Punjab News: ਚੰਡੀਗੜ੍ਹ ਦੇ ਲੋਕਾਂ ਲਈ ਵੱਡੀ ਖਤਰੇ ਦੀ ਘੰਟੀ! ਜਾਣੋ ਕਿਵੇਂ ਹੌਲੀ-ਹੌਲੀ ਹਾਲਾਤ ਬਣ ਰਹੇ ਜਾਨਲੇਵਾ...?
Punjab News: ਚੰਡੀਗੜ੍ਹ ਨੂੰ ਇੱਕ ਵਾਰ ਫਿਰ ਦੇਸ਼ ਦੇ ਦੂਜੇ ਸਭ ਤੋਂ ਪ੍ਰਦੂਸ਼ਿਤ ਸ਼ਹਿਰ ਵਜੋਂ ਦਰਜ ਕੀਤਾ ਗਿਆ ਹੈ। ਲੋਕਾਂ ਨੂੰ ਫਿਰ ਤੋਂ ਪਿਛਲੇ ਨਵੰਬਰ ਵਾਂਗ ਖਰਾਬ ਹਵਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਚੰਡੀਗੜ੍ਹ ਸ਼ੁੱਕਰਵਾਰ ਨੂੰ ਦੇਸ਼ ਦੇ
Punjab News: ਚੰਡੀਗੜ੍ਹ ਨੂੰ ਇੱਕ ਵਾਰ ਫਿਰ ਦੇਸ਼ ਦੇ ਦੂਜੇ ਸਭ ਤੋਂ ਪ੍ਰਦੂਸ਼ਿਤ ਸ਼ਹਿਰ ਵਜੋਂ ਦਰਜ ਕੀਤਾ ਗਿਆ ਹੈ। ਲੋਕਾਂ ਨੂੰ ਫਿਰ ਤੋਂ ਪਿਛਲੇ ਨਵੰਬਰ ਵਾਂਗ ਖਰਾਬ ਹਵਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਚੰਡੀਗੜ੍ਹ ਸ਼ੁੱਕਰਵਾਰ ਨੂੰ ਦੇਸ਼ ਦੇ ਚਾਰ ਸਭ ਤੋਂ ਪ੍ਰਦੂਸ਼ਿਤ ਸ਼ਹਿਰਾਂ ਵਿੱਚੋਂ ਦਿੱਲੀ ਤੋਂ ਬਾਅਦ ਦੂਜੇ ਸਥਾਨ 'ਤੇ ਰਿਹਾ। ਚੰਡੀਗੜ੍ਹ ਵਿੱਚ ਏਅਰ ਕੁਆਲਿਟੀ ਇੰਡੈਕਸ (AQI) 371 ਦਰਜ ਕੀਤਾ ਗਿਆ। ਸ਼ਹਿਰ ਦੇ ਹਰ ਹਿੱਸੇ ਨੂੰ ਵੀਰਵਾਰ ਸ਼ਾਮ ਤੋਂ ਸ਼ੁੱਕਰਵਾਰ ਸ਼ਾਮ ਤੱਕ ਬਹੁਤ ਹੀ ਮਾੜੀ ਹਵਾ ਵਿੱਚ ਸਾਹ ਲੈਣਾ ਪਿਆ। ਸੰਘਣੀ ਧੁੰਦ ਅਤੇ ਠੰਡ ਦੇ ਵਿਚਕਾਰ ਪ੍ਰਦੂਸ਼ਣ ਦਾ ਇਹ ਮਾੜਾ ਪੱਧਰ ਇਨ੍ਹੀਂ ਦਿਨੀਂ ਪਹਿਲਾਂ ਹੀ ਬਿਮਾਰ ਲੋਕਾਂ ਲਈ ਸਥਿਤੀ ਨੂੰ ਹੋਰ ਵੀ ਬਦਤਰ ਬਣਾ ਰਿਹਾ ਹੈ।
12 ਨਵੰਬਰ, 2024 ਤੋਂ ਵੀ ਹਾਲਾਤ ਖਰਾਬ
