24 ਹਜ਼ਾਰ ਫੁੱਟ ਦੀ ਉਚਾਈ 'ਤੇ ਜਹਾਜ਼ ਦੀ ਉੱਡ ਗਈ ਛੱਤ, ਜਾਣੋ ਕਿਵੇਂ ਬਚਾਈ ਗਈ ਲੋਕਾਂ ਦੀ ਜਾ*ਨ
ਤੁਸੀਂ ਕਦੇ ਸੋਚਿਆ ਹੈ ਕਿ ਜੇਕਰ ਜਿਸ ਹਵਾਈ ਜਹਾਜ਼ ਦੇ ਵਿੱਚ ਤੁਸੀਂ ਯਾਤਰਾ ਕਰ ਰਹੇ ਹੋ ਤਾਂ ਚਲਦੇ ਜਹਾਜ਼ ਦੀ ਛੱਤ ਉੱਡ ਜਾਏ ਤਾਂ ਕੀ ਹੋਏਗਾ। ਜੀ ਹਾਂ ਇੱਕ ਜਹਾਜ਼ ਜੋ ਕਿ ਜ਼ਮੀਨ ਤੋਂ 24 ਹਜ਼ਾਰ ਫੁੱਟ ਦੀ ਉਚਾਈ 'ਤੇ ਉੱਡ ਰਿਹਾ ਸੀ ਅਤੇ ਅਚਾਨਕ ਛੱਤ..
Viral News: ਹਵਾਈ ਜ਼ਹਾਜ ਰਾਹੀ ਯਾਤਰਾ ਕਰਨਾ ਬਹੁਤ ਸਾਰੇ ਲੋਕਾਂ ਬਹੁਤ ਪਸੰਦ ਹੁੰਦਾ ਹੈ। ਅਤੇ ਕਈ ਲੋਕਾਂ ਦਾ ਸੁਫਨਾ ਹੁੰਦਾ ਹੈ ਕਿ ਉਹ ਫਲਾਈਟ ਦੀ ਯਾਤਰਾ ਦਾ ਅਨੰਦ ਲੈ ਸਕਣ। ਹਾਲਾਂਕਿ ਲੋਕਾਂ ਦਾ ਇਸ 'ਤੇ ਬਹੁਤ ਵਿਸ਼ਵਾਸ ਹੈ, ਪਰ ਸੋਚੋ ਕਿ ਤੁਸੀਂ ਜ਼ਮੀਨ ਤੋਂ 24 ਹਜ਼ਾਰ ਫੁੱਟ ਦੀ ਉਚਾਈ 'ਤੇ ਹੋ ਅਤੇ ਜੇਕਰ ਤੁਹਾਡੇ ਜਹਾਜ਼ ਦੀ ਛੱਤ ਉੱਡ ਜਾਵੇ ਤਾਂ ਕੀ ਹੋਵੇਗਾ? ਤੁਹਾਨੂੰ ਇਹ ਕਲਪਨਾ ਕਰਨਾ ਵੀ ਅਜੀਬ ਲੱਗ ਸਕਦਾ ਹੈ! ਪਰ ਤੁਹਾਨੂੰ ਦੱਸ ਦੇਈਏ ਕਿ ਇਹ ਕੋਈ ਕਹਾਣੀ ਨਹੀਂ ਬਲਕਿ ਸੱਚਾਈ ਹੈ।
ਜਦੋਂ ਚੱਲਦੇ ਜਹਾਜ਼ ਤੋਂ ਉੱਡ ਗਈ ਛੱਤ
ਵਾਸ਼ਿੰਗਟਨ ਪੋਸਟ ਦੀ ਰਿਪੋਰਟ ਮੁਤਾਬਕ 28 ਅਪ੍ਰੈਲ 1988 ਨੂੰ ਹਵਾਈ ਦੇ ਹਿਲੋ ਇੰਟਰਨੈਸ਼ਨਲ ਏਅਰਪੋਰਟ ਤੋਂ ਹੋਨੋਲੁਲੂ ਲਈ ਉਡਾਣ ਭਰਨ ਵਾਲੀ ਅਲਾਹਾ ਏਅਰਲਾਈਨਜ਼ ਦੀ ਫਲਾਈਟ 243 ਦੁਨੀਆ ਨੂੰ ਹਿਲਾ ਕੇ ਰੱਖ ਦੇਣ ਵਾਲੀ ਘਟਨਾ ਦਾ ਸ਼ਿਕਾਰ ਹੋ ਗਈ। ਤੁਹਾਨੂੰ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਅਚਾਨਕ 24,000 ਫੁੱਟ ਦੀ ਉਚਾਈ 'ਤੇ ਜਹਾਜ਼ ਦੀ ਛੱਤ ਦਾ ਵੱਡਾ ਹਿੱਸਾ ਹਵਾ 'ਚ ਉੱਡ ਗਿਆ।
ਇਹ ਘਟਨਾ ਬਹੁਤ ਡਰਾਉਣੀ ਅਤੇ ਅਵਿਸ਼ਵਾਸ਼ਯੋਗ ਸੀ। ਜਹਾਜ਼ 'ਚ ਸਵਾਰ 89 ਲੋਕਾਂ ਦੀ ਜਾਨ ਖਤਰੇ 'ਚ ਸੀ ਪਰ ਪਾਇਲਟ ਅਤੇ ਚਾਲਕ ਦਲ ਦੇ ਮੈਂਬਰਾਂ ਦੀ ਬਹਾਦਰੀ ਅਤੇ ਤੁਰੰਤ ਫੈਸਲੇ ਨਾਲ ਇਸ ਹਾਦਸੇ 'ਚ ਕਈ ਲੋਕਾਂ ਦੀ ਜਾਨ ਬਚ ਗਈ।
ਚੱਲਦੇ ਜਹਾਜ਼ ਦੀ ਛੱਤ ਕਿਵੇਂ ਉੱਡ ਗਈ?
