ ਸਾਹਮਣਾ ਕਰਨਾ ਪਿਆ ਹੈ।
ਸੈਲੀਬ੍ਰਿਟੀ ਦੇ ਨਾਮ 'ਤੇ ਹੋ ਰਹੇ ਵੱਡੇ ਘਪਲੇ
ਇਨ੍ਹੀਂ ਦਿਨੀਂ ਮਸ਼ਹੂਰ ਹਸਤੀਆਂ ਦੇ ਨਾਮ 'ਤੇ ਵੀ ਘੁਟਾਲੇ ਵੱਧ ਰਹੇ ਹਨ। 42 ਫੀਸਦੀ ਭਾਰਤੀਆਂ ਨੇ ਦੱਸਿਆ ਕਿ ਉਨ੍ਹਾਂ ਜਾਂ ਉਨ੍ਹਾਂ ਦੇ ਜਾਣਕਾਰਾਂ ਨਾਲ ਮਸ਼ਹੂਰ ਹਸਤੀਆਂ ਹੋਣ ਦਾ ਦਾਅਵਾ ਕਰਨ ਵਾਲੇ ਘੁਟਾਲੇਬਾਜ਼ਾਂ ਨੇ ਸੰਪਰਕ ਕੀਤਾ ਹੈ। ਇਸ ਜਾਲ ਵਿੱਚ ਫਸਣ ਨਾਲ ਲੋਕਾਂ ਨੂੰ ਮਾਨਸਿਕ ਤਣਾਅ ਦੇ ਨਾਲ-ਨਾਲ ਲੱਖਾਂ ਦਾ ਵਿੱਤੀ ਨੁਕਸਾਨ ਅਤੇ ਡਾਟਾ ਚੋਰੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
