![ABP Premium](https://cdn.abplive.com/imagebank/Premium-ad-Icon.png)
ਦੇਸ਼ 'ਚ ‘ਬਲੈਕ ਫ਼ੰਗਸ’ ਦਾ ਕਹਿਰ! 14 ਰਾਜਾਂ ’ਚ ਮਹਾਮਾਰੀ ਐਲਾਨਿਆ, ਜਾਣੋ ਕਿੱਥੇ ਮਿਲੇ ਕਿੰਨੇ ਮਾਮਲੇ
ਕੋਰੋਨਾ ਮਹਾਮਾਰੀ ਦੀ ਦੂਜੀ ਲਹਿਰ ਨਾਲ ਜੂਝ ਰਿਹਾ ਦੇਸ਼ ਹੁਣ ‘ਮਿਊਕਰਮਾਇਕੌਸਿਸ’ ਭਾਵ ‘ਬਲੈਕ ਫ਼ੰਗਸ’ ਦੀ ਲਪੇਟ ਵਿੱਚ ਆਉਂਦਾ ਜਾ ਰਿਹਾ ਹੈ। ਪਿਛਲੇ ਕੁਝ ਦਿਨਾਂ ’ਚ ਹੀ ਇਸ ਬੀਮਾਰੀ ਤੋਂ ਹਜ਼ਾਰਾਂ ਲੋਕ ਪ੍ਰਭਾਵਿਤ ਹੋਏ ਹਨ। ਪੰਜਾਬ, ਹਰਿਆਣਾ, ਗੁਜਰਾਤ, ਯੂਪੀ ਸਮੇਤ ਲਗਪਗ 14 ਰਾਜਾਂ ਨੇ ਇਸ ਬੀਮਾਰੀ ਨੂੰ ਮਹਾਮਾਰੀ ਐਲਾਨਿਆ ਹੈ।
![ਦੇਸ਼ 'ਚ ‘ਬਲੈਕ ਫ਼ੰਗਸ’ ਦਾ ਕਹਿਰ! 14 ਰਾਜਾਂ ’ਚ ਮਹਾਮਾਰੀ ਐਲਾਨਿਆ, ਜਾਣੋ ਕਿੱਥੇ ਮਿਲੇ ਕਿੰਨੇ ਮਾਮਲੇ black fungus Outbreak in the country appear to be exacerbated in 14 states ਦੇਸ਼ 'ਚ ‘ਬਲੈਕ ਫ਼ੰਗਸ’ ਦਾ ਕਹਿਰ! 14 ਰਾਜਾਂ ’ਚ ਮਹਾਮਾਰੀ ਐਲਾਨਿਆ, ਜਾਣੋ ਕਿੱਥੇ ਮਿਲੇ ਕਿੰਨੇ ਮਾਮਲੇ](https://feeds.abplive.com/onecms/images/uploaded-images/2021/05/23/ca917b2a7601397bf8da503006513f82_original.png?impolicy=abp_cdn&imwidth=1200&height=675)
ਨਵੀਂ ਦਿੱਲੀ: ਕੋਰੋਨਾ ਮਹਾਮਾਰੀ ਦੀ ਦੂਜੀ ਲਹਿਰ ਨਾਲ ਜੂਝ ਰਿਹਾ ਦੇਸ਼ ਹੁਣ ‘ਮਿਊਕਰਮਾਇਕੌਸਿਸ’ ਭਾਵ ‘ਬਲੈਕ ਫ਼ੰਗਸ’ ਦੀ ਲਪੇਟ ਵਿੱਚ ਆਉਂਦਾ ਜਾ ਰਿਹਾ ਹੈ। ਪਿਛਲੇ ਕੁਝ ਦਿਨਾਂ ’ਚ ਹੀ ਇਸ ਬੀਮਾਰੀ ਤੋਂ ਹਜ਼ਾਰਾਂ ਲੋਕ ਪ੍ਰਭਾਵਿਤ ਹੋਏ ਹਨ। ਪੰਜਾਬ, ਹਰਿਆਣਾ, ਗੁਜਰਾਤ, ਯੂਪੀ ਸਮੇਤ ਲਗਪਗ 14 ਰਾਜਾਂ ਨੇ ਇਸ ਬੀਮਾਰੀ ਨੂੰ ਮਹਾਮਾਰੀ ਐਲਾਨਿਆ ਹੈ।
