Electric Scooter Season Sale: ਬੱਲੇ-ਬੱਲੇ! ਇਲੈਕਟ੍ਰਿਕ ਸਕੂਟਰਾਂ 'ਤੇ ਘੱਟ ਗਏ ਦਾਮ, ਨਵਰਾਤਰੀ ਆਫਰ 'ਚ ਇਹ EV 25 ਹਜ਼ਾਰ ਰੁਪਏ ਸਸਤੇ 'ਚ ਮਿਲ ਰਿਹਾ
ਜੇਕਰ ਤੁਸੀਂ ਵੀ ਇਲੈਕਟ੍ਰਿਕ ਸਕੂਟਰ ਖਰੀਦਣ ਲਈ ਕਿਸੇ ਚੰਗੀ ਡੀਲ ਦੀ ਉਡੀਕ ਕਰ ਰਹੇ ਸੀ ਤਾਂ ਹੁਣ ਤੁਹਾਡੇ ਕੋਲ ਸੁਨਹਿਰੀ ਮੌਕਾ ਹੈ। ਜੀ ਹਾਂ ਨਵਰਾਤਰੀ ਆਫਰ 'ਚ 25000 ਰੁਪਏ ਦਾ ਬੰਪਰ ਡਿਸਕਾਊਂਟ ਮਿਲ ਰਿਹਾ ਹੈ ਅਤੇ ਤੁਸੀਂ ਆਪਣਾ ਸੁਫਨਾ ਪੂਰਾ...
Navaratri-Diwali Offer On Electric Scooter: ਪੂਰੇ ਦੇਸ਼ ਵਿੱਚ ਤਿਉਹਾਰ ਦਾ ਮਾਹੌਲ ਹੈ। ਇਸ ਤਿਉਹਾਰ ਨੂੰ ਲੋਕਾਂ ਨਾਲ ਮਨਾਉਣ ਲਈ ਕਈ ਬਾਈਕ ਅਤੇ ਸਕੂਟਰ ਬਣਾਉਣ ਵਾਲੀਆਂ ਕੰਪਨੀਆਂ ਇਸ ਖੁਸ਼ੀ ਨੂੰ ਦੁੱਗਣਾ ਕਰਨ ਲਈ ਤਿਆਰ ਹਨ। ਓਲਾ ਨੇ ਇਸ ਨਵਰਾਤਰੀ ਦੇ ਮੱਦੇਨਜ਼ਰ ਆਪਣੇ ਪ੍ਰਸਿੱਧ ਇਲੈਕਟ੍ਰਿਕ ਸਕੂਟਰ ਦੀ ਕੀਮਤ ਵੀ ਘਟਾ ਦਿੱਤੀ ਹੈ। ਓਲਾ ਦੇ ਸਕੂਟਰ ਦੀ ਕੀਮਤ ਜਿਸਦੀ ਕੀਮਤ 75 ਹਜ਼ਾਰ ਰੁਪਏ ਸੀ, ਹੁਣ 25 ਹਜ਼ਾਰ ਰੁਪਏ ਤੱਕ ਦਾਮ ਘੱਟ ਕਰ ਦਿੱਤੇ ਹਨ। ਓਲਾ ਦਾ ਇਹ ਆਫਰ ਸ਼ਾਰਦੀਆ ਨਵਰਾਤਰੀ ਦੇ ਪਹਿਲੇ ਦਿਨ ਤੋਂ ਸ਼ੁਰੂ ਹੋ ਰਿਹਾ ਹੈ।
ਓਲਾ ਦਾ ਸੀਜ਼ਨ ਸੇਲ ਆਫਰ
ਓਲਾ ਦੇ ਸੀਈਓ ਭਾਵਿਸ਼ ਅਗਰਵਾਲ ਨੇ ਕੱਲ੍ਹ 2 ਅਕਤੂਬਰ ਨੂੰ ਆਪਣੇ ਇਲੈਕਟ੍ਰਿਕ ਸਕੂਟਰ 'ਤੇ ਸੀਜ਼ਨ ਸੇਲ ਆਫਰ ਦਾ ਐਲਾਨ ਕੀਤਾ ਸੀ। ਭਾਵਿਸ਼ ਅਗਰਵਾਲ ਨੇ ਦੱਸਿਆ ਕਿ ਇਹ ਆਫਰ 3 ਅਕਤੂਬਰ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ। Ola S1 ਇੱਕ ਮਸ਼ਹੂਰ ਸਕੂਟਰ ਹੈ ਅਤੇ ਇਸ ਇਲੈਕਟ੍ਰਿਕ ਸਕੂਟਰ ਦੀ ਸ਼ੁਰੂਆਤੀ ਕੀਮਤ ਹੁਣ 49,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।
ਕੀਮਤ 25 ਹਜ਼ਾਰ ਰੁਪਏ ਦਾ ਬੰਪਰ ਡਿਸਕਾਊਂਟ
