(Source: ECI/ABP News/ABP Majha)
Same Sex Marriage: LGBTQIA ‘ਚ L ਦਾ ਮਤਲਬ ਲੈਸਬੀਅਨ ਤੇ G ਦਾ ਮਤਲਬ Gay... ਫਿਰ BTQIA ਦਾ ਕੀ ਮਤਲਬ ਹੈ?
Same Sex Marriage Verdict: ਸਮਲਿੰਗੀ ਵਿਆਹ ਨੂੰ ਲੈ ਕੇ ਸੁਪਰੀਮ ਕੋਰਟ ਦਾ ਫੈਸਲਾ ਅੱਜ ਆ ਗਿਆ ਹੈ, ਜਿਸ ਤੋਂ ਬਾਅਦ ਗੇਅ ਕਮਿਊਨਿਟੀ LGBTQIA ਦਾ ਕਾਫੀ ਜ਼ਿਕਰ ਹੋ ਰਿਹਾ ਹੈ। ਤਾਂ ਕੀ ਤੁਸੀਂ ਜਾਣਦੇ ਹੋ ਕਿ ਇਨ੍ਹਾਂ ਦਾ ਕੀ ਮਤਲਬ ਹੈ?
Same Sex Marriage Verdict: ਸੁਪਰੀਮ ਕੋਰਟ ਨੇ ਸਮਲਿੰਗੀ ਵਿਆਹ ਦੀ ਵੈਧਤਾ 'ਤੇ ਆਪਣਾ ਫੈਸਲਾ ਸੁਰੱਖਿਅਤ ਰੱਖ ਲਿਆ ਸੀ ਅਤੇ ਮੰਗਲਵਾਰ ਨੂੰ ਫੈਸਲਾ ਸੁਣਾ ਦਿੱਤਾ ਹੈ। ਸੁਪਰੀਮ ਕੋਰਟ ਦੇ ਫੈਸਲੇ ਤੋਂ ਪਹਿਲਾਂ ਸਮਲਿੰਗੀ ਵਿਆਹ ਨੂੰ ਲੈ ਕੇ ਚਰਚਾ ਛਿੜੀ ਹੋਈ ਹੈ ਅਤੇ ਇਸ ਨੂੰ ਲੈ ਕੇ ਕਈ ਤਰ੍ਹਾਂ ਦੀਆਂ ਰਾਏ ਸਾਹਮਣੇ ਆ ਰਹੀਆਂ ਹਨ। ਨਾਲ ਹੀ, ਤੁਸੀਂ ਇਸ ਦੌਰਾਨ LGBTQIA ਸੰਸਾਰ ਦਾ ਬਹੁਤ ਜ਼ਿਕਰ ਸੁਣਿਆ ਹੋਵੇਗਾ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ LGBTQIA ਕੀ ਹੈ ਅਤੇ ਇਸ ਵਿੱਚ L,G,B,T,Q,I,A ਦਾ ਕੀ ਅਰਥ ਹੈ? ਇਸ ਤੋਂ ਬਾਅਦ ਤੁਹਾਨੂੰ ਸਮਝ ਆਵੇਗਾ ਕਿ ਇਸ ਦੀ ਵਰਤੋਂ ਕਿਹੜੇ ਲੋਕਾਂ ਨੂੰ ਸੰਬੋਧਨ ਕਰਨ ਲਈ ਕੀਤੀ ਜਾਂਦੀ ਹੈ।
ਕੀ ਹੈ LGBTQIA?
ਦਰਅਸਲ, ਇਹ ਸਮਲਿੰਗੀ ਵਰਗ ਲਈ ਵਰਤਿਆ ਜਾਣ ਵਾਲਾ ਇੱਕ ਕਿਸਮ ਦਾ ਸ਼ਬਦ ਹੈ, ਜੋ ਸਮਲਿੰਗੀ ਭਾਈਚਾਰੇ ਸਬੰਧੀ ਦੱਸਦਾ ਹੈ। ਇਸ ਵਿੱਚ ਹਰ ਅਲਫਾਬੈਟ ਇੱਕ ਕੈਟੇਗਰੀ ਨੂੰ ਦਰਸਾਉਂਦਾ ਹੈ। ਜਿਵੇਂ L ਦਾ ਮਤਲਬ ਹੈ ਲੈਸਬੀਅਨ ਅਤੇ G ਦਾ ਮਤਲਬ ਗੇਅ। ਇਸ ਤੋਂ ਇਲਾਵਾ ਇਸ ਵਿੱਚ BTQIA ਆਦਿ ਅੱਖਰ ਵੀ ਵਰਤੇ ਜਾਂਦੇ ਹਨ ਅਤੇ ਇਹ ਵੱਖ-ਵੱਖ ਸ਼੍ਰੇਣੀਆਂ ਬਾਰੇ ਦੱਸਦੇ ਹਨ। ਦੱਸ ਦਈਏ ਕਿ ਹਾਲਾਂਕਿ ਸਮਲਿੰਗੀ ਭਾਈਚਾਰੇ ਵਿੱਚ 72 ਸ਼੍ਰੇਣੀਆਂ ਹਨ, ਆਮ ਤੌਰ 'ਤੇ LGBTQIA+ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਤਾਂ ਆਓ ਜਾਣਦੇ ਹਾਂ ਇਸਦਾ ਮਤਲਬ ਕੀ ਹੈ...
