(Source: ECI/ABP News)
ਈਸ਼ਾ ਦਿਓਲ ਨੇ ਪਹਿਲੀ ਵਾਰ ਜਦੋਂ ਮਤਰੇਈ ਮਾਂ ਦੇ ਘਰ ਰੱਖਿਆ ਕਦਮ, ਹੇਮਾ ਮਾਲਿਨੀ ਅਤੇ ਬੇਟੀਆਂ ਦੀ ਐਂਟਰੀ ਸੀ ਬੰਦ, ਫਿਰ ਕਿਉਂ ਟੁੱਟਿਆ ਨਿਯਮ?
74 ਸਾਲਾ ਹੇਮਾ ਮਾਲਿਨੀ ਦੀਆਂ ਬੇਟੀਆਂ ਈਸ਼ਾ-ਅਹਾਨਾ ਅਤੇ ਉਨ੍ਹਾਂ ਦੀ ਸੌਤਨ ਪ੍ਰਕਾਸ਼ ਕੌਰ ਦੇ ਬੱਚੇ ਸੰਨੀ ਦਿਓਲ ਤੇ ਬੌਬੀ ਦਿਓਲ ਵਿਚਾਲੇ ਚੰਗੇ ਰਿਸ਼ਤੇ ਹਨ ਅਤੇ ਚਾਰੇ ਇੱਕ ਦੂਜੇ ਦੀ ਮਦਦ ਲਈ ਹਮੇਸ਼ਾ ਤਿਆਰ ਰਹਿੰਦੇ ਹਨ।
ਨਵੀਂ ਦਿੱਲੀ : ਤਲਾਕ ਤੋਂ ਬਾਅਦ ਜਦੋਂ ਕਿਸੇ ਦੇ ਪਿਤਾ ਜਾਂ ਮਾਂ ਦੁਬਾਰਾ ਵਿਆਹ ਕਰਦੇ ਹਨ ਤਾਂ ਪਰਿਵਾਰ 'ਚ ਬਹੁਤ ਹੀ ਗੁੰਝਲਦਾਰ ਹਾਲਾਤ ਪੈਦਾ ਹੋ ਜਾਂਦੇ ਹਨ। ਹਾਲਾਂਕਿ ਕਈ ਵਾਰ ਮਤਰੇਏ ਰਿਸ਼ਤੇ ਤੁਹਾਡਾ ਅਹਿਮ ਸਹਾਰਾ ਬਣ ਕੇ ਉਭਰਦੇ ਹਨ ਅਤੇ ਮੁਸੀਬਤ 'ਚ ਇਕੱਠੇ ਖੜ੍ਹੇ ਹੋ ਜਾਂਦੇ ਹਨ। ਜੇਕਰ ਰਿਸ਼ਤੇ 'ਚ ਪਿਆਰ ਅਤੇ ਸਤਿਕਾਰ ਹੈ ਤਾਂ ਇਸ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਕੌਣ ਅਸਲੀ ਹੈ ਅਤੇ ਕੌਣ ਮਤਰੇਆ। ਅਦਾਕਾਰ ਧਰਮਿੰਦਰ ਦੇ ਦੋਵਾਂ ਪਰਿਵਾਰਾਂ ਵਿਚਕਾਰ ਪਿਆਰ ਅਤੇ ਸਤਿਕਾਰ ਦਾ ਇਹ ਅਟੁੱਟ ਰਿਸ਼ਤਾ ਹੈ।
74 ਸਾਲਾ ਹੇਮਾ ਮਾਲਿਨੀ ਦੀਆਂ ਬੇਟੀਆਂ ਈਸ਼ਾ-ਅਹਾਨਾ ਅਤੇ ਉਨ੍ਹਾਂ ਦੀ ਸੌਤਨ ਪ੍ਰਕਾਸ਼ ਕੌਰ ਦੇ ਬੱਚੇ ਸੰਨੀ ਦਿਓਲ ਤੇ ਬੌਬੀ ਦਿਓਲ ਵਿਚਾਲੇ ਚੰਗੇ ਰਿਸ਼ਤੇ ਹਨ ਅਤੇ ਚਾਰੇ ਇੱਕ ਦੂਜੇ ਦੀ ਮਦਦ ਲਈ ਹਮੇਸ਼ਾ ਤਿਆਰ ਰਹਿੰਦੇ ਹਨ। ਉਦਾਹਰਣ ਵਜੋਂ ਜਦੋਂ ਸੰਨੀ ਦਿਓਲ ਨੇ 2019 'ਚ ਆਪਣਾ ਰਾਜਨੀਤਿਕ ਕਰੀਅਰ ਸ਼ੁਰੂ ਕੀਤਾ ਸੀ ਤਾਂ ਈਸ਼ਾ ਨੇ ਟਵੀਟ ਕਰਕੇ ਵਧਾਈ ਦਿੱਤੀ ਸੀ। ਹਾਲਾਂਕਿ ਹੇਮਾ ਮਾਲਿਨੀ ਵਿਆਹ ਦੇ 40 ਸਾਲਾਂ ਬਾਅਦ ਵੀ ਪਤੀ ਧਰਮਿੰਦਰ ਦੇ ਪਹਿਲੇ ਘਰ ਨਹੀਂ ਗਈ ਸੀ।
ਧਰਮਿੰਦਰ ਨੇ 1954 'ਚ ਪ੍ਰਕਾਸ਼ ਕੌਰ ਨਾਲ ਕੀਤਾ ਸੀ ਵਿਆਹ
ਅਦਾਕਾਰ ਦੀ ਬਾਇਓਗ੍ਰਾਫ਼ੀ 'ਹੇਮਾ ਮਾਲਿਨੀ : ਬਿਓਂਡ ਦ ਡ੍ਰੀਮ ਗਰਲ' ਦੇ ਮੁਤਾਬਕ ਹੇਮਾ ਮਾਲਿਨੀ ਦੇ ਪਰਿਵਾਰ 'ਚੋਂ ਕਿਸੇ ਨੂੰ ਵੀ ਧਰਮਿੰਦਰ ਦੇ ਪਹਿਲੇ ਘਰ 'ਚ ਦਾਖਲ ਹੋਣ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ ਸੀ, ਪਰ ਇਸ ਪਰੰਪਰਾ ਨੂੰ ਇਕ ਵਾਰ ਈਸ਼ਾ ਦਿਓਲ ਨੇ ਤੋੜਿਆ। ਉਹ ਵੀ ਆਪਣੇ ਸੌਤੇਲੇ ਭਰਾ ਸੰਨੀ ਦਿਓਲ ਦੀ ਮਦਦ ਨਾਲ। ਜਦੋਂ ਧਰਮਿੰਦਰ ਦੇ ਭਰਾ ਅਤੇ ਅਭੇ ਦਿਓਲ ਦੇ ਪਿਤਾ ਅਜੀਤ ਦਿਓਲ ਸਾਲ 2015 'ਚ ਬੀਮਾਰ ਪੈ ਗਏ ਸਨ ਤਾਂ ਈਸ਼ਾ ਨੇ ਉਨ੍ਹਾਂ ਨੂੰ ਮਿਲਣ ਦੀ ਇੱਛਾ ਜ਼ਾਹਰ ਕੀਤੀ ਸੀ, ਜਿਸ ਤੋਂ ਬਾਅਦ ਸੰਨੀ ਦਿਓਲ ਨੇ ਉਨ੍ਹਾਂ ਨਾਲ ਮੁਲਾਕਾਤ ਦਾ ਇੰਤਜ਼ਾਮ ਕੀਤਾ।
ਭਰਾ ਸੰਨੀ ਦਿਓਲ ਨੇ ਅੰਕਲ ਅਜੀਤ ਦਿਓਲ ਨੂੰ ਮਿਲਣ 'ਚ ਕੀਤੀ ਮਦਦ