Ola S1 ਦੀ ਸ਼ੁਰੂਆਤੀ ਕੀਮਤ 74,999 ਰੁਪਏ ਤੋਂ ਸ਼ੁਰੂ ਹੋ ਕੇ 2 ਅਕਤੂਬਰ ਦੀ ਰਾਤ ਤੱਕ ਸੀ। ਹੁਣ ਇਸ EV ਦੀ ਸ਼ੁਰੂਆਤੀ ਕੀਮਤ 'ਚ 25 ਹਜ਼ਾਰ ਰੁਪਏ ਦੀ ਕਟੌਤੀ ਕੀਤੀ ਗਈ ਹੈ। ਇਹ ਆਫਰ ਨਵਰਾਤਰੀ ਤੋਂ ਦੀਵਾਲੀ ਤੱਕ ਚੱਲਣ ਵਾਲਾ ਹੈ। ਬਾਜ਼ਾਰ 'ਚ ਓਲਾ ਐੱਸ1 ਦੇ ਕਈ ਵੇਰੀਐਂਟ ਹਨ। ਨਵਰਾਤਰੀ-ਦੀਵਾਲੀ ਆਫਰ ਦੇ ਨਾਲ, ਇਸ EV ਦੀ ਕੀਮਤ 50 ਹਜ਼ਾਰ ਰੁਪਏ ਦੀ ਰੇਂਜ ਵਿੱਚ ਆ ਗਈ ਹੈ।
Ola S1
Ola S1X ਤਿੰਨ ਬੈਟਰੀ ਪੈਕ ਦੇ ਵਿਕਲਪ ਦੇ ਨਾਲ ਮਾਰਕੀਟ ਵਿੱਚ ਹੈ। ਇਸ ਸਕੂਟਰ 'ਚ ਕੰਪਨੀ 2 kWh ਬੈਟਰੀ ਪੈਕ ਤੋਂ 95 ਕਿਲੋਮੀਟਰ, 3 kWh ਬੈਟਰੀ ਪੈਕ ਤੋਂ 151 ਕਿਲੋਮੀਟਰ ਅਤੇ 4 kWh ਬੈਟਰੀ ਪੈਕ ਤੋਂ 193 ਕਿਲੋਮੀਟਰ ਦੀ ਰੇਂਜ ਦੇਣ ਦਾ ਦਾਅਵਾ ਕਰਦੀ ਹੈ। Ola S1 X ਦੀ ਐਕਸ-ਸ਼ੋਰੂਮ ਕੀਮਤ 74,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।
Ola S1 Air
Ola S1 Air 6 kW ਦੀ ਪੀਕ ਪਾਵਰ ਪ੍ਰਦਾਨ ਕਰਦਾ ਹੈ। ਇਸ ਸਕੂਟਰ ਦੀ ਟਾਪ-ਸਪੀਡ 90 kmph ਤੱਕ ਜਾਂਦੀ ਹੈ। ਇਸ ਇਲੈਕਟ੍ਰਿਕ ਸਕੂਟਰ ਦੀ ਪ੍ਰਮਾਣਿਤ ਰੇਂਜ 151 ਕਿਲੋਮੀਟਰ ਹੈ। Ola S1 Air ਦੀ ਐਕਸ-ਸ਼ੋਰੂਮ ਕੀਮਤ 1,07,499 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।
ਓਲਾ S1 Pro
Ola S1 Pro 11 kW ਦੀ ਪੀਕ ਪਾਵਰ ਪ੍ਰਦਾਨ ਕਰਦਾ ਹੈ। ਇਸ ਦੇ ਨਾਲ ਹੀ ਇਹ ਸਕੂਟਰ ਸਿੰਗਲ ਚਾਰਜਿੰਗ 'ਚ 195 ਕਿਲੋਮੀਟਰ ਦੀ ਰੇਂਜ ਦੇਣ ਦਾ ਦਾਅਵਾ ਕਰਦਾ ਹੈ। ਇਸ EV ਦੀ ਟਾਪ-ਸਪੀਡ 120 kmph ਹੈ। ਆਫਰ ਤੋਂ ਪਹਿਲਾਂ Ola S1 Pro ਦੀ ਐਕਸ-ਸ਼ੋਰੂਮ ਕੀਮਤ 1,34,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।
ਹੋਰ ਪੜ੍ਹੋ : ਸਿਰਫ ਪੰਜ ਲੱਖ ਰੁਪਏ ਵਿੱਚ ਮਿਲੇਗੀ ਟਾਟਾ ਦੀ ਇਹ ਕਾਰ, 65 ਹਜ਼ਾਰ ਰੁਪਏ ਤੱਕ ਦਾ ਬੰਪਰ ਡਿਸਕਾਊਂਟ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
