Syphilis Virus: ਦੁਨੀਆ 'ਤੇ ਮੰਡਰਾ ਰਿਹਾ ਨਵਾਂ ਖਤਰਾ! ਟੋਕੀਓ 'ਚ ਸਿਫਿਲਿਸ ਵਾਇਰਸ ਨੇ ਮਚਾਈ ਤਬਾਹੀ, ਨਵਜੰਮੇ ਬੱਚੇ ਵੀ ਹੋ ਰਹੇ ਇਸ ਦਾ ਸ਼ਿਕਾਰ, ਜਾਣੋ ਕੀ ਹਨ ਲੱਛਣ

Syphilis Virus:ਦੁਨੀਆ ਦੇ ਵਿੱਚ ਇੱਕ ਹੋਰ ਨਵੇਂ ਵਾਇਰਸ ਨੇ ਦਸਤਕ ਦੇ ਦਿੱਤੀ ਹੈ। ਇਹ ਵਾਇਰਸ ਜਾਪਾਨ ਦੇ ਵੱਡੇ ਸ਼ਹਿਰਾਂ ਵਿੱਚ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਹੁਣ ਤੱਕ ਇਕੱਲੇ ਰਾਜਧਾਨੀ ਟੋਕੀਓ ਵਿੱਚ ਇਸ ਬਿਮਾਰੀ ਦੇ 2500

( Image Source : Freepik )

Source : freepik

Syphilis Virus: ਕੋਵਿਡ ਮਹਾਂਮਾਰੀ ਤੋਂ ਬਾਅਦ ਹੁਣ ਇੱਕ ਹੋਰ ਖਾਤਕ ਵਾਇਰਸ ਨੇ ਦੁਨੀਆ ਨੂੰ ਆਪਣੀ ਗ੍ਰਿਫਤ ਦੇ ਵਿੱਚ ਲੈਣਾ ਸ਼ੁਰੂ ਕਰ ਦਿੱਤਾ ਹੈ। ਜੀ ਹਾਂ ਸਿਫਿਲਿਸ  ਵਾਇਰਸ ਜਾਪਾਨ ਦੇ ਵੱਡੇ ਸ਼ਹਿਰਾਂ ਵਿੱਚ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਹੁਣ ਤੱਕ ਇਕੱਲੇ ਰਾਜਧਾਨੀ ਟੋਕੀਓ ਵਿੱਚ ਇਸ ਬਿਮਾਰੀ ਦੇ 2500 ਤੋਂ ਵੱਧ ਮਾਮਲੇ ਸਾਹਮਣੇ ਆਏ ਹਨ, ਕਿਹਾ ਜਾ ਰਿਹਾ ਹੈ ਕਿ ਜਿਨਸੀ ਸੰਪਰਕ ਨਾਲ ਫੈਲਣ ਵਾਲੀ ਇਸ ਬਿਮਾਰੀ ਦੇ ਲਗਭਗ 70 ਪ੍ਰਤੀਸ਼ਤ ਪੀੜਤ ਪੁਰਸ਼ ਹਨ।

ਨਵਜੰਮ ਬੱਚੇ ਵੀ ਹੋ ਰਹੇ ਇਸ ਦਾ ਸ਼ਿਕਾਰ

ਸਿਫਿਲਿਸ ਵਾਇਰਸ ਜ਼ਿਆਦਾਤਰ 20 ਤੋਂ 50 ਸਾਲ ਦੀ ਉਮਰ ਦੇ ਮਰਦਾਂ ਦੇ ਨਾਲ-ਨਾਲ 20 ਤੋਂ 30 ਸਾਲ ਦੀ ਉਮਰ ਦੀਆਂ ਔਰਤਾਂ ਨੂੰ ਸੰਕਰਮਿਤ ਕਰਦਾ ਹੈ। ਬੱਚੇ ਖਾਸ ਕਰਕੇ ਨਵਜੰਮੇ ਬੱਚੇ ਵੀ ਇਸ ਦਾ ਸ਼ਿਕਾਰ ਹੋ ਰਹੇ ਹਨ। ਆਓ ਜਾਣਦੇ ਹਾਂ Syphilis Virus ਹੈ ਕੀ ? ਇਹ ਕਿਵੇਂ ਫੈਲਦਾ ਹੈ ਅਤੇ ਇਸਦੇ ਲੱਛਣ ਕੀ ਹਨ।

 

Syphilis Virus ਕੀ ਹੈ? 