ਕਿਸ ਰਾਜ ਵਿੱਚ ਕਿੰਨੇ ਮਾਮਲੇ
‘ਬਲੈਕ ਫ਼ੰਗਸ’ ਦੇ ਸਭ ਤੋਂ ਜ਼ਿਆਦਾ ਮਾਮਲੇ ਗੁਜਰਾਤ ’ਚ ਹਨ; ਜਿੱਥੇ 2,281 ਵਿਅਕਤੀ ਇਸ ਰੋਗ ਦੀ ਲਪੇਟ ਵਿੱਚ ਆਏ ਹਨ। ਇਸ ਤੋਂ ਇਲਾਵਾ ਮਹਾਰਾਸ਼ਟਰ ’ਚ 2,000 ਮਾਮਲੇ, ਆਂਧਰਾ ਪ੍ਰਦੇਸ਼ ’ਚ 910, ਮੱਧ ਪ੍ਰਦੇਸ਼ ’ਚ 720, ਰਾਜਸਥਾਨ ’ਚ 700, ਕਰਨਾਟਕ ’ਚ 500, ਦਿੱਲੀ ’ਚ 197, ਉੱਤਰ ਪ੍ਰਦੇਸ਼ ’ਚ 124, ਤੇਲੰਗਾਨਾ ’ਚ 350, ਹਰਿਆਣਾ ’ਚ 250, ਪੱਛਮੀ ਬੰਗਾਲ ’ਚ 6 ਅਤੇ ਬਿਹਾਰ ਵਿੱਚ 56 ਮਾਮਲੇ ਸਾਹਮਣੇ ਆਏ ਹਨ। ਸਨਿੱਚਰਵਾਰ ਨੂੰ ਪੱਛਮੀ ਬੰਗਾਲ ਦੀ ਰਾਜਧਾਨੀ ਕੋਲਕਾਤਾ ’ਚ ਇੱਕ ਹਸਪਤਾਲ ਵਿੱਚ ਜ਼ੇਰੇ ਇਲਾਜ 32 ਸਾਲਾ ਇੱਕ ਔਰਤ ਦੀ ‘ਬਲੈਕ ਫ਼ੰਗਸ’ ਕਾਰਣ ਮੌਤ ਹੋ ਗਈ।
ਇਨ੍ਹਾਂ ਰਾਜਾਂ ਨੇ ਐਲਾਨੀ ਮਹਾਮਾਰੀ
ਕੋਰੋਨਾ ਦੇ ਮਰੀਜ਼ਾਂ ਵਿੱਚ ‘ਬਲੈਕ ਫ਼ੰਗਸ’ ਦੇ ਵਧਦੇ ਮਾਮਲਿਆਂ ਨੂੰ ਵੇਖਦਿਆਂ ਪੰਜਾਬ, ਹਰਿਆਣਾ, ਮੱਧ ਪ੍ਰਦੇਸ਼, ਹਿਮਾਚਲ ਪ੍ਰਦੇਸ਼, ਕਰਨਾਟਕ, ਉੱਤਰ ਪ੍ਰਦੇਸ਼, ਗੁਜਰਾਤ, ਤਾਮਿਲ ਨਾਡੂ, ਰਾਜਸਥਾਨ, ਓੜੀਸ਼ਾ, ਬਿਹਾਰ, ਚੰਡੀਗੜ੍ਹ, ਉੱਤਰਾਖੰਡ, ਤੇਲੰਗਾਨਾ ਸਮੇਤ ਕੁੱਲ 14 ਰਾਜਾਂ ਵਿੱਚ ਇਸ ਬੀਮਾਰੀ ਨੂੰ ਮਹਾਮਾਰੀ ਐਲਾਨ ਦਿੱਤਾ ਗਿਆ ਹੈ।
ਮਹਾਮਾਰੀ ਐਲਾਨਣ ’ਤੇ ਕਰਨੀ ਹੁੰਦੀ ਹੈ ਦਿਸ਼ਾ-ਨਿਰਦੇਸ਼ਾਂ ਦੀ ਪਾਲਣਾ