ਚੰਡੀਗੜ੍ਹ ਨੂੰ ਪਹਿਲੀ ਵਾਰ 12 ਨਵੰਬਰ, 2024 ਨੂੰ ਦੂਜੇ ਸਭ ਤੋਂ ਪ੍ਰਦੂਸ਼ਿਤ ਸ਼ਹਿਰ ਦਾ ਦਰਜਾ ਦਿੱਤਾ ਗਿਆ ਸੀ। ਸ਼ਹਿਰ ਦਾ AQI ਇਹ 343 ਸੀ, ਪਰ ਹੁਣ ਉਸ ਤੋਂ ਜ਼ਿਆਦਾ 361 ਦਰਜ ਹੋਇਆ। ਸ਼ਹਿਰ ਦੇ ਹਰ ਹਿੱਸੇ ਵਿੱਚ ਜ਼ਿਆਦਾਤਰ ਘੰਟਿਆਂ ਵਿੱਚ ਪ੍ਰਦੂਸ਼ਣ ਦਾ ਪੱਧਰ 400 ਤੋਂ ਉੱਪਰ ਦੇ ਗੰਭੀਰ ਪੱਧਰ 'ਤੇ ਰਿਹਾ। ਸੈਕਟਰ 22 ਅਤੇ 53 ਦੇ ਆਲੇ-ਦੁਆਲੇ, ਪੀਐਮ 2.5 ਅਤੇ ਪੀਐਮ 10.24 ਘੰਟਿਆਂ ਵਿੱਚੋਂ ਜ਼ਿਆਦਾਤਰ ਪੱਧਰ 400 ਨੂੰ ਪਾਰ ਕਰ ਗਿਆ।
ਹਰ ਖੇਤਰ ਵਿੱਚ ਸਥਿਤੀ ਇਸ ਤਰ੍ਹਾਂ ਹੋਈ ਗੰਭੀਰ
- ਸੈਕਟਰ-22 ਦੇ ਆਲੇ-ਦੁਆਲੇ, 24 ਵਿੱਚੋਂ ਸਿਰਫ਼ 3 ਘੰਟੇ ਪ੍ਰਦੂਸ਼ਣ ਦਾ ਪੱਧਰ 300 ਤੋਂ ਹੇਠਾਂ ਰਿਹਾ।
- ਸੈਕਟਰ 25 ਦੇ ਆਲੇ-ਦੁਆਲੇ ਸਿਰਫ਼ 5 ਘੰਟਿਆਂ ਵਿੱਚ ਪ੍ਰਦੂਸ਼ਣ ਦਾ ਪੱਧਰ 300 ਤੋਂ ਹੇਠਾਂ ਆ ਗਿਆ।
- ਸੈਕਟਰ-53 ਦੇ ਆਲੇ-ਦੁਆਲੇ, ਸਿਰਫ਼ 2 ਘੰਟਿਆਂ ਲਈ ਪ੍ਰਦੂਸ਼ਣ ਦਾ ਪੱਧਰ 300 ਤੋਂ ਹੇਠਾਂ ਚਲਾ ਗਿਆ।
ਦਮਾ, ਬੀਪੀ ਅਤੇ ਦਿਲ ਦੇ ਮਰੀਜ਼ਾਂ ਲਈ ਬੁਰਾ ਸਮਾਂ
ਪ੍ਰਦੂਸ਼ਣ ਦਾ ਇਹ ਮਾੜਾ ਪੱਧਰ ਦਮਾ, ਬਲੱਡ ਪ੍ਰੈਸ਼ਰ ਅਤੇ ਦਿਲ ਦੇ ਮਰੀਜ਼ਾਂ ਲਈ ਸਮੱਸਿਆਵਾਂ ਪੈਦਾ ਕਰਨ ਨਾਲ ਸਟ੍ਰੋਕਸ ਵੀ ਲਿਆ ਸਕਦਾ ਹੈ। ਹਵਾ ਵਿੱਚ PM2.5 ਅਤੇ PM 10 ਉੱਤੇ 400 ਤੋਂ ਵੱਧ ਮਾਤਰਾ ਕਈ ਬਿਮਾਰੀਆਂ ਤੋਂ ਪੀੜਤ ਲੋਕਾਂ ਲਈ ਚਿੰਤਾ ਦਾ ਕਾਰਨ ਬਣ ਰਹੀ ਹੈ। ਇਹ ਸਿਹਤਮੰਦ ਲੋਕਾਂ ਦੇ ਫੇਫੜਿਆਂ ਦੇ ਸਭ ਤੋਂ ਅੰਦਰਲੇ ਹਿੱਸਿਆਂ ਨੂੰ ਪ੍ਰਭਾਵਿਤ ਕਰਦਾ ਹੈ। ਪੀਐਮ 2.5 ਦੇ ਕਣ ਫੇਫੜਿਆਂ ਦੀ ਸਭ ਤੋਂ ਅੰਦਰਲੀ ਸਤ੍ਹਾ 'ਤੇ ਜਮ੍ਹਾ ਹੋ ਜਾਂਦੇ ਹਨ ਅਤੇ ਕਈ ਦਿਨਾਂ ਤੱਕ ਸਾਫ਼ ਨਹੀਂ ਹੁੰਦੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