ਸਿਫਿਲਿਸ ਇੱਕ ਵਾਇਰਸ ਹੈ ਜੋ ਟ੍ਰੈਪੋਨੇਮਾ ਪੈਲੀਡਮ ਨਾਮਕ ਬੈਕਟੀਰੀਆ ਕਾਰਨ ਹੁੰਦਾ ਹੈ ਜੋ ਅਕਸਰ ਜਿਨਸੀ ਸੰਪਰਕ ਦੁਆਰਾ ਇੱਕ ਵਿਅਕਤੀ ਤੋਂ ਦੂਜੇ ਵਿਅਕਤੀ ਵਿੱਚ ਫੈਲਦਾ ਹੈ। ਇਸ ਵਾਇਰਸ ਦੇ ਫੈਲਣ ਦੇ ਕਈ ਪੜਾਅ ਹੁੰਦੇ ਹਨ। ਪ੍ਰਾਇਮਰੀ ਸਿਫਿਲਿਸ ਵਿੱਚ, ਸੰਕਰਮਿਤ ਵਿਅਕਤੀ ਦੇ ਗੁਪਤ ਅੰਗ, ਮੂੰਹ, ਜੀਭ ਜਾਂ ਕੱਛ 'ਤੇ ਜ਼ਖ਼ਮ ਜਾਂ ਮੁਹਾਂਸੇ ਹੁੰਦੇ ਹਨ ਜਿਸ ਨਾਲ ਦਰਦ ਨਹੀਂ ਹੁੰਦਾ।

ਆਮ ਤੌਰ 'ਤੇ ਲੋਕ ਇਸ ਨੂੰ ਨਜ਼ਰਅੰਦਾਜ਼ ਕਰਦੇ ਹਨ। ਬਾਅਦ ਦੇ ਪੜਾਅ 'ਤੇ, ਚਮੜੀ 'ਤੇ ਧੱਫੜ ਦਿਖਾਈ ਦਿੰਦੇ ਹਨ, ਲਿੰਫ ਨੋਡਸ ਸੁੱਜ ਜਾਂਦੇ ਹਨ, ਬੁਖਾਰ ਦੇ ਨਾਲ ਕਮਜ਼ੋਰੀ ਆਉਂਦੀ ਹੈ, ਇਸ ਦੇ ਨਾਲ, ਵਿਅਕਤੀ ਦੇ ਵਾਲ ਝੜਨੇ ਸ਼ੁਰੂ ਹੋ ਜਾਂਦੇ ਹਨ। ਗੰਭੀਰ ਮਾਮਲਿਆਂ ਵਿੱਚ, ਇਸਦਾ ਦਿਲ, ਦਿਮਾਗ ਅਤੇ ਖੂਨ ਦੇ ਸੈੱਲਾਂ 'ਤੇ ਮਾੜਾ ਪ੍ਰਭਾਵ ਪੈਂਦਾ ਹੈ। ਇਸ ਦੇ ਕਿਸੇ ਵੀ ਪੜਾਅ ਵਿੱਚ ਸਿਫਿਲਿਸ ਦਿਮਾਗੀ ਪ੍ਰਣਾਲੀ ਦੇ ਨਾਲ-ਨਾਲ ਅੱਖਾਂ ਅਤੇ ਕੰਨਾਂ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਕਰ ਸਕਦਾ ਹੈ।

ਸਿਫਿਲਿਸ ਦੇ ਲੱਛਣ ਕੀ ਹਨ?  

