ਮਾਨਸੂਨ 'ਚ ਨਾਨਵੈਜ ਖਾਣਾ ਸਿਹਤ ਲਈ ਖ਼ਤਰਨਾਕ? ਜਾਣੋ ਨੁਕਸਾਨ ਅਤੇ ਬਚਾਅ ਦੇ ਤਰੀਕੇ!
ਬਹੁਤ ਸਾਰੇ ਲੋਕ ਨਾਨਵੈਜ ਖਾਣ ਦੇ ਸ਼ੌਕੀਨ ਹੁੰਦੇ ਹਨ, ਇਸ ਲਈ ਉਹ ਮੌਸਮ ਦਾ ਖਿਆਲ ਵੀ ਨਹੀਂ ਰੱਖਦੇ। ਜੀ ਸਿਹਤ ਮਾਹਿਰਾਂ ਮੁਤਾਬਿਕ ਮਾਨਸੂਨ ਦੇ ਮੌਸਮ ਦੇ ਵਿੱਚ ਮਾਸਾਹਾਰੀ ਭੋਜਨ ਖਾਣ ਤੋਂ ਪ੍ਰਹੇਜ਼ ਕਰਨਾ ਚਾਹੀਦਾ ਹੈ, ਨਹੀਂ ਤਾਂ ਸਰੀਰ ਨੂੰ ਕਈ ਤਰ੍ਹਾਂ
Health Alert: ਮਾਨਸੂਨ ਦੇ ਮੌਸਮ ਵਿੱਚ ਹਮੇਸ਼ਾ ਹਲਕਾ ਭੋਜਨ ਹੀ ਸਿਹਤ ਲਈ ਵਧੀਆ ਮੰਨਿਆ ਜਾਂਦਾ ਹੈ। ਪਰ ਕਈ ਲੋਕ ਨਾਨਵੈਜ ਦੇ ਸ਼ੌਕੀਨ ਹੁੰਦੇ ਹਨ ਜੋ ਹਰ ਮੌਸਮ ਵਿੱਚ ਮਾਸਾਹਾਰੀ ਖਾਣਾ ਖਾ ਲੈਂਦੇ ਹਨ। ਹਾਲਾਂਕਿ ਨਾਨਵੈਜ ਭੋਜਨ ਪ੍ਰੋਟੀਨ ਦਾ ਚੰਗਾ ਸਰੋਤ ਹੁੰਦੇ ਹਨ ਅਤੇ ਸਰੀਰ ਨੂੰ ਲਾਭ ਪਹੁੰਚਾ ਸਕਦੇ ਹਨ, ਪਰ ਮਾਨਸੂਨ ਵਿੱਚ ਇਹ ਖਾਣਾ ਕਈ ਵਾਰੀ ਨੁਕਸਾਨਦੇਹ ਸਾਬਤ ਹੋ ਸਕਦਾ ਹੈ। ਡਾਕਟਰ ਕਹਿੰਦੇ ਹਨ ਕਿ ਜੇ ਤੁਸੀਂ ਬਰਸਾਤ ਦੇ ਦਿਨਾਂ ਵਿੱਚ ਜ਼ਿਆਦਾ ਮਾਤਰਾ ਵਿੱਚ ਨਾਨਵੈਜ ਖਾਂਦੇ ਹੋ, ਤਾਂ ਇਹ ਅਪਚ ਜਾਂ ਪੇਟ ਸੰਬੰਧੀ ਹੋਰ ਬਿਮਾਰੀਆਂ ਦਾ ਕਾਰਨ ਬਣ ਸਕਦਾ ਹੈ।
ਨਾਨਵੈਜ ਖਾਣ ਦੇ ਨੁਕਸਾਨ:
– indigestion ਅਤੇ ਕਬਜ਼ ਦੀ ਸਮੱਸਿਆ
ਰਾਂਚੀ ਦੇ ਰਿਮਸ ਹਸਪਤਾਲ ਦੇ ਡਾਕਟਰ ਵਿਕਾਸ ਦੱਸਦੇ ਹਨ ਕਿ ਜ਼ਿਆਦਾ ਨਾਨਵੈਜ ਖਾਣ ਨਾਲ ਕੋਲੈਸਟਰੋਲ ਅਤੇ ਬਲੱਡ ਪ੍ਰੈਸ਼ਰ ਵਧਣ ਦਾ ਖਤਰਾ ਵੱਧ ਜਾਂਦਾ ਹੈ, ਜਿਸ ਨਾਲ ਦਿਲ ਦੀਆਂ ਬਿਮਾਰੀਆਂ ਹੋਣ ਦਾ ਜੋਖਮ ਵੀ ਵਧ ਜਾਂਦਾ ਹੈ। ਮਾਨਸੂਨ ਦੇ ਦਿਨਾਂ ਵਿੱਚ ਸਾਡਾ ਪਾਚਣ ਤੰਤਰ ਬਹੁਤ ਹੌਲੀ ਹੋ ਜਾਂਦਾ ਹੈ। ਅਜਿਹੇ ਵਿੱਚ ਮਾਸ ਖਾਣ ਨਾਲ ਐਸਿਡਿਟੀ ਅਤੇ ਕਬਜ਼ ਦੀ ਸਮੱਸਿਆ ਹੋ ਸਕਦੀ ਹੈ। ਕਈ ਵਾਰ ਮੀਟ ਨੂੰ ਪਚਣ ਵਿੱਚ ਵੀ ਸਮਾਂ ਲੱਗਦਾ ਹੈ।
ਸੰਕ੍ਰਮਣ ਦਾ ਖਤਰਾ
ਬਰਸਾਤ ਦੇ ਮੌਸਮ ਵਿੱਚ ਖਰਾਬ ਪਾਣੀ ਕਾਰਨ ਨਾਨਵੈਜ ਛੇਤੀ ਖਰਾਬ ਹੋ ਜਾਂਦਾ ਹੈ। ਕਈ ਵਾਰ ਦੁਕਾਨਾਂ 'ਤੇ ਪੁਰਾਣਾ ਮਾਸ ਵੀ ਮਿਲ ਜਾਂਦਾ ਹੈ, ਜੇਕਰ ਉਸਨੂੰ ਠੀਕ ਢੰਗ ਨਾਲ ਨਾ ਪਕਾਇਆ ਜਾਵੇ ਤਾਂ ਫੂਡ ਪੌਇਜ਼ਨਿੰਗ ਹੋ ਸਕਦੀ ਹੈ।
ਸੜਿਆ ਹੋਇਆ ਮਾਸ ਖਾਣ ਦੇ ਨੁਕਸਾਨ
ਨਾਨਵੈਜ ਬਹੁਤ ਛੇਤੀ ਸੜ ਜਾਂਦਾ ਹੈ। ਕਈ ਵਾਰੀ ਇਸ ਖਰਾਬ ਮਾਸ ਦੀ ਬੂ ਨਾਲ ਹੀ ਸਿਹਤ 'ਤੇ ਬੁਰਾ ਅਸਰ ਪੈ ਜਾਂਦਾ ਹੈ। ਜੇਕਰ ਕਿਸੇ ਦੀ ਰੋਗ ਪ੍ਰਤੀਰੋਧਕ ਸ਼ਕਤੀ ਪਹਿਲਾਂ ਹੀ ਕਮਜ਼ੋਰ ਹੈ ਜਾਂ ਕੋਈ ਵਿਅਕਤੀ ਦਿਲ ਦੀ ਬਿਮਾਰੀ ਨਾਲ ਪੀੜਤ ਹੈ, ਤਾਂ ਉਹਨਾਂ ਨੂੰ ਬਰਸਾਤ ਦੇ ਮੌਸਮ ਵਿੱਚ ਨਾਨਵੈਜ ਨਹੀਂ ਖਾਣਾ ਚਾਹੀਦਾ।
ਮੀਟ ਨੂੰ ਹੈਵੀ ਜਾਂ ਰੈੱਡ ਮੀਟ ਦੀ ਸ਼੍ਰੇਣੀ ਵਿੱਚ ਰੱਖਿਆ ਜਾਂਦਾ ਹੈ, ਜੋ ਕਿ ਛੇਤੀ ਹਜ਼ਮ ਨਹੀਂ ਹੁੰਦਾ। ਮੱਛੀ ਵੀ ਅਕਸਰ ਅੰਡੇ ਵਾਲੀ ਹੁੰਦੀ ਹੈ, ਜੋ ਸਿਹਤ ਲਈ ਠੀਕ ਨਹੀਂ ਮੰਨੀ ਜਾਂਦੀ। ਕਈ ਵਾਰੀ ਮੱਛੀ ਨੂੰ ਖਰਾਬ ਪਾਣੀ ਵਿੱਚ ਰੱਖਿਆ ਜਾਂਦਾ ਹੈ, ਜਿਸ ਕਾਰਨ ਇੰਫੈਕਸ਼ਨ ਦਾ ਖਤਰਾ ਵੱਧ ਜਾਂਦਾ ਹੈ। ਚਿਕਨ ਦੇ ਮਾਮਲੇ 'ਚ ਵੀ ਇਨ੍ਹਾਂ ਦਿਨਾਂ ਬਰਡ ਫਲੂ ਦਾ ਜੋਖਮ ਵੱਧ ਜਾਂਦਾ ਹੈ। ਇਸ ਲਈ ਮਾਨਸੂਨ ਦੇ ਦੌਰਾਨ ਅੰਡੇ ਅਤੇ ਚਿਕਨ ਵੀ ਨਹੀਂ ਖਾਣੇ ਚਾਹੀਦੇ।
ਨਾਨਵੈਜ ਖਾਣ ਦੇ ਕੁਝ ਫਾਇਦੇ
– ਉੱਚ ਪ੍ਰੋਟੀਨ ਦਾ ਸਰੋਤ।
– ਮਾਸਪੇਸ਼ੀਆਂ ਦੇ ਵਿਕਾਸ ਵਿੱਚ ਮਦਦਗਾਰ।
– ਪੋਸ਼ਕ ਤੱਤ ਮੌਜੂਦ ਹੁੰਦੇ ਹਨ।
– ਕੈਲਸ਼ੀਅਮ ਦੀ ਸਹੀ ਮਾਤਰਾ ਮਿਲਦੀ ਹੈ।
ਕੁਝ ਜ਼ਰੂਰੀ ਗੱਲਾਂ
– ਨਾਨਵੈਜ ਤਾਜ਼ਾ ਹੋਣਾ ਚਾਹੀਦਾ ਹੈ ਅਤੇ ਚੰਗੀ ਤਰ੍ਹਾਂ ਧੋ ਕੇ ਹੀ ਖਾਣਾ ਚਾਹੀਦਾ ਹੈ।
– ਜੇਕਰ ਤੁਸੀਂ ਬਾਹਰੋਂ ਨਾਨਵੈਜ ਮੰਗਵਾ ਰਹੇ ਹੋ ਜਾਂ ਖਾ ਰਹੇ ਹੋ, ਤਾਂ ਉਸ ਦੀ ਸਫ਼ਾਈ ਬਾਰੇ ਪੂਰੀ ਜਾਂਚ ਜ਼ਰੂਰ ਕਰੋ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