ਜਹਾਜ਼ ਦੇ ਉਡਾਣ ਭਰਨ ਤੋਂ ਥੋੜ੍ਹੀ ਦੇਰ ਬਾਅਦ ਪਾਇਲਟ ਨੇ ਜ਼ੋਰਦਾਰ ਧਮਾਕੇ ਦੀ ਆਵਾਜ਼ ਸੁਣੀ ਅਤੇ ਜਹਾਜ਼ ਕੰਬਣ ਲੱਗਾ। ਕੁਝ ਹੀ ਪਲਾਂ ਵਿੱਚ ਜਹਾਜ਼ ਦੀ ਛੱਤ ਦਾ ਵੱਡਾ ਹਿੱਸਾ ਫਟ ਗਿਆ ਅਤੇ ਹਵਾ ਵਿੱਚ ਉੱਡ ਗਿਆ। ਅਚਾਨਕ ਕੈਬਿਨ 'ਚ ਪ੍ਰੈਸ਼ਰ ਘੱਟ ਹੋ ਗਿਆ ਅਤੇ ਯਾਤਰੀ ਅਤੇ ਚਾਲਕ ਦਲ ਦੇ ਮੈਂਬਰ ਹਵਾ 'ਚ ਉੱਡਣ ਲੱਗੇ।
ਉਸ ਸਮੇਂ ਪਾਇਲਟ ਰੌਬਰਟ ਸ਼ੌਰਨਸ਼ਾਈਮਰ ਨੇ ਇਸ ਔਖੀ ਸਥਿਤੀ ਵਿੱਚ ਵੀ ਆਪਣਾ ਸਬਰ ਕਾਇਮ ਰੱਖਿਆ। ਉਸ ਨੇ ਤੁਰੰਤ ਜਹਾਜ਼ ਨੂੰ ਐਮਰਜੈਂਸੀ ਲੈਂਡਿੰਗ ਲਈ ਮੋੜ ਦਿੱਤਾ। ਇਸ ਤੋਂ ਇਲਾਵਾ, ਚਾਲਕ ਦਲ ਦੇ ਮੈਂਬਰਾਂ ਨੇ ਵੀ ਯਾਤਰੀਆਂ ਨੂੰ ਸ਼ਾਂਤ ਕਰਨ ਅਤੇ ਉਨ੍ਹਾਂ ਨੂੰ ਸੁਰੱਖਿਅਤ ਰੱਖਣ ਵਿਚ ਵਿਸ਼ੇਸ਼ ਭੂਮਿਕਾ ਨਿਭਾਈ। ਉਨ੍ਹਾਂ ਯਾਤਰੀਆਂ ਨੂੰ ਆਕਸੀਜਨ ਮਾਸਕ ਪਹਿਨਣ ਅਤੇ ਸੀਟ ਬੈਲਟ ਬੰਨ੍ਹਣ ਲਈ ਕਿਹਾ।
ਹਾਲਾਂਕਿ ਜਹਾਜ਼ ਦੀ ਛੱਤ ਉੱਡ ਗਈ ਸੀ, ਪਰ ਜਹਾਜ਼ ਦਾ ਬਾਕੀ ਹਿੱਸਾ ਬਰਕਰਾਰ ਸੀ। ਇਸ ਨਾਲ ਜਹਾਜ਼ ਹਵਾ ਵਿਚ ਟੁੱਟਣ ਤੋਂ ਬਚ ਗਿਆ ਅਤੇ ਪਾਇਲਟ ਨੂੰ ਐਮਰਜੈਂਸੀ ਲੈਂਡਿੰਗ ਕਰਨ ਦਾ ਮੌਕਾ ਮਿਲਿਆ। ਇਸ ਦੇ ਨਾਲ ਹੀ ਯਾਤਰੀਆਂ ਨੇ ਵੀ ਇਸ ਔਖੀ ਘੜੀ ਵਿੱਚ ਸ਼ਾਂਤ ਰਹੇ ਅਤੇ ਪਾਇਲਟ ਅਤੇ ਚਾਲਕ ਦਲ ਦੇ ਮੈਂਬਰਾਂ ਦਾ ਪੂਰਾ ਸਾਥ ਦਿੱਤਾ।
ਹੋਰ ਪੜ੍ਹੋ : ਵਧਦੇ ਪ੍ਰਦੂਸ਼ਣ ਦੇ ਵਿਚਕਾਰ ਬਜ਼ੁਰਗਾਂ ਨੂੰ ਇਹ ਗਲਤੀ ਬਿਲਕੁਲ ਨਹੀਂ ਕਰਨੀ ਚਾਹੀਦੀ, ਹੋ ਸਕਦੀ ਜਾ*ਨਲੇਵਾ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
