Cars Price Hike: ਚੜ੍ਹਦੇ ਸਾਲ ਹੀ ਲੋਕਾਂ 'ਤੇ ਪਏਗੀ ਮਹਿੰਗਾਈ ਦੀ ਮਾਰ ! 80 ਹਜ਼ਾਰ ਰੁਪਏ ਮਹਿੰਗੀਆਂ ਹੋਣਗੀਆਂ ਮਾਰੂਤੀ ਦੀਆਂ ਕਾਰਾਂ, ਜਾਣੋ ਹੁਣ ਕੀ ਹੈ ਰੇਟ ?
Maruti Suzuki Cars Price Hike: ਨਵੇਂ ਸਾਲ ਵਿੱਚ ਵਾਹਨਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਣ ਜਾ ਰਿਹਾ ਹੈ। ਹੁੰਡਈ ਤੋਂ ਬਾਅਦ ਹੁਣ ਮਾਰੂਤੀ ਨੇ ਵੀ ਆਪਣੇ ਵਾਹਨਾਂ ਦੀਆਂ ਕੀਮਤਾਂ ਵਧਾਉਣ ਦਾ ਐਲਾਨ ਕੀਤਾ ਹੈ।
Maruti Suzuki Cars Price Hike In January 2025: ਨਵਾਂ ਸਾਲ ਸ਼ੁਰੂ ਹੋਣ ਵਾਲਾ ਹੈ। ਕਈ ਵਾਹਨ ਨਿਰਮਾਤਾ ਨਵੇਂ ਸਾਲ 'ਚ ਆਪਣੀਆਂ ਕਾਰਾਂ ਅਤੇ ਬਾਈਕਸ ਦੀਆਂ ਕੀਮਤਾਂ ਵਧਾਉਣ ਜਾ ਰਹੇ ਹਨ। ਇਸ ਦੇ ਨਾਲ ਹੀ ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਕੰਪਨੀਆਂ ਵਿੱਚੋਂ ਇੱਕ ਮਾਰੂਤੀ ਸੁਜ਼ੂਕੀ ਨੇ ਵੀ ਆਪਣੇ ਵਾਹਨਾਂ ਦੀਆਂ ਕੀਮਤਾਂ ਵਧਾਉਣ ਦਾ ਐਲਾਨ ਕੀਤਾ ਹੈ। ਮਾਰੂਤੀ ਨੇ ਇੱਕ ਪ੍ਰੈਸ ਬਿਆਨ ਜਾਰੀ ਕਰਕੇ ਕਿਹਾ ਕਿ ਜਨਵਰੀ 2025 ਤੋਂ ਕਾਰਾਂ ਦੀਆਂ ਕੀਮਤਾਂ ਵਿੱਚ ਚਾਰ ਫੀਸਦੀ ਤੱਕ ਦਾ ਵਾਧਾ ਹੋ ਸਕਦਾ ਹੈ। ਮਾਰੂਤੀ ਕਾਰਾਂ ਦੀ ਕੀਮਤ ਵਿੱਚ ਵਾਧਾ ਕਾਰਾਂ ਦੇ ਮਾਡਲਾਂ ਦੇ ਹਿਸਾਬ ਨਾਲ ਵੱਖ-ਵੱਖ ਹੋ ਸਕਦਾ ਹੈ।
ਮਾਰੂਤੀ ਕਿਉਂ ਵਧਾ ਰਹੀ ਹੈ ਕੀਮਤਾਂ?
