ਭਾਰਤ ਨੂੰ ਘੇਰਨ ਲਈ ਚੀਨ ਦਾ ਪੈਂਤੜਾ, ਜਾਣੋ ਕੀ ਹੈ ਡ੍ਰੈਗਨ ਦਾ ਐਕਸ਼ਨ ਪਲਾਨ

ਚੀਨ ਨੇ 2018 ਲਈ ਆਪਣੇ ਰੱਖਿਆ ਬਜਟ ਵਿੱਚ 8.1 ਫ਼ੀਸਦੀ ਦਾ ਵਾਧਾ ਕੀਤਾ ਹੈ। ਇਹ ਰਕਮ ਭਾਰਤ ਦੇ ਮੁਕਾਬਲੇ ਤਿੰਨ ਗੁਣਾ ਜ਼ਿਆਦਾ ਹੈ। ਚੀਨ ਦਾ 2018 ਦਾ ਰੱਖਿਆ ਬਜਟ 1110 ਕਰੋੜ ਯੂਆਨ (175 ਅਰਬ ਡਾਲਰ) ਹੈ।

ਚੀਨ ਨੇ ਸ਼੍ਰੀਲੰਕਾ ਦੇ ਨਾਲ ਵੀ ਆਪਣੇ ਰਿਸ਼ਤੇ ਬਿਹਤਰ ਕਰ ਲਏ ਹਨ। ਦਸੰਬਰ 2017 ਵਿੱਚ ਸ਼੍ਰੀਲੰਕਾ ਨੇ ਆਪਣੇ ਹੰਬਨਟੋਟਾ ਪੋਰਟ 99 ਸਾਲਾਂ ਲਈ ਚੀਨ ਨੂੰ ਦੇ ਦਿੱਤਾ ਸੀ। ਮਤਲਬ ਡ੍ਰੈਗਨ ਦੀ ਮੌਜੂਦਗੀ ਹਿੰਦ ਮਹਾਂਸਾਗਰ ਵਿੱਚ ਸਿੱਧੇ ਤੌਰ 'ਤੇ ਵਧੇਗੀ। ਉੱਥੇ ਹੀ ਮੀਆਂਮਾਰ ਦੇ ਕਿਆਕਪਿਊ ਵਿੱਚ ਵੀ ਚੀਨ ਬੰਦਰਗਾਹ ਬਣਾ ਰਿਹਾ ਹੈ ਤੇ ਉਸ ਦੇ ਥਿਲਾਵਾ ਬੰਦਰਗਾਹ 'ਤੇ ਵੀ ਚੀਨੀ ਜਲ ਸੈਨਾ ਦਾ ਆਉਣਾ-ਜਾਣਾ ਹੈ। ਚੀਨ ਪਹਿਲਾਂ ਹੀ ਅੰਡੇਮਾਨ ਨਿਕੋਬਾਰ ਦੀਪ ਸਮੂਹ ਤੋਂ ਤਕਰੀਬਨ 50 ਕਿਲੋਮੀਟਰ ਦੂਰੀ 'ਤੇ ਸਥਿਤ ਕੋਕੋ ਟਾਪੂ 'ਤੇ ਆਪਣੀ ਤਾਕਤ ਵਧਾ ਕੇ ਆਧੁਨਿਕ ਜਲ ਸੈਨਿਕ ਸਰਗਰਮੀਆਂ ਕਰ ਚੁੱਕਾ ਹੈ।