POCO F3 GT Price: 5,065mAh ਦੀ ਬੈਟਰੀ ਅਤੇ ਗੇਮਿੰਗ ਫੀਚਰਸ ਨਾਲ ਭਾਰਤ ਵਿੱਚ ਲਾਂਚ ਹੋਇਆ Poco F3 GT, ਜਾਣੋ ਕੀਮਤ, ਫੀਚਰ ਅਤੇ ਸਪੈਸੀਫਿਕੇਸ਼ਨ
ਪੋਕੋ ਐਫ 3 ਜੀਟੀ ਦੀ ਪ੍ਰੀ-ਬੁਕਿੰਗ 24 ਜੁਲਾਈ ਨੂੰ ਦੁਪਹਿਰ 12 ਵਜੇ ਤੋਂ ਸ਼ੁਰੂ ਹੋਵੇਗੀ ਅਤੇ ਵਿਕਰੀ 26 ਜੁਲਾਈ ਨੂੰ ਦੁਪਹਿਰ 12 ਵਜੇ ਤੋਂ ਸ਼ੁਰੂ ਹੋਵੇਗੀ।
ਨਵੀਂ ਦਿੱਲੀ: Poco F3 GT ਸਮਾਰਟਫੋਨ ਨੂੰ ਭਾਰਤ ਵਿਚ ਗੇਮਿੰਗ ਫੀਚਰ ਅਤੇ ਟਰਿੱਗਰਸ ਦੇ ਨਾਲ ਲਾਂਚ ਕੀਤਾ ਗਿਆ ਹੈ। ਇਹ ਫੋਨ ਮੀਡੀਆਟੇਕ ਡਾਈਮੈਂਸਿਟੀ 1200 ਪ੍ਰੋਸੈਸਰ ਨਾਲ ਲੈਸ ਹੈ ਅਤੇ ਇਸ ਵਿਚ 10 ਬਿੱਟ ਡਿਸਪਲੇਅ ਦੇ ਨਾਲ 120 ਹਰਟਜ਼ ਰਿਫਰੈਸ਼ ਰੇਟ ਹੈ। ਪੋਟੋ ਐਫ 3 ਜੀਟੀ 'ਚ ਗੇਮਿੰਗ ਦੌਰਾਨ ਹੈਪੀਟਿਕ ਫੀਡਬੈਕ ਅਤੇ ਵਾਈਬ੍ਰੈਸ਼ਨ ਦੇਣ ਲਈ ਹਾਈ-ਫਿਡੇਲਿਟੀ ਸਟੀਰੀਓ ਸਪੀਕਰ, ਜੀਟੀ ਸਵਿਚ, ਮੈਗਲੇਵ ਟ੍ਰਿਗਰ ਅਤੇ ਐਕਸ-ਸ਼ੌਕਰਸ ਨਾਲ ਆਉਂਦਾ ਹੈ। ਨਾਲ ਹੀ, ਫੋਨ 'ਚ C Dimming ਅਤੇ HyperEngine 3.0 ਸਪੋਰਟ ਹੈ, ਜੋ ਕਿ ਰੇ ਟਰੇਸਿੰਗ ਸਮਰੱਥਾ ਪ੍ਰਦਾਨ ਕਰਦਾ ਹੈ। ਇਸ ਵਿੱਚ 5 ਜੀ ਸਪੋਰਟ ਦੇ ਨਾਲ ਡਿਊਲ-ਚੈਨਲ ਯੂਐਫਐਸ 3.1 ਸਟੋਰੇਜ ਵਿਕਲਪ ਵੀ ਹਨ।
ਭਾਰਤ 'ਚ ਪੋਕੋ ਐਫ 3 ਜੀਟੀ ਦੀ ਕੀਮਤ ਅਤੇ ਵਿਕਰੀ
ਪੋਕੋ ਐੱਫ 3 ਜੀਟੀ ਸਮਾਰਟਫੋਨ ਦੀ ਕੀਮਤ ਭਾਰਤ ਵਿੱਚ 26,999 ਰੁਪਏ ਹੈ, ਜਿਸ ਵਿੱਚ ਫੋਨ ਦੀ 6 ਜੀਬੀ ਰੈਮ + 128 ਜੀਬੀ ਸਟੋਰੇਜ ਉਪਲੱਬਧ ਹੈ। ਫੋਨ ਦੇ 8 ਜੀਬੀ ਰੈਮ + 128 ਜੀਬੀ ਸਟੋਰੇਜ ਵੇਰੀਐਂਟ ਦੀ ਕੀਮਤ 28,999 ਰੁਪਏ ਹੈ ਅਤੇ ਇਸ ਤੋਂ ਇਲਾਵਾ ਫੋਨ ਦੇ 8 ਜੀਬੀ ਰੈਮ + 256 ਜੀਬੀ ਸਟੋਰੇਜ ਵੇਰੀਐਂਟ ਦੀ ਕੀਮਤ 30,999 ਰੁਪਏ ਹੈ।
ਵਿਕਰੀ ਦੇ ਪਹਿਲੇ ਹਫਤੇ, ਇਹ ਫੋਨ ਕ੍ਰਮਵਾਰ 25,999 ਰੁਪਏ, 27,999 ਰੁਪਏ ਅਤੇ 29,999 ਰੁਪਏ ਵਿੱਚ ਖਰੀਦਣ ਲਈ ਉਪਲੱਬਧ ਹੋਣਗੇ। ਸੇਲ ਦੇ ਦੂਜੇ ਹਫਤੇ 'ਚ ਪੋਕੋ ਐਫ 3 ਜੀਟੀ ਫੋਨ ਕ੍ਰਮਵਾਰ 26,499 ਰੁਪਏ, 28,499 ਰੁਪਏ ਅਤੇ 30,499 ਰੁਪਏ 'ਚ ਖਰੀਦੇ ਜਾ ਸਕਦੇ ਹਨ। 9 ਅਗਸਤ ਤੋਂ ਬਾਅਦ ਫੋਨ ਦੀਆਂ ਕੀਮਤਾਂ ਆਮ ਹੋ ਜਾਣਗੀਆਂ।
ਪੋਕੋ ਐਫ 3 ਜੀਟੀ ਦੀ ਪ੍ਰੀ-ਬੁਕਿੰਗ 24 ਜੁਲਾਈ ਨੂੰ ਦੁਪਹਿਰ 12 ਵਜੇ ਤੋਂ ਸ਼ੁਰੂ ਹੋਵੇਗੀ ਅਤੇ ਵਿਕਰੀ 26 ਜੁਲਾਈ ਨੂੰ ਦੁਪਹਿਰ 12 ਵਜੇ ਤੋਂ ਸ਼ੁਰੂ ਹੋਵੇਗੀ। ਇਹ ਫੋਨ ਫਲਿੱਪਕਾਰਟ ਰਾਹੀਂ ਖਰੀਦ ਲਈ ਉਪਲਬਧ ਹੋਵੇਗਾ। ਲਾਂਚ ਆਫਰ ਦੀ ਗੱਲ ਕਰੀਏ ਤਾਂ ICICI ਬੈਂਕ ਕਾਰਡਧਾਰਕਾਂ ਨੂੰ ਫੋਨ ਦੀ ਖਰੀਦ 'ਤੇ 1000 ਰੁਪਏ ਦਾ ਤੁਰੰਤ ਛੂਟ ਮਿਲੇਗਾ। ਇਹ ਪੇਸ਼ਕਸ਼ 29 ਜੁਲਾਈ ਤੱਕ ਰਹੇਗੀ। ਪੋਕੋ ਐੱਫ 3 ਜੀਟੀ ਫੋਨ ਵਿੱਚ ਗਨੋਮੈਟਲ ਸਿਲਵਰ ਅਤੇ ਪ੍ਰੈਡੇਟਰ ਬਲੈਕ ਕਲਰ ਵਿਕਲਪ ਖਰੀਦਣ ਲਈ ਉਪਲਬਧ ਹੋਣਗੇ।
ਪੋਕੋ F3 ਜੀਟੀ specifications
specifications ਦੀ ਗੱ ਕਰੀਏ ਤਾਂ ਪੋਕੋ ਐੱਫ 3 ਜੀਟੀ 'ਚ 6.67 ਇੰਚ ਦੀ ਟਰਬੋ ਐਮਓਲੇਡ 10-ਬਿੱਟ ਡਿਸਪਲੇਅ ਦਿੱਤਾ ਗਿਆ ਹੈ, ਜਿਸ ਦੇ ਨਾਲ 120 ਐਚਹਰਟਜ਼ ਰਿਫਰੈਸ਼ ਰੇਟ, ਐਚਡੀਆਰ 10 + ਅਤੇ 480 ਹਰਟਜ਼ ਟਚ ਸੈਂਪਲਿੰਗ ਰੇਟ ਮੌਜੂਦ ਹੈ। ਡੀਸੀ ਡਿਮਿੰਗ ਫੀਚਰ ਵੀ ਫੋਨ 'ਚ ਮੌਜੂਦ ਹੈ। ਇਸ ਤੋਂ ਇਲਾਵਾ ਇਹ ਫੋਨ ਮੀਡੀਆਟੈਕ ਡਾਈਮੈਂਸਿਟੀ 1200 ਪ੍ਰੋਸੈਸਰ ਨਾਲ ਲੈਸ ਹੈ, ਜਿਸ ਵਿੱਚ 8 ਜੀਬੀ ਰੈਮ ਅਤੇ 256 ਜੀਬੀ ਯੂਐਫਐਸ ਸਟੋਰੇਜ ਦਿੱਤੀ ਗਈ ਹੈ।
