ਗੰਨੇ ਦਾ ਰਸ ਪੀਣ ਦੇ ਸ਼ੌਕੀਨ ਲੋਕ ਹੋ ਜਾਓ ਸਾਵਧਾਨ, ਮੋਟਾਪੇ ਤੋਂ ਲੈ ਕੇ ਸ਼ੂਗਰ ਤੱਕ ਵਧ ਸਕਦੈ ਖ਼ਤਰਾ
ਗਰਮੀਆਂ ਦੇ ਮੌਸਮ ਆਉਣ ਨਾਲ ਹੀ ਲੋਕਾਂ ਦੇ ਵਿੱਚ ਗੰਨੇ ਦੇ ਰਸ ਦਾ ਸੇਵਨ ਵੱਧ ਜਾਂਦਾ ਹੈ। ਇਹ ਸਿਹਤਮੰਦ ਹੋਣ ਦੇ ਨਾਲ ਗਰਮੀ ਤੋਂ ਵੀ ਬਚਾਉਂਦਾ ਹੈ। ਪਰ ਫਾਇਦੇਮੰਦ ਹੋਣ ਦੇ ਨਾਲ ਇਸ ਦੇ ਸੇਵਨ ਨਾਲ ਮਾੜੇ ਪ੍ਰਭਾਵ ਵੀ ਹਨ। ਆਓ ਜਾਣਦੇ ਹਾਂ ਕਿਹੜੇ
ਗਰਮੀਆਂ ਦੇ ਮੌਸਮ ਵਿੱਚ ਲੋਕ ਅਕਸਰ ਤੇਜ਼ ਧੁੱਪ ਅਤੇ ਤੇਜ਼ ਪਿਆਸ ਤੋਂ ਰਹਾਤ ਪਾਉਣ ਲਈ ਗੰਨੇ ਦਾ ਰਸ ਪੀਣਾ ਪਸੰਦ ਕਰਦੇ ਹਨ। ਠੰਡੀ ਤਾਸੀਰ ਵਾਲੇ ਗੰਨੇ ਦੇ ਰਸ ਵਿੱਚ ਕੈਲਸ਼ੀਅਮ, ਕਾਪਰ, ਮੈਗਨੀਸ਼ੀਅਮ, ਮੈਗਨੀਜ, ਆਇਰਨ ਅਤੇ ਪੋਟਾਸਿਯਮ ਵਰਗੇ ਅਹਿਮ ਖਣਿਜਾਂ ਦੇ ਨਾਲ ਨਾਲ ਵਿਟਾਮਿਨ A, B1, B2, B3 ਅਤੇ C ਵਰਗੇ ਪੋਸ਼ਕ ਤੱਤ ਵਾਫ਼ਰ ਮਾਤਰਾ ਵਿੱਚ ਪਾਏ ਜਾਂਦੇ ਹਨ, ਜੋ ਸਿਹਤ ਲਈ ਬੇਹਦ ਲਾਭਦਾਇਕ ਮੰਨੇ ਜਾਂਦੇ ਹਨ। ਇਸਦੇ ਬਾਵਜੂਦ ਕੀ ਤੁਸੀਂ ਜਾਣਦੇ ਹੋ ਕਿ ਕੁਝ ਲੋਕਾਂ ਲਈ ਗੰਨੇ ਦਾ ਰਸ ਲਾਭ ਦੀ ਥਾਂ ਸਿਹਤ ਸਬੰਧੀ ਸਮੱਸਿਆਵਾਂ ਦਾ ਕਾਰਨ ਵੀ ਬਣ ਸਕਦਾ ਹੈ? ਕਈ ਅਧਿਐਨ ਦੱਸਦੇ ਹਨ ਕਿ ਗੰਨੇ ਵਿੱਚ ਮੌਜੂਦ ਪੋਲੀਕੋਸੈਨੌਲ ਨਾਮਕ ਰਸਾਇਣ ਦਾ ਲੰਬੇ ਸਮੇਂ ਤੱਕ ਸੇਵਨ ਅਨਿਦਰਾ, ਪੇਟ ਦੀ ਗੜਬੜ, ਚੱਕਰ ਆਉਣ, ਸਿਰ ਦਰਦ ਅਤੇ ਮੋਟਾਪੇ ਦੇ ਖ਼ਤਰੇ ਨੂੰ ਵਧਾ ਸਕਦਾ ਹੈ। ਆਓ ਜਾਣੀਏ ਕਿ ਕਿਹੜੇ ਲੋਕਾਂ ਨੂੰ ਗੰਨੇ ਦੇ ਰਸ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ।
ਇਹ ਲੋਕ ਨਾ ਪੀਣ ਗੰਨੇ ਦਾ ਰਸ
ਮੋਟਾਪਾ
ਗੰਨੇ ਦੇ ਰਸ ਵਿੱਚ ਕੈਲੋਰੀਆਂ ਅਤੇ ਚੀਨੀ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ, ਜਿਸ ਕਰਕੇ ਇਹ ਵਿਅਕਤੀ ਲਈ ਮੋਟਾਪੇ ਦਾ ਖ਼ਤਰਾ ਵਧਾ ਸਕਦਾ ਹੈ। ਕਈ ਖੋਜਾਂ ਦੱਸਦੀਆਂ ਹਨ ਕਿ ਗੰਨੇ ਦੇ ਰਸ ਵਿੱਚ ਲਗਭਗ 270 ਕੈਲੋਰੀਆਂ ਅਤੇ ਲਗਭਗ 100 ਗ੍ਰਾਮ ਚੀਨੀ ਹੋ ਸਕਦੀ ਹੈ। ਐਸੇ ਵਿੱਚ, ਜੇ ਇਸ ਦਾ ਨਿਯਮਤ ਸੇਵਨ ਕੀਤਾ ਜਾਵੇ, ਤਾਂ ਮੋਟਾਪੇ ਦਾ ਖ਼ਤਰਾ ਕਾਫੀ ਵਧ ਸਕਦਾ ਹੈ।
