ਚੰਡੀਗੜ੍ਹ 'ਚ ਕਿਸਾਨਾਂ ਦਾ ਪੱਕਾ ਮੋਰਚਾ ਜਾਰੀ, SKM ਦੀ ਮਹਾਂਪੰਚਾਇਤ ਅੱਜ, Traffic Advisory ਹੋਈ ਜਾਰੀ, ਪਾਰਿਕੰਗ ਵੀ ਕੀਤੀ ਤੈਅ, ਜਾਣੋ ਪੂਰਾ ਪ੍ਰੋਗਰਾਮ
ਸੰਯੁਕਤ ਕਿਸਾਨ ਮੋਰਚਾ (SKM) ਦੀ ਤਰਫੋਂ 2 ਸਤੰਬਰ ਨੂੰ ਭਾਵ ਕਿ ਅੱਜ ਕਿਸਾਨ ਪੰਚਾਇਤ ਦਾ ਆਯੋਜਨ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਚੰਡੀਗੜ੍ਹ ਪੁਲਿਸ ਵੱਲੋਂ ਟਰੈਫਿਕ ਐਡਵਾਈਜ਼ਰੀ ਵੀ ਜਾਰੀ ਕੀਤੀ ਗਈ ਹੈ।
Farmers Protest: ਭਾਰਤੀ ਕਿਸਾਨ ਯੂਨੀਅਨ (ਏਕਤਾ ਉਗਰਾਹਾਂ) ਅਤੇ ਪੰਜਾਬ ਖੇਤ ਮਜ਼ਦੂਰ ਯੂਨੀਅਨ ਵੱਲੋਂ ਚੰਡੀਗੜ੍ਹ ਵਿੱਚ ਮੋਰਚਾ ਲਾਇਆ ਗਿਆ ਹੈ। ਉਹ ਕਿਸਾਨ ਨੀਤੀ, ਕਿਸਾਨਾਂ ਦਾ ਕਰਜ਼ਾ ਮੁਆਫ਼ੀ ਸਮੇਤ 8 ਮੰਗਾਂ ਨੂੰ ਲੈ ਕੇ ਪ੍ਰਦਰਸ਼ਨ ਕਰ ਰਹੇ ਹਨ। ਕਿਸਾਨ ਆਪਣਾ ਰਾਸ਼ਨ ਦਾ ਸਮਾਨ ਟਰਾਲੀਆਂ ਵਿੱਚ ਲੈ ਕੇ ਆਏ ਹਨ। ਕਿਸਾਨਾਂ ਨੇ ਕਿਹਾ ਕਿ ਅੱਜ ਉਹ ਸਰਕਾਰ ਨੂੰ ਮੰਗ ਪੱਤਰ ਸੌਂਪਣਗੇ। ਇਸ ਦੇ ਲਈ ਉਹ ਮਾਰਚ ਕੱਢਣਗੇ। ਦੂਜੇ ਪਾਸੇ ਸੰਯੁਕਤ ਕਿਸਾਨ ਮੋਰਚਾ (SKM) ਦੀ ਤਰਫੋਂ 2 ਸਤੰਬਰ ਨੂੰ ਭਾਵ ਕਿ ਅੱਜ ਕਿਸਾਨ ਪੰਚਾਇਤ ਦਾ ਆਯੋਜਨ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਚੰਡੀਗੜ੍ਹ ਪੁਲਿਸ ਵੱਲੋਂ ਟਰੈਫਿਕ ਐਡਵਾਈਜ਼ਰੀ ਵੀ ਜਾਰੀ ਕੀਤੀ ਗਈ ਹੈ। ਲੋਕਾਂ ਨੂੰ ਹੋਰ ਰਸਤਿਆਂ ਤੋਂ ਲੰਘਣ ਦੀ ਵੀ ਸਲਾਹ ਦਿੱਤੀ ਗਈ ਹੈ। ਟ੍ਰੈਫਿਕ ਬਾਰੇ ਰੀਅਲ-ਟਾਈਮ ਅਪਡੇਟਸ ਲਈ ਚੰਡੀਗੜ੍ਹ ਟ੍ਰੈਫਿਕ ਪੁਲਿਸ ਦੇ ਸੋਸ਼ਲ ਮੀਡੀਆ ਅਕਾਊਂਟਸ ਨੂੰ ਫੋਲੋ ਕਰੋ।
