(Source: ECI/ABP News/ABP Majha)
Johnson baby powder: ‘ਜੌਨਸਨ ਐਂਡ ਜੌਨਸਨ ਦੇ ਪਾਊਡਰ ‘ਤੇ ਲੱਗੀ ਰੋਕ ਅਤੇ 73 ਹਜ਼ਾਰ ਕਰੋੜ ਦਾ ਜ਼ੁਰਮਾਨਾ ਵੀ! ਕੀ ਬੱਚਿਆਂ ਲਈ ਸੇਫ ਹੈ ਜੌਨਸਨ ਬੇਬੀ ਪਾਊਡਰ
Johnson baby powder: ਜੌਨਸਨ ਐਂਡ ਜੌਨਸਨ ਕੰਪਨੀ ਨੇ ਕਿਹਾ- ਸਾਰੇ ਦੋਸ਼ ਟੈਲਕਮ ਪਾਊਡਰ 'ਤੇ ਲਗਾਏ ਗਏ ਹਨ। ਜਿਸ ਵਿੱਚ ਇਹ ਕਿਹਾ ਗਿਆ ਹੈ ਕਿ ਇਹ ਕੈਂਸਰ ਦਾ ਕਾਰਨ ਬਣਦਾ ਹੈ, ਕੰਪਨੀ ਉਨ੍ਹਾਂ ਦਾਅਵਿਆਂ ਨਾਲ ਨਜਿੱਠਣ ਲਈ $ 8.9 ਖਰਚ ਕਰਨ ਲਈ ਤਿਆਰ ਹੈ।
Johnson baby powder: ਬੱਚਿਆਂ ਦੇ ਪ੍ਰੋਡਕਟ ਬਣਾਉਣ ਵਾਲੀ ਦੁਨੀਆ ਦੀ ਸਭ ਤੋਂ ਮਸ਼ਹੂਰ ਕੰਪਨੀ ਜੌਨਸਨ ਐਂਡ ਜੌਨਸਨ ਨੇ ਹਾਲ ਹੀ ਵਿੱਚ ਇੱਕ ਪ੍ਰਸਤਾਵ ਰੱਖਿਆ ਹੈ। ਇਸ ਪ੍ਰਸਤਾਵ 'ਚ ਕੰਪਨੀ ਨੇ ਕਿਹਾ ਕਿ ਟੈਲਕਮ ਪਾਊਡਰ 'ਤੇ ਸਾਰੇ ਦੋਸ਼ ਲਗਾਏ ਗਏ ਹਨ। ਜਿਸ 'ਚ ਕਿਹਾ ਗਿਆ ਹੈ ਕਿ ਇਸ ਨਾਲ ਕੈਂਸਰ ਹੁੰਦਾ ਹੈ, ਕੰਪਨੀ ਉਨ੍ਹਾਂ ਦਾਅਵਿਆਂ ਨਾਲ ਨਜਿੱਠਣ ਲਈ 73 ਹਜ਼ਾਰ ਕਰੋੜ ਰੁਪਏ ਖਰਚਣ ਲਈ ਤਿਆਰ ਹੈ।
ਬੇਬੀ ਪ੍ਰੋਡਕਟ ਬਣਾਉਣ ਵਾਲੀ ਕੰਪਨੀ ਜੌਨਸਨ ਐਂਡ ਜੌਨਸਨ ਦਾ ਹੈਡਕੁਆਰਟਰ ਨਿਊ ਜਰਸੀ ਵਿੱਚ ਹੈ। ਕੰਪਨੀ ਨੇ ਦਾਅਵਾ ਕੀਤਾ ਹੈ ਕਿ ਕੋਸਮੈਟਿਕ ਪਾਊਡਰ ‘ਤੇ ਜਿੰਨੇ ਵੀ ਦੋਸ਼ ਹਨ, ਉਨ੍ਹਾਂ ਮਾਮਲਿਆਂ ਨੂੰ ਪੈਸਿਆਂ ਨਾਲ ਨਿਪਟਾ ਦਿੱਤਾ ਜਾਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਅਮਰੀਕੀ ਕੰਪਨੀ ਜੌਨਸਨ ਐਂਡ ਜੌਨਸਨ ਦਾ 73 ਹਜ਼ਾਰ ਕਰੋੜ ਰੁਪਏ ਦਾ ਭੁਗਤਾਨ ਕਿਸੇ ਵੀ ਪ੍ਰੋਡਕਟ ਲਾਉਬਲਿਟੀ ਸੈਟਲਮੈਂਟ ਨਾਲ ਜੁੜਿਆ ਸਭ ਤੋਂ ਵੱਡਾ ਮਾਮਲਾ ਹੈ। ਜੌਨਸਨ ਐਂਡ ਜੌਨਸਨ ਬੇਬੀ ਟੈਲਕਮ ਪਾਊਡਰ ਦੇ ਖਿਲਾਫ ਹਜ਼ਾਰਾਂ ਮੁਕਦਮੇ ਦਰਜ ਹਨ। ਇਸ ਦੇ ਨਾਲ ਹੀ ਇਹ ਵੀ ਦੋਸ਼ ਲਗਾਇਆ ਗਿਆ ਹੈ ਕਿ ਜੌਨਸਨ ਬੇਬੀ ਟੈਲਕਮ ਪਾਊਡਰ ਦੀ ਵਰਤੋਂ ਕਰਨ ਨਾਲ ਬੱਚਿਆਂ ਵਿੱਚ ਕੈਂਸਰ ਹੁੰਦਾ ਹੈ।
ਜੌਨਸਨ ਐਂਡ ਜੌਨਸਨ ਬੇਬੀ ਪਾਊਡਰ ਤੋਂ ਹੁੰਦਾ ਹੈ ਕੈਂਸਰ
ਜੌਨਸਨ ਐਂਡ ਜੌਨਸਨ ਕੰਪਨੀ ਪਹਿਲਾਂ ਤੋਂ ਹੀ ਬੇਬੀ ਪਾਊਡਰ ਤੋਂ ਕੈਂਸਰ ਹੋਣ ਦੇ ਦੋਸ਼ ਵਿੱਚ ਅਮਰੀਕਾ ਵਿੱਚ ਹਜ਼ਾਰਾਂ ਰੁਪਏ ਦਾ ਜੁਰਮਾਨਾ ਅਦਾ ਕਰ ਰਹੀ ਹੈ। ਦੂਜੇ ਪਾਸੇ, ਭਾਰਤ ਦੀ ਬੰਬੇ ਹਾਈ ਕੋਰਟ ਨੇ ਪਾਊਡਰ ਬਣਾਉਣ ਦੀ ਇਜਾਜ਼ਤ ਦੇ ਦਿੱਤੀ ਹੈ ਪਰ ਭਾਰਤੀ ਬਾਜ਼ਾਰ ਵਿੱਚ ਇਸ ਦੀ ਵਿਕਰੀ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। ਕੋਲਕਾਤਾ ਵਿੱਚ ਸਥਾਪਿਤ ਜੌਨਸਨ ਐਂਡ ਜੌਨਸਨ ਦੀ ਸਰਕਾਰੀ ਲੈਬਾਰਟਰੀ ਵਿੱਚ ਜਾਂਚ ਕੀਤੀ ਗਈ ਤਾਂ ਪਾਊਡਰ ਦਾ pH ਮੁੱਲ ਇਸ ਤੋਂ ਵੱਧ ਪਾਇਆ ਗਿਆ। ਇਸ 'ਤੇ ਮਹਾਰਾਸ਼ਟਰ ਸਰਕਾਰ ਨੇ ਇਸ ਕੰਪਨੀ ਦਾ ਲਾਇਸੈਂਸ ਰੱਦ ਕਰ ਦਿੱਤਾ ਸੀ। ਇਸ ਦੇ ਖਿਲਾਫ ਕਈ ਮਾਮਲਿਆਂ ਦੇ ਮੱਦੇਨਜ਼ਰ ਹਾਈਕੋਰਟ ਨੇ ਇਸ ਦੀ ਵਿਕਰੀ 'ਤੇ ਰੋਕ ਜਾਰੀ ਰੱਖੀ।
ਇਹ ਵੀ ਪੜ੍ਹੋ: Eye Disease: ਕੀ ਤੁਹਾਡੇ ਬੱਚੇ ਨੂੰ ਵੀ ਫ਼ੋਨ ਦੀ ਆਦਤ ਪੈ ਗਈ ਹੈ? ਧਿਆਨ ਦਿਓ, ਸਕ੍ਰੀਨ ਨਾਲ ਹੋ ਰਹੀ ਹੈ ਇਹ ਬਿਮਾਰੀ
ਕਾਨੂੰਨੀ ਲੜਾਈ ਨਾਲ ਨਿਪਟਣ ਲਈ ਕੰਪਨੀ ਪੈਸੇ ਦੇਣ ਨੂੰ ਤਿਆਰ
