Taj Mahal: ਕੀ ਹੈ ਤਾਜ ਮਹਿਲ ਦੀ ਜ਼ਮੀਨ ਦਾ ਇਤਿਹਾਸ
Taj Mahal-ਆਗਰਾ 'ਚ ਸਥਿਤ ਤਾਜ ਮਹਿਲ 17ਵੀਂ ਸਦੀ ਵਿੱਚ ਮੁਗਲ ਸਮਰਾਟ ਸ਼ਾਹਜਹਾਂ ਨੇ ਆਪਣੀ ਪਤਨੀ ਮੁਮਤਾਜ਼ ਮਹਿਲ ਦੀ ਯਾਦ ਵਿੱਚ ਬਣਵਾਇਆ ਸੀ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਸ਼ਾਹਜਹਾਂ ਨੇ ਇਹ ਕਿਸ ਦੀ ਜ਼ਮੀਨ 'ਤੇ ਬਣਾਇਆ ਸੀ?
ਆਗਰਾ 'ਚ ਸਥਿਤ ਤਾਜ ਮਹਿਲ ਨੂੰ ਕੌਣ ਨਹੀਂ ਦੇਖਣਾ ਚਾਹੁੰਦਾ? ਇਹ 17ਵੀਂ ਸਦੀ ਵਿੱਚ ਮੁਗਲ ਸਮਰਾਟ ਸ਼ਾਹਜਹਾਂ ਨੇ ਆਪਣੀ ਪਤਨੀ ਮੁਮਤਾਜ਼ ਮਹਿਲ ਦੀ ਯਾਦ ਵਿੱਚ ਬਣਵਾਇਆ ਸੀ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਸ਼ਾਹਜਹਾਂ ਨੇ ਇਹ ਕਿਸ ਦੀ ਜ਼ਮੀਨ 'ਤੇ ਬਣਾਇਆ ਸੀ?
ਉੱਤਰ ਪ੍ਰਦੇਸ਼ ਦੇ ਆਗਰਾ ਸ਼ਹਿਰ ਵਿੱਚ ਬਣਿਆ ਤਾਜ ਮਹਿਲ ਇੱਕ ਵਿਸ਼ਵ ਵਿਰਾਸਤ ਮਕਬਰਾ ਹੈ।
ਦੱਸ ਦਈਏ ਕਿ ਇਸ ਨੂੰ ਮੁਗਲ ਬਾਦਸ਼ਾਹ ਸ਼ਾਹਜਹਾਂ ਨੇ 17ਵੀਂ ਸਦੀ ਵਿੱਚ ਆਪਣੀ ਪਤਨੀ ਮੁਮਤਾਜ਼ ਮਹਿਲ ਦੀ ਯਾਦ ਵਿੱਚ ਬਣਵਾਇਆ ਸੀ। ਤਾਜ ਮਹਿਲ ਦਾ ਨਾਂ ਯੂਨੈਸਕੋ ਦੀ ਵਿਸ਼ਵ ਵਿਰਾਸਤ ਸਥਾਨਾਂ ਦੀ ਸੂਚੀ ਵਿੱਚ ਵੀ ਸ਼ਾਮਲ ਹੈ। ਜਾਣਕਾਰੀ ਅਨੁਸਾਰ ਤਾਜ ਮਹਿਲ ਨੂੰ ਬਣਾਉਣ 'ਚ ਕਰੀਬ 22 ਸਾਲ ਲੱਗੇ ਸਨ।
ਭਾਰਤੀ ਪੁਰਾਤੱਤਵ ਸਰਵੇਖਣ ਅਨੁਸਾਰ, ਤਾਜ ਮਹਿਲ ਦੀ ਜ਼ਮੀਨ ਰਾਜਸਥਾਨ ਦੇ ਆਮੇਰ ਦੇ ਕਛਵਾਹਿਆਂ ਦੀ ਜਾਇਦਾਦ ਸੀ। ਜਦੋਂ ਸ਼ਾਹਜਹਾਂ ਨੇ ਆਪਣੀ ਪਤਨੀ ਮੁਮਤਾਜ਼ ਲਈ ਤਾਜ ਮਹਿਲ ਬਣਾਉਣਾ ਸੀ ਤਾਂ ਉਸ ਨੇ ਤਾਜ ਮਹਿਲ ਬਣਾਉਣ ਲਈ ਕੱਛਵਾਹਿਆਂ ਤੋਂ ਜ਼ਮੀਨ ਖਰੀਦੀ ਸੀ। ਬਦਲੇ ਵਿਚ ਮੁਗਲ ਬਾਦਸ਼ਾਹ ਨੇ ਕੱਛਵਾਹਾ ਨੂੰ ਚਾਰ ਹਵੇਲੀਆਂ ਦਿੱਤੀਆਂ ਸਨ। ਜਦਕਿ ਮੁਆਵਜ਼ੇ ਵਜੋਂ ਦਿੱਤੀਆਂ ਗਈਆਂ ਹਵੇਲੀਆਂ ਬਾਰੇ ਜ਼ਿਆਦਾ ਜਾਣਕਾਰੀ ਨਹੀਂ ਹੈ।
