ਦੰਦਾਂ ਦੀ ਝਨਝਨਾਹਟ ਕਿਵੇਂ ਦੂਰ ਕਰੀਏ? ਠੰਡਾ-ਗਰਮ ਲੱਗੇ ਤਾਂ ਅਪਣਾਓ ਇਹ ਘਰੇਲੂ ਨੁਸਖੇ
ਦੰਦਾਂ ਵਿੱਚ ਝਨਝਨਾਹਟ, ਜਿਸਨੂੰ ਮੈਡੀਕਲ ਭਾਸ਼ਾ ਵਿੱਚ ਸੰਵੇਦਨਸ਼ੀਲਤਾ (Tooth Sensitivity) ਕਹਿੰਦੇ ਹਨ, ਇੱਕ ਆਮ ਸਮੱਸਿਆ ਹੈ। ਇਹ ਅਕਸਰ ਦੰਦਾਂ ਦੇ ਉੱਪਰੀ ਪਰਤ ਇਨੇਮਲ ਦੇ ਘਿਸ ਜਾਣ ਕਾਰਨ ਹੁੰਦੀ ਹੈ। ਜਦੋਂ ਮਸੂੜੇ ਪਿੱਛੇ ਹੋ ਜਾਣ..
ਦੰਦਾਂ ਵਿੱਚ ਝਨਝਨਾਹਟ, ਜਿਸਨੂੰ ਮੈਡੀਕਲ ਭਾਸ਼ਾ ਵਿੱਚ ਸੰਵੇਦਨਸ਼ੀਲਤਾ (Tooth Sensitivity) ਕਹਿੰਦੇ ਹਨ, ਇੱਕ ਆਮ ਸਮੱਸਿਆ ਹੈ। ਇਹ ਅਕਸਰ ਦੰਦਾਂ ਦੇ ਉੱਪਰੀ ਪਰਤ ਇਨੇਮਲ ਦੇ ਘਿਸ ਜਾਣ ਕਾਰਨ ਹੁੰਦੀ ਹੈ। ਜਦੋਂ ਮਸੂੜੇ ਪਿੱਛੇ ਹੋ ਜਾਣ, ਤਾਂ ਦੰਦਾਂ ਦੇ ਹੇਠਾਂ ਵਾਲੀ ਡੈਂਟਿਨ ਪਰਤ ਖੁੱਲ੍ਹ ਜਾਂਦੀ ਹੈ। ਇਸ ਪਰਤ ਵਿੱਚ ਬਹੁਤ ਬਰੀਕ ਟਿਊਬਾਂ ਹੁੰਦੀਆਂ ਹਨ, ਜੋ ਸਿੱਧਾ ਦੰਦਾਂ ਦੀਆਂ ਨਸਾਂ ਨਾਲ ਜੁੜੀਆਂ ਹੁੰਦੀਆਂ ਹਨ।
ਜਦੋਂ ਇਨ੍ਹਾਂ ਟਿਊਬਾਂ ਰਾਹੀਂ ਠੰਢਾ, ਗਰਮ ਜਾਂ ਖੱਟਾ ਭੋਜਨ ਅੰਦਰ ਜਾਂਦਾ ਹੈ, ਤਾਂ ਨਸਾਂ ਵਿੱਚ ਤੇਜ਼ ਉਤੇਜਨਾ ਪੈਦਾ ਹੁੰਦੀ ਹੈ। ਇਸ ਕਾਰਨ ਦੰਦਾਂ ਵਿੱਚ ਤੇਜ਼, ਚੁੱਭਣ ਵਾਲਾ ਦਰਦ ਜਾਂ ਝਨਝਨਾਹਟ ਮਹਿਸੂਸ ਹੋਣ ਲੱਗਦੀ ਹੈ। ਜੇ ਤੁਸੀਂ ਵੀ ਦੰਦਾਂ ਦੀ ਝਨਝਨਾਹਟ ਤੋਂ ਪਰੇਸ਼ਾਨ ਹੋ, ਤਾਂ ਕੁਝ ਘਰੇਲੂ ਉਪਾਅ ਇਸ ਸਮੱਸਿਆ ਨੂੰ ਘਟਾਉਣ ਵਿੱਚ ਮਦਦਗਾਰ ਸਾਬਤ ਹੋ ਸਕਦੇ ਹਨ।