ਈਸ਼ਾ ਨੇ ਅਜੀਤ ਅੰਕਲ ਨਾਲ ਆਪਣੇ ਰਿਸ਼ਤੇ ਅਤੇ ਉਨ੍ਹਾਂ ਨਾਲ ਮੁਲਾਕਾਤ 'ਚ ਸੰਨੀ ਦਿਓਲ ਦੀ ਮਦਦ ਬਾਰੇ ਦੱਸਿਆ ਸੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਈਸ਼ਾ ਦਿਓਲ ਨੇ ਇਕ ਇੰਟਰਵਿਊ 'ਚ ਕਿਹਾ ਸੀ, "ਮੈਂ ਆਪਣੇ ਅੰਕਲ (ਅਜੀਤ ਦਿਓਲ) ਨੂੰ ਮਿਲਣਾ ਚਾਹੁੰਦੀ ਸੀ ਅਤੇ ਆਪਣਾ ਸਨਮਾਨ ਜਤਾਉਣਾ ਚਾਹੁੰਦੀ ਸੀ। ਉਹ ਮੈਨੂੰ ਅਤੇ ਅਹਾਨਾ ਨੂੰ ਬਹੁਤ ਪਿਆਰ ਕਰਦੇ ਸਨ। ਅਸੀਂ ਵੀ ਅਭੈ ਦੇ ਬਹੁਤ ਕਰੀਬ ਹਾਂ। ਸਾਡੇ ਕੋਲ ਉਨ੍ਹਾਂ ਦੇ ਘਰ ਜਾਣ ਤੋਂ ਇਲਾਵਾ ਕੋਈ ਚਾਰਾ ਨਹੀਂ ਸੀ। ਉਹ ਹਸਪਤਾਲ 'ਚ ਵੀ ਨਹੀਂ ਸਨ ਕਿ ਅਸੀਂ ਉਨ੍ਹਾਂ ਨੂੰ ਮਿਲ ਸਕੀਏ। ਇਸ ਲਈ ਮੈਂ ਸੰਨੀ ਭਾਈ ਨੂੰ ਬੁਲਾਇਆ ਅਤੇ ਉਨ੍ਹਾਂ ਨੇ ਮੁਲਾਕਾਤ ਦਾ ਪ੍ਰਬੰਧ ਕੀਤਾ।
ਮਤਰੇਈ ਮਾਤਾ ਪ੍ਰਕਾਸ਼ ਕੌਰ ਦੇ ਪੈਰ ਛੂਹ ਕੇ ਲਿਆ ਅਸ਼ੀਰਵਾਦ
41 ਸਾਲਾ ਈਸ਼ਾ ਦਿਓਲ ਨੇ ਆਪਣੀ ਮਤਰੇਈ ਮਾਂ ਪ੍ਰਕਾਸ਼ ਕੌਰ ਨੂੰ ਮਿਲਣ ਦਾ ਵੀ ਜ਼ਿਕਰ ਕੀਤਾ। ਅਦਾਕਾਰਾ ਨੇ ਅੱਗੇ ਕਿਹਾ, "ਮੈਂ ਉਨ੍ਹਾਂ ਦੇ ਪੈਰ ਛੂਹੇ ਅਤੇ ਉਹ ਆਸ਼ੀਰਵਾਦ ਦੇਣ ਤੋਂ ਬਾਅਦ ਚਲੀ ਗਈ।" ਜਦੋਂ ਈਸ਼ਾ ਦਿਓਲ ਦੇ ਭਰਤ ਤਖਤਾਨੀ ਨਾਲ ਵਿਆਹ ਨੂੰ 8 ਸਾਲ ਹੋਏ ਸਨ ਤਾਂ ਅਦਾਕਾਰਾ ਨੇ ਇੰਸਟਾਗ੍ਰਾਮ 'ਤੇ ਵਿਆਹ ਦੀ ਫ਼ੋਟੋ ਸ਼ੇਅਰ ਕੀਤੀ ਸੀ, ਜਿਸ 'ਚ ਅਭੈ ਦਿਓਲ ਭਰਾ ਨਾਲ ਜੁੜੀਆਂ ਰਸਮਾਂ ਨਿਭਾਉਂਦੇ ਹੋਏ ਨਜ਼ਰ ਆ ਰਹੇ ਸਨ।"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
