ਜਵਾਲਾਮੁਖੀ ਫਟਣ ਕਾਰਨ 1700 ਲੋਕ ਬੇਘਰ

ਅਮਰੀਕੀ ਭੂ-ਵਿਗਿਆਨ ਸਰਵੇਖਣ ਨੇ ਕਿਹਾ ਕਿ ਕਿ ਰਿਕਟਰ ਪੈਮਾਨੇ ’ਤੇ ਇਸ ਜਵਾਲਾਮੁਖੀ ਦੀ ਰਫ਼ਤਾਰ ਵੱਧ ਤੋਂ ਵੱਧ ਪੰਜ ਮਾਪੀ ਗਈ ਹੈ।

ਹਵਾਈ ਕੌਮੀ ਗਾਰਡ ਲੋਕਾਂ ਨੂੰ ਉੱਥੋਂ ਕੱਢਣ ਤੇ ਸੁਰੱਖਿਆ ਮੁਹੱਈਆ ਕਰਾਉਣ ਵਿੱਚ ਮਦਦ ਕਰ ਰਿਹਾ ਹੈ। ਇਸ ਦੀਪ ਵਿੱਚ ਕਈ ਝਟਕਿਆਂ ਤੋਂ ਬਾਅਦ ਜਵਾਲਾਮੁਖੀ ਵਿੱਚ ਧਮਾਕਾ ਹੋਇਆ ਹੈ।

ਹਵਾਈ ਜਵਾਲਾਮੁਖੀ ਆਬਜ਼ਰਵੇਟਰੀ ਨੇ ਬੀਤੇ ਵੀਰਵਾਰ ਜਵਾਲਾਮੁਖੀ ਫਟਣ ਦੀ ਪੁਸ਼ਟੀ ਕੀਤੀ ਸੀ। ਅਧਿਕੀਰੀਆਂ ਨੇ ਉੱਥੋਂ ਦੇ ਵਸਨੀਕਾਂ ਨੂੰ ਨੇੜੇ ਦੇ ਕਮਿਊਨਟੀ ਸੈਂਟਰ ਵਿੱਚ ਪਨਾਹ ਲੈਣ ਲਈ ਕਿਹਾ ਹੈ।

ਦੁਨੀਆ ਦੇ ਸਭ ਤੋਂ ਸਰਗਰਮ ਜਵਾਲਾ ਮੁਖੀਆਂ ਵਿੱਚੋਂ ਇੱਕ ਹਵਾਈ ਦੀ ਕਿਲਾਇਵਾ ਜਵਾਲਾਮੁਖੀ ਫਟਣ ਨਾਲ ਕਰੀਬ 1,700 ਜਣਿਆਂ ਨੂੰ ਇਲਾਕਾ ਛੱਡ ਕੇ ਜਾਣ ਲਈ ਮਜਬੂਰ ਹੋਣਾ ਪਿਆ।