ਪਰ ਦਰਬਾਰੀ ਇਤਿਹਾਸਕਾਰ ਹਾਮਿਦ ਲਾਹੌਰੀ ਨੇ ਬਾਦਸ਼ਾਹਨਾਮਾ ਅਤੇ ਫਰਮਾਨ ਵਰਗੀਆਂ ਆਪਣੀਆਂ ਰਚਨਾਵਾਂ ਵਿੱਚ ਤਾਜ ਮਹਿਲ ਲਈ ਕੱਛਵਾਹਿਆਂ ਤੋਂ ਜ਼ਮੀਨ ਖਰੀਦਣ ਦਾ ਜ਼ਿਕਰ ਕੀਤਾ ਹੈ।
ਦੱਸ ਦਈਏ ਕਿ ਤਾਜ ਮਹਿਲ ਲਗਭਗ 60 ਵਿੱਘੇ ਦੇ ਖੇਤਰ ਵਿੱਚ ਫੈਲਿਆ ਹੋਇਆ ਹੈ। ਇਸ ਦੀ ਉਸਾਰੀ ਦਾ ਕੰਮ 22 ਸਾਲਾਂ ਦੇ ਕੰਮ ਤੋਂ ਬਾਅਦ 1648 ਵਿੱਚ ਪੂਰਾ ਹੋਇਆ।
ਜਦੋਂ ਸ਼ਾਹਜਹਾਂ ਨੇ ਮੁਮਤਾਜ਼ ਨੂੰ ਮਕਬਰੇ ਵਿੱਚ ਦਫ਼ਨਾਇਆ ਤਾਂ ਬਾਦਸ਼ਾਹ ਸ਼ਾਹਜਹਾਨ ਨੇ ਸਫ਼ੈਦ ਸੰਗਮਰਮਰ ਦੀ ਬਣੀ ਇਸ ਖੂਬਸੂਰਤ ਇਮਾਰਤ ਦਾ ਨਾਂ ‘ਰੌਜ਼ਾ-ਏ-ਮੁਨੱਵਾਰਾ’ ਰੱਖਿਆ। ਹਾਲਾਂਕਿ ਕੁਝ ਸਮੇਂ ਬਾਅਦ ਇਸ ਦਾ ਨਾਂ ਬਦਲ ਕੇ ਤਾਜ ਮਹਿਲ ਕਰ ਦਿੱਤਾ ਗਿਆ। ਜਾਣਕਾਰੀ ਮੁਤਾਬਕ ਉਸ ਸਮੇਂ ਇਸ ਨੂੰ ਬਣਾਉਣ 'ਚ 3.2 ਕਰੋੜ ਰੁਪਏ ਖਰਚ ਹੋਏ ਸਨ। ਇੰਨਾ ਹੀ ਨਹੀਂ ਇਸ ਇਮਾਰਤ 'ਚ 28 ਵੱਖ-ਵੱਖ ਤਰ੍ਹਾਂ ਦੇ ਪੱਥਰਾਂ ਦੀ ਵਰਤੋਂ ਕੀਤੀ ਗਈ ਹੈ। ਇਸ ਤੋਂ ਇਲਾਵਾ ਤਾਜ ਮਹਿਲ ਨੂੰ ਬਣਾਉਣ ਲਈ 20,000 ਤੋਂ ਵੱਧ ਮਜ਼ਦੂਰਾਂ ਨੇ ਦਿਨ-ਰਾਤ ਕੰਮ ਕੀਤਾ।
ਨੋਟ : ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ। ਸਾਡੀ ABP ਸਾਂਝਾ ਦੀ ਵੈੱਬਸਾਈਟ https://punjabi.abplive.com/ 'ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਤਫ਼ਸੀਲ ਨਾਲ ਪੜ੍ਹ ਸਕਦੇ ਹੋ ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