ਇਦਾਂ ਕੀਤਾ ਗਿਆ ਰੂਟ ਡਾਇਵਰਟ
ਸਰੋਵਰ ਪਥ - ਗਊਸ਼ਾਲਾ ਚੌਕ (ਸੈਕਟਰ 44/45-50/51 ਚੌਕ) ਤੋਂ ਬੁੜੈਲ ਚੌਕ (ਸੈਕਟਰ 33/34-44/45 ਚੌਕ) ਤੋਂ ਸੈਕਟਰ 33/34 ਲਾਈਟ ਪੁਆਇੰਟ ਤੋਂ ਨਵਾਂ ਲੇਬਰ ਚੌਕ (ਸੈਕਟਰ 33/34-20)/ 21 ਚੌਕ)
ਸੈਕਟਰ 34 - ਸੈਕਟਰ 34 ਦੀ ਵੀ-4 ਰੋਡ ਅਤੇ ਸੈਕਟਰ 34 ਏ/ਬੀ ਦੀ ਵੀ-5 ਰੋਡ ਭਾਵ ਸ਼ਿਆਮ ਮਾਲ, ਪੋਲਕਾ ਬੇਕਰੀ ਦੇ ਸਾਹਮਣੇ ਟੀ-ਪੁਆਇੰਟ ਵੱਲ, ਫਲਾਵਰ ਮਾਰਕੀਟ ਨੇੜੇ ਅਤੇ ਡਿਸਪੈਂਸਰੀ ਦੇ ਨੇੜੇ ਆਵਾਜਾਈ ਨੂੰ ਡਾਇਵਰਟ/ਪ੍ਰਤੀਬੰਧਿਤ ਕੀਤਾ ਜਾਵੇਗਾ।
- ਸੈਕਟਰ 33/34 ਲਾਈਟ ਪੁਆਇੰਟ ਤੋਂ ਸੈਕਟਰ 34/35 ਲਾਈਟ ਪੁਆਇੰਟ ਤੱਕ।
ਦੱਖਣ ਮਾਰਗ - ਆਮ ਲੋਕਾਂ ਲਈ ਸਰੋਵਰ ਪਥ 'ਤੇ ਕੋਈ ਵੀ ਡਾਇਵਰਟ ਲੈਣ ਦੀ ਆਗਿਆ ਨਹੀਂ ਹੈ।
ਸ਼ਾਂਤੀ ਮਾਰਗ- ਸੈਕਟਰ 33/45 ਲਾਈਟ ਪੁਆਇੰਟ ਤੋਂ ਆਵਾਜਾਈ ਨੂੰ ਸਰੋਵਰ ਮਾਰਗ ਵੱਲ ਡਾਇਵਰਟ ਕਰਨ ਦੀ ਇਜਾਜ਼ਤ ਨਹੀਂ ਹੈ।
ਕਿਉਂਕਿ (ਸੈਕਟਰ 43/44/51-52 ਚੌਂਕ) ਮਟੌਰ ਚੌਂਕ ਤੋਂ ਗਊਸ਼ਾਲਾ ਚੌਂਕ (ਸੈਕਟਰ 44/45-50/51 ਚੌਂਕ) ਵੱਲ ਆਉਣ ਵਾਲੇ ਵਾਹਨਾਂ ਨੂੰ ਖੱਬੇ ਮੁੜਨ ਦੀ ਆਗਿਆ ਨਹੀਂ ਹੈ, ਇਸ ਲਈ ਲੋਕਾਂ ਨੂੰ ਮਟੌਰ ਚੌਂਕ ਤੋਂ ਹੀ ਖੱਬੇ ਮੁੜਨ ਦੀ ਸਲਾਹ ਦਿੱਤੀ ਹੈ।
ਫੈਦਾ ਲਾਈਟ ਪੁਆਇੰਟ ਤੋਂ ਆਉਣ ਵਾਲੇ ਵਾਹਨਾਂ ਲਈ, ਗਊਸ਼ਾਲਾ ਚੌਕ (ਸੈਕਟਰ 44/45-50/51 ਚੌਕ) ਵਿਖੇ ਸੱਜੇ ਮੁੜਨ ਦੀ ਇਜਾਜ਼ਤ ਨਹੀਂ ਹੈ; ਲੋਕਾਂ ਨੂੰ ਸੈਕਟਰ 45/46-49/50 ਲਾਈਟ ਪਿਕਵਿੰਟ ਤੋਂ ਸੱਜੇ ਮੁੜਨ ਦੀ ਸਲਾਹ ਦਿੱਤੀ ਜਾਂਦੀ ਹੈ।
ਕਿਸਾਨਾਂ ਲਈ ਇੱਥੇ ਹੋਵੇਗੀ ਪਾਰਕਿੰਗ ਦੀ ਸੁਵਿਧਾ
ਪਾਰਕਿੰਗ ਲਾਟ, ਸੈਕਟਰ 33-ਡੀ ਮਾਰਕੀਟ ਦੇ ਨੇੜੇ
ਓਪਨ ਗਰਾਊਂਡ, ਸੈਕਟਰ 44 ਨੇੜੇ ਲਕਸ਼ਮੀ ਨਰਾਇਣ ਮੰਦਰ
ਮੰਡੀ ਗਰਾਊਂਡ, ਸੈਕਟਰ 45-ਡੀ
ਦੁਸਹਿਰਾ ਗਰਾਊਂਡ, ਸੈਕਟਰ 46-ਡੀ
ਕਿਸਾਨ ਆਗੂਆਂ ਨੇ ਦੱਸਿਆ ਕਿ ਪੰਜਾਬ ਵਿਧਾਨ ਸਭਾ ਦਾ ਮਾਨਸੂਨ ਸੈਸ਼ਨ 2 ਸਤੰਬਰ ਨੂੰ ਸ਼ੁਰੂ ਹੋਵੇਗਾ। ਅਜਿਹੇ ਵਿੱਚ ਯੂਨੀਅਨ ਵੱਲੋਂ ਸਰਕਾਰ ਨੂੰ ਮੰਗ ਪੱਤਰ ਸੌਂਪਿਆ ਜਾਵੇਗਾ। ਇਸ ਤੋਂ ਬਾਅਦ ਸੈਸ਼ਨ ਦੌਰਾਨ ਦੇਖਣਾ ਹੋਵੇਗਾ ਕਿ ਸਰਕਾਰ ਕੀ ਫੈਸਲਾ ਲੈਂਦੀ ਹੈ। ਸੈਸ਼ਨ 4 ਸਤੰਬਰ ਨੂੰ ਸਮਾਪਤ ਹੋਵੇਗਾ। ਇਸ ਤੋਂ ਬਾਅਦ 5 ਸਤੰਬਰ ਨੂੰ ਯੂਨੀਅਨ ਦੀ ਮੀਟਿੰਗ ਕੀਤੀ ਜਾਵੇਗੀ। ਇਸ ਵਿੱਚ ਅੱਗੇ ਦੀ ਰਣਨੀਤੀ ਬਣਾਈ ਜਾਵੇਗੀ। ਪ੍ਰਦਰਸ਼ਨ ਵਿੱਚ ਕਿਸਾਨ ਆਪਣੇ ਪਰਿਵਾਰਾਂ ਸਮੇਤ ਸ਼ਾਮਲ ਹੋਣਗੇ। ਕਿਸਾਨ ਆਗੂਆਂ ਨੇ ਕਿਹਾ ਕਿ ਉਹ ਪਿਛਲੇ ਡੇਢ ਸਾਲ ਤੋਂ ਲਗਾਤਾਰ ਖੇਤੀ ਨੀਤੀ ਬਣਾਉਣ ਦੀ ਮੰਗ ਕਰ ਰਹੇ ਹਨ।
ਪਰ ਸਰਕਾਰ ਵੱਲੋਂ ਕੋਈ ਪਹਿਲਕਦਮੀ ਨਹੀਂ ਕੀਤੀ ਜਾ ਰਹੀ। ਪਿਛਲੇ ਸਾਲ ਅਕਤੂਬਰ ਵਿੱਚ ਖੇਤੀ ਨੀਤੀ ਬਣਾਉਣ ਲਈ ਬਣਾਈ ਕਮੇਟੀ ਵੱਲੋਂ ਰਿਪੋਰਟ ਤਿਆਰ ਕਰਕੇ ਸਰਕਾਰ ਨੂੰ ਸੌਂਪੀ ਗਈ ਸੀ। ਪਰ ਸਰਕਾਰ ਵੱਲੋਂ ਕੋਈ ਕਦਮ ਨਹੀਂ ਚੁੱਕਿਆ ਜਾ ਰਿਹਾ। ਇਹ ਸਰਕਾਰਾਂ ਦੀਆਂ ਕਿਸਾਨ ਮਜ਼ਦੂਰ ਵਿਰੋਧੀ ਨੀਅਤਾਂ ਅਤੇ ਕਾਰਪੋਰੇਟ ਘਰਾਣਿਆਂ, ਜਗੀਰਦਾਰਾਂ ਅਤੇ ਪ੍ਰਭਾਵਸ਼ਾਲੀ ਲੋਕਾਂ ਦੇ ਹੱਕ ਵਿੱਚ ਭੁਗਤਣ ਵਾਲੀਆਂ ਨੀਤੀਆਂ ਦਾ ਨਤੀਜਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
