Thar vs Rhar Roxx: ਮਹਿੰਦਰਾ ਦਾ ਵੱਡਾ ਧਮਾਕਾ! ਥਾਰ ਨੂੰ ਥਾਰ ਰੌਕਸ ਦੀ ਟੱਕਰ, ਜਾਣੋਂ ਕਿਹੜੀ ਖਰੀਦਣ ਦਾ ਫਾਇਦਾ
ਮਹਿੰਦਰਾ ਨੇ ਆਪਣੀ ਨਵੀਂ 5-ਡੋਰ ਥਾਰ ਰੌਕਸ ਲਾਂਚ ਕਰ ਦਿੱਤੀ ਹੈ। ਇਹ ਪੁਰਾਣੇ ਜਾਂ 3-ਦਰਵਾਜ਼ੇ ਵਾਲੇ ਮਾਡਲ ਨਾਲੋਂ ਵਧੇਰੇ ਵਿਸ਼ਾਲ, ਸ਼ਾਨਦਾਰ ਤੇ ਪ੍ਰੀਮੀਅਮ ਹੈ। ਦੋਵਾਂ ਦੀਆਂ ਕੀਮਤਾਂ 'ਚ 1.64 ਲੱਖ ਰੁਪਏ ਦਾ ਫਰਕ ਹੈ।
Thar vs Rhar Roxx: ਮਹਿੰਦਰਾ ਨੇ ਆਪਣੀ ਨਵੀਂ 5-ਡੋਰ ਥਾਰ ਰੌਕਸ ਲਾਂਚ ਕਰ ਦਿੱਤੀ ਹੈ। ਇਹ ਪੁਰਾਣੇ ਜਾਂ 3-ਦਰਵਾਜ਼ੇ ਵਾਲੇ ਮਾਡਲ ਨਾਲੋਂ ਵਧੇਰੇ ਵਿਸ਼ਾਲ, ਸ਼ਾਨਦਾਰ ਤੇ ਪ੍ਰੀਮੀਅਮ ਹੈ। ਦੋਵਾਂ ਦੀਆਂ ਕੀਮਤਾਂ 'ਚ 1.64 ਲੱਖ ਰੁਪਏ ਦਾ ਫਰਕ ਹੈ। ਹੁਣ ਨਵੇਂ ਮਾਡਲ ਦੇ ਆਉਣ ਨਾਲ ਲੋਕਾਂ ਦੇ ਮਨਾਂ 'ਚ ਭੰਬਲਭੂਸਾ ਪੈਦਾ ਹੋ ਗਿਆ ਹੈ ਕਿ ਕਿਸ ਮਾਡਲ ਨੂੰ ਲਿਆ ਜਾਵੇ। ਇਸ ਲਈ ਇੱਥੇ ਅਸੀਂ 3-ਡੋਰ ਥਾਰ ਤੇ 5-ਡੋਰ ਥਾਰ ਰੌਕਸ ਦੀ ਤੁਲਨਾ ਕਰ ਰਹੇ ਹਾਂ। ਇਸ ਨੂੰ ਦੇਖਣ ਤੋਂ ਬਾਅਦ, ਸ਼ਾਇਦ ਤੁਹਾਡੇ ਲਈ ਚੋਣ ਆਸਾਨ ਹੋ ਜਾਵੇਗੀ।
ਮਹਿੰਦਰਾ ਥਾਰ ਬਨਾਮ ਥਾਰ ਰੌਕਸ ਦੀ ਤੁਲਨਾ
ਮਾਪ ਥਾਰ ਥਾਰ ਰੌਕਸ
ਲੰਬਾਈ 3985 4428
ਚੌੜਾਈ 1820 1870
ਉਚਾਈ 1850 1923
ਵ੍ਹੀਲਬੇਸ 2450 2850
ਫਿਊਲ ਟੈਂਕ 45/57 57
ਟਾਈਰ R18 255/65 R19-255/60
ਫਰੰਟ ਬ੍ਰੇਕ 303ਡਿਸਕ ਡਿਸਕ
ਰੀਅਰ ਬ੍ਰੇਕ 282 ਡਰੰਮ ਡਿਸਕ
ਥਾਰ ਰੌਕਸ ਦੇ ਡਿਜ਼ਾਈਨ ਵਿੱਚ ਕੋਈ ਵੱਡੀ ਤਬਦੀਲੀ ਨਹੀਂ ਕੀਤੀ ਗਈ। ਹਾਲਾਂਕਿ, ਰੌਕਸ ਵਿੱਚ ਇੱਕ ਨਵੀਂ ਫਰੰਟ ਗ੍ਰਿਲ ਹੈ। ਰੌਕਸ ਦੇ ਬੇਸ ਵੇਰੀਐਂਟ 'ਚ C-ਆਕਾਰ ਦੇ LED DRLs ਤੇ LED ਹੈੱਡਲੈਂਪਸ ਤੇ ਟੇਲਲੈਂਪਸ ਹਨ। ਰੌਕਸ ਦੇ ਸਾਈਡ ਪ੍ਰੋਫਾਈਲ ਨੂੰ ਡਾਇਮੰਡ ਕੱਟ ਅਲਾਏ ਵ੍ਹੀਲਜ਼ ਦੇ ਨਵੇਂ ਡਿਜ਼ਾਈਨ ਨਾਲ ਖਾਲ ਲੁੱਕ ਦਿੱਤੀ ਗਈ ਹੈ। ਇਸ ਦੇ ਰਨਿੰਗ ਬੋਰਡ ਲੰਬੇ ਤੇ ਚੌੜੇ ਹੁੰਦੇ ਹਨ। ਰੀਅਰ ਵੀਲ੍ਹ ਅਰਚ ਵਰਗਾਕਾਰ ਹਨ। ਰੌਕਸ ਨਾਲ ਰੀਅਰ ਕੁਆਰਟਰ ਗਲਾਸ ਦਾ ਜੋੜਿਆਂ ਜਾਣਾ ਇਸ ਨੂੰ 3-ਡੋਰ ਥਾਰ ਦੇ ਮੁਕਾਬਲੇ ਵੱਖਰਾ ਬਣਾਉਂਦਾ ਹੈ।
ਰੌਕਸ ਆਪਣੇ ਵੱਡੇ ਡਿਮੈਨਸ਼ਨ ਦੇ ਨਾਲ ਸੜਕ 'ਤੇ ਵੀ ਰੌਕ ਕਰਦੀ ਦਿਖਾਈ ਦਿੰਦੀ ਹੈ। ਰੌਕਸ 3-ਡੋਰ ਥਾਰ ਮਾਡਲ ਤੋਂ ਲਗਪਗ 300mm ਲੰਬੀ ਹੈ। ਰੌਕਸ ਸਟੈਂਡਰਡ ਥਾਰ ਨਾਲੋਂ 443mm ਲੰਬੀ ਹੈ। ਰੌਕਸ ਪੁਰਾਣੀ ਥਾਰ ਨਾਲੋਂ ਚੌੜੀ, ਲੰਬੀ ਤੇ ਲੰਬੇ ਵ੍ਹੀਲਬੇਸ ਨਾਲ ਆਉਂਦੀ ਹੈ। ਰੌਕਸ ਨੂੰ ਕੁੱਲ 7 ਕਲਰ ਆਪਸ਼ਨ 'ਚ ਪੇਸ਼ ਕੀਤਾ ਗਿਆ ਹੈ। ਜਦੋਂਕਿ ਥਾਰ ਨੂੰ 5 ਰੰਗਾਂ ਵਿੱਚ ਖਰੀਦਿਆ ਜਾ ਸਕਦਾ ਹੈ।
ਫੀਚਰ ਤੇ ਸਪੈਸੀਫਿਕੇਸ਼ਨਜ਼
ਫੀਚਰਸ ਦੀ ਗੱਲ ਕਰੀਏ ਤਾਂ ਰੌਕਸ 3-ਡੋਰ ਮਾਡਲ ਤੋਂ ਕਾਫੀ ਅੱਗੇ ਹੈ। ਰੌਕਸ ਵਿੱਚ ਇੱਕ ਪੈਨੋਰਾਮਿਕ ਸਨਰੂਫ, ਪਾਵਰਡ ਤੇ ਵੈਂਟੀਲੇਟਿਡ ਸੀਟਾਂ ਤੇ ਇੱਕ ਪ੍ਰੀਮੀਅਮ ਹਰਮਨ ਕਾਰਡਨ ਸਾਊਂਡ ਸਿਸਟਮ ਵੀ ਸ਼ਾਮਲ ਹੈ। ਰੌਕਸ ਵਿੱਚ ਟਵਿਨ 26.03 ਸੈਂਟੀਮੀਟਰ ਡਿਜੀਟਲ ਸਕਰੀਨਾਂ ਤੇ ਵਾਇਰਲੈੱਸ ਐਂਡਰੌਇਡ ਆਟੋ ਤੇ ਐਪਲ ਕਾਰਪਲੇ ਦੇ ਨਾਲ ਇੱਕ ਬਿਹਤਰ ਡਿਜੀਟਲ ਕਾਕਪਿਟ ਸ਼ਾਮਲ ਹੈ। ਰੌਕਸ 'ਚ ਡਰਾਈਵਰ ਤੇ ਯਾਤਰੀਆਂ ਲਈ ਸੁਰੱਖਿਆ ਵਧਾ ਦਿੱਤੀ ਗਈ ਹੈ। ਇਸ ਦੇ ਸਾਰੇ ਵੇਰੀਐਂਟਸ ਲਈ ਸਾਈਡ ਤੇ ਕਰਟੇਨ ਏਅਰਬੈਗਸ ਨੂੰ ਸਟੈਂਡਰਡ ਬਣਾਇਆ ਗਿਆ ਹੈ। ROX ਵਿੱਚ 10 ਲੈਵਲ ਦੇ ਨਾਲ ADAS 2 ਵੀ ਹੈ।
ਪਾਵਰਟ੍ਰੇਨ ਤੇ ਟ੍ਰਾਂਸਮਿਸ਼ਨ
