Gen Z 'ਚ ਕੈਂਸਰ ਦਾ ਖ਼ਤਰਾ ਵਧਾਉਂਦੇ ਨੇ ਇਹ ਇਹ ਦੋ ਪ੍ਰਸਿੱਧ ਖਾਣੇ, ਜਾਣੋ ਕਿਸ ਨੇ ਕੀਤਾ ਖ਼ੁਲਾਸਾ
ਇੱਕ ਤਾਜ਼ਾ ਅਧਿਐਨ ਵਿੱਚ ਪਾਇਆ ਗਿਆ ਹੈ ਕਿ ਇੱਕ ਦਿਨ ਵਿੱਚ 50 ਗ੍ਰਾਮ ਪ੍ਰੋਸੈਸਡ ਮੀਟ ਦਾ ਸੇਵਨ ਕਰਨ ਨਾਲ ਕੈਂਸਰ ਦਾ ਖ਼ਤਰਾ 18% ਵੱਧ ਸਕਦਾ ਹੈ। ਪਹਿਲਾਂ ਤੋਂ ਪਕਾਇਆ ਮੀਟ ਜਿਵੇਂ ਸੌਸੇਜ ਅਤੇ ਡੇਲੀ ਮੀਟ ਵੀ ਖਤਰਨਾਕ ਹੋ ਸਕਦੇ ਹਨ।
Cancer Causing Foods: ਖਾਣ-ਪੀਣ ਦੀਆਂ ਗਲਤ ਆਦਤਾਂ ਕੈਂਸਰ ਵਰਗੀਆਂ ਜਾਨਲੇਵਾ ਬਿਮਾਰੀਆਂ ਦਾ ਕਾਰਨ ਬਣ ਰਹੀਆਂ ਹਨ। ਇਸ ਕਾਰਨ ਛੋਟੀ ਉਮਰ ਵਿੱਚ ਹੀ ਮੌਤਾਂ ਹੋ ਰਹੀਆਂ ਹਨ। ਇਨ੍ਹਾਂ ਵਿਚ ਅਲਕੋਹਲ ਅਤੇ ਪ੍ਰੋਸੈਸਡ ਮੀਟ ਦੀ ਵਧਦੀ ਮੰਗ ਨੂੰ ਜ਼ਿਆਦਾ ਖਤਰਨਾਕ ਮੰਨਿਆ ਜਾਂਦਾ ਹੈ। ਅਮਰੀਕੀ ਡਾਇਟੀਸ਼ੀਅਨ ਦਾ ਦਾਅਵਾ ਹੈ ਕਿ ਇਨ੍ਹਾਂ ਦੋਵਾਂ ਚੀਜ਼ਾਂ ਕਾਰਨ ਜੇਨ ਜ਼ੈੱਡ 'ਚ ਕੈਂਸਰ ਦਾ ਖਤਰਾ ਤੇਜ਼ੀ ਨਾਲ ਵਧ ਰਿਹਾ ਹੈ।
ਅਜਿਹੇ 'ਚ 1997 ਤੋਂ 2012 ਤੱਕ ਪੈਦਾ ਹੋਏ ਲੋਕਾਂ ਨੂੰ ਇਨ੍ਹਾਂ ਤੋਂ ਦੂਰ ਰਹਿਣ ਦੀ ਲੋੜ ਹੈ। TikTok 'ਤੇ ਡਾਕਟਰ @oncology.nutrition.rd ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਹਾਲ ਹੀ ਵਿੱਚ ਇੱਕ ਅਜੀਬ ਪੈਟਰਨ ਦੇਖਿਆ ਹੈ, ਜਿਸ ਵਿਚ ਇਨ੍ਹਾਂ ਦੋਵਾਂ ਭੋਜਨਾਂ ਦਾ ਸੇਵਨ ਸਿੱਧੇ ਤੌਰ 'ਤੇ ਕੈਂਸਰ ਦਾ ਕਾਰਨ ਬਣ ਰਿਹਾ ਹੈ। ਨੌਜਵਾਨਾਂ ਨੂੰ ਇਸ ਦਾ ਜ਼ਿਆਦਾ ਖ਼ਤਰਾ ਹੈ।
ਸੋਸ਼ਲ ਮੀਡੀਆ 'ਤੇ ਨਿਕੋਲ ਦੇ ਨਾਂਅ ਨਾਲ ਮਸ਼ਹੂਰ ਇਸ ਡਾਕਟਰ ਦਾ ਕਹਿਣਾ ਹੈ ਕਿ ਸਿਗਰਟਨੋਸ਼ੀ ਤੇ ਕੈਂਸਰ ਦਾ ਆਪਸ 'ਚ ਡੂੰਘਾ ਸਬੰਧ ਹੈ। ਇਸ ਵਿੱਚ ਮਾੜੀ ਖੁਰਾਕ ਵੀ ਵੱਡੀ ਭੂਮਿਕਾ ਨਿਭਾ ਸਕਦੀ ਹੈ। ਇਨ੍ਹਾਂ ਕਾਰਨ ਸਰੀਰ 'ਚ ਖਤਰਨਾਕ ਸੈੱਲ ਵਿਕਸਿਤ ਹੋ ਸਕਦੇ ਹਨ। ਉਸ ਦਾ ਕਹਿਣਾ ਹੈ ਕਿ 1990 ਦੇ ਦਹਾਕੇ ਤੋਂ ਇਸ ਕਿਸਮ ਦੇ ਕੈਂਸਰ ਦੀਆਂ ਘਟਨਾਵਾਂ ਵਧ ਰਹੀਆਂ ਹਨ। ਜ਼ਿਆਦਾਤਰ ਨੌਜਵਾਨ ਇਸ ਦਾ ਸ਼ਿਕਾਰ ਹੋ ਰਹੇ ਹਨ। ਕੈਂਸਰ ਰਿਸਰਚ ਯੂਕੇ ਦਾ ਦਾਅਵਾ ਹੈ ਕਿ ਬ੍ਰਿਟੇਨ ਵਿੱਚ ਹਰ ਸਾਲ ਲਗਭਗ 44,100 ਨਵੇਂ ਕੋਲਨ ਕੈਂਸਰ ਦੇ ਕੇਸ ਹੋ ਰਹੇ ਹਨ। ਸ਼ਰਾਬ ਅਤੇ ਪ੍ਰੋਸੈਸਡ ਮੀਟ ਇਸ ਲਈ ਸਭ ਤੋਂ ਵੱਧ ਜ਼ਿੰਮੇਵਾਰ ਹਨ।
ਨਿਕੋਲ ਦਾ ਕਹਿਣਾ ਹੈ ਕਿ ਪ੍ਰੋਸੈਸਡ ਮੀਟ ਤੇ ਅਲਕੋਹਲ ਹੀ ਅਜਿਹੇ ਭੋਜਨ ਹਨ ਜੋ ਕੈਂਸਰ ਦੇ ਖਤਰੇ ਨੂੰ ਵਧਾਉਂਦੇ ਹਨ। ਅਲਕੋਹਲ ਵਿੱਚ ਬੀਅਰ, ਵਾਈਨ, ਸਪਿਰਿਟ, ਸਾਈਡਰ ਅਤੇ ਸ਼ਾਟ ਸ਼ਾਮਲ ਹੋ ਸਕਦੇ ਹਨ। NHS ਦੇ ਅਨੁਸਾਰ, ਅਲਕੋਹਲ ਕਾਰਨ ਹੋਣ ਵਾਲਾ ਕੈਂਸਰ ਸਿਰਫ ਅੰਤੜੀਆਂ ਅਤੇ ਕੋਲਨ ਤੱਕ ਹੀ ਸੀਮਿਤ ਨਹੀਂ ਹੈ। ਇਹ ਮੂੰਹ, ਗਲੇ, ਵਾਇਸ ਬਾਕਸ, ਅਨਾੜੀ, ਕੋਲਨ, ਗੁਦਾ, ਜਿਗਰ ਵਿੱਚ ਕੈਂਸਰ ਦੇ ਜੋਖਮ ਨੂੰ ਵਧਾ ਸਕਦਾ ਹੈ।
Surrelive ਦੇ ਅਨੁਸਾਰ, ਇੱਕ ਤਾਜ਼ਾ ਅਧਿਐਨ ਵਿੱਚ ਪਾਇਆ ਗਿਆ ਹੈ ਕਿ ਇੱਕ ਦਿਨ ਵਿੱਚ 50 ਗ੍ਰਾਮ ਪ੍ਰੋਸੈਸਡ ਮੀਟ ਦਾ ਸੇਵਨ ਕਰਨ ਨਾਲ ਕੈਂਸਰ ਦੇ ਜੋਖਮ ਨੂੰ 18% ਤੱਕ ਵਧਾਇਆ ਜਾ ਸਕਦਾ ਹੈ। ਸਟੋਰ 'ਤੇ ਪਹਿਲਾਂ ਤੋਂ ਪਕਾਇਆ ਮੀਟ ਜਿਵੇਂ ਹਾਟ ਡਾਗ, ਸੌਸੇਜ, ਬੇਕਨ, ਡੇਲੀ ਮੀਟ ਵੀ ਖਤਰਨਾਕ ਹੋ ਸਕਦਾ ਹੈ। ਇਹ ਸਭ ਕੋਲਨ ਕੈਂਸਰ ਦਾ ਖ਼ਤਰਾ ਵਧਾਉਂਦੇ ਹਨ।
ਕੋਲਨ ਕੈਂਸਰ ਕਿੰਨਾ ਗੰਭੀਰ ?
ਕੋਲਨ ਕੈਂਸਰ ਨੂੰ ਕੋਲੋਰੈਕਟਲ ਕੈਂਸਰ ਵੀ ਕਿਹਾ ਜਾਂਦਾ ਹੈ। ਸੀਡੀਸੀ ਦੇ ਅਨੁਸਾਰ, ਇਸ ਕਿਸਮ ਦੇ ਕੈਂਸਰ ਦੇ ਲੱਛਣ ਜਲਦੀ ਦਿਖਾਈ ਨਹੀਂ ਦਿੰਦੇ ਹਨ। ਪਹਿਲਾਂ ਤਾਂ ਇਸ ਨੂੰ ਪਛਾਣਨਾ ਵੀ ਔਖਾ ਹੁੰਦਾ ਹੈ। ਇਸ ਲਈ ਇਹ ਵਧੇਰੇ ਗੰਭੀਰ ਅਤੇ ਖ਼ਤਰਨਾਕ ਬਣ ਜਾਂਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
