ਕੀ ਹੈ CrowdStrike ? ਜਿਸ ਦੇ ਇੱਕ ਅੱਪਡੇਟ ਨੇ ਦੁਨੀਆ ਭਰ 'ਚ ਠੱਪ ਕਰ ਦਿੱਤੇ Windows Computer
Microsoft ਆਊਟੇਜ ਨੇ ਦੁਨੀਆ ਭਰ ਦੇ ਨੈੱਟਵਰਕਿੰਗ ਸਿਸਟਮ ਨੂੰ ਪ੍ਰਭਾਵਿਤ ਕੀਤਾ ਹੈ। ਮਾਈਕ੍ਰੋਸਾਫਟ ਦੇ ਨਾਲ ਕੰਮ ਕਰਨ ਵਾਲੀ ਇੱਕ ਅਮਰੀਕੀ ਸੁਰੱਖਿਆ ਫਰਮ CrowdStrike ਕਾਰਨ ਇਹ ਆਊਟੇਜ ਹੋਇਆ ਸੀ।
Microsoft Outage ਨੇ ਪਿਛਲੇ ਕੁਝ ਘੰਟਿਆਂ 'ਚ ਦੁਨੀਆ ਨੂੰ ਪਰੇਸ਼ਾਨ ਕਰ ਦਿੱਤਾ ਹੈ। ਇਸ ਨਾਲ ਹਰ ਤਰ੍ਹਾਂ ਦੇ ਨੈੱਟਵਰਕਿੰਗ ਸਿਸਟਮ ਪ੍ਰਭਾਵਿਤ ਹੋਏ ਹਨ। ਇੱਥੋਂ ਤੱਕ ਕਿ ਨਿਊਜ਼ ਚੈਨਲਾਂ ਵਿੱਚ ਬਣੇ ਪੈਕੇਜ ਵੀ ਪ੍ਰਭਾਵਿਤ ਹੋਏ ਹਨ। ਕਈ ਬੈਂਕਾਂ 'ਚ ਕੰਮ ਨਹੀਂ ਹੋ ਰਿਹਾ। CrowdStrike ਵੀ ਇਸ ਆਊਟੇਜ ਦਾ ਇੱਕ ਕਾਰਨ ਹੈ।
ਦਰਅਸਲ, CrowdStrike ਇੱਕ ਅਮਰੀਕੀ ਸੁਰੱਖਿਆ ਫਰਮ ਹੈ। ਇਹ ਫਰਮ ਮਾਈਕ੍ਰੋਸਾਫਟ ਦੇ ਨਾਲ ਮਿਲ ਕੇ ਕੰਮ ਕਰਦੀ ਹੈ। ਕੰਪਨੀ ਦੇ ਅਨੁਸਾਰ, CrowdStrike ਵਿੱਚ ਇੱਕ ਅਪਡੇਟ ਦੇ ਕਾਰਨ, ਦੁਨੀਆ ਭਰ ਵਿੱਚ PCs ਅਤੇ ਲੈਪਟਾਪਾਂ ਨੂੰ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਤੇ BSOD Error ਮਿਲ ਰਹੇ ਹਨ।
ਮੀਡੀਆ ਰਿਪੋਰਟਾਂ ਮੁਤਾਬਕ, ਭਾਰਤ ਸਮੇਤ ਅਮਰੀਕਾ, ਆਸਟ੍ਰੇਲੀਆ ਅਤੇ ਯੂਰਪੀ ਦੇਸ਼ਾਂ 'ਚ ਇਹ ਆਊਟੇਜ ਦੇਖਣ ਨੂੰ ਮਿਲਿਆ ਹੈ। ਸਰਲ ਤਰੀਕੇ ਨਾਲ ਸਮਝਣ ਲਈ, ਦੁਨੀਆ ਭਰ ਦੀਆਂ ਕੰਪਨੀਆਂ CrowdStrike ਦੀ ਵਰਤੋਂ ਕਰ ਰਹੀਆਂ ਹਨ। ਰਿਪੋਰਟਾਂ ਮੁਤਾਬਕ CrowdStrike ਦਾ ਇੱਕ ਸਰਵਰ ਕਰੈਸ਼ ਹੋ ਗਿਆ ਹੈ। ਇਸ ਕਾਰਨ ਮਾਈਕ੍ਰੋਸਾਫਟ 'ਤੇ ਇਸ ਦਾ ਬਹੁਤ ਜ਼ਿਆਦਾ ਅਸਰ ਪਿਆ ਹੈ।
ਜੇਕਰ CrowdStrike ਦੇ ਸਰਵਰ 'ਚ ਕਰੈਸ਼ ਹੋਣ ਦੀ ਮੰਨੀਏ ਤਾਂ ਮਾਈਕ੍ਰੋਸਾਫਟ ਸਭ ਤੋਂ ਜ਼ਿਆਦਾ ਪ੍ਰਭਾਵਿਤ ਹੋਇਆ ਹੈ। ਇਸ ਦੇ ਵਿੰਡੋਜ਼ ਕੰਪਿਊਟਰ ਪ੍ਰਭਾਵਿਤ ਹੋਏ ਹਨ। ਵੱਡੀ ਗਿਣਤੀ ਲੋਕ ਪੀਸੀ-ਲੈਪਟਾਪ ਦੀ ਵਰਤੋਂ ਕਰਨ ਦੇ ਯੋਗ ਨਹੀਂ ਹਨ। ਲੋਕ ਰਿਕਵਰੀ ਮੋਡ ਵਿੱਚ PC ਦੀ ਵਰਤੋਂ ਕਰ ਰਹੇ ਹਨ ਜਿਸ ਨੂੰ BSOD ਗਲਤੀ ਵਜੋਂ ਜਾਣਿਆ ਜਾਂਦਾ ਹੈ।
What is Server ?
ਅਸਲ ਵਿੱਚ ਸਰਵਰ ਇੱਕ ਕਿਸਮ ਦਾ ਸਿਸਟਮ ਹੈ ਜੋ ਨੈਟਵਰਕ ਦੁਆਰਾ ਜੁੜੇ ਕੰਪਿਊਟਰਾਂ ਤੇ ਡਿਵਾਈਸਾਂ ਨੂੰ ਸੇਵਾ ਪ੍ਰਦਾਨ ਕਰਦਾ ਹੈ। ਇਹ ਸੇਵਾਵਾਂ ਕਈ ਕਿਸਮਾਂ ਦੀਆਂ ਹੋ ਸਕਦੀਆਂ ਹਨ। ਇਸ ਵਿੱਚ ਡਾਟਾਬੇਸ, ਹੋਸਟਿੰਗ, ਯੂਜ਼ਰ ਐਕਸੈਸ ਕੰਟਰੋਲ ਸਮੇਤ ਕਈ ਚੀਜ਼ਾਂ ਸ਼ਾਮਲ ਹਨ। ਸਰਵਰ ਦਾ ਕੰਮ ਡਾਟਾ ਇਕੱਠਾ ਕਰਨਾ ਤੇ ਇਸ ਨਾਲ ਜੁੜੇ ਯੰਤਰਾਂ ਨੂੰ ਸਹੂਲਤਾਂ ਪ੍ਰਦਾਨ ਕਰਨਾ ਹੈ। ਸਰਵਰ ਵਿੱਚ ਤਕਨੀਕੀ ਨੁਕਸ ਆਉਣ ਕਾਰਨ ਹੰਗਾਮਾ ਹੁੰਦਾ ਹੈ, ਜਿਸ ਕਾਰਨ ਲੋਕਾਂ ਨੂੰ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
