ਆਸਾਨੀ ਨਾਲ ਟੁੱਟ ਰਹੇ ਨਹੁੰ, ਤਾਂ ਸਮਝ ਲਓ ਇਸ ਚੀਜ਼ ਦੀ ਕਮੀਂ, ਤੁਰੰਤ ਕਰੋ ਆਹ ਕੰਮ
ਸੁੱਕੇ ਅਤੇ ਜਲਦੀ ਟੁੱਟਣ ਵਾਲੇ ਨਹੁੰ ਥਾਇਰਾਇਡ ਦੀ ਬਿਮਾਰੀ ਦੇ ਲੱਛਣ ਹੋ ਸਕਦੇ ਹਨ। ਟੁੱਟੇ ਹੋਏ ਪੀਲੇ ਨਹੁੰਆਂ ਦਾ ਮਤਲਬ ਇਨਫੈਕਸ਼ਨ ਹੋ ਸਕਦਾ ਹੈ। ਜੇਕਰ ਸਰੀਰ ਨੂੰ ਲੋੜੀਂਦੀ ਆਕਸੀਜਨ ਨਹੀਂ ਮਿਲਦੀ ਤਾਂ ਨਹੁੰਆਂ ਦਾ ਰੰਗ ਨੀਲਾ ਹੋ ਜਾਂਦਾ ਹੈ।
Nail Weakness Causes : ਜੇਕਰ ਨਹੁੰ ਅਚਾਨਕ ਟੁੱਟਣ ਲੱਗ ਜਾਣ ਤਾਂ ਇਸ ਨੂੰ ਨਜ਼ਰਅੰਦਾਜ਼ ਨਹੀਂ ਕਰਨਾ ਚਾਹੀਦਾ। ਸਮੇਂ ਸਿਰ ਇਸਦਾ ਕਾਰਨ ਜਾਣਨਾ ਬਹੁਤ ਜ਼ਰੂਰੀ ਹੈ। ਕਿਉਂਕਿ ਨਹੁੰ ਟੁੱਟਣਾ ਨਾਰਮਲ ਨਹੀਂ ਹੁੰਦਾ ਹੈ। ਚਮੜੀ ਦੇ ਮਾਹਿਰਾਂ ਦੇ ਅਨੁਸਾਰ, ਆਇਰਨ, ਜ਼ਿੰਕ ਅਤੇ ਹੋਰ ਬਹੁਤ ਸਾਰੇ ਪੌਸ਼ਟਿਕ ਤੱਤਾਂ ਦੀ ਕਮੀ ਕਾਰਨ ਨਹੁੰ ਟੁੱਟ ਸਕਦੇ ਹਨ। ਇਸ ਲਈ, ਸਹੀ ਖੁਰਾਕ ਅਤੇ ਨਿਯਮਤ ਦੇਖਭਾਲ ਨਾਲ ਤੁਸੀਂ ਨਹੁੰਆਂ ਨੂੰ ਟੁੱਟਣ ਤੋਂ ਰੋਕ ਸਕਦੇ ਹੋ। ਆਓ ਜਾਣਦੇ ਹਾਂ ਕਿਸ ਦੀ ਕਮੀ ਕਾਰਨ ਨਹੁੰ ਟੁੱਟਦੇ ਹਨ...
ਇਨ੍ਹਾਂ ਚੀਜ਼ਾਂ ਦੀ ਕਮੀਂ ਨਾਲ ਟੁੱਟਦੇ ਨਹੂੰ
ਵਿਟਾਮਿਨ B7, ਜਿਸ ਨੂੰ ਬਾਇਓਟਿਨ ਵੀ ਕਿਹਾ ਜਾਂਦਾ ਹੈ, ਨਹੁੰਆਂ ਦੀ ਸਿਹਤ ਲਈ ਬਹੁਤ ਮਹੱਤਵਪੂਰਨ ਹੈ। ਇਸ ਦੀ ਕਮੀ ਕਾਰਨ ਨਹੁੰ ਟੁੱਟਣ ਲੱਗ ਜਾਂਦੇ ਹਨ, ਉਨ੍ਹਾਂ ਦਾ ਰੰਗ ਬਦਲ ਜਾਂਦਾ ਹੈ ਅਤੇ ਉਹ ਠੀਕ ਤਰ੍ਹਾਂ ਵੱਧ ਨਹੀਂ ਪਾਉਂਦੇ। ਇਸ ਲਈ ਇਸ ਦੀ ਕਮੀ ਨੂੰ ਪੂਰਾ ਕਰਨ ਲਈ ਤੁਸੀਂ ਭੋਜਨ 'ਚ ਅੰਡਾ, ਦੁੱਧ, ਪਨੀਰ, ਮੀਟ, ਮੱਛੀ, ਸਾਬਤ ਅਨਾਜ, ਹਰੀਆਂ ਸਬਜ਼ੀਆਂ, ਮੇਵੇ ਅਤੇ ਬੀਜ ਸ਼ਾਮਲ ਕਰ ਸਕਦੇ ਹੋ।
ਵਿਟਾਮਿਨ ਈ ਦੀ ਕਮੀ
