Parmish Verma: ਗਾਇਕ ਪਰਮੀਸ਼ ਵਰਮਾ ਵਾਮਿਕਾ ਗੱਬੀ ਨਾਲ ਫਿਰ ਵੱਡੇ ਪਰਦੇ 'ਤੇ ਕਰਨਗੇ ਰੋਮਾਂਸ, ਫਿਲਮ 'ਤਬਾਹ' ਦਾ ਕੀਤਾ ਐਲਾਨ, ਜਾਣੋ ਰਿਲੀਜ਼ ਡੇਟ
Parmish Verma New Movie: ਪਰਮੀਸ਼ ਵਰਮਾ ਨੇ ਨਵੀਂ ਫਿਲਮ ਦਾ ਐਲਾਨ ਕਰ ਦਿੱਤਾ ਹੈ। ਪਰਮੀਸ਼ ਪਰਦੇ 'ਤੇ ਫਿਲਮ 'ਤਬਾਹ' ਨਾਲ ਧਮਾਲਾਂ ਪਾਉਣ ਜਾ ਰਿਹਾ ਹੈ। ਫਿਲਮ 'ਚ ਪਰਮੀਸ਼ ਵਰਮਾ ਅਦਾਕਾਰਾ ਵਾਮਿਕਾ ਗੱਬੀ ਨਾਲ ਰੋਮਾਂਸ ਕਰਦਾ ਨਜ਼ਰ ਆਵੇਗਾ।
ਅਮੈਲੀਆ ਪੰਜਾਬੀ ਦੀ ਰਿਪੋਰਟ
Parmish Verma Wamiqa Gabbi New Movie: ਪੰਜਾਬੀ ਸਿੰਗਰ ਤੇ ਐਕਟਰ ਪਰਮੀਸ਼ ਵਰਮਾ ਅਕਸਰ ਹੀ ਸੁਰਖੀਆਂ 'ਚ ਬਣਿਆ ਰਹਿੰਦਾ ਹੈ। ਹੁਣ ਪਰਮੀਸ਼ ਵਰਮਾ ਨੂੰ ਲੈਕੇ ਇੱਕ ਹੋਰ ਵੱਡੀ ਅਪਡੇਟ ਸਾਹਮਣੇ ਆ ਰਹੀ ਹੈ। ਉਹ ਇਹ ਹੈ ਕਿ ਪਰਮੀਸ਼ ਵਰਮਾ ਨੇ ਆਪਣੀ ਨਵੀਂ ਫਿਲਮ ਦਾ ਐਲਾਨ ਕਰ ਦਿੱਤਾ ਹੈ। ਪਰਮੀਸ਼ ਵਰਮਾ ਇੱਕ ਵਾਰ ਫਿਰ ਪਰਦੇ 'ਤੇ ਫਿਲਮ 'ਤਬਾਹ' ਨਾਲ ਧਮਾਲਾਂ ਪਾਉਣ ਜਾ ਰਿਹਾ ਹੈ। ਦੱਸ ਦਈਏ ਕਿ ਇਸ ਫਿਲਮ 'ਚ ਪਰਮੀਸ਼ ਵਰਮਾ ਮਾਡਲ ਤੇ ਅਦਾਕਾਰਾ ਵਾਮਿਕਾ ਗੱਬੀ ਦੇ ਨਾਲ ਰੋਮਾਂਸ ਕਰਦਾ ਨਜ਼ਰ ਆਉਣ ਵਾਲਾ ਹੈ।
ਇਹ ਵੀ ਪੜ੍ਹੋ: ਪੰਜਾਬੀ ਸਿੰਗਰ ਸਿੱਪੀ ਗਿੱਲ ਦਾ ਹੋਇਆ ਭਿਆਨਕ ਐਕਸੀਡੈਂਟ, ਸੜਕ 'ਤੇ ਪਲਟ ਗਈ ਕਾਰ, ਦੇਖੋ ਇਹ ਵੀਡੀਓ
