Happy Father's Day 2022: ਫ਼ਾਦਰਜ਼ ਡੇਅ ਦੇ ਮੌਕੇ ਗਿੱਪੀ ਗਰੇਵਾਲ ਨੇ ਪਿਤਾ ਕੀਤਾ ਯਾਦ, ਥ੍ਰੋਬੈਕ ਫ਼ੋਟੋ ਕੀਤੀ ਸ਼ੇਅਰ
International Father's Day 2022: ਪੰਜਾਬੀ ਗਾਇਕ ਤੇ ਅਦਾਕਾਰ ਗਿੱਪੀ ਗਰੇਵਾਲ ਨੇ ਇੰਸਟਾਗ੍ਰਾਮ `ਤੇ ਆਪਣੇ ਪਿਤਾ ਦੇ ਨਾਲ ਆਪਣੇ ਬਚਪਨ ਦੀ ਤਸਵੀਰ ਸ਼ੇਅਰ ਕੀਤੀ। ਫ਼ੋਟੋ ਸ਼ੇਅਰ ਕਰਦਿਆਂ ਉਨ੍ਹਾਂ ਸੰਦੇਸ਼ ਲਿਖਿਆ, "ਹੈੱਪੀ ਫ਼ਾਦਰਜ਼ ਡੇਅ, ਮਿਸ ਯੂ ਡੈਡ।"
ਪੂਰੀ ਦੁਨੀਆ ਵਿੱਚ ਅੱਜ ਯਾਨਿ 19 ਜੂਨ ਨੂੰ ਇੰਟਰਨੈਸ਼ਨਲ ਫ਼ਾਦਰਜ਼ ਡੇਅ ਮਨਾਇਆ ਜਾ ਰਿਹਾ ਹੈ। ਕੋਈ ਆਪਣੇ ਪਿਤਾ ਨੂੰ ਨਿੱਜੀ ਸੰਦੇਸ਼ ਭੇਜ ਰਿਹਾ ਹੈ ਤੇ ਕੋਈ ਸੋਸ਼ਲ ਮੀਡੀਆ `ਤੇ ਫ਼ੋਟੋਜ਼ ਸ਼ੇਅਰ ਕਰ ਰਿਹਾ ਹੈ। ਇਸੇ ਦਰਮਿਆਨ ਪਾਲੀਵੁੱਡ ਸਿਤਾਰੇ ਵੀ ਫ਼ਾਦਰਜ਼ ਡੇਅ ਦੇ ਮੌਕੇ `ਤੇ ਸੋਸ਼ਲ ਮੀਡੀਆ `ਤੇ ਥ੍ਰੋਬੈਕ ਫ਼ੋਟੋਜ਼ ਯਾਨਿ ਪੁਰਾਣੀਆਂ ਤਸਵੀਰਾਂ ਸ਼ੇਅਰ ਕਰ ਫ਼ਾਦਰਜ਼ ਡੇਅ ਸੈਲੀਬ੍ਰੇਟ ਕਰ ਰਹੇ ਹਨ।
ਪੰਜਾਬੀ ਗਾਇਕ ਤੇ ਅਦਾਕਾਰ ਗਿੱਪੀ ਗਰੇਵਾਲ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ `ਤੇ ਆਪਣੇ ਪਿਤਾ ਦੇ ਨਾਲ ਆਪਣੇ ਬਚਪਨ ਦੀ ਤਸਵੀਰ ਸ਼ੇਅਰ ਕੀਤੀ। ਫ਼ੋਟੋ ਸ਼ੇਅਰ ਕਰਦਿਆਂ ਉਨ੍ਹਾਂ ਸੰਦੇਸ਼ ਲਿਖਿਆ, "ਹੈੱਪੀ ਫ਼ਾਦਰਜ਼ ਡੇਅ, ਮਿਸ ਯੂ ਡੈਡ।" ਇਸ ਸੰਦੇਸ਼ ਨਾਲ ਉਨ੍ਹਾਂ ਨੇ ਦੁਖੀ ਇਮੋਜੀ ਵੀ ਸ਼ੇਅਰ ਕੀਤੀ। ਤਸਵੀਰ `ਚ ਗਿੱਪੀ ਦੇ ਪਿਤਾ ਉਨ੍ਹਾਂ ਨੂੰ ਕੇਕ ਖਿਲਾਉਂਦੇ ਹੋਏ ਨਜ਼ਰ ਆ ਰਹੇ ਹਨ। ਜਿਸ ਤੋਂ ਇਹ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਸ਼ਾਇਦ ਉਸ ਸਮੇਂ ਗਿੱਪੀ ਆਪਣਾ ਜਨਮਦਿਨ ਮਨਾ ਰਹੇ ਹੋਣਗੇ।