ਵਿਟਾਮਿਨ ਈ ਇੱਕ ਐਂਟੀਆਕਸੀਡੈਂਟ ਹੈ ਜੋ ਨਹੁੰਆਂ ਦੀ ਸਿਹਤ ਲਈ ਬਹੁਤ ਮਹੱਤਵਪੂਰਨ ਹੈ। ਇਸ ਦੀ ਕਮੀ ਨਾਲ ਨਹੁੰ ਟੁੱਟਣ, ਨਹੁੰਆਂ ਦੇ ਰੰਗ 'ਚ ਬਦਲਾਅ ਅਤੇ ਨਹੁੰਆਂ ਦਾ ਹੌਲੀ ਵਿਕਾਸ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਇਸ ਕਮੀ ਨੂੰ ਪੂਰਾ ਕਰਨ ਲਈ ਬਾਦਾਮ, ਅਖਰੋਟ, ਪਿਸਤਾ, ਸੂਰਜਮੁਖੀ ਦੇ ਬੀਜ, ਮੂੰਗਫਲੀ, ਹਰੀਆਂ ਸਬਜ਼ੀਆਂ ਅਤੇ ਫਲਾਂ ਨੂੰ ਖੁਰਾਕ ਵਿੱਚ ਸ਼ਾਮਲ ਕੀਤਾ ਜਾ ਸਕਦਾ ਹੈ।
ਆਇਰਨ ਦੀ ਕਮੀ
ਆਇਰਨ ਦੀ ਕਮੀ ਕਾਰਨ ਨਹੁੰ ਵੀ ਟੁੱਟਣ ਲੱਗ ਪੈਂਦੇ ਹਨ। ਇਸ ਕਾਰਨ ਨਹੁੰਆਂ ਦਾ ਰੰਗ ਬਦਲਣਾ ਸ਼ੁਰੂ ਹੋ ਜਾਂਦਾ ਹੈ ਅਤੇ ਨਹੁੰਆਂ ਵਧਣੋ ਹੱਟ ਜਾਂਦੇ ਹਨ। ਇਸ ਦੀ ਕਮੀ ਨੂੰ ਪੂਰਾ ਕਰਨ ਲਈ ਰੈੱਡ ਮੀਟ, ਚਿਕਨ, ਮੱਛੀ, ਅੰਡਾ, ਦੁੱਧ, ਪਨੀਰ, ਸਾਬਤ ਅਨਾਜ, ਹਰੀਆਂ ਸਬਜ਼ੀਆਂ ਅਤੇ ਫਲ ਖਾ ਸਕਦੇ ਹਨ।
ਨਹੁੰਆਂ ਨੂੰ ਮਜਬੂਤ ਅਤੇ ਖੂਬਸੂਰਤ ਬਣਾਉਣ ਲਈ ਕੀ ਕਰਨਾ ਚਾਹੀਦਾ
1. ਨਹੁੰਆਂ ਦੀ ਦੇਖਭਾਲ ਲਈ ਨਿਯਮਿਤ ਤੌਰ 'ਤੇ ਮੋਇਸਚਰਾਈਜ਼ ਕਰੋ।
2. ਯੋਗਾ ਅਤੇ ਕਸਰਤ ਕਰੋ।
3. ਨਿਯਮਿਤ ਤੌਰ 'ਤੇ ਨਹੁੰ ਕੱਟੋ ਅਤੇ ਫਾਈਲ ਕਰੋ।
4. ਤਾਜ਼ੇ ਸੰਤਰੇ ਦੇ ਛਿਲਕਿਆਂ 'ਚ ਛੇਦ ਕਰਕੇ ਨਹੁੰਆਂ 'ਤੇ ਰਗੜੋ।
5. ਇਕ ਕਟੋਰੀ 'ਚ ਇਕ ਕੱਪ ਗਰਮ ਦੁੱਧ ਲਓ ਅਤੇ ਨਹੁੰਆਂ ਨੂੰ 5 ਮਿੰਟ ਲਈ ਭਿਓ ਦਿਓ।
6. ਹੱਥਾਂ ਨੂੰ ਗਿੱਲੇ ਕਰਨ ਲਈ ਗਰਮ ਪਾਣੀ ਦੀ ਵਰਤੋਂ ਨਾ ਕਰੋ।
Disclaimer: ਖਬਰ 'ਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਆਧਾਰਿਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