ਦੱਸ ਦਈਏ ਕਿ 'ਦਿਲ ਦੀਆਂ ਗੱਲਾਂ' ਤੋਂ ਬਾਅਦ ਪਰਮੀਸ਼ ਤੇ ਵਾਮਿਕਾ ਦੀ ਜੋੜੀ ਹੁਣ 'ਤਬਾਹ' ਫਿਲਮ 'ਚ ਇਕੱਠੀ ਨਜ਼ਰ ਆਉਣ ਵਾਲੀ ਹੈ। ਫਿਲਮ ਦੀ ਰਿਲੀਜ਼ ਡੇਟ ਬਾਰੇ ਗੱਲ ਕਰੀਏ ਤਾਂ ਇਹ ਫਿਲਮ 3 ਮਈ 2024 ਨੂੰ ਸਿਨੇਮਾਘਰਾਂ 'ਚ ਦਸਤਕ ਦੇਵੇਗੀ। ਇਸ ਦੇ ਨਾਲ ਨਾਲ ਇੱਥੇ ਅਸੀਂ ਇਹ ਵੀ ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਪਰਮੀਸ਼ ਵਾਮਿਕਾ ਦੀ ਫਿਲਮ 'ਦਿਲ ਦੀਆਂ ਗੱਲਾਂ' ਵੀ 3 ਮਈ ਨੂੰ ਹੀ ਰਿਲੀਜ਼ ਹੋਈ ਸੀ। ਇਹ ਨਵੀਂ ਫਿਲਮ ਵੀ ਸੇਮ ਡੇਟ ਨੂੰ ਰਿਲੀਜ਼ ਹੋਣ ਜਾ ਰੀ ਹੈ। ਫਿਲਮ ਦਾ ਪੋਸਟਰ ਪਰਮੀਸ਼ ਵਰਮਾ ਨੇ ਆਪਣੇ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤਾ ਹੈ॥ ਇਸ ਦੇ ਨਾਲ ਹੀ ਅਦਾਕਾਰ ਨੇ ਕੈਪਸ਼ਨ ਲਿਖੀ ਹੈ, 'ਇਸੇ ਸੇਮ ਦਿਨ ਦਿਲ ਦੀਆਂ ਗੱਲਾਂ ਵੀ ਰਿਲੀਜ਼ ਹੋਈ ਸੀ। ਹੁਣ 3 ਮਈ 2024 ਨੂੰ ਤਬਾਹ ਰਿਲੀਜ਼ ਹੋਣ ਜਾ ਰਹੀ ਹੈ। ਇੱਕ ਵਾਰ ਵਾਮਿਕਾ ਨਾਲ ਸਿਲਵਰ ਸਕ੍ਰੀਨ ਸ਼ੇਅਰ ਕਰਨ ਜਾ ਰਿਹਾ ਹਾਂ। ਪਰ ਇਸ ਵਾਰ ਕਿਸਮਤ ਨੇ ਕੁੱਝ ਹੋਰ ਕਹਾਣੀ ਲਿਖੀ ਹੈ।' ਦੇਖੋ ਗਾਇਕ ਦੀ ਇਹ ਪੋਸਟ:
View this post on Instagram
ਕਾਬਿਲੇਗ਼ੌਰ ਹੈ ਕਿ ਪਰਮੀਸ਼ ਵਰਮਾ ਤੇ ਵਾਮਿਕਾ ਗੱਬੀ ਦੀ ਜੋੜੀ ਨੇ ਦਰਸ਼ਕਾਂ ਦਾ ਖੂਬ ਦਿਲ ਜਿੱਤਿਆ ਸੀ। ਫਿਲਮ 'ਦਿਲ ਦੀਆਂ ਗੱਲਾਂ ਨੂੰ ਦਰਸ਼ਕਾਂ ਨੇ ਭਰਪੂਰ ਪਿਆਰ ਦਿੱਤਾ ਸੀ। ਹੁਣ ਦੇਖਣਾ ਇਹ ਹੈ ਕਿ ਵਾਮਿਕਾ ਪਰਮੀਸ਼ ਦੀ ਨਵੀਂ ਫਿਲਮ ਦਰਸ਼ਕਾਂ ਦਾ ਦਿਲ ਜੱਤ ਪਾਉਂਦੀ ਹੈ ਜਾਂ ਨਹੀਂ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