ਮਹਿੰਦਰਾ ਰੌਕਸ ਵਿੱਚ ਇੱਕ ਡੀਜ਼ਲ ਤੇ ਇੱਕ ਪੈਟਰੋਲ ਵਿਕਲਪ ਹੈ, ਜਦੋਂਕਿ ਥਾਰ ਵਿੱਚ ਦੋ ਡੀਜ਼ਲ ਤੇ ਇੱਕ ਪੈਟਰੋਲ ਵਿਕਲਪ ਹਨ। ਇਸ ਵਿੱਚ 2.0-ਲੀਟਰ ਟਰਬੋ ਪੈਟਰੋਲ ਤੇ 2.2-ਲੀਟਰ ਡੀਜ਼ਲ ਵਿੱਚ 3-ਡੋਰ ਥਾਰ ਨਾਲੋਂ ਜ਼ਿਆਦਾ ਪਾਵਰ ਤੇ ਟਾਰਕ ਆਊਟਪੁੱਟ ਹੈ। ਰੌਕਸ ਵਿੱਚ 2.0-ਲੀਟਰ ਪੈਟਰੋਲ ਇੰਜਣ ਤਿੰਨ ਟਿਊਨਿੰਗ ਸਟੇਟ ਵਿੱਚ ਉਪਲਬਧ ਹੈ। ਇਸ ਦੇ ਅੰਕੜੇ 2.2 ਲਈ 152 PS/330 Nm, 162 PS/330 Nm ਤੇ 177 PS/380 Nm ਹਨ। ਡੀਜ਼ਲ ਇੰਜਣ 152 PS/330 Nm ਤੇ 175 PS/370 Nm ਦਾ ਟਾਰਕ ਦਿੰਦਾ ਹੈ। ਦੋਵੇਂ ਇੰਜਣਾਂ ਵਿੱਚ 6-ਸਪੀਡ ਮੈਨੂਅਲ ਤੇ 6-ਸਪੀਡ ਟਾਰਕ ਕਨਵਰਟਰ ਆਟੋਮੈਟਿਕ ਦੇ ਟ੍ਰਾਂਸਮਿਸ਼ਨ ਵਿਕਲਪ ਹਨ।
3-ਡੋਰ ਥਾਰ ਵਿੱਚ 1.5-ਲੀਟਰ ਡੀਜ਼ਲ ਇੰਜਣ 118 PS ਤੇ 300 Nm ਟਾਰਕ ਬਣਾਉਂਦਾ ਹੈ। ਇਹ 6-ਸਪੀਡ ਮੈਨੂਅਲ ਗਿਅਰਬਾਕਸ ਦੇ ਨਾਲ ਪੇਸ਼ ਕੀਤਾ ਗਿਆ ਹੈ। 2.2-ਲੀਟਰ ਡੀਜ਼ਲ ਇੰਜਣ 132 PS ਤੇ 300 Nm ਟਾਰਕ ਪੈਦਾ ਕਰਦਾ ਹੈ, ਜਦੋਂ ਕਿ 2.0-ਲੀਟਰ ਪੈਟਰੋਲ ਇੰਜਣ 152 PS ਤੇ 300 Nm ਟਾਰਕ ਪੈਦਾ ਕਰਦਾ ਹੈ। ਇਨ੍ਹਾਂ ਦੋਵਾਂ ਇੰਜਣਾਂ ਲਈ ਟ੍ਰਾਂਸਮਿਸ਼ਨ ਵਿਕਲਪ ਰੌਕਸ ਵਾਂਗ ਹੀ ਹਨ।
ਐਕਸ-ਸ਼ੋਰੂਮ ਕੀਮਤ ਵਿੱਚ ਅੰਤਰ
ਥਾਰ 3-ਡੋਰ ਮਾਡਲ ਦੀਆਂ ਕੀਮਤਾਂ ਲਗਾਤਾਰ ਵਧ ਰਹੀਆਂ ਹਨ। ਇਹ 11.35 ਲੱਖ ਰੁਪਏ ਤੋਂ 17.60 ਲੱਖ ਰੁਪਏ ਦੀ ਰੇਂਜ ਵਿੱਚ ਉਪਲਬਧ ਹੈ। ਇਸ ਦੇ ਮੁਕਾਬਲੇ ਥਾਰ ਰੌਕਸ ਦੀ ਕੀਮਤ 12.99 ਲੱਖ ਰੁਪਏ (RWD) ਤੋਂ ਸ਼ੁਰੂ ਹੁੰਦੀ ਹੈ। ਟਾਪ-ਸਪੈਕ RWD ਵੇਰੀਐਂਟ 20.49 ਲੱਖ ਰੁਪਏ ਵਿੱਚ ਉਪਲਬਧ ਹੈ। ਰੌਕਸ 4WD ਵੇਰੀਐਂਟ ਦੀਆਂ ਕੀਮਤਾਂ ਦਾ ਐਲਾਨ ਬਾਅਦ ਵਿੱਚ ਕੀਤਾ ਜਾਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