ਫੋਟੋਗ੍ਰਾਫੀ ਲਈ, ਪੋਕੋ ਐੱਫ 3 ਜੀਟੀ ਵਿੱਚ ਇੱਕ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ ਹੈ, ਜਿਸ ਵਿੱਚ ਇੱਕ 64 ਮੈਗਾਪਿਕਸਲ ਦਾ ਪ੍ਰਾਇਮਰੀ ਸੈਂਸਰ, ਇੱਕ 8 ਮੈਗਾਪਿਕਸਲ ਦਾ ਸੈਕੰਡਰੀ ਕੈਮਰਾ ਅਲਟਰਾ-ਵਾਈਡ-ਐਂਗਲ ਲੈਂਜ਼, ਅਤੇ ਇੱਕ 2 ਮੈਗਾਪਿਕਸਲ ਦਾ ਮੈਕਰੋ ਕੈਮਰਾ ਹੈ। ਪ੍ਰਾਇਮਰੀ ਸੈਂਸਰ ਇੱਕ ED (extra-low dispersion) ਦਾ ਬਣਿਆ ਹੁੰਦਾ ਹੈ, ਜੋ ਕਿ ਡੀਐਸਐਲਆਰ ਲੈਂਜ਼ ਦੁਆਰਾ ਫੋਟੋਆਂ ਵਿਚ ਸਪਸ਼ਟਤਾ ਲਈ ਆਮ ਤੌਰ 'ਤੇ ਵਰਤਿਆ ਜਾਂਦਾ ਹੈ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ ਫੋਨ ਵਿੱਚ 16 ਮੈਗਾਪਿਕਸਲ ਦਾ ਕੈਮਰਾ ਹੈ, ਜੋ ਸਕ੍ਰੀਨ ਦੇ ਸੈਂਟਰ ਵਿੱਚ ਹੋਲ-ਪੰਚ ਕਟਆਉਟ ਦੇ ਨਾਲ ਸਥਿਤ ਹੈ।
ਫੋਨ ਨੂੰ 67W ਫਾਸਟ ਚਾਰਜਿੰਗ ਸਪੋਰਟ ਦੇ ਨਾਲ 5,065mAh ਦੀ ਬੈਟਰੀ ਨਾਲ ਬੈਕ ਕੀਤਾ ਗਿਆ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ 15 ਮਿੰਟਾਂ ਵਿਚ 50 ਪ੍ਰਤੀਸ਼ਤ ਚਾਰਜ ਹੋ ਜਾਂਦਾ ਹੈ। ਇਹ ਫੋਨ ਆਈਪੀ53 ਡਸਟ ਅਤੇ ਪਾਣੀ ਰਸਿਸਟੇਂਸ ਹੈ। ਗੇਮਿੰਗ ਦੌਰਾਨ ਵਧੀਆ ਆਵਾਜ਼ ਦੀ ਗੁਣਵੱਤਾ ਲਈ, ਫੋਨ ਵਿਚ ਤਿੰਨ ਮਾਈਕ੍ਰੋਫੋਨ ਦਿੱਤੇ ਗਏ ਹਨ। ਇਹ ਵਾਈ-ਫਾਈ ਗੇਮਿੰਗ ਐਂਟੀਨਾ, ਹੈਪਟਿਕ ਫੀਡਬੈਕ ਅਤੇ ਵਾਈਬ੍ਰੇਸ਼ਨ, ਜੀਟੀ ਸਵਿਚ ਅਤੇ ਮੈਗਲੇਵ ਟਰਿੱਗਰਜ਼ ਦੇ ਨਾਲ ਐਕਸ-ਸ਼ੌਕਰਸ ਦਾ ਸਮਰਥਨ ਕਰਦਾ ਹੈ। ਇਸ ਸਭ ਦੇ ਇਲਾਵਾ, ਫੋਨ ਵਿੱਚ ਡੌਲਬੀ ਐਟਮਸ ਸਪੋਰਟ ਦੇ ਨਾਲ ਡਿਊਲ ਸਟੀਰੀਓ ਸਪੀਕਰ ਹਨ। ਫੋਨ ਵਿੱਚ ਸਾਈਡ ਮਾਉਂਟਡ ਫਿੰਗਰਪ੍ਰਿੰਟ ਸੈਂਸਰ ਹੈ।
ਇਹ ਵੀ ਪੜ੍ਹੋ: ਕਾਂਗਰਸ ਦੇ 'ਤਾਜਪੋਸ਼ੀ' ਦੇ ਜਸ਼ਨਾਂ 'ਤੇ ਹੁਣ ਭਗਵੰਤ ਮਾਨ ਨੇ ਕੀਤਾ ਤੰਨਜ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