Syphilis ਦੇ ਲੱਛਣਾਂ ਵਿੱਚ ਸ਼ਾਮਲ ਹਨ ਬੁਖਾਰ, ਚਮੜੀ ਦੇ ਧੱਫੜ, ਭਾਰ ਘਟਣਾ, ਵਾਲਾਂ ਦਾ ਡਿੱਗਣਾ, ਗਲੇ ਵਿੱਚ ਖਰਾਸ਼, ਥਕਾਵਟ, ਮਾਸਪੇਸ਼ੀਆਂ ਵਿੱਚ ਦਰਦ, ਸਿਰ ਦਰਦ, ਲਿੰਫ ਨੋਡਾਂ ਵਿੱਚ ਸੁੱਜਣਾ ਆਦਿ। ਜੇਕਰ ਕੋਈ ਗਰਭਵਤੀ ਔਰਤ ਸਿਫਿਲਿਸ ਦੀ ਲਪੇਟ ਵਿੱਚ ਆ ਜਾਂਦੀ ਹੈ ਤਾਂ ਉਸਦਾ ਅਣਜੰਮਿਆ ਬੱਚਾ ਵੀ ਇਸ ਵਾਇਰਸ ਦਾ ਸ਼ਿਕਾਰ ਹੋ ਜਾਂਦਾ ਹੈ। ਅਜਿਹੀ ਸਥਿਤੀ ਵਿੱਚ ਬੱਚੇ ਦੇ ਸਮੇਂ ਤੋਂ ਪਹਿਲਾਂ ਜਨਮ, ਜਨਮ ਸਮੇਂ ਮੌਤ ਅਤੇ ਜਨਮ ਸਮੇਂ ਘੱਟ ਵਜ਼ਨ ਦੀ ਸੰਭਾਵਨਾ ਹੁੰਦੀ ਹੈ।

 

ਬੱਚਿਆਂ ਵਿੱਚ ਡਰਾਉਣੇ ਵਾਲੇ ਲੱਛਣ ਦਿਖਾਈ ਦਿੰਦੇ ਹਨ

ਅਜਿਹੇ ਬੱਚਿਆਂ ਦੇ ਸਰੀਰ 'ਤੇ ਲਾਲ ਧੱਫੜ ਨਜ਼ਰ ਆਉਂਦੇ ਹਨ। ਕੁਝ ਸਮੇਂ ਬਾਅਦ, ਸੰਕਰਮਿਤ ਬੱਚਿਆਂ ਦੀ ਸੁਣਨ ਦੀ ਸਮਰੱਥਾ ਘਟਣ ਲੱਗਦੀ ਹੈ ਅਤੇ ਅੱਖਾਂ ਵਿੱਚ ਸੋਜ ਆਉਣ ਲੱਗਦੀ ਹੈ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਸਿਫਿਲਿਸ ਇੱਕ ਵਾਇਰਸ ਹੈ ਜੋ ਲੰਬੇ ਸਮੇਂ ਵਿੱਚ ਵਿਕਸਤ ਹੁੰਦਾ ਹੈ ਅਤੇ ਆਪਣੇ ਆਖਰੀ ਪੜਾਅ ਵਿੱਚ ਘਾਤਕ ਸਾਬਤ ਹੁੰਦਾ ਹੈ। ਜੇਕਰ ਇਸ ਦੇ ਸ਼ੁਰੂਆਤੀ ਲੱਛਣਾਂ ਦੀ ਪਛਾਣ ਕੀਤੀ ਜਾਂਦੀ ਹੈ ਅਤੇ ਸਮੇਂ ਸਿਰ ਇਲਾਜ ਕੀਤਾ ਜਾਂਦਾ ਹੈ, ਤਾਂ ਵਿਅਕਤੀ ਠੀਕ ਹੋ ਸਕਦਾ ਹੈ।

 

Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।