ਮਾਰੂਤੀ ਸੁਜ਼ੂਕੀ ਵੱਲੋਂ ਕਿਹਾ ਗਿਆ ਹੈ ਕਿ ਇਨਪੁਟ ਲਾਗਤ ਤੇ ਸੰਚਾਲਨ ਖਰਚੇ ਵਧਣ ਕਾਰਨ ਕੀਮਤ ਵਧਾਈ ਜਾ ਰਹੀ ਹੈ। ਕੰਪਨੀ ਦੀ ਤਰਫੋਂ ਇਹ ਵੀ ਕਿਹਾ ਗਿਆ ਕਿ ਅਸੀਂ ਹਮੇਸ਼ਾ ਵਾਹਨਾਂ ਦੀ ਕੀਮਤ ਨੂੰ ਘੱਟ ਤੋਂ ਘੱਟ ਰੱਖਣ ਦੀ ਕੋਸ਼ਿਸ਼ ਕਰਦੇ ਹਾਂ, ਤਾਂ ਜੋ ਗਾਹਕਾਂ 'ਤੇ ਕੀਮਤ ਦਾ ਅਸਰ ਘੱਟ ਹੋਵੇ। ਮਾਰੂਤੀ ਨੇ ਇਹ ਵੀ ਕਿਹਾ ਕਿ ਇਨ੍ਹਾਂ ਵਧੀਆਂ ਕੀਮਤਾਂ ਦਾ ਬਾਜ਼ਾਰ 'ਤੇ ਕੁਝ ਅਸਰ ਪੈ ਸਕਦਾ ਹੈ।
ਕਿੰਨੀ ਮਹਿੰਗੀ ਹੋਵੇਗੀ ਮਾਰੂਤੀ ਦੀ ਸਸਤੀ ਕਾਰ?
ਮਾਰੂਤੀ ਸੁਜ਼ੂਕੀ ਦੀ ਸਭ ਤੋਂ ਸਸਤੀ ਕਾਰ ਆਲਟੋ ਕੇ10 ਹੈ। ਇਸ ਗੱਡੀ ਦੀ ਐਕਸ-ਸ਼ੋਰੂਮ ਕੀਮਤ 3.99 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਜੇਕਰ ਇਸ ਕਾਰ ਦੀ ਕੀਮਤ 'ਚ 4 ਫੀਸਦੀ ਦਾ ਵਾਧਾ ਹੁੰਦਾ ਹੈ ਤਾਂ ਆਲਟੋ ਦੀ ਬੇਸ ਕੀਮਤ 'ਚ ਕਰੀਬ 16 ਹਜ਼ਾਰ ਰੁਪਏ ਦਾ ਵਾਧਾ ਦੇਖਣ ਨੂੰ ਮਿਲ ਸਕਦਾ ਹੈ। ਜਦੋਂ ਕਿ ਇਸ ਦੇ ਟਾਪ ਵੇਰੀਐਂਟ ਦੀ ਕੀਮਤ 5.96 ਲੱਖ ਰੁਪਏ ਹੈ। ਜਨਵਰੀ 'ਚ ਕਾਰਾਂ ਦੀ ਕੀਮਤ 'ਚ ਵਾਧੇ ਤੋਂ ਬਾਅਦ ਇਸ ਦੀ ਕੀਮਤ ਕਰੀਬ 6.20 ਲੱਖ ਰੁਪਏ ਹੋ ਸਕਦੀ ਹੈ।
Grand Vitara ਦੀ ਨਵੀਂ ਕੀਮਤ
ਮਾਰੂਤੀ ਗ੍ਰੈਂਡ ਵਿਟਾਰਾ ਇਸ ਬ੍ਰਾਂਡ ਦੀ ਸਭ ਤੋਂ ਮਹਿੰਗੀ ਕਾਰ ਹੈ। ਗ੍ਰੈਂਡ ਵਿਟਾਰਾ ਦੀ ਐਕਸ-ਸ਼ੋਰੂਮ ਕੀਮਤ 10.99 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਅਤੇ 20.09 ਲੱਖ ਰੁਪਏ ਤੱਕ ਜਾਂਦੀ ਹੈ। ਜੇਕਰ ਇਸ ਕਾਰ ਦੀ ਕੀਮਤ 'ਚ ਵੀ ਚਾਰ ਫੀਸਦੀ ਦਾ ਵਾਧਾ ਕੀਤਾ ਜਾਂਦਾ ਹੈ ਤਾਂ ਇਸ ਦੇ ਬੇਸ ਮਾਡਲ ਦੀ ਕੀਮਤ 'ਚ ਕਰੀਬ 44 ਹਜ਼ਾਰ ਰੁਪਏ ਦਾ ਵਾਧਾ ਹੋ ਸਕਦਾ ਹੈ। ਇਸ ਕਾਰ ਦੇ ਟਾਪ ਵੇਰੀਐਂਟ ਦੀ ਕੀਮਤ 'ਚ 80 ਹਜ਼ਾਰ ਰੁਪਏ ਤੱਕ ਦਾ ਵਾਧਾ ਹੋ ਸਕਦਾ ਹੈ।
ਕੀ ਹੋਵੇਗੀ ਮਾਰੂਤੀ Fronx ਦੀ ਕੀਮਤ?