View this post on Instagram
ਖ਼ਬਰ ਲਿਖੇ ਜਾਣ ਤੱਕ ਉਨ੍ਹਾਂ ਦੀ ਇਸ ਪੋਸਟ ਨੂੰ 32 ਹਜ਼ਾਰ ਤੋਂ ਵੱਧ ਲਾਈਕਸ ਮਿਲੇ। ਇਸ ਦੇ ਨਾਲ ਹੀ ਉਨ੍ਹਾਂ ਦੇ ਫ਼ੈਨਜ਼ ਨੇ ਉਨ੍ਹਾਂ ਦੀ ਫ਼ੋਟੋ `ਤੇ ਖ਼ੂਬ ਕਮੈਂਟਸ ਕੀਤੇ।
ਭਾਰਤੀ ਸਿੰਘ ਨੇ ਪਤੀ ਹਰਸ਼ ਦੀ ਬੇਟੇ ਗੋਲਾ ਨਾਲ ਤਸਵੀਰ ਸ਼ੇਅਰ ਕਰ ਦਿਤੀ ਫ਼ਾਦਰਜ਼ ਡੇਅ ਦੀ ਵਧਾਈ
ਪ੍ਰਸਿੱਧ ਕਮੇਡੀਅਨ ਭਾਰਤੀ ਸਿੰਘ ਨੇ ਆਪਣੇ ਬੇਟੇ ਗੋਲਾ ਦੀ ਆਪਣੇ ਪਤੀ ਹਰਸ਼ ਨਾਲ ਤਸਵੀਰ ਸ਼ੇਅਰ ਕੀਤੀ। ਉਨ੍ਹਾਂ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ `ਚ ਇਸ ਤਸਵੀਰ ਨੂੰ ਸ਼ੇਅਰ ਕੀਤਾ। ਤਸਵੀਰ ਦੇਖ ਕੇ ਪਤਾ ਲਗਦਾ ਹੈ ਕਿ ਉਨ੍ਹਾਂ ਨੇ ਇਹ ਸਟੋਰੀ ਗੋਲਾ ਵੱਲੋਂ ਪਾਈ ਹੈ। ਕਿਉਂਕਿ ਤਸਵੀਰ `ਤੇ ਉਨ੍ਹਾਂ ਨੇ ਆਈ ਲਵ ਮਾਈ ਡੈਡ ਲਿਖਿਆ ਹੈ। ਇਸ ਦੇ ਨਾਲ ਉਨ੍ਹਾਂ ਨੇ ਲਿਖਿਆ ਹੈੱਪੀ ਫ਼ਾਦਰਜ਼ ਡੇਅ ਫ਼ਰਾਮ ਗੋਲਾ।
ਦੱਸ ਦਈਏ ਕਿ ਇੰਟਰਨੈਸ਼ਨਲ ਫ਼ਾਦਰਜ਼ ਡੇਅ ਹਰ ਸਾਲ ਜੂਨ ਦੇ ਤੀਜੇ ਐਤਵਾਰ ਨੂੰ ਮਨਾਇਆ ਜਾਂਦਾ ਹੈ। ਇਸ ਦਿਨ ਲੋਕ ਆਪਣੇ ਪਿਤਾਵਾਂ ਨੂੰ ਫ਼ਾਦਰਜ਼ ਡੇਅ ਵਿਸ਼ ਕਰਕੇ ਉਨ੍ਹਾਂ ਲਈ ਆਪਣੇ ਪਿਆਰ ਦਾ ਇਜ਼ਹਾਰ ਕਰਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