ਅਜਿਹਾ ਪਹਿਲੀ ਵਾਰ ਨਹੀਂ ਹੋਇਆ ਹੈ ਜਦੋਂ ਜੌਨਸਨ ਐਂਡ ਜੌਨਸਨ ਦੇ ਬੇਬੀ ਪ੍ਰੋਡਕਟ 'ਤੇ ਕੈਂਸਰ ਹੋਣ ਦਾ ਦੋਸ਼ ਲਗਾਇਆ ਗਿਆ ਹੈ। ਜੌਨਸਨ ਇਸ ਤੋਂ ਪਹਿਲਾਂ ਵੀ ਇਨ੍ਹਾਂ ਸਾਰਿਆਂ ਖਿਲਾਫ ਕਈ ਲੰਬੀਆਂ ਕਾਨੂੰਨੀ ਲੜਾਈਆਂ ਲੜ ਚੁੱਕਿਆ ਹੈ। ਇਸ ਕਾਰਨ ਜੌਨਸਨ ਬੇਬੀ ਪਾਊਡਰ ਪ੍ਰੋਡਕਟ ਦੀ ਮੰਗ ਵਿੱਚ ਪਹਿਲਾਂ ਦੇ ਮੁਕਾਬਲੇ ਭਾਰੀ ਗਿਰਾਵਟ ਆਈ ਹੈ। ਜੌਨਸਨ ਐਂਡ ਜੌਨਸਨ ਨੇ ਕਿਹਾ ਸੀ ਕਿ ਅਗਸਤ 2023 ਤੱਕ ਉਹ ਬੇਬੀ ਪਾਊਡਰ ਦਾ ਪ੍ਰੋਡਕਟ ਪੂਰੀ ਤਰ੍ਹਾਂ ਬੰਦ ਕਰ ਦੇਵੇਗਾ।
‘ਦ ਗਾਰਜੀਅਨ’ ਦੀ ਰਿਪੋਰਟ ਮੁਤਾਬਕ
ਪਿਛਲੇ ਸਾਲ ਅਗਸਤ-ਸਤੰਬਰ ਵਿੱਚ ‘ਦਿ ਗਾਰਜੀਅਨ’ ਵਿੱਚ ਛਪੀ ਇੱਕ ਰਿਪੋਰਟ ਮੁਤਾਬਕ ਅਮਰੀਕੀ ਡਰੱਗ ਕੰਟਰੋਲ ਏਜੰਸੀ ਵੱਲੋਂ ਵਿਸ਼ੇਸ਼ ਜਾਂਚ ਵਿੱਚ ਜੌਨਸਨ ਦੇ ਬੇਬੀ ਪਾਊਡਰ ਦਾ ਸੈਂਪਲ ਲਿਆ ਗਿਆ ਸੀ। ਇਸ ਤੋਂ ਬਾਅਦ ਪਤਾ ਲੱਗਿਆ ਕਿ ਇਸ ਵਿਚ ਕਾਰਸੀਨੋਜੇਨਿਕ ਕ੍ਰਾਈਸੋਟਾਈਲ ਫਾਈਬਰ ਪਾਇਆ ਗਿਆ ਸੀ। ਇਸ ਕਾਰਨ ਕੈਂਸਰ ਹੋਣ ਦਾ ਖਤਰਾ ਰਹਿੰਦਾ ਹੈ।
ਟੈਲਕ ਨਾਲ ਬਣਿਆ ਕਾਰਨਸਟਾਰਚ ਅਧਾਰਿਤ ਬੇਬੀ ਪਾਊਡਰ ਹੈਲਥ ਦੇ ਲਈ ਹੈ ਖਤਰਨਾਕ?
ਜਿਸ ਤਰ੍ਹਾਂ ਮਾਪੇ ਆਪਣੇ ਬੱਚਿਆਂ ਦੀ ਸਕਿਨ ਨੂੰ ਖ਼ੁਸ਼ਕੀ ਅਤੇ ਧੱਫੜਾਂ ਤੋਂ ਮੁਕਤ ਰੱਖਣ ਲਈ ਬੇਬੀ ਪਾਊਡਰ ਦੀ ਵਰਤੋਂ ਕਰਦੇ ਹਨ, ਉਸੇ ਤਰ੍ਹਾਂ ਕੁਝ ਬਾਲਗ ਨਮੀ ਨੂੰ ਐਬਜ਼ਾਰਬ ਕਰਨ ਲਈ ਆਪਣੇ ਜਣਨ ਅੰਗਾਂ, ਅੰਦਰੂਨੀ ਪੱਟਾਂ, ਲੱਤਾਂ ਜਾਂ ਸਰੀਰ ਦੇ ਹੋਰ ਅੰਗਾਂ 'ਤੇ ਇਸ ਦੀ ਵਰਤੋਂ ਕਰਦੇ ਹਨ ਅਤੇ ਇਸ ਨੂੰ ਰੋਕਣ ਲਈ ਪਾਊਡਰ ਲਗਾਉਂਦੇ ਹਨ। ਕੁਝ ਖੋਜਾਂ ਤੋਂ ਪਤਾ ਚੱਲਦਾ ਹੈ ਕਿ ਅੰਦਰੂਨੀ ਹਿੱਸੇ 'ਤੇ ਟੈਲਕ ਪਾਊਡਰ ਲਗਾਉਣ ਨਾਲ ਅੰਡਕੋਸ਼ ਦੇ ਕੈਂਸਰ ਦਾ ਖ਼ਤਰਾ ਵਧ ਸਕਦਾ ਹੈ। ਪਰ 2020 ਵਿੱਚ ਪ੍ਰਕਾਸ਼ਿਤ ਇੱਕ ਵੱਡੇ ਅਧਿਐਨ ਸਮੇਤ ਬਹੁਤ ਸਾਰੇ ਅਧਿਐਨ, ਇਸ ਦਾ ਸਮਰਥਨ ਨਹੀਂ ਕਰਦੇ ਹਨ। ਇੰਟਰਨੈਸ਼ਨਲ ਏਜੰਸੀ ਫਾਰ ਰਿਸਰਚ ਆਨ ਕੈਂਸਰ (IARC) ਦੇ ਅਨੁਸਾਰ, ਅੰਦਰੂਨੀ ਹਿੱਸੇ ਦੇ ਆਲੇ ਦੁਆਲੇ ਟੈਲਕ-ਅਧਾਰਿਤ ਬੇਬੀ ਪਾਊਡਰ ਦੀ ਵਰਤੋਂ ਨਾਲ ਕੁਝ ਨਹੀਂ ਹੁੰਦਾ। ਮੇਸੋਥੈਲੀਓਮਾ ਕੈਂਸਰ ਨਾਲ ਜੁੜਿਆ ਹੋਇਆ ਹੈ ਕਿਉਂਕਿ ਐਸਬੈਸਟਸ ਐਕਸਪੋਜਰ ਫੇਫੜਿਆਂ ਦੇ ਕੈਂਸਰ ਨਾਲ ਜੁੜਿਆ ਹੋਇਆ ਹੈ। ਇਸ ਲਈ ਬੇਬੀ ਪਾਊਡਰ ਵਿੱਚ ਐਸਬੈਸਟਸ ਨਹੀਂ ਮਿਲਾਇਆ ਜਾਂਦਾ।
ਕੀ ਸਿਹਤ ਮਾਹਿਰ ਕਿਸੇ ਵੀ ਕਿਸਮ ਦਾ ਬੇਬੀ ਪਾਊਡਰ ਵਰਤਣ ਦੀ ਸਲਾਹ ਦਿੰਦੇ ਹਨ?
'ਅਮਰੀਕਨ ਅਕੈਡਮੀ ਆਫ ਪੀਡੀਆਟ੍ਰਿਕਸ' ਨੇ ਲੰਬੇ ਸਮੇਂ ਤੋਂ ਬੱਚਿਆਂ 'ਤੇ ਪਾਊਡਰ ਦੀ ਵਰਤੋਂ ਕਰਨ ਤੋਂ ਮਨ੍ਹਾ ਕੀਤਾ ਹੋਇਆ ਹੈ। ਕਈ ਡਾਕਟਰਾਂ ਦਾ ਇਹ ਵੀ ਕਹਿਣਾ ਹੈ ਕਿ ਇਸ ਨਾਲ ਸਾਹ ਲੈਣ ਵਿੱਚ ਤਕਲੀਫ਼ ਹੁੰਦੀ ਹੈ, ਨਾਲ ਹੀ ਕੈਂਸਰ ਦਾ ਖਤਰਾ ਵੀ ਵੱਧ ਜਾਂਦਾ ਹੈ। ਦੋਹਾਂ ਦਾ ਕਾਰਨ ਟੈਲਕ ਹੁੰਦਾ ਹੈ ਪਰ ਕਾਰਨਸਟਾਰਚ ਪਾਊਡਰ ਬਾਰੇ ਕੀ? ਸਿਹਤ ਮਾਹਿਰ ਸਪਿਨਰ ਦੇ ਅਨੁਸਾਰ, ਜੇਕਰ ਤੁਹਾਨੂੰ ਦੋਵਾਂ ਵਿੱਚੋਂ ਇੱਕ ਚੁਣਨ ਲਈ ਕਿਹਾ ਜਾਵੇ, ਤਾਂ ਕਾਰਨਸਟਾਰਚ ਬੇਬੀ ਪਾਊਡਰ ਬਿਹਤਰ ਹੈ। ਵੈਸੇ ਤਾਂ ਪਾਊਡਰ ਤੋਂ ਬਚ ਕੇ ਹੀ ਰਹਿਣਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ: Bananas At Night: ਰਾਤ ਨੂੰ ਕੇਲਾ ਖਾਣ ਤੋਂ ਕਿਉਂ ਇਨਕਾਰ ਕਰਦੀਆਂ ਹਨ ਮਾਵਾਂ ? ਕੀ ਹੈ ਇਸ ਦੇ ਪਿੱਛੇ ਵਿਗਿਆਨਕ ਕਾਰਨ
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