ਦੰਦਾਂ ਵਿੱਚ ਠੰਢਾ-ਗਰਮ ਲੱਗੇ ਤਾਂ ਅਪਣਾਓ ਇਹ ਘਰੇਲੂ ਉਪਾਅ
ਸਰੋਂ ਦਾ ਤੇਲ ਅਤੇ ਨਮਕ
ਸਰੋਂ ਦੇ ਤੇਲ ਵਿੱਚ ਥੋੜ੍ਹਾ ਨਮਕ ਮਿਲਾ ਕੇ ਦੰਦ ਸਾਫ਼ ਕਰਨ ਨਾਲ ਦੰਦਾਂ ਦੀ ਝਨਝਨਾਹਟ ਘਟਦੀ ਹੈ। ਇਹ ਮਸੂੜਿਆਂ ਨੂੰ ਮਜ਼ਬੂਤ ਬਣਾਉਣ ਵਿੱਚ ਵੀ ਮਦਦ ਕਰਦਾ ਹੈ।
ਨਾਰੀਅਲ ਤੇਲ ਨਾਲ ਆਇਲ ਪੁਲਿੰਗ
ਇੱਕ ਚਮਚ ਨਾਰੀਅਲ ਦਾ ਤੇਲ ਮੂੰਹ ਵਿੱਚ ਪਾ ਕੇ 2–3 ਮਿੰਟ ਤੱਕ ਘੁਮਾਓ, ਫਿਰ ਕੁੱਲ੍ਹਾ ਕਰ ਲਓ। ਇਸ ਨਾਲ ਝਨਝਨਾਹਟ ਹੌਲੀ-ਹੌਲੀ ਘਟਣ ਲੱਗਦੀ ਹੈ।
ਲੌਂਗ ਦਾ ਤੇਲ
ਲੌਂਗ ਦੇ ਤੇਲ ਨੂੰ ਰੁਈ ਦੀ ਮਦਦ ਨਾਲ ਪ੍ਰਭਾਵਿਤ ਦੰਦ ‘ਤੇ ਲਗਾਇਆ ਜਾ ਸਕਦਾ ਹੈ। ਲੌਂਗ ਵਿੱਚ ਦਰਦ ਘਟਾਉਣ ਵਾਲੇ ਗੁਣ ਹੁੰਦੇ ਹਨ, ਜੋ ਤਕਲੀਫ਼ ਨੂੰ ਘੱਟ ਕਰਦੇ ਹਨ।
ਹਲਦੀ
ਔਸ਼ਧੀ ਗੁਣਾਂ ਨਾਲ ਭਰਪੂਰ ਹਲਦੀ ਦੇ ਇਸਤੇਮਾਲ ਨਾਲ ਵੀ ਦੰਦਾਂ ਦੀ ਝਨਝਨਾਹਟ ਘਟਾਉਣ ਵਿੱਚ ਮਦਦ ਮਿਲਦੀ ਹੈ।
ਦੰਦਾਂ ਵਿੱਚ ਝਨਝਨਾਹਟ ਕਿਉਂ ਹੁੰਦੀ ਹੈ
ਇਨੇਮਲ ਦਾ ਘਿਸ ਜਾਣਾ
ਦੰਦਾਂ ਦੀ ਉੱਪਰੀ ਪਰਤ, ਜਿਸਨੂੰ ਇਨੇਮਲ ਕਹਿੰਦੇ ਹਨ, ਜਦੋਂ ਘਿਸ ਜਾਂਦੀ ਹੈ ਤਾਂ ਦੰਦਾਂ ਵਿੱਚ ਸੰਵੇਦਨਸ਼ੀਲਤਾ ਹੋਣ ਲੱਗਦੀ ਹੈ। ਬ੍ਰਸ਼ ਨਾਲ ਦੰਦ ਬਹੁਤ ਤੇਜ਼ੀ ਨਾਲ ਰਗੜਨ ਨਾਲ ਵੀ ਇਹ ਸਮੱਸਿਆ ਹੋ ਸਕਦੀ ਹੈ।
ਦੰਦਾਂ ਦਾ ਟੁੱਟਣਾ ਜਾਂ ਕ੍ਰੈਕ ਹੋਣਾ
