Pali Rail Accident: ਰਾਜਸਥਾਨ ਦੇ ਪਾਲੀ 'ਚ ਵੱਡਾ ਰੇਲ ਹਾਦਸਾ, ਬਾਂਦਰਾ-ਜੋਧਪੁਰ ਸੂਰਿਆਨਗਰੀ ਐਕਸਪ੍ਰੈਸ ਦੀਆਂ 11 ਬੋਗੀਆਂ ਪਟੜੀ ਤੋਂ ਉਤਰੀਆਂ
Pali Rail Accident: ਰਾਜਸਥਾਨ ਦੇ ਪਾਲੀ 'ਚ ਵੱਡਾ ਰੇਲ ਹਾਦਸਾ, ਬਾਂਦਰਾ-ਜੋਧਪੁਰ ਸੂਰਿਆਨਗਰੀ ਐਕਸਪ੍ਰੈਸ ਦੀਆਂ 11 ਬੋਗੀਆਂ ਪਟੜੀ ਤੋਂ ਉਤਰੀਆਂ
#Rajasthan #trainaccident #PaliRailAccident #abpsanjha
Pali Rail Accident: ਰਾਜਸਥਾਨ ਦੇ ਪਾਲੀ ਵਿੱਚ ਸੋਮਵਾਰ ਸਵੇਰੇ ਬਾਂਦਰਾ ਟਰਮੀਨਸ ਜੋਧਪੁਰ ਸੂਰਿਆਨਗਰੀ ਐਕਸਪ੍ਰੈਸ (Bandra Terminus-Jodhpur Suryanagari Express) ਦੀਆਂ 11 ਬੋਗੀਆਂ ਪਟੜੀ ਤੋਂ ਉਤਰ ਗਈਆਂ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਹ ਹਾਦਸਾ ਦੁਪਹਿਰ 3.27 ਵਜੇ ਵਾਪਰਿਆ। ਉੱਤਰ ਪੱਛਮੀ ਰੇਲਵੇ ਦੇ ਸੀਪੀਆਰਓ ਨੇ ਦੱਸਿਆ ਕਿ ਜੋਧਪੁਰ ਡਿਵੀਜ਼ਨ ਦੇ ਰਾਜਕੀਵਾਸ-ਬੋਮਦਰਾ ਸੈਕਸ਼ਨ 'ਤੇ ਬੋਗੀਆਂ ਪਟੜੀ ਤੋਂ ਉਤਰ ਗਈਆਂ। ਹਾਲਾਂਕਿ ਇਸ ਹਾਦਸੇ 'ਚ ਕਿਸੇ ਜਾਨੀ ਜਾਂ ਮਾਲੀ ਨੁਕਸਾਨ ਦੀ ਕੋਈ ਸੂਚਨਾ ਨਹੀਂ ਹੈ।
ਸੀਪੀਆਰਓ ਨੇ ਕਿਹਾ ਕਿ ਉੱਤਰ ਪੱਛਮੀ ਰੇਲਵੇ ਦੇ ਜਨਰਲ ਮੈਨੇਜਰ ਅਤੇ ਹੋਰ ਉੱਚ ਅਧਿਕਾਰੀ ਰੇਲਵੇ ਦੇ ਜੈਪੁਰ ਹੈੱਡਕੁਆਰਟਰ 'ਤੇ ਮਾਮਲੇ ਦੀ ਨਿਗਰਾਨੀ ਕਰ ਰਹੇ ਹਨ। ਜਲਦ ਹੀ ਕਈ ਉੱਚ ਅਧਿਕਾਰੀ ਮੌਕੇ 'ਤੇ ਪਹੁੰਚ ਜਾਣਗੇ।
ਇਸ ਦੇ ਨਾਲ ਹੀ ਰੇਲਵੇ ਵੱਲੋਂ ਹੈਲਪਲਾਈਨ ਨੰਬਰ ਜਾਰੀ ਕੀਤੇ ਗਏ ਹਨ। ਉੱਤਰ ਪੱਛਮੀ ਰੇਲਵੇ ਦੇ ਸੀਪੀਆਰਓ ਨੇ ਕਿਹਾ ਕਿ ਯਾਤਰੀ ਅਤੇ ਉਨ੍ਹਾਂ ਦੇ ਰਿਸ਼ਤੇਦਾਰ ਕਿਸੇ ਵੀ ਜਾਣਕਾਰੀ ਲਈ 138 ਅਤੇ 1072 'ਤੇ ਵੀ ਸੰਪਰਕ ਕਰ ਸਕਦੇ ਹਨ।
ਜੋਧਪੁਰ ਹੈਲਪਲਾਈਨ ਨੰਬਰ
0291- 2654979(1072)
0291- 2654993(1072)
0291- 2624125
0291- 2431646
ਪਾਲੀ ਮਾਰਵਾੜ ਦਾ ਹੈਲਪਲਾਈਨ ਨੰਬਰ
0293- 2250324
ਇਸ ਦੇ ਨਾਲ ਹੀ ਟਰੇਨ ਦੇ ਇੱਕ ਯਾਤਰੀ ਨੇ ਘਟਨਾ ਦੀ ਦੁਖਦਾਈ ਘਟਨਾ ਦੱਸੀ। ਨਿਊਜ਼ ਏਜੰਸੀ ਏਐਨਆਈ ਮੁਤਾਬਕ ਇੱਕ ਯਾਤਰੀ ਨੇ ਦੱਸਿਆ ਕਿ ਮਾਰਵਾੜ ਜੰਕਸ਼ਨ ਤੋਂ ਰੇਲਗੱਡੀ ਦੇ ਰਵਾਨਾ ਹੋਣ ਦੇ ਪੰਜ ਮਿੰਟ ਬਾਅਦ ਟਰੇਨ ਦੇ ਅੰਦਰ ਕੰਬਣ ਦੀ ਆਵਾਜ਼ ਆਈ ਅਤੇ ਕਰੀਬ 2-3 ਮਿੰਟ ਬਾਅਦ ਟਰੇਨ ਰੁਕ ਗਈ। ਜਦੋਂ ਅਸੀਂ ਹੇਠਾਂ ਉਤਰੇ ਤਾਂ ਦੇਖਿਆ ਕਿ ਸਲੀਪਰ ਕੋਚ ਦੀਆਂ ਬੋਗੀਆਂ ਪਟੜੀ ਤੋਂ ਉਤਰ ਗਈਆਂ ਸਨ। ਘਟਨਾ ਦੇ 15-20 ਮਿੰਟਾਂ ਵਿੱਚ ਐਂਬੂਲੈਂਸ ਪਹੁੰਚ ਗਈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