ਸ਼ੂਗਰ (ਡਾਇਬਟੀਜ਼)
ਜਿਨ੍ਹਾਂ ਲੋਕਾਂ ਨੂੰ ਸ਼ੂਗਰ ਦੀ ਬਿਮਾਰੀ ਹੈ, ਉਹਨਾਂ ਨੂੰ ਗੰਨੇ ਦੇ ਰਸ ਦੇ ਸੇਵਨ ਤੋਂ ਬਚਣਾ ਚਾਹੀਦਾ ਹੈ ਕਿਉਂਕਿ ਇਸ ਵਿੱਚ ਕੁਦਰਤੀ ਤੌਰ 'ਤੇ ਬਹੁਤ ਜ਼ਿਆਦਾ ਮਿਠਾਸ ਹੁੰਦੀ ਹੈ, ਜੋ ਰਕਤ ਸ਼ੂਗਰ ਦੀ ਪੱਧਰ ਨੂੰ ਤੇਜ਼ੀ ਨਾਲ ਵਧਾ ਸਕਦੀ ਹੈ।
ਕੋਲੈਸਟ੍ਰੋਲ
ਜੇਕਰ ਤੁਹਾਡਾ ਕੋਲੈਸਟ੍ਰੋਲ ਪਹਿਲਾਂ ਤੋਂ ਹੀ ਵਧਿਆ ਹੋਇਆ ਹੈ ਤਾਂ ਗੰਨੇ ਦੇ ਰਸ ਦਾ ਸੇਵਨ ਕਰਨ ਤੋਂ ਬਚੋ। ਇਸ ਦੇ ਨਿਯਮਤ ਸੇਵਨ ਨਾਲ ਬੈਡ ਕੋਲੇਸਟ੍ਰੋਲ (LDL) ਦੀ ਮਾਤਰਾ ਵਧ ਸਕਦੀ ਹੈ। ਅਸਲ ਵਿੱਚ, ਜ਼ਿਆਦਾ ਚੀਨੀ ਦੇ ਸੇਵਨ ਨਾਲ ਜਿਗਰ (ਲੀਵਰ) ਨੂੰ LDL ਕੋਲੈਸਟ੍ਰੋਲ ਬਣਾਉਣ ਵਿੱਚ ਮਦਦ ਮਿਲਦੀ ਹੈ, ਜਿਸ ਨਾਲ HDL ਕੋਲੈਸਟ੍ਰੋਲ (ਗੁੱਡ ਕੋਲੈਸਟ੍ਰੋਲ) ਦੀ ਮਾਤਰਾ ਘੱਟ ਹੋ ਸਕਦੀ ਹੈ।
ਅਨਿਦਰਾ ਦੀ ਸ਼ਿਕਾਇਤ
ਜੇ ਤੁਹਾਨੂੰ ਪਹਿਲਾਂ ਤੋਂ ਹੀ ਤਣਾਅ ਜਾਂ ਅਨਿਦਰਾ (ਨੀਂਦ ਨਾ ਆਉਣ) ਦੀ ਸਮੱਸਿਆ ਰਹਿੰਦੀ ਹੈ ਤਾਂ ਗੰਨੇ ਦੇ ਰਸ ਦਾ ਜ਼ਿਆਦਾ ਸੇਵਨ ਨਾ ਕਰੋ। ਗੰਨੇ ਦੇ ਰਸ ਵਿੱਚ ਮੌਜੂਦ ਪੋਲੀਕੋਸੈਨੌਲ ਨਾਮਕ ਤੱਤ ਨੀਂਦ ਨਾ ਆਉਣ ਦਾ ਕਾਰਨ ਬਣ ਸਕਦਾ ਹੈ, ਜਿਸ ਨਾਲ ਵਿਅਕਤੀ ਨੂੰ ਅਨਿਦਰਾ ਦੀ ਸਮੱਸਿਆ ਹੋ ਸਕਦੀ ਹੈ।
ਦੰਦਾਂ ਵਿੱਚ ਕੀੜਾ (ਕੈਵੀਟੀ)
ਗੰਨੇ ਦਾ ਰਸ ਜ਼ਿਆਦਾ ਮਾਤਰਾ ਵਿੱਚ ਪੀਣ ਨਾਲ ਦੰਦਾਂ ਵਿੱਚ ਕੈਵੀਟੀ (ਕੀੜਾ) ਦੀ ਸਮੱਸਿਆ ਹੋ ਸਕਦੀ ਹੈ। ਦੱਸਣਯੋਗ ਗੱਲ ਇਹ ਹੈ ਕਿ ਗੰਨੇ ਦੀ ਮਿਠਾਸ ਕੈਵੀਟੀ ਦਾ ਮੁੱਖ ਕਾਰਨ ਬਣ ਸਕਦੀ ਹੈ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