ਜੇ ਦੰਦ ਟੁੱਟ ਜਾਣ ਜਾਂ ਉਨ੍ਹਾਂ ਵਿੱਚ ਦਰਾਰ ਪੈ ਜਾਵੇ, ਤਾਂ ਇਸ ਕਾਰਨ ਵੀ ਦੰਦਾਂ ਵਿੱਚ ਝਨਝਨਾਹਟ ਮਹਿਸੂਸ ਹੋਣ ਲੱਗਦੀ ਹੈ।
ਮਸੂੜਿਆਂ ਦਾ ਪਿੱਛੇ ਹਟਣਾ
ਜਦੋਂ ਦੰਦਾਂ ਉੱਤੇ ਮਸੂੜੇ ਪਿੱਛੇ ਹਟ ਜਾਂਦੇ ਹਨ, ਤਾਂ ਦੰਦਾਂ ਦੀ ਹੇਠਲੀ ਪਰਤ ਖੁੱਲ੍ਹ ਜਾਂਦੀ ਹੈ, ਜਿਸ ਨਾਲ ਝਨਝਨਾਹਟ ਹੁੰਦੀ ਹੈ।
ਕੈਵਿਟੀ (ਦੰਦਾਂ ਦੀ ਸੜਨ)
ਦੰਦਾਂ ਵਿੱਚ ਸੜਨ ਜਾਂ ਛੇਦ ਹੋ ਜਾਣ ਨਾਲ ਵੀ ਦੰਦ ਸੰਵੇਦਨਸ਼ੀਲ ਹੋ ਜਾਂਦੇ ਹਨ।
ਖੱਟੀਆਂ ਚੀਜ਼ਾਂ ਦਾ ਜ਼ਿਆਦਾ ਸੇਵਨ
ਬਹੁਤ ਵੱਧ ਖੱਟੀਆਂ ਚੀਜ਼ਾਂ ਖਾਣ ਨਾਲ ਵੀ ਦੰਦਾਂ ਵਿੱਚ ਝਨਝਨਾਹਟ ਹੋ ਸਕਦੀ ਹੈ। ਸੋਡਾ, ਨਿੰਬੂ ਅਤੇ ਖੱਟੇ ਫਲ ਇਸ ਦਾ ਕਾਰਨ ਬਣ ਸਕਦੇ ਹਨ।
ਇਹ ਟਿਪਸ ਵੀ ਆਉਣਗੀਆਂ ਕੰਮ
ਦੰਦਾਂ ਵਿੱਚ ਝਨਝਨਾਹਟ ਤੋਂ ਬਚਣ ਲਈ ਸੈਂਸਿਟਿਵਿਟੀ ਟੂਥਪੇਸਟ ਦੀ ਵਰਤੋਂ ਕਰੋ। ਇਹ ਖ਼ਾਸ ਤੌਰ ‘ਤੇ ਦੰਦਾਂ ਦੀ ਸੰਵੇਦਨਸ਼ੀਲਤਾ ਲਈ ਬਣਾਇਆ ਜਾਂਦਾ ਹੈ ਅਤੇ ਨਸਾਂ ਨੂੰ ਆਰਾਮ ਦਿੰਦਾ ਹੈ।
ਜੇ ਝਨਝਨਾਹਟ ਜ਼ਿਆਦਾ ਹੋਵੇ, ਤਾਂ ਬ੍ਰਸ਼ ਨਾਲ ਦੰਦ ਸਾਫ਼ ਕਰਨ ਦੀ ਬਜਾਏ ਉਂਗਲੀ ‘ਤੇ ਪੇਸਟ ਲੈ ਕੇ ਹੌਲੇ-ਹੌਲੇ ਦੰਦ ਸਾਫ਼ ਕਰੋ।
ਹਮੇਸ਼ਾ ਸਾਫਟ ਬ੍ਰਿਸਲਜ਼ ਵਾਲਾ ਟੂਥਬਰਸ਼ ਵਰਤੋਂ।
ਗੁਣਗੁਣੇ ਪਾਣੀ ਨਾਲ ਕੁੱਲ੍ਹਾ ਕਰਨ ਨਾਲ ਵੀ ਰਾਹਤ ਮਿਲ ਸਕਦੀ ਹੈ।
ਬਹੁਤ ਠੰਢਾ ਜਾਂ ਬਹੁਤ ਗਰਮ ਖਾਣਾ ਖਾਣ ਤੋਂ ਪਰਹੇਜ਼ ਕਰੋ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