ਇਹ ਵੀ ਪੜ੍ਹੋ: AirAsia ਦੇ CEO ਨੇ ਬਿਨਾਂ ਕਮੀਜ਼ ਦੇ ਕੀਤੀ ਮੀਟਿੰਗ ਤੇ ਕਰਵਾਈ ਮਸਾਜ, ਜਾਣੋ ਕੀ ਸੀ ਕਾਰਨ
ਕੀ ਹੈ LGBTQIA ਦੀ ਫੂਲ ਫਾਰਮ?
L- L ਦਾ ਮਤਲਬ ਹੈ ਲੈਸਬੀਅਨ। ਇਸ ਸ਼੍ਰੇਣੀ ਵਿੱਚ ਉਹ ਔਰਤਾਂ ਆਉਂਦੀਆਂ ਹਨ, ਜਿਹੜੀਆਂ ਔਰਤਾਂ ਵੱਲ ਹੀ ਆਕਰਸ਼ਿਤ ਹੁੰਦੀਆਂ ਹਨ।
G- G ਦਾ ਅਰਥ ਹੈ ਗੇਅ। ਇਸ ਸ਼੍ਰੇਣੀ ਵਿੱਚ ਉਹ ਪੁਰਸ਼ ਆਉਂਦੇ ਹਨ ਜਿਹੜੇ ਸਿਰਫ਼ ਮਰਦਾਂ ਵੱਲ ਆਕਰਸ਼ਿਤ ਹੁੰਦੇ ਹਨ।
B- B ਦਾ ਅਰਥ ਹੈ Bysexual। ਇਹ ਲੋਕ ਉਸ ਸ਼੍ਰੇਣੀ ਵਿੱਚ ਸ਼ਾਮਲ ਹੁੰਦੇ ਹਨ, ਜਿਹੜੇ ਮਰਦਾਂ ਅਤੇ ਔਰਤਾਂ ਦੋਵਾਂ ਵੱਲ ਜਿਨਸੀ ਤੌਰ 'ਤੇ ਆਕਰਸ਼ਿਤ ਹੁੰਦੇ ਹਨ।
T- T ਦਾ ਅਰਥ ਟਰਾਂਸਜੈਂਡਰ ਹੈ। ਇਨ੍ਹਾਂ ਵਿੱਚ ਉਹ ਲੋਕ ਸ਼ਾਮਲ ਹਨ ਜਿਨ੍ਹਾਂ ਨੂੰ ਕਿਸੇ ਲਿੰਗ ਦੁਆਰਾ ਪਰਿਭਾਸ਼ਿਤ ਨਹੀਂ ਕੀਤਾ ਜਾਂਦਾ ਹੈ। ਇਸ ਸ਼੍ਰੇਣੀ ਦੇ ਲੋਕ ਜਨਮ ਤੋਂ ਹੀ ਇਸ ਤਰ੍ਹਾਂ ਦੇ ਹੁੰਦੇ ਹਨ।
Q- Q ਦਾ ਅਰਥ ਹੈ queer। ਇਨ੍ਹਾਂ ਵਿੱਚ ਉਹ ਲੋਕ ਸ਼ਾਮਲ ਹਨ ਜੋ ਆਪਣੀ ਪਛਾਣ ਨਹੀਂ ਕਰ ਸਕੇ ਹਨ। ਉਹ ਅਜੇ ਵੀ ਆਪਣੀਆਂ ਸਰੀਰਕ ਇੱਛਾਵਾਂ ਦਾ ਫੈਸਲਾ ਨਹੀਂ ਕਰ ਸਕਦੇ ਹਨ।
I- I ਦਾ ਅਰਥ ਹੈ ਇੰਟਰਸੈਕਸ। ਇਹ ਉਹ ਲੋਕ ਹਨ ਜਿਨ੍ਹਾਂ ਨੂੰ ਜੈਨੇਟਿਕ ਸਮੱਸਿਆਵਾਂ ਕਾਰਨ ਨਰ ਜਾਂ ਮਾਦਾ ਵਜੋਂ ਪਰਿਭਾਸ਼ਿਤ ਨਹੀਂ ਕੀਤਾ ਜਾ ਸਕਦਾ।
A- A ਦਾ ਅਰਥ ਹੈ Asexual। ਇਹ ਉਹ ਲੋਕ ਹਨ ਜਿਨ੍ਹਾਂ ਦਾ ਜਿਨਸੀ ਆਕਰਸ਼ਣ ਘੱਟ ਹੁੰਦਾ ਹੈ ਅਤੇ ਰੋਮਾਂਟਿਕ ਨਹੀਂ ਹੁੰਦੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