ਮਾਰੂਤੀ ਫ੍ਰੌਂਕਸ ਭਾਰਤੀ ਬਾਜ਼ਾਰ ਵਿੱਚ ਇੱਕ ਪ੍ਰਸਿੱਧ ਕਾਰ ਹੈ। ਇਸ ਮਾਰੂਤੀ ਕਾਰ ਦੀ ਐਕਸ-ਸ਼ੋਰੂਮ ਕੀਮਤ 8,37,500 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਜੇਕਰ ਇਸ ਕਾਰ ਦੀ ਕੀਮਤ ਚਾਰ ਫੀਸਦੀ ਵਧਦੀ ਹੈ ਤਾਂ ਕਾਰ ਦੇ ਬੇਸ ਵੇਰੀਐਂਟ ਦੀ ਕੀਮਤ 'ਚ 33,500 ਰੁਪਏ ਦਾ ਵਾਧਾ ਹੋ ਸਕਦਾ ਹੈ। Fronx ਦੇ ਟਾਪ ਮਾਡਲ ਦੀ ਕੀਮਤ 14.92 ਲੱਖ ਰੁਪਏ ਹੈ। ਜਨਵਰੀ 'ਚ ਇਸ ਵੇਰੀਐਂਟ ਦੀ ਕੀਮਤ 'ਚ 60 ਹਜ਼ਾਰ ਰੁਪਏ ਤੱਕ ਦਾ ਵਾਧਾ ਦੇਖਣ ਨੂੰ ਮਿਲ ਸਕਦਾ ਹੈ। ਮਾਰੂਤੀ Fronx ਦੀ ਕੀਮਤ 'ਚ ਚਾਰ ਫੀਸਦੀ ਵਾਧੇ ਤੋਂ ਬਾਅਦ ਇਸ ਕਾਰ ਦੀ ਕੀਮਤ 8.71 ਲੱਖ ਰੁਪਏ ਤੋਂ 15.52 ਲੱਖ ਰੁਪਏ ਦੇ ਵਿਚਕਾਰ ਆ ਸਕਦੀ ਹੈ।
Maruti WagonR ਦੀ ਨਵੀਂ ਕੀਮਤ
ਭਾਰਤੀ ਬਾਜ਼ਾਰ 'ਚ ਮਾਰੂਤੀ ਵੈਗਨਆਰ ਦੀ ਕਾਫੀ ਮੰਗ ਹੈ। ਇਸ ਕਾਰ ਦੀ ਐਕਸ-ਸ਼ੋਰੂਮ ਕੀਮਤ 5.54 ਲੱਖ ਰੁਪਏ ਤੋਂ ਸ਼ੁਰੂ ਹੋ ਕੇ 7.33 ਲੱਖ ਰੁਪਏ ਤੱਕ ਜਾਂਦੀ ਹੈ। ਜੇਕਰ ਕਾਰ ਦੀ ਕੀਮਤ ਚਾਰ ਫੀਸਦੀ ਵਧਦੀ ਹੈ ਤਾਂ ਇਸ ਦੇ ਬੇਸ ਮਾਡਲ ਦੀ ਕੀਮਤ ਕਰੀਬ 22 ਤੋਂ 5.76 ਲੱਖ ਰੁਪਏ ਵਧ ਸਕਦੀ ਹੈ। ਇਸ ਦੇ ਟਾਪ ਮਾਡਲ ਦੀ ਕੀਮਤ 'ਚ ਕਰੀਬ 29 ਹਜ਼ਾਰ ਰੁਪਏ ਦਾ ਵਾਧਾ ਹੋ ਸਕਦਾ ਹੈ, ਜਿਸ ਕਾਰਨ ਟਾਪ ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ 7.62 ਲੱਖ ਰੁਪਏ ਤੱਕ ਪਹੁੰਚਣ ਦੀ ਸੰਭਾਵਨਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