ਦੱਸ ਦੇਈਏ ਕਿ ਜਿਹੜੇ ਰਾਜ ਕਿਸੇ ਬੀਮਾਰੀ ਨੂੰ ਮਹਾਮਾਰੀ ਐਲਾਨ ਦਿੰਦੇ ਹਨ, ਤਦ ਉਨ੍ਹਾਂ ਨੂੰ ਕੇਸ, ਇਲਾਜ, ਦਵਾਈ ਤੇ ਬੀਮਾਰੀ ਕਾਰਣ ਹੋਣ ਵਾਲੀਆਂ ਮੌਤਾਂ ਦਾ ਹਿਸਾਬ ਰੱਖਣਾ ਹੁੰਦਾ ਹੈ। ਨਾਲ ਹੀ ਸਾਰੇ ਮਾਮਲਿਆਂ ਦੀ ਰਿਪੋਰਟ ‘ਚੀਫ਼ ਮੈਡੀਕਲ ਆਫ਼ੀਸਰ’ (CMO) ਨੂੰ ਦੇਣੀ ਹੁੰਦੀ ਹੈ। ਇਸ ਤੋਂ ਇਲਾਵਾ ਕੇਂਦਰ ਸਰਕਾਰ ਤੇ ਭਾਰਤੀ ਮੈਡੀਕਲ ਖੋਜ ਪ੍ਰੀਸ਼ਦ (ICMR) ਦੀਆਂ ਹਦਾਇਤਾਂ ਦੀ ਪਾਲਣਾ ਕਰਨੀ ਹੁੰਦੀ ਹੈ।
ਸੋਨੀਆ ਗਾਂਧੀ ਨੇ ਪ੍ਰਧਾਨ ਮੰਤਰੀ ਨੂੰ ਕੀਤੀ ਇਹ ਅਪੀਲ
ਕਾਂਗਰਸ ਪਾਰਟੀ ਦੇ ਪ੍ਰਧਾਨ ਸੋਨੀਆ ਗਾਂਧੀ ਨੇ ਦੇਸ਼ ਵਿੱਚ ‘ਬਲੈਕ ਫ਼ੰਗਸ’ ਦੇ ਮਾਮਲਿਆਂ ਵਿੱਚ ਵਾਧੇ ਤੇ ਜ਼ਰੂਰੀ ਦਵਾਈਆਂ ਦੀ ਕਥਿਤ ਕਮੀ ਉੱਤੇ ਚਿੰਤਾ ਪ੍ਰਗਟ ਕਰਦਿਆਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਬੇਨਤੀ ਕੀਤੀ ਹੈ ਕਿ ਇਸ ਬੀਮਾਰੀ ਦੇ ਮਰੀਜ਼ਾਂ ਨੂੰ ਰਾਹਤ ਪ੍ਰਦਾਨ ਕਰਨ ਲਈ ਤੁਰੰਤ ਜ਼ਰੂਰੀ ਕਦਮ ਚੁੱਕੇ ਜਾਣ।
ਉਨ੍ਹਾਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਲਿਖੀ ਚਿੱਠੀ ਵਿੱਓ ਇਹ ਵੀ ਕਿਹਾ ਹੈ ਕਿ ਕੇਂਦਰ ਨੇ ਰਾਜਾਂ ਨੂੰ ‘ਬਲੈਕ ਫ਼ੰਗਸ’ ਨੂੰ ਮਹਾਮਾਰੀ ਐਲਾਨਣ ਲਈ ਆਖਿਆ ਹੈ। ਇਸ ਦਾ ਮਤਲਬ ਇਹੋ ਹੈ ਕਿ ਇਸ ਦੇ ਇਲਾਜ ਲਈ ਜ਼ਰੂਰੀ ਦਵਾਈਆਂ ਦਾ ਲੋੜੀਂਦਾ ਉਤਪਾਦਨ ਤੇ ਸਪਲਾਈ ਯਕੀਨੀ ਬਣਾਉਣੀ ਜ਼ਰੂਰੀ ਹੈ ਤੇ ਮਰੀਜ਼ਾਂ ਦੀ ਮੁਫ਼ਤ ਦੇਖਭਾਲ ਕੀਤੀ ਜਾਵੇ।
ਕਾਂਗਰਸ ਪ੍ਰਧਾਨ ਨੇ ਕਿਹਾ ਹੈ ਕਿ ‘ਐਂਫ਼ੋਟੇਰੀਸਿਨ-ਬੀ’ ਇਸ ਬੀਮਾਰੀ ਦੇ ਇਲਾਜ ਲਈ ਜ਼ਰੂਰੀ ਦਵਾਈ ਹੈ ਪਰ ਇਸ ਦਵਾਈ ਦੀ ਬਾਜ਼ਾਰ ਵਿੱਚ ਕਮੀ ਹੈ। ਇਹ ਬੀਮਾਰੀ ‘ਆਯੁਸ਼ਮਾਨ ਭਾਰਤ’ ਅਤੇ ਕਈ ਹੋਰ ਬੀਮਾ ਤਹਿਤ ਕਵਰ ਨਹੀਂ ਹੈ। ਇਸ ਦਿਸ਼ਾ ਵਿੱਚ ਵੀ ਤੁਰੰਤ ਕਦਮ ਚੁੱਕੇ ਜਾਣ